Tag: ଅଭିଯୁକ୍ତ ଗିରଫ

ବାଲୁଗାଁ: ବାଲୁଗାଁ ଷ୍ଟେସନ ପରିସରରୁ ୨୧.୩ କେଜି ଗଞ୍ଜେଇ ଜବତ କରିବାସହ ଅଭିଯୁକ୍ତକୁ ଗିରଫ କରିଛି ଆରପିଏଫ। ସୂଚନା ମୁତାବକ ଆରପିଏଫ ଆଇଆଇସି ଜିତେନ୍ଦ୍ର ମୌର୍ଯ୍ୟଙ୍କ ନିର୍ଦ୍ଦେଶ କ୍ରମେ ବାଲୁଗାଁ ରେଳ ଷ୍ଟେସନ ପରିସରରେ ରେଳ ସୁରକ୍ଷା ବଳ କର୍ମଚାରୀ ମାନେ ପଇଁତରା ମାରୁଥିବା ବେଳେ ୧ନଂ ପ୍ଲାଟଫର୍ମରେ ଟ୍ରେନକୁ ଅପେକ୍ଷା କରି ରହିଥିବା ଜଣେ ସନ୍ଦିଗ୍ଧ ବ୍ୟକ୍ତିଙ୍କ ତଲାସୀ ନେବାରେ ତା ନିକଟରୁ ଦୁଇଟି ବ୍ୟାଗ ଜବତ କରିଥିଲେ। ଉକ୍ତ ବ୍ୟାଗରୁ ୨୧.୩ କେଜି ଗଞ୍ଜେଇ ଜବତ କରାଯାଇଛି।ଯାହାର ଆନୁମାନିକ ମୂଲ୍ୟ ୨ ଲକ୍ଷ ୧୩ ହଜାର ହେବ ବୋଲି ଜଣାପଡ଼ିଛି।

ଅଭିଯୁକ୍ତ ଜଣକ ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ଖଲ୍ଲିକୋଟ ଖଲାରୀ ସାହିର ଅର୍ଜୁନ ପ୍ରଧାନଙ୍କ ପୁଅ ଟିଟୁ ପ୍ରଧାନ(୩୬)।ଅଭିଯୁକ୍ତ ଟିଟୁ ଏହି ଗଞ୍ଜେଇ ପ୍ରଶାନ୍ତି ଏକ୍ସପ୍ରେସ ଯୋଗେ ବାଙ୍ଗାଲୋର ଚାଲାଣ କରିବାପାଇଁ ଯୋଜନା କରିଥିବାର ଜଣାପଡିଛି। ଜବତ ଗଞ୍ଜେଇ ସହ ଅଭିଯୁକ୍ତ ବିରୁଦ୍ଧରେ କେଶ ନଂ ୫/୨୫ ରେ ମାମଲା ରୁଜୁ କରି ଖୋର୍ଦ୍ଧା ଜିଆରପିକୁ ହସ୍ତାନ୍ତର କରାଯାଇଥିବା ଆରପିଏଫ ଆଇଆଇସି ଶ୍ରୀ ମୌର୍ଯ୍ୟ କହିଛନ୍ତି।

ଭୁବନେଶ୍ଵର: ଫୁଲବାଣୀ ସର୍କିଟ୍ ହାଉସ୍‌ରେ ବାଇକ୍ ପୋଡ଼ି ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ କରିଛି ଟାଉନ ଥାନା ପୋଲିସ। ଅଭିଯୁକ୍ତ ଜଣକ ହେଲେ ଟାଉନ ଥାନା ଅନ୍ତର୍ଗତ ଡାମିଗାଁର ସୁଜିତ ବେହେରା। ସେ ସ୍ଥାନୀୟ ବନ ବିଭାଗ ଅଧୀନରେ ଫରେଷ୍ଟର ଭାବେ କାର୍ଯ୍ୟରତ ଅଛନ୍ତି। ପୂର୍ବ ଶତ୍ରୁତା ଯୋଗୁଁ ଏଭଳି କାଣ୍ଡ ଘଟାଇଥିବା ଅତିରିକ୍ତ ଏସପି ସ୍ନେହାଶୀଷ ସାହୁ ଦେଇଛନ୍ତି।

