ନୂଆଦିଲ୍ଲୀ: ଆସନ୍ତା ପାଞ୍ଚ ବର୍ଷ ପାଇଁ ଆଇପିଏଲ୍ ମିଡିଆ ଅଧିକାର ପାଇଁ ଇ-ନିଲାମ ଆଜିଠାରୁ ଆରମ୍ଭ ହେଉଛି। ଜୁନ୍ ୧୨ ତାରିଖରେ ବିଜେତା ଘୋଷିତ ହେବ ବୋଲି ଆଶା କରାଯାଉଛି। ଏଥିରୁ ହଜାରେ କୋଟି ଟଙ୍କା ରୋଜଗାର କରିବାକୁ ବିସିସିଆଇ ଆଶା କରୁଛି। କିନ୍ତୁ ସୂଚନା ମୁତାବକ ବର୍ତ୍ତମାନ ଅନେକ ବଡ ବଡ କମ୍ପାନୀ ମିଡିଆ ଅଧିକାର କିଣିବା ଦୌଡରୁ ବାହାରିଯାଇଛନ୍ତି। ବର୍ତ୍ତମାନ ସେଠାରେ ୪ ଟି କମ୍ପାନୀ ଅଛନ୍ତି, ଯାହା ମଧ୍ୟରେ ମିଡିଆ ଅଧିକାର ପାଇଁ ସଂଗ୍ରାମ ଜାରି ରହିଛି।
ରିପୋର୍ଟ ଅନୁଯାୟୀ, ଷ୍ଟାର୍-ଡିଜନି, ସୋନି, ଜି ଏବଂ ରିଲାଏନ୍ସ ଭିଆକମ୍ ୧୮ ବର୍ତ୍ତମାନ ମିଡିଆ ରାଇଡ୍ କିଣିବା ପାଇଁ ଦୌଡରେ ଅଛନ୍ତି। ଏହି କମ୍ପାନୀଗୁଡିକ ମଧ୍ୟରୁ ଗୋଟିଏ କମ୍ପାନୀ ମିଡିଆ ରାଇଡସ କିଣିବ ଏବଂ ବିସିସିଆଇ ଉପରେ ଟଙ୍କା ବର୍ଷା କରିବ ବୋଲି ଆଶା କରାଯାଉଛି।