ଭୁବନେଶ୍ବର: ଧାବିକା ଦୂତୀ ଚାନ୍ଦ ୧୦୦ ମିଟର ଦୌଡରେ ନୂଆ ଜାତୀୟ ରେକର୍ଡ ପ୍ରତିଷ୍ଠା କରିଛନ୍ତି। ଦୂତୀ ୧୦୦ ମିଟର ଦୌଡକୁ ମାତ୍ର ୧୧.୧୭ ସେକେଣ୍ଡରେ ଅତିକ୍ରମ କରିଛନ୍ତି। ପଟିଆଲାରେ ଇଣ୍ଡିଆନ ଗ୍ରା ପ୍ରିରେ ନିଜ ରେକର୍ଡକୁ ଦୂତୀ ଚାନ୍ଦ ଭାଙ୍ଗିଛନ୍ତି। ପୂର୍ବରୁ ଦୂତୀ ୧୦୦ ମିଟର ଦୌଡକୁ ୧୧.୨୨ ସେକେଣ୍ଡରେ ଅତିକ୍ରମ କରିଥିଲେ।
କିନ୍ତୁ ମାତ୍ର ୦.୦୨ ସେକେଣ୍ଡ ପାଇଁ ଅଲମ୍ପିକ୍ସ ଯୋଗ୍ୟତାରୁ ଦୂତୀ ବଞ୍ଚିତ ହୋଇଛନ୍ତି। ଅଲମ୍ପିକ୍ସ ଯୋଗ୍ୟତା ପାଇଁ ଦୂତୀଙ୍କୁ ୧୧.୧୫ ସେକେଣ୍ଡ ଆବଶ୍ୟକ ହେଉଥିଲା। ହେଲେ ଅନ୍ତରାଜ୍ୟ ଅଲମ୍ପିକ ଚମ୍ପିୟାନଶିପ ପାଇଁ ଦୂତୀଙ୍କ ପାଇଁ ସୁଯୋଗ ରହିଛି।