Categories
ଆଜିର ଖବର ଜାତୀୟ ଖବର

ଛତିଶଗଡର ନାରାୟଣପୁରରେ ନକ୍ସଲମାନଙ୍କ ଦ୍ଵାରା ଆଇଇଡି ବିସ୍ଫୋରଣ, ଜଣେ ଯବାନ ସହିଦ

ରାୟପୁର: ଛତିଶଗଡର ନାରାୟଣପୁରରେ ନକ୍ସଲମାନଙ୍କ ଦ୍ୱାରା ଲଗାଯାଇଥିବା ଆଇଇଡି ବୋମା ବିସ୍ଫୋରଣ ଯୋଗୁଁ ଜଣେ ଯବାନ ସହିଦ ହୋଇଛନ୍ତି। ଏଥିସହ ଅନ୍ୟ ଜଣେ ଯବାନ ଆହତ ହୋଇଥିବା କୁହାଯାଉଛି। ରାସ୍ତା ନିର୍ମାଣର ସୁରକ୍ଷା ପାଇଁ ଆଇଟିବିପି ୫୩ ବାଟାଲିୟନ ଦଳ ବାହାରକୁ ଯାଇଥିଲେ। ଏହି ଦୁର୍ଘଟଣା ସକାଳ ପ୍ରାୟ ୮.୩୦ ସମୟରେ ଘଟିଥିଲା। ଶହୀଦ ଯବାନଙ୍କ ନାମ ରାଜେନ୍ଦ୍ର ସିଂ ଏବଂ ଆହତ ଯବାନଙ୍କ ନାମ ମହେଶ ବୋଲି କୁହାଯାଉଛି। ସୋନପୁର ପୋଲିସ ଷ୍ଟେସନ ଅଞ୍ଚଳର ଢୋଣ୍ଡ୍ରିବେଡା ନିକଟରେ ଏହି ଘଟଣା ଘଟିଛି।

Categories
ଆଜିର ଖବର ଜାତୀୟ ଖବର

ମାଓବାଦୀଙ୍କ ଆଇଇଡି ବିସ୍ଫୋରଣରେ ୪ ସୁରକ୍ଷା କର୍ମୀ ଆହତ

ରାୟପୁର: ଛତିଶଗଡର ବିଜାପୁରରେ ମାଓବାଦୀଙ୍କ ଦ୍ଵାରା ଆଇଇଡି ବିସ୍ଫୋରଣରେ ୪ ଜଣ ସୁରକ୍ଷା କର୍ମୀ ଆହତ ହୋଇଛନ୍ତି। ଆହତ ଯବାନମାନଙ୍କୁ ଜିଲ୍ଲା ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଉଛି। ସମସ୍ତ ଆହତ ଯବାନ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସର ୧୫୩ ତମ ବାଟାଲିୟନର ଅଟନ୍ତି। ଟି-ପଏଣ୍ଟରୁ ୧୦୦ ମିଟର ଜଙ୍ଗଲରେ ଏହି ବିସ୍ଫୋରଣ ଘଟିଛି।

ବସ୍ତର ଆଇଜି ପି ସୁନ୍ଦରରାଜ କହିଛନ୍ତି ଯେ, ବିଜେପୁର ଜିଲ୍ଲାର ମୋଦକପାଲ ପୋଲିସ ଷ୍ଟେସନ ଅଧୀନରେ ଆଇଇଡି ବିସ୍ଫୋରଣରେ ଚାରିଜଣ ସିଆରପିଏଫ କର୍ମଚାରୀ ଆହତ ହୋଇଛନ୍ତି। ଆହତ ଯବାନମାନଙ୍କୁ ଚିକିତ୍ସା ପାଇଁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି।

ମୋଦକପାଲ ପୋଲିସ୍ ଷ୍ଟେସନ୍ ଅନ୍ତର୍ଗତ ମୁର୍କିନାର ରୋଡରେ ଅପରାହ୍ନ ପ୍ରାୟ ୩ ଟା ସମୟରେ ଏହି ଘଟଣା ଘଟିଛି।