ନୂଆଦିଲ୍ଲୀ: ପଞ୍ଜାବର ରାଜନୀତି ସହ ଜଡିତ ବଡ ଖବର ସାମ୍ନାକୁ ଆସିଛି। ନିକଟରେ ଆମ୍ ଆଦମୀ ପାର୍ଟି (ଏଏପି) ଛାଡିବା ପରେ କଂଗ୍ରେସରେ ଯୋଗ ଦେଇଥିବା ବିଧାୟକ ସୁଖପାଲ ସିଂ ଖେରାଙ୍କୁ ଅର୍ଥ ହେରଫେର ମାମଲାରେ ଜଲନ୍ଧର ଇଡି ଗିରଫ କରିଛି। ଏହି ମାମଲାରେ ଚାଲିଥିବା ପଚରାଉଚରା ବେଳେ ସୁଖପାଲ ଖେରାଙ୍କୁ ଗିରଫ କରାଯାଇଛି।
୨୦୧୫ ମସିହାରେ ପଞ୍ଜାବର ଫାଜିଲ୍କାରେ ଡ୍ରଗ୍ ଚୋରା ଚାଲାଣ ମାମଲାରେ ସୁଖପାଲ ଖେରାଙ୍କୁ ଟଙ୍କା ହେରଫେର ଅଭିଯୋଗ ହୋଇଥିଲା, ଯାହା ଇଡି ଦ୍ୱାରା ଅନୁସନ୍ଧାନ କରାଯାଉଛି। ସେ ୨୦୧୭ ରେ ଏଏପି ଦଳରୁ ରାଜ୍ୟସଭାକୁ ନିର୍ବାଚିତ ହୋଇଥିଲେ। ବର୍ତ୍ତମାନ ସେ କଂଗ୍ରେସରେ ଯୋଗ ଦେଇଛନ୍ତି।