ସୂଚନାନୁଯାୟୀ ସୁଜିତ ବେହେରାଙ୍କ ମା’ ପୂର୍ବରୁ ଫୁଲବାଣୀ ସର୍କିଟ ହାଉସ୍‌ରେ କାମ କରୁଥିଲେ। ତାଙ୍କୁ କୌଣସି କାରଣରୁ ସେଠାରୁ ବାହାର କରି ଦିଆଯାଇଥିଲା। ଏହାକୁ ନେଇ ସୁଜିତ ଆକ୍ରୋଶମୂଳକ ଭାବେ ଗତ ୨୬ ତାରିଖ ରାତିରେ ସର୍କିଟ୍ ହାଉସ୍ ପରିସରରେ ଥିବା ଜଣେ କର୍ମଚାରୀଙ୍କ ସ୍କୁଟିରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ। ଫଳରେ ସ୍କୁଟି ସମେତ ପାଖରେ ଥିବା ଅନ୍ୟ ଏକ ବାଇକ୍ ସମ୍ପୂର୍ଣ ପୋଡି ଯାଇଥିଲା। ନିକଟରେ ଥୁବା ଫୁଲବାଣୀ ବିଜେପି ବିଧାୟକ ଉମାଚରଣ ମଲିକଙ୍କ ଇନୋଭା କାର ମଧ୍ୟ ପୋଡ଼ି ଯାଇଥିଲା।

ଘଟଣାକୁ ଗୁରୁତର ସହ ନେଇ ଆରକ୍ଷୀ ଅଧୀକ୍ଷକ ହରିଶ ବିସିଙ୍କ ନିର୍ଦ୍ଦେଶ କ୍ରମେ ସଦର ଏସଡିପିଓ ସୁବ୍ରତ ବେହେରା ଓ ଟାଉନ ଥାନା ଅଧିକାରୀ କନକ କୁମାର ମାଝୀଙ୍କ ନେତୃତ୍ୱରେ ଏକ ଟିମ୍ ଗଠନ କରାଯାଇ ଘଟଣାର ତଦନ୍ତ କରାଯାଇଥିଲା। ଶନିବାର ଅଭିଯୁକ୍ତ ସୁଜିତକୁ ଫୁଲବାଣୀ ସହର ନିକଟରୁ ଗିରଫ କରାଯାଇଥିବା ଅତିରିକ୍ତ ଏସପି ସୂଚନା ଦେଇଛନ୍ତି।

ଅଭିଯୁକ୍ତ ବିରୋଧରେ ପୂର୍ବରୁ ମଧ୍ୟ ପାଞ୍ଚଟି ଅପରାଧିକ ମାମଲା ଥିବା କୁହାଯାଇଛି। ଏଥିସହ ଡିସେମ୍ବର ୨୭ ତାରିଖ ରାତିରେ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପରିସରରେ ହୋଇଥିବା ଅନ୍ୟ ଏକ ବାଇକ୍ ପୋଡି ଘଟଣାର ଅଭିଯୁକ୍ତକୁ ମଧ୍ୟ ଠାବ କରିବାରେ ପୁଲିସ ସଫଳ ହୋଇଛି। ଖୁବଶୀଘ୍ର ତାକୁ ଗିରଫ କରାଯିବ ବୋଲି ସୂଚନା ଦେଇଛନ୍ତି ଅତିରିକ୍ତ ଏସପି ସ୍ନେହାସିସ ସାହୁ।

ବାଲୁଗାଁ: ବାଲୁଗାଁ ଆରପିଏଫ ଜଣେ ଗଞ୍ଜେଇ ବେପାରିଙ୍କୁ ରେଳ ଷ୍ଟେସନ ପରିସରରୁ ଗିରଫ କରି ତାଙ୍କ ନିକଟରୁ ଲକ୍ଷାଧିକ ଟଙ୍କାର ଗଞ୍ଜେଇ ଜବତ କରିଛି। ସୂଚନା ମୁତାବକ ଗତକାଲି ରାତିରେ ବାଲୁଗାଁ ଆରପିଏଫ ଆଇଆଇସି ଜିତେନ୍ଦ୍ର ମୌର୍ଯ୍ୟଙ୍କ ନେତୃତ୍ୱରେ ବାଲୁଗାଁ ରେଳ ଷ୍ଟେସନ ପରିସରରେ ପାଟ୍ରୋଲିଂ ଜାରି ରହିଥିବା ବେଳେ ଏକ ନମ୍ବର ପ୍ଲାଟଫର୍ମରେ ଟ୍ରେନ ଯୋଗେ ଗଞ୍ଜେଇ ଚୋରାଚାଲାଣ ଅପେକ୍ଷାରେ ଥିବା ଗଞ୍ଜାମ ଜିଲ୍ଲା ବେଗୁନିଆପଡା ଥାନା ଅଞ୍ଚଳର ଶଙ୍କର୍ଷଣ ପ୍ରଧାନ (୪୦) ଅଭିଯୁକ୍ତଙ୍କୁ ଗିରଫ କରିଥିଲା ଆରପିଏଫ। ତାଙ୍କ ନିକଟରୁ ଦୁଇ ଗୋଟି ଗଞ୍ଜେଇ ଭରା ବ୍ୟାଗ ଜବତ ହୋଇଛି ଯାହାର ଆନୁମାନିକ ମୂଲ୍ୟ ୨ ଲକ୍ଷ ୪୦ ହଜାର ଟଙ୍କା ହେବ ବୋଲି ଜଣାପଡିଛି।

