Categories
ଆଜିର ଖବର ଜାତୀୟ ଖବର

ମମତା ବାନାର୍ଜୀଙ୍କ ଟିଏମସିରେ ଯୋଗ ଦେଲେ ବିଜେପି ସାଂସଦ ଅର୍ଜୁନ ସିଂ

କୋଲକୋତା: ପଶ୍ଚିମବଙ୍ଗ ବିଜେପିକୁ ଏକ ବଡ଼ ଝଟକା ଲାଗିଛି। ବାବୁଲ ସୁପ୍ରିଓଙ୍କ ପରେ ଆଉ ଜଣେ ବିଜେପି ସାଂସଦ ଅର୍ଜୁନ ସିଂ ବିଜେପି ଛାଡି ଟିଏମସିରେ ଯୋଗ ଦେଇଛନ୍ତି। ଗତ କିଛି ଦିନ ହେବ ସେ ପଶ୍ଚିମବଙ୍ଗରେ ବିଜେପି ଉପରେ ଅସନ୍ତୋଷ ଥିଲେ। ବିଜେପି ନେତା ଅର୍ଜୁନ ସିଂ ବଙ୍ଗଳାର ବାରକପୁରର ସାଂସଦ। ନିକଟରେ ସେ କିଛି ଟୁଇଟ୍ କରିଥିଲେ, ଯାହା ତାଙ୍କର ଦଳ ଉପରେ ଅସନ୍ତୋଷ ଦେଖାଯାଉଥିଲା।

ବାରକପୁରର ସାଂସଦ ଅର୍ଜୁନ ସିଂ ଟିଏମସି ନେତା ଅଭିଷେକ ବାନାର୍ଜୀଙ୍କୁ ଭେଟିବା ପାଇଁ ତାଙ୍କ କୋଲକାତା କାର୍ଯ୍ୟାଳୟକୁ ଯାଇଥିଲେ। ସୂତ୍ରରୁ ପ୍ରକାଶ ଯେ, ସିଂଙ୍କୁ ମନାଇବା ପାଇଁ ଉଭୟ କେନ୍ଦ୍ର ତଥା ରାଜ୍ୟରେ ବିଜେପି ନେତୃତ୍ୱ ଯୋଗାଯୋଗରେ ଥିଲେ ଏବଂ ତାଙ୍କୁ ଏ ସମ୍ପର୍କରେ ଅନେକ ଫୋନ କରଯାଇଥିଲା। କିନ୍ତୁ ଟିଏମସି ନେତା ଅଭିଷେକ ବାନାର୍ଜୀଙ୍କୁ ସିଂ ଭେଟିଥିଲେ।

ଅର୍ଜୁନ ସିଂ ପଶ୍ଚିମବଙ୍ଗର ବାରକପୁର ଲୋକସଭା ଆସନରୁ ସାଂସଦ। ସେ ଟିଏମସି ଛାଡି ୨୦୧୯ ଲୋକସଭା ନିର୍ବାଚନରେ ​​ବିଜେପିରେ ଯୋଗ ଦେଇଥିଲେ। କିନ୍ତୁ ସେ ଦୀର୍ଘ ଦିନ ଧରି ରାଜ୍ୟ ନେତୃତ୍ଵ ଉପରେ ନାରାଜ ଥିଲେ।