Tag: ଆତ୍ମହତ୍ୟା ସନ୍ଦେହ

ତେଲେଙ୍ଗାନା: ସେଲିବ୍ରିଟି ଫ୍ୟାଶନ ଡିଜାଇନର୍ ପ୍ରତ୍ୟୁଷା ଗରିମେଲାଙ୍କୁ ଶନିବାର ଦିନ ତେଲେଙ୍ଗାନାର ହାଇଦ୍ରାବାଦସ୍ଥିତ ବଞ୍ଜାରା ହିଲ୍ସ ଘରେ ସନ୍ଦେହଜନକ ଅବସ୍ଥାରେ ମୃତଦେହ ମିଳିଛି। ବଞ୍ଜାରା ହିଲ୍ସରେ ଗାରିମେଲା ନାମକ ସଂସ୍ଥାର ପ୍ରତ୍ୟୁଷା ଏକ ଫ୍ୟାଶନ୍ ଷ୍ଟୁଡିଓ ଚଳାଉଥିଲେ ଏବଂ ଟଲିଉଡ, ବଲିଉଡ ଏବଂ ଅନ୍ୟାନ୍ୟ କ୍ଷେତ୍ରର ଲୋକଙ୍କ ପାଇଁ ପୋଷାକ ଡିଜାଇନ୍ କରୁଥିଲେ। ବଞ୍ଜାରା ହିଲ୍ସର ସର୍କଲ ଇନ୍ସପେକ୍ଟର କହିଛନ୍ତି ଯେ, ତାଙ୍କୁ ବାଥରୁମ ଭିତରେ ପଡ଼ିଥିବାର ଦେଖିବାକୁ ମିଳିଥିଲା। ତାଙ୍କ ମୃତଦେହ ପୋଷ୍ଟମର୍ଟମ ପାଇଁ ଓସମାନିଆ ହସ୍ପିଟାଲକୁ ପଠାଯାଇଛି। ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି।

ପୋଲିସ ତାଙ୍କ ଶୋଇବା ଘରରୁ କାର୍ବନ ମନୋକ୍ସାଇଡ୍ ସିଲିଣ୍ଡର ଜବତ କରିଛି। ବଞ୍ଜାରା ହିଲ୍ସରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ବର୍ତ୍ତମାନ ଅଧିକ ଅନୁସନ୍ଧାନ କରାଯିବ।

ବେଙ୍ଗାଲୁରୁ: କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବିଏସ୍ ୟେଦିୟୁରପ୍ପାଙ୍କ ନାତୁଣୀ (ବଡ ଝିଅର ଝିଅ)ଙ୍କ ମୃତଦେହ ବେଙ୍ଗାଲୁରୁ ଘରେ ମିଳିଛି। ପୋଲିସର ସୂଚନାନୁସାରେ ୩୦ ବର୍ଷିୟ ସୌନ୍ଦର୍ଯ୍ଯାଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା। ପୋଲିସ “ଅପମୃତ୍ୟୁ” ମାମଲା ରୁଜୁ କରିଛି।

ପୋଲିସ ସନ୍ଦେହ କରୁଛି ଯେ, ସୌନ୍ଦର୍ଯ୍ଯା ଆତ୍ମହତ୍ୟା କରିଥାଇ ପାରନ୍ତି, କିନ୍ତୁ ତଦନ୍ତ ଚାଲିଛି। ସୌନ୍ଦର୍ଯ୍ଯା ବିଏସ୍ ୟେଡିୟୁରପ୍ପାଙ୍କ ବଡ ଝିଅ ପଦ୍ମାବତୀଙ୍କ ଝିଅ। ଏହି ମାମଲାରେ ଏଫ୍ଆଇଆର୍ ପଞ୍ଜିକରଣ କରି ପୋଲିସ ତଦନ୍ତ ଆରମ୍ଭ କରିଛି। ସୌନ୍ଦର୍ଯ୍ଯା ଜଣେ ଡାକ୍ତର ଥିଲେ। ସେ ମାତ୍ର ଦୁଇ ବର୍ଷ ପୂର୍ବେ ବିବାହ କରିଥିଲେ।