ଏହି ପରିପ୍ରେକ୍ଷୀରେ ଗିରଫ ଅଭିଯୁକ୍ତ ଓ ଜବତ ଗଞ୍ଜେଇ ଖୋର୍ଦ୍ଧା ରୋଡ ଜିଆରପି କୁ ହସ୍ତାନ୍ତର କରାଯାଇଥିବା ଆଇଆଇସି ଶ୍ରୀ ମୌର୍ଯ୍ୟ କହିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ରମ୍ଭା ଓ ଗଞ୍ଜାମ ଥାନା ଅର୍ନ୍ତଗତ ସୁବଳୟା, ସନ୍ତୋଷ ପୁର, କଣ୍ଟିଆଗଡ ଓ ବୋରିଗାଁ ଅଞ୍ଚଳର ବିଭିନ୍ନ ମନ୍ଦିର ଓ ଦୋକାନରୁ ଚୋରି ଓ ଲୁଟ୍ ଘଟଣାର ରମ୍ଭା ପୋଲିସ୍ ଅଧିକାରୀ ସତ୍ୟବ୍ରତ ଭୁତିଆ ପର୍ଦ୍ଧାଫାଶ କରିଛନ୍ତି। ଖବରରୁ ପ୍ରକାଶ ଯେ, ଗତ କିଛି ମାସ ହେଲା ରମ୍ଭା ଓ ଗଞ୍ଜାମ ଥାନା ଅନ୍ତର୍ଗତ ଉକ୍ତ ସମସ୍ତ ଗାଁ ସହିତ ଜାତୀୟ ରାଜପଥ ଅଞ୍ଚଳର ବିଭିନ୍ନ ମନ୍ଦିର ଓ ଦୋକାନରୁ ଚୋରି ହୋଇଥିବା ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତି କରି ରମ୍ଭା ଥାନା ଅଧିକାରୀଙ୍କ ନେତୃତ୍ବରେ ଏକ ଟିମ ଗଠନ କରି ବିଭିନ୍ନ ସ୍ଥାନରେ ଚଢ଼ାଉ କରିଥିଲେ। ଚଢ଼ାଉ ବେଳେ ଅଭିଯୁକ୍ତ ବି ରାଜୁ ପ୍ରଧାନ, ଏସ୍ ବବୁଲୁ ଓ ଏ ରାମଚନ୍ଦ୍ରକୁ ଉଠାଇ ଆଣି ରମ୍ଭା ଥାନାରେ ପୋଲିସ ପଚରାଉଚରା କରିଥିଲା।

ଏହି ସମୟରେ ଅଭିଯୁକ୍ତ ମାନେ ବିଭିନ୍ନ ଚୋରି ଘଟଣାର ପର୍ଦ୍ଦାଫାଶ କରିଥିଲେ। ପୋଲିସ ଉକ୍ତ ଅଭିଯୁକ୍ତମାନଙ୍କ ଠାରୁ କିଛି ପିତ୍ତଳ ସାମାନ, ଲୁହା ଛଡ଼, ହାତୁଡି ଓ କିଛି ନଗଦ ଟଙ୍କା ଜବତ କରିଥିଲା ଏବଂ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଥିଲା।

