ନୂଆଦିଲ୍ଲୀ, ରାମାନନ୍ଦ ସାଗରଙ୍କ ନିର୍ମିତ ଲୋକପ୍ରିୟ ଧାରାବାହିକ ରାମାୟଣର ରାମ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ବିଜେପିରେ ଯୋଗଦେଇଛନ୍ତି। ସେ ବିଜେପିର ବରିଷ୍ଠ ନେତା ଅରୁଣ ସିଂଙ୍କ ଉପସ୍ଥିତିରେ ଏହି ଯୋଗଦାନ କରିଛନ୍ତି। ବର୍ତ୍ତମାନ ପାଞ୍ଚୋଟି ରାଜ୍ୟରେ ବିଧାନସଭା ନିର୍ବାଚନ ହେଉଥିବା ବେଳେ ଅରୁଣଙ୍କ ଏହି ଯୋଗଦାନ ନିଶ୍ଚିତ ଗୁରୁତ୍ବ ବହନ କରିବ। ତେବେ ସେ ବିଧାନସଭାରେ ଲଢେଇ କରିବେ କି ନାହିଁ ତାହା ସ୍ପଷ୍ଟ ହୋଇ ନାହିଁ।
ଲକ ଡାଉନ ସମୟରେ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅରୁଣ ଗୋଭିଲଙ୍କ ଅଭିନିତ ରାମାୟଣକୁ ପୁନଃ ପ୍ରସାରଣ କରାଇଛନ୍ତି। ତାହା ମଧ୍ୟ ବେଶ୍ ଲୋକପ୍ରିୟତା ଅର୍ଜ୍ଜନ କରିବାରେ ଲାଗିଛି।