ଥିରୁବନନ୍ତପୁରମ୍: କେରଳର ଜଣେ ବ୍ୟକ୍ତି ରବିବାର ଦିନ ୨୫ କୋଟି ଟଙ୍କା ମୂଲ୍ୟର ଓଣମ ବମ୍ପର ଲଟେରୀ ଜିତିଛନ୍ତି। ଏହି ବ୍ୟକ୍ତି ଜଣେ ଅଟୋ ରିକ୍ସା ଡ୍ରାଇଭର ଏବଂ ରୋଷେୟା ଭାବରେ କାମ କରିବାକୁ ମାଲେସିଆ ଯିବାକୁ ପ୍ରସ୍ତୁତ ହେଉଥିଲେ। ଏଠାରେ ଶ୍ରୀଭାରମର ବାସିନ୍ଦା ଅନୁପ ଲଟେରୀ ଜିତିବାର ଗୋଟିଏ ଦିନ ପୂର୍ବରୁ ଶନିବାର ଦିନ ଲଟେରୀ ଟିକେଟ କିଣିଥିଲେ। କୌତୁହଳର ବିଷୟ ହେଉଛି ୩ ଲକ୍ଷ ଟଙ୍କା ଋଣ ପାଇଁ ତାଙ୍କ ଆବେଦନକୁ ଗୋଟିଏ ଦିନ ପୂର୍ବରୁ ଅନୁମୋଦନ କରାଯାଇଥିଲା। ଉପସ୍ଥିତ ଥିବା ଗଣମାଧ୍ୟମ କର୍ମଚାରୀଙ୍କୁ ସେ କହିଛନ୍ତି ଯେ, ସେ ଯେଉଁଠାରୁ ଲଟେରୀ ଟିକେଟ କିଣିଥିଲେ, ତାହା ତାଙ୍କର ପ୍ରଥମ ପସନ୍ଦ ନଥିଲା।
ସେ କହିଛନ୍ତି ଯେ, କିଣିଥିବା ପ୍ରଥମ ଟିକେଟ୍ ପସନ୍ଦ କରନଥିଲେ, ତେଣୁ ସେ ଦ୍ୱିତୀୟ ଟିକେଟ୍ କିଣିଥିଲେ। ମାଲେସିଆ ଯାତ୍ରା ଏବଂ ଋଣ ବିଷୟରେ ଅନୁପ କହିଛନ୍ତି ଯେ, “ଯେତେବେଳେ ବ୍ୟାଙ୍କ ଆଜି ଋଣ ଦେବା ପାଇଁ ଆଜି ଯୋଗାଯୋଗ କରଥିଲା, ମୋର ଆଉ ଦରକାର ନାହିଁ ବୋଲି କହିଥିଲି। ବର୍ତ୍ତମାନ ମୁଁ ମାଲେସିଆ ମଧ୍ୟ ଯିବି ନାହିଁ। “ସେ କହିଛନ୍ତି ଯେ ସେ ଗତ ୨୨ ବର୍ଷ ଧରି ଲଟେରୀ ଟିକେଟ୍ କିଣିଛନ୍ତି। କିନ୍ତୁ ସେ କିଛି ଶହ ଟଙ୍କା ରୁ ସର୍ବାଧିକ ପାଞ୍ଚ ହଜାର ଟଙ୍କା ପର୍ଯ୍ୟନ୍ତ ପାଇଛନ୍ତି।
ସେ କହିଛନ୍ତି, ମୁଁ ଜିତିବାକୁ ଆଶା କରି ନଥିଲି ତେଣୁ ମୁଁ ଟିଭିରେ ଲଟେରୀ ଫଳାଫଳ ଦେଖିନଥିଲି। କିନ୍ତୁ ଯେତେବେଳେ ମୁଁ ମୋ ଫୋନକୁ ଦେଖିଲି, ମୁଁ ଜାଣିଲି ଯେ ମୁଁ ଜିତିଛି। ମୁଁ ପ୍ରଥମେ ଏହାକୁ ବିଶ୍ଵାସ କରିପାରିନଥିଲି ଏବଂ ମୁଁ ଏହାକୁ ମୋ ପତ୍ନୀଙ୍କୁ ଦେଖାଇଲି। ସେ ଏହାକୁ ବିଜୟୀ ନମ୍ବର ବୋଲି କହିଥିଲେ। ତେବେ ଲଟେରୀ ବାବଦକୁ ଟ୍ୟାକ୍ସ ଦେବା ପରେ ବିଜେତା ପ୍ରାୟ ୧୫ କୋଟି ଟଙ୍କା ପାଇବେ।
