ପାଟନା: AK-47 ଏବଂ ହ୍ୟାଣ୍ଡ ଗ୍ରେନେଡ ମାମଲାରେ ବିଧାୟକ ଅନନ୍ତ ସିଂଙ୍କୁ ଦଶ ବର୍ଷ ଦଣ୍ଡିତ କରାଯାଇଛି। ଏଥିସହିତ ତାଙ୍କ ସେବକଙ୍କୁ ମଧ୍ୟ ଦଶ ବର୍ଷ ଦଣ୍ଡିତ କରାଯାଇଛି। ସାଂସଦ-ବିଧାୟକ କୋର୍ଟର ସ୍ଵତନ୍ତ୍ର ଜଜ୍ ତ୍ରିଲୋକି ନାଥ ଦୁବେଙ୍କ କୋର୍ଟ ବିଧାୟକ ଏବଂ ଅନ୍ୟ ଅଭିଯୁକ୍ତଙ୍କୁ ୧୦ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି। କୋର୍ଟ କହିଛନ୍ତି ଯେ, ଅଭିଯୁକ୍ତ ଜେଲରେ କେତେ ଦିନ ବିତାଇଛନ୍ତି, ସେହି ହିସାବରେ ଦଣ୍ଡାଦେଶ ହ୍ରାସ କରାଯିବ।
ଏହି ମାମଲା ବାଢ ପୋଲିସ ଷ୍ଟେସନ କେସ୍ ନମ୍ବର ୩୮୯/୨୦୧୯ ସହିତ ଜଡିତ। ଶୁଣାଣି ପରେ ପିପି କହିଛନ୍ତି ଯେ, ଦୁଇ ବର୍ଷରୁ ଅଧିକ ସମୟ ପର୍ଯ୍ୟନ୍ତ ଦଣ୍ଡବିଧାନରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନକରିବା ଏବଂ ବିଧାନସଭା ସଦସ୍ଯତା ଆପେ ଆପେ ସମାପ୍ତ ହେବାର ବ୍ୟବସ୍ଥା ରହିଛି। ଏହାକୁ ଆଧାର କରି ସେ ବର୍ତ୍ତମାନ ଜଣେ ପୂର୍ବତନ ବିଧାୟକ ହେବେ। ପ୍ରକାଶ ଯେ, ଅନନ୍ତ ସିଂ ଆରଜେଡିର ଜଣେ ବିଧାୟକ।