ପୁରୀ: ଗତ ୦୪ ତାରିଖ ରାତିରେ କିଛି ଯୁବକ ଫେବର ବ୍ଲକ୍ ଜରିଆରେ ଟାଉନ୍ ଥାନା ଅଧୀନରେ ଥିବା ଶ୍ରୀ ସେତୁ ନିକଟ ବିଶ୍ୱସ୍ୱରୀ ମନ୍ଦିର ନିକଟରେ ସୁଦର୍ଶନ ସାହୁଙ୍କୁ ହତ୍ୟା କରିଥିଲେ। ମାମଲାର ଅନୁସନ୍ଧାନ ବେଳେ ଏହା ଜଣାପଡିଥିଲା ​​ଯେ, ୦୪/୧୨/୨୪ ରାତି ପ୍ରାୟ ଗୋଟାଏ ସମୟରେ ମୃତକ ତାଙ୍କ ସାଙ୍ଗ ରାଜକିଶୋର ସାହୁ ଏବଂ କାଳିଆ ବିଶ୍ୱସ୍ୱରୀ ମନ୍ଦିର ନିକଟରେ ମଦ ପିଉଥିଲେ। ସେହି ସମୟରେ ବ୍ୟାଟେରୀ ଅଟୋ ଚଳାଉଥିବା ଏବଂ ପୁରୀରେ ରହୁଥିବା ସୌମ୍ୟରଞ୍ଜନ ଆଚାର୍ଯ୍ୟ ମଧ୍ୟ ସେଠାରେ ମଦ ପିଉଥିଲେ। ସେ ଜଣେ ଶାରୀରିକ ଅକ୍ଷମ ବ୍ୟକ୍ତିଙ୍କୁ ଦୁର୍ବ୍ୟବହାର କରୁଥିଲେ।

ମୃତକ ସୁଦର୍ଶନ ସାହୁ, ରାଜକିଶୋର ସାହୁ ଏବଂ କାଲିଆ ସୌମ୍ୟରଞ୍ଜନ ଉପରେ କିଛି ପ୍ରତିକ୍ରିୟା ପ୍ରକାଶ କରିଥିଲେ ଯେଉଁଥିପାଇଁ ସେମାନଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ସୁଦର୍ଶନ ପ୍ରଧାନ ମଧ୍ଯ ସୌମ୍ୟରଞ୍ଜନ ଆଚାର୍ଯ୍ୟଙ୍କୁ ଆକ୍ରମଣ କରିଥିଲେ ଯେଉଁଥିରେ ସେ ଆହତ ହୋଇଥିଲେ। ସୌମ୍ୟରଞ୍ଜନ ଆଚାର୍ଯ୍ୟ ସେହି ସ୍ଥାନରେ ଫେବର ବ୍ଲକ୍ ମାଧ୍ୟମରେ ସୁଦର୍ଶନ ସାହୋଙ୍କୁ ଆକ୍ରମଣ କରିଥିଲେ ଯାହା ଫଳରେ ତାଙ୍କ ମୃତ୍ୟୁ ଘଟିଥିଲା। ଅଭିଯୁକ୍ତ ସୌମ୍ୟରଞ୍ଜନ ଆଚାର୍ଯ୍ୟଙ୍କୁ ଆଜି ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା।

ଅଭିଯୁକ୍ତଙ୍କ ନିକଟରୁ ବ୍ୟାଟେରୀ ଅଟୋ ସହ ତାଙ୍କ ରକ୍ତ ଦାଗ ବସ୍ତ୍ର ଜବତ ରାଯାଇଛି। ଘଟଣାସ୍ଥଳରେ ୫ ଗୋଟି ଫେବର ବ୍ଲକ ଜବତ କରାଯିବା ସହ ମାମଲାର ତଦନ୍ତ ଚାଲିଛି ବୋଲି ସୂଚନା ଦେଇଛନ୍ତି ପୁରୀ ଟାଉନ୍ ଥାନା ଭାରପ୍ରାପ୍ତ ଅଧିକାରୀ ସୁନୀଲ କୁମାର ପ୍ରଧାନ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅର୍ନ୍ତଗତ ଇଞ୍ଜିନିୟରିଂ ସ୍କୁଲ ନିକଟସ୍ଥ ଏକ ହୋଟେଲ ଗୃହରେ ନକଲି ବିଦେଶୀ ମଦ ପ୍ରସ୍ତୁତି ଖବର ପାଇ ପୋଲିସ ଆତର୍କିତ ଭାବେ ଚଢ଼ାଉ କରି ସଫଳତା ପାଇଛି। ଉକ୍ତ ଘରେ ଚଢ଼ାଉ କରି ପୋଲିସ ୩ ଜଣ ଯୁବକ ଯଥା ଭଗବାନ ବେହେରା, ତାପସ ସାହୁ ଓ ଅମିତ୍ ଦାସ ସମସ୍ତେ ମିଶି ନକଲି ବିଦେଶୀ ମଦ ପ୍ରସ୍ତୁତି କରୁଥିବା ବେଳ ସେମାନଙ୍କ ନିକଟରୁ ୯୫ ଲିଟର ନକଲି ବିଦେଶୀ ମଦ ପ୍ରସ୍ତୁତି କରୁଥିବା ଅବସ୍ଥାରେ ଧରା ପଡ଼ିଥିଲେ। ମହଜୁଦ ମଦ ସବୁ ନକଲି ବୋଲି ସେମାନେ ରାଜି ହୋଇଥିଲେ।

