ଭୁବନେଶ୍ବର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାତ୍ୟା “ୟଶ୍”ର କ୍ଷୟକ୍ଷତି ସମୀକ୍ଷା କରିଛନ୍ତି। ବାତ୍ୟା “ୟଶ୍” ଯୋଗୁଁ ରାଜ୍ୟରେ ମୋଟ ୬୧୦ କୋଟି ଟଙ୍କା କ୍ଷତି ହୋଇଛି। ସରକାରୀ ଭିତ୍ତି ଭୂମିର କ୍ଷତି ପରିମାଣ ୫୨୦ କୋଟି ଟଙ୍କା ହୋଇଥିବା ବେଳେ ୯୦ କୋଟି ଟଙ୍କାର ବ୍ୟକ୍ତିଗତ ସମ୍ପତ୍ତି ନଷ୍ଟ ହୋଇଛି। ବାତ୍ୟାରେ ୧୧ ହଜାର ଗାଁର ମୋଟ ୬୦ ଲକ୍ଷ ପ୍ରଭାବିତ ହୋଇଛନ୍ତି। ରିଲିଫ ପାଇଁ ୬୬ କୋଟି ଟଙ୍କା ଆବଶ୍ୟକ ଥିବା ବେଳେ ଶକ୍ତି ବିଭାଗର କ୍ଷୟକ୍ଷତି ପରିମାଣ ୧୫୦ କୋଟି ଟଙ୍କା ରହିଛି। ସେହିଭଳି ସ୍କୁଲ ଘର, ଅଙ୍ଗନବାଡି, ପଞ୍ଚାୟତ ରାସ୍ତା କ୍ଷତି ପରିମାଣ ୨୭୭ କୋଟି ଟଙ୍କା ରହିଛି। ଏନେଇ ମୁଖ୍ୟ ସଚିବ ସୂଚନା ଦେଇଛନ୍ତି।
