ଭୁବନେଶ୍ବର: କରୋନାର ଦ୍ରୁତ ସଂକ୍ରମଣକୁ ଦେଖି ଭୁବନେଶ୍ଵର ମହାନଗର ନିଗମ ପକ୍ଷରୁ ଅନେକ ପଦକ୍ଷେପ ଗ୍ରହଣ କରାଯାଉଛି। ବିମାନ ବନ୍ଦରରେ ଆସୁଥିବା ଯାତ୍ରୀଙ୍କୁ କରୋନା ପରୀକ୍ଷା ବାଧ୍ୟତାମୂଳକ କରିଥିବା ବେଳେ ଏଣିକି ରେଲୱେ ଷ୍ଟେସନରେ ମଧ୍ୟ କରୋନା ପରୀକ୍ଷା କରିବା ଲାଗି ନିଷ୍ପତ୍ତି ନେଇଛି। ରେଲୱେ ଷ୍ଟେସନରେ କରୋନା ପରୀକ୍ଷା କରିବା ପାଇଁ ଭୁବନେଶ୍ଵର ମହାନଗର ନିଗମ ନିଷ୍ପତ୍ତି ନେଇଛି।
ଭୁବନେଶ୍ଵର ରେଲୱେ ଷ୍ଟେସନକୁ ଆସୁଥିବା ସମସ୍ତ ଯାତ୍ରୀଙ୍କୁ କରୋନା ପରୀକ୍ଷା କରିବା ପାଇଁ ବିଏମସି ନିଷ୍ପତ୍ତି ନେଇଛି। ସେଥିପାଇଁ ଭୁବନେଶ୍ଵର ରେଲୱେ ଷ୍ଟେସନରେ ସ୍ଵତନ୍ତ୍ର ଟିମକୁ ନିଯୋଜିତ କରାଯିବ। ପ୍ରାୟ ୧୦ ହଜାର ଆରଟି-ପିସିଆର ଟେଷ୍ଟ କରିବା ପାଇଁ ଲକ୍ଷ୍ୟ ରଖାଯାଇଛି। ଏନେଇ ବିଏମସି କମିଶନର ସଞ୍ଜୟ ସିଂହ ସୂଚନା ଦେଇଛନ୍ତି।