ପୋଲିସ ଉକ୍ତ ୩ ଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ନକଲି ବିଦେଶୀ ମଦ କୁ ଜବତ କରି ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ବାଲୁଗାଁ (ସୀତାରାମ ଅଗ୍ରୱାଲ): ଶୁକ୍ରବାର ପୂର୍ବାହ୍ନରେ ଅବକାରୀ କମିଶନର ନରସିଂହ ଭୋଳ ଓ ଖୋର୍ଦ୍ଧା ଜିଲ୍ଲା ଅବକାରୀ ଅଧିକ୍ଷକ ସୁମତି ତ୍ରିପାଠୀଙ୍କ ନିର୍ଦ୍ଦେଶକ୍ରମେ ବାଲୁଗାଁ ଚିଲିକା କୁଳ ନିକଟରେ ଚଢାଉ କରାଯାଇଥିଲା। ଚଢାଉ ବେଳେ ୪.୧୫୦ କେଜି ଗଞ୍ଜେଇ ଜବତ କରିବା ସହ ଅଭିଯୁକ୍ତକୁ ବାଲୁଗାଁ ଅବକାରୀ ବିଭାଗ ଗିରଫ କରିଛି।

ଅଭିଯୁକ୍ତ ଜଣକ ବାଲୁଗାଁ ଅଞ୍ଚଳର କୃଷ୍ଣ ଦାସ (୩୧)। ଅଭିଯୁକ୍ତଙ୍କ ବିରୁଦ୍ଧରେ କେଶ ନଂ ୧୩୩/୨୪ ରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରିଣୀ ସ୍ମିତା ପଣ୍ଡା କହିଛନ୍ତି। ଉକ୍ତ ଚଢ଼ାଉରେ ଅବକାରୀ ଅଧିକାରିଣୀ ଶ୍ରୀମତୀ ପଣ୍ଡା ଓ ଟିମ ସାମିଲ ଥିଲେ।

ରେଢ଼ାଖୋଲ (କନ୍ଦର୍ପ ବେହେରା): ଜନୈକ ନାବାଳିକାକୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖି ଶେଷରେ ପ୍ରତାରଣା କରିବା ଅଭିଯୋଗରେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ନାକଟିଦେଉଳ ପୋଲିସ। ଗିରଫ ଅଭିଯୁକ୍ତ ମାରୁଆଡ଼ିମୁଣ୍ଡା ଗାଁର ପ୍ରଶାନ୍ତ ମୁଣ୍ଡା ଓରଫ ମଣ୍ଟୁ।

ସୂଚନା ଅନୁସାରେ ପ୍ରଶାନ୍ତ ମୁଣ୍ଡା ଜଣେ ନାବାଳିକାକୁ ବିବାହ ପ୍ରଲୋଭନ ଦେଖାଇ ଆଜକୁ ପ୍ରାୟ ଏକ ବର୍ଷରୁ ଊର୍ଦ୍ଧ୍ଵ ହେବ ଶାରୀରିକ ସମ୍ପର୍କ ରଖି ଆସୁଥିଲା। ତେବେ ନାବାଳିକା ଜଣଙ୍କ ଗର୍ଭବତୀ ଥିବା ଜାଣିବା ପରେ ପ୍ରେମିକ ପ୍ରଶାନ୍ତକୁ ଶୀଘ୍ର ବିବାହ କରିବାକୁ ଅଡ଼ି ବସିଥିଲା।

