ନୂଆଦିଲ୍ଲୀ: ଉତ୍ତରପ୍ରଦେଶର ଅଯୋଧ୍ୟାରେ ରାମ ମନ୍ଦିରର ମୁଖ୍ୟ ପୁରୋହିତ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ ଆଜି ଦେହାନ୍ତ ହୋଇଛି। ଏହି ବିଷୟରେ ଡାକ୍ତରଖାନା ସୂଚନା ଦେଇଛି। ମସ୍ତିଷ୍କ ରକ୍ତସ୍ରାବ ପରେ ସେ ଲକ୍ଷ୍ନୌର PGI ରେ ଚିକିତ୍ସିତ ହେଉଥିଲେ।
ଡାକ୍ତରଖାନା ଦ୍ଵାରା ଜାରି ପ୍ରେସ ବିଜ୍ଞପ୍ତିରେ କୁହାଯାଇଛି ଯେ, ଅଯୋଧ୍ୟା ରାମ ମନ୍ଦିରର ମୁଖ୍ୟ ପୁରୋହିତ ଶ୍ରୀ ସତ୍ୟେନ୍ଦ୍ର ଦାସ ଜୀ ଆଜି ଶେଷ ନିଶ୍ୱାସ ତ୍ୟାଗ କରିଛନ୍ତି। ଫେବୃଆରୀ ୩ ତାରିଖରେ ଷ୍ଟ୍ରୋକ୍ ହେତୁ ତାଙ୍କୁ ଗୁରୁତର ଅବସ୍ଥାରେ HDU ସ୍ନାୟୁବିଜ୍ଞାନ ୱାର୍ଡରେ ଭର୍ତ୍ତି କରାଯାଇଥିଲା। ଆଚାର୍ଯ୍ୟ ସତ୍ୟେନ୍ଦ୍ର ଦାସ ୮୫ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଥିଲେ। ଫେବୃଆରୀ ୩ ତାରିଖରୁ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ ଦେହାନ୍ତରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୋକ ପ୍ରକାଶ କରିଛନ୍ତି। ସେ ସୋସିଆଲ ମିଡିଆ ସାଇଟରେ ଲେଖିଛନ୍ତି ଯେ, ପ୍ରଭୁ ଶ୍ରୀ ରାମ ଚନ୍ଦ୍ରଙ୍କର ପରମଭକ୍ତ, ଶ୍ରୀ ରାମଜନ୍ମଭୂମୀ ମନ୍ଦିରର ମୁଖ୍ୟ ପୁରୋହିତ ଆଚାର୍ଯ୍ୟ ଶ୍ରୀ ସତ୍ଯନ୍ଦ୍ର କୁମାର ଦାସ ଜୀ ମହାରାଜଙ୍କ ନିଧନ ଅତ୍ୟନ୍ତ ଦୁଃଖଦ। ଏହା ସାମାଜିକ ଏବଂ ଆଧ୍ୟାତ୍ମିକ ଜଗତ ପାଇଁ ଅପୂରଣୀୟ କ୍ଷତି। ତାଙ୍କୁ ବିନମ୍ର ଶ୍ରଦ୍ଧାଞ୍ଜଳି! ପ୍ରଭୁ ଶ୍ରୀ ରାମଙ୍କ ନିକଟରେ ପ୍ରାର୍ଥନା ଯେ ବିବଙ୍ଗତ ପୁଣ୍ୟାତ୍ମାଙ୍କୁ ପ୍ରଭୁ ଶ୍ରୀରାମ ଚନ୍ଦ୍ର ପାଦତଳେ ସ୍ଥାନ ଦିଅନ୍ତୁ ଏବଂ ଶୋକସନ୍ତପ୍ତ ଶିଷ୍ୟ ଓ ଅନୁଗାମୀମାନଙ୍କୁ ଏହି ଅପାର ଦୁଃଖ ସହିବାକୁ ଶକ୍ତି ଦିଅନ୍ତୁ। ଓମ୍ ଶାନ୍ତି!