ତେବେ ଅଭିଯୁକ୍ତ ପ୍ରଶାନ୍ତ ଯୁବତୀ ଜଣଙ୍କୁ ବିବାହ କରିବାକୁ ମନା କରିଦେବା ସହ ଆଉ ଧରା ଛୁଆଁ ଦେଉ ନ ଥିବାରୁ ସମ୍ପୃକ୍ତା ନାବାଳିକା ଏ ସମ୍ପର୍କରେ ନାକଟିଦେଉଳ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ପୁଲିସ୍ ଏ ନେଇ ଥାନାରେ ଏକ ମାମଲା ରୁଜୁ କରି ଘଟଣାର ତଦନ୍ତ କରି ଅଭିଯୁକ୍ତ ପ୍ରଶାନ୍ତ ମୁଣ୍ଡାଙ୍କୁ ଗିରଫ କରିଥିଲା।

ପୁଲିସ ଉଭୟ ଅଭିଯୁକ୍ତ ଏବଂ ପୀଡିତା ନାବାଳିକାର ଡାକ୍ତରୀ ମାଇନା କରାଇବା ସହ ଗିରଫ ଅଭିଯୁକ୍ତ ପ୍ରଶାନ୍ତ ମୁଣ୍ଡାଙ୍କୁ ସମ୍ବଲପୁର ପକ୍ସୋ କୋର୍ଟକୁ ଚାଲାଣ କରିଥିବା ଥାନା ଅଧିକାରୀ ସୂଚନା ଦେଇଛନ୍ତି।

ବାଲୁଗାଁ (ସୀତାରାମ ଅଗ୍ରୱାଲ): ପୂର୍ବଶତ୍ରୁତାକୁ ନେଇ ଆକ୍ରମଣ ଏବଂ ଆକ୍ରମଣରେ ପ୍ରାଣ ହରାଇଲେ ପୀଡ଼ିତ। ଅଭିଯୁକ୍ତଙ୍କୁ ଗିରଫ କଲା ପୋଲିସ। ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ସିଙ୍ଗେଶ୍ୱର ଗ୍ରାମରେ ଘଟଣା ଘଟିଛି।

ବାଲୁଗାଁ ଆଇଆଇସି ଜୟପ୍ରକାଶ ପରିଡ଼ାଙ୍କ ସୂଚନା ମୁତାବକ ସିଙ୍ଗେଶ୍ୱର ଗ୍ରାମର କୃଷ୍ଣଚନ୍ଦ୍ର ବେହେରା (୩୪) ଏବଂ ଚନ୍ଦ୍ରଶେଖର ବେହେରା (୪୧) ଙ୍କ ମଧ୍ୟରେ ପୂର୍ବଶତ୍ରୁତା ଲାଗିରହିଥିଲା। ତେବେ ଗତ ମାସ ୨୬ ତାରିଖରେ ଉଭୟଙ୍କ ମଧ୍ୟରେ କୌଣସି କାରଣକୁ ନେଇ ବଚସା ହୋଇଥିଲା। ତେବେ କୃଷ୍ଣଚନ୍ଦ୍ର ଚନ୍ଦ୍ରଶେଖରଙ୍କୁ ଆକ୍ରମଣ କରିଥିଲେ ଫଳରେ ଚନ୍ଦ୍ରଶେଖରଙ୍କ ମସ୍ତିଷ୍କରେ ଗଭୀର ଆଘାତ ଲାଗିଥିଲା। ଏବଂ ଅଭିଯୁକ୍ତ କୃଷ୍ଣଚନ୍ଦ୍ର ଫେରାର ହୋଇଯାଇଥିଲେ।

ସେବେଠାରୁ ଚନ୍ଦ୍ରଶେଖର କଟକ ବଡମେଡିକାଲରେ ଚିକିତ୍ସିତ ହେଉଥିବାବେଳେ ଗତକାଲି ତାଙ୍କର ମୃତ୍ୟୁ ଘଟିଥିଲା। ଇତିମଧ୍ୟରେ ଆଜି ବାଲୁଗାଁ ପୋଲିସ ଅଭିଯୁକ୍ତ କୃଷ୍ଣଚନ୍ଦ୍ର ବେହେରାଙ୍କୁ ଗିରଫ କରି କୋର୍ଟଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଜରଡା ଥାନା ଅନ୍ତର୍ଗତ ପାତ୍ରପୁର ହଳଦୀବାଡ ଗ୍ରାମର ଗୁରୁବାରିଆ ଡାକୁଆ ନାମକ ଜଣେ ବ୍ୟକ୍ତିକୁ ପିଟି ପିଟି ହତ୍ୟା କରିଥିବା ଅଭିଯୋଗରେ ପୋଲିସ ସେହି ଗ୍ରାମର ରଞ୍ଜନ ପ୍ରଧାନ, ସନ୍ୟାସୀ ଡାକୁଆ, ସନ୍ତୋଷ ଡାକୁଆ ରାଜୁ ପ୍ରଧାନ,ବିଭିଷଣ ପ୍ରଧାନ, ଭାଗ୍ୟ ଡାକୁଆ, ସୁଗ୍ରୀବ ଡାକୁଆ, ଶଙ୍କର ଡାକୁଆ, କୈଳାସ ଡାକୁଆ,ହରି ଡାକୁଆ ଓ ତ୍ରିନାଥ ଡାକୁଆ ପ୍ରମୁଖ ଙ୍କୁ ହତ୍ୟା ଅଭିଯୋଗ ରେ ଗିରଫ କରି କୋର୍ଟ ଚାଲାଣ କରିଛି।

ଘଟଣାରୁ ପ୍ରକାଶ ଯେ, ମୃତ ଗୁରୁବାରିଆଙ୍କ ବିରୋଧରେ ସ୍ଥାନୀୟ ଅଞ୍ଚଳରେ ଅନେକ ଅଭିଯୋଗ ଥିଲା। ସେ ଅଞ୍ଚଳ ବାସିନ୍ଦାଙ୍କ ସହ ପ୍ରାୟ ଦିନରେ ଗଣ୍ଡଗୋଳ କରୁଥିଲେ। ଏହି କିଛି ଦିନ ତଳେ ଗ୍ରାମର ପ୍ରତାପ ଡାକୁଆ ନାମକ ଜଣେ ବ୍ୟକ୍ତିଙ୍କ ଅସୁସ୍ଥ କାରଣରୁ ମୃତ୍ୟୁ ହୋଇଥିଲା। ଏହି ଭଳି ପରିସ୍ଥିତିରେ ଗାଁ ଲୋକେ ଗୁରୁବାରିଆ ଗୁଣି କରିବା ଯୋଗୁଁ ପ୍ରତାପ ମୃତ୍ୟୁ ହୋଇଛି ବୋଲି ସନ୍ଦେହ କରିଥିଲେ। ତାଙ୍କ ଘରକୁ ଗାଁ ଲୋକେ ଯାଇ ଡାକିଥିଲେ ଓ ସେ ମନା କରିବାରୁ କିଛି ଗ୍ରାମ ବାସିନ୍ଦା ବିଭିନ୍ନ ଅସ୍ତ୍ରଶସ୍ତ୍ର ଧରି ଗୁରୁବାରିଆଙ୍କ ଘରକୁ ଯାଇ ତାଙ୍କ ଉପରେ ଆତର୍କିତ ଭାବେ ଆକ୍ରମଣ କରି ତାକୁ ପିଟି ପିଟି ହତ୍ୟା କରି ଘଟଣା ସ୍ଥଳରୁ ଚାଲି ଯାଇଥିଲେ।

ମୃତ ଗୁରୁବାରିଆଙ୍କ ପତ୍ନୀ ଶ୍ରୀମତୀ ଡାକୁଆ ଘଟଣା ବିଷୟରେ ଜରଡା ଥାନା ରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ପାଇ କେଶ୍ ନଂ ୬୧/୨୪ ଅନୁଯାୟୀ ମାମଲା ରୁଜୁ କରି ଘଟଣାର ତଦନ୍ତ ଚଳାଇ ଉକ୍ତ ଅଭିଯୁକ୍ତ ମାନଙ୍କୁ ଥାନା କୁ ଆଣି ଜେରା କରିବା ପରେ ଗିରଫ କରି କୋର୍ଟ ଚାଲାଣ କରିଛି।

ବେଗୁନିଆପଡା (ଟୁକୁନା ପ୍ରଧାନ): ଗଞ୍ଜାମ ଜିଲ୍ଲା କୋଦଳା ଥାନା ଅଞ୍ଚଳର ଜୈନିକ ନାବାଳିକାର ଫୋଟ ଭାଇରାଲ୍ କରିବାର ଧମକ ଦେବା ଅଭିଯୋଗରେ କୋଦଳା ଥାନା ପୋଲିସ ୫୬୧/୨୩ ରେ ଏକ ମାମଲା ରୁଜୁ କରିବା ସହ ଧମକ ଦେଇଥିବା ଯୁବକକୁ ଗୁଣପୁର ପୋଲିସ ର ସହାୟତା ରେ ତାକୁ ଗୁଣପୁରରୁ ଗିରଫ କରିଛି। ଏହି ଯୁବକର ନାମ ସଞ୍ଜୟ କୁମାର ବିଶ୍ଵାଳ ହୋଇଥିବା ବେଳେ ତହାର ଘର କଟକ ଜିଲ୍ଲାର ବଡ଼ମ୍ବା ଥାନା ଅନ୍ତର୍ଗତ ମଙ୍ଗରାଜ ପୁର ଗ୍ରାମରେ ବୋଲି ସୂଚନା ମିଳିଛି।

ଗିରଫ ଯୁବକ ଜଣଙ୍କ ରାୟଗଡ଼ା ଜିଲ୍ଲାର ଗୁଣପୁର ଅଞ୍ଚଳରେ ରାଜମିସ୍ତ୍ରୀ ଭାବେ କାର୍ଯ୍ୟ କରୁଥିଲା। ଗତକାଲି କୋଦଳା ପୋଲିସ ତାକୁ ଗିରଫ କରିବା ସହ କୋର୍ଟଚାଲାଣ କରିଥିବା ଜଣାଯାଇଛି। କୋଦଳା ପୋଲିସର ଏହି ତ୍ଵରିତ ପଦକ୍ଷେପ ପାଇଁ ଅଞ୍ଚଳବାସି ସାଧୁବାଦ ଜଣାଇଛନ୍ତି।

ବାଲୁଗାଁ (ସୀତାରାମ ଅଗ୍ରୱାଲ): ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ବାଲୁଗାଁ ଆରପିଏଫ ଆଜି ଜଣେ ଅଭିଯୁକ୍ତଙ୍କୁ ଗିରଫ କରି ଖୋର୍ଦ୍ଧା ଜିଆରପିକୁ ହସ୍ତାନ୍ତର କରିଛି। ଅଭିଯୁକ୍ତ ଜଣକ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅଞ୍ଚଳର ରବି ମହାନ୍ତି (୪୦) ବୋଲି ଜଣାପଡିଛି।

ଖବର ମୁତାବକ ଗତକାଲି ବାଲୁଗାଁ ଆରପିଏଫ ଆଇଆଇସି ଜିତେନ୍ଦ୍ର ମୌର୍ଯ୍ୟଙ୍କ ନେତୃତ୍ୱରେ ବାଲୁଗାଁ ରେଳ ଷ୍ଟେସନ ପରିସରରେ ଚଢ଼ାଉ ଚାଲିଥିବା ବେଳେ ୪ ନମ୍ବର ପ୍ଲାଟଫର୍ମର ଶେଷ ଭାଗରେ ରବି ସଂନ୍ଦିଗ୍ଧ ଅବସ୍ଥାରେ ଏକ ନାଲି ରଙ୍ଗ ଟ୍ରଲି ବ୍ୟାଗ ଧରି ବୁଲୁଥିବାର ଦେଖିବାକୁ ପାଇଥିଲେ। ତାଙ୍କ ବ୍ୟାଗ ତାଲାସି ନିଆଯିବାରୁ ତନ୍ମଧ୍ୟରୁ ୧୪ କେଜି ଗଞ୍ଜେଇ ଜବତ କରାଯାଇଥିଲା। ଜବତ ଗଞ୍ଜେଇର ମୂଲ୍ୟ ୧ ଲକ୍ଷ ୪୪ ହଜାର ଟଙ୍କା ହେବ ବୋଲି ଜଣାପଡିଛି। ଏହି ପରିପ୍ରେକ୍ଷୀରେ ଆରପିଏଫ ଅଭିଯୁକ୍ତ ରବିଙ୍କୁ ଗିରଫ କରି ଆଜି ଖୋର୍ଦ୍ଧା ରୋଡ ଜିଆରପିକୁ ହସ୍ତାନ୍ତର କରିଛି।