ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ)ରେ ଇନ୍ଷ୍ଟିଚ୍ୟୁଟ୍ ଅଫ୍ ଇଲେକ୍ଟ୍ରିକାଲ୍ ଆଣ୍ଡ ଇଲେକ୍ଟ୍ରୋନିକ୍ସ ଇଞ୍ଜିନିୟର୍ସ (ଆଇଇଇଇ) ପକ୍ଷରୁ ଗୁରୁବାର ଠାରୁ “ସଷ୍ଟେନେବଲ ଏନର୍ଜି ଆଣ୍ଡ ଫ୍ୟୁଚର ଇଲେକ୍ଟ୍ରିକ୍ ଟ୍ରାନ୍ସପୋର୍ଟେସନ୍ (ସେଫେଟ-୨୦୨୩)” ଶୀର୍ଷକ ୪ ଦିନିଆ ତୃତୀୟ ଆନ୍ତର୍ଜାତିକ ସମ୍ମିଳନୀ ଆରମ୍ଭ ହେବ। ଏଥିରେ ସାରା ବିଶ୍ୱରୁ ୫୦୦ ରୁ ଊର୍ଦ୍ଧ୍ୱ ଗବେଷକ ଯୋଗ ଦେବାର କାର୍ଯ୍ୟକ୍ରମ ରହିଛି।
ଏହି ସମ୍ମିଳନୀରେ ଇଞ୍ଜିନିୟର, ଗବେଷକ, ବୈଜ୍ଞାନିକ ଓ ଶିକ୍ଷାବିତ୍ମାନେ ରିନ୍ୟୁବଲ୍ ଏନର୍ଜି, ଇଲେକ୍ଟ୍ରିକ୍ ଟ୍ରାନ୍ସପୋର୍ଟେସନ୍, ପାୱାର ଇଲେକ୍ଟ୍ରୋନିକ୍ସ, ଇଲେକ୍ଟ୍ରିକ୍ ଡ୍ରାଇଭ୍ସ, କଂଟ୍ରୋଲ୍ ଟେକ୍ନିକ୍ସ, ସ୍ମାର୍ଟ ଗ୍ରୀଡ୍ସ, କମ୍ୟୁନିକେସନ୍ ପ୍ରୋଟୋକଲ୍ସ, ଇନ୍ଟେଲିଜେନ୍ସ ଚାର୍ଜିଂ ଇନ୍ଫ୍ରାଷ୍ଟ୍ରକ୍ଚର ଆଣ୍ଡ ଷ୍ଟାଣ୍ଡାର୍ଡ୍ସ ସମ୍ପର୍କରେ ନିଜର କାର୍ଯ୍ୟକୁ ପ୍ରଦର୍ଶନ କରିବା ସହ ଅଭିଜ୍ଞତା ଓ ଧାରଣାକୁ ବ୍ୟକ୍ତ କରିବେ ବୋଲି ସେଫେଟ୍-୨୦୨୩ର ଜେନେରାଲ୍ ଚେୟାର ପ୍ରଫେସର ରେଣୁ ଶର୍ମା କହିଛନ୍ତି।
ୟୁନାଇଟେଡ୍ ଷ୍ଟେଟ୍ସ, ୟୁନାଇଟେଡ୍ କିଙ୍ଗଡମ୍, ଅଷ୍ଟ୍ରେଲିଆ, ସିଙ୍ଗାପୁର, ଜାପାନ, ଚୀନ୍, ନେଦରଲ୍ୟାଣ୍ଡ, ତାଇୱାନ୍, କାତାର ଏବଂ ଥାଇଲାଣ୍ଡ ସହିତ ଅନ୍ୟ କେତେକ ଦେଶର ପ୍ରତିନିଧି ଏହି ସମ୍ମିଳନୀରେ ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି ସେ କହିଛନ୍ତି।
ଆଇଇଇଇ ଇଣ୍ଡଷ୍ଟ୍ରି ଆପ୍ଲିକେସନ୍ସ ସୋସାଇଟି (ଆଇଏଏସ୍) ଏକ ସ୍ୱେଚ୍ଛାସେବୀ ପ୍ରୋତ୍ସାହିତ ଅନୁଷ୍ଠାନ ଯାହାକି ଇଞ୍ଜିନିୟରିଂ ବୃତିଧାରୀଙ୍କ ଦ୍ୱାରା ଇଲେକ୍ଟ୍ରିକାଲ୍ ଓ ଇଲେକ୍ଟ୍ରୋନିକ ସିଷ୍ଟମ୍ସର ଥିଓରି ଓ ପ୍ରାକ୍ଟିସ୍କୁ ଆଗକୁ ନେବା ନିମନ୍ତେ କାର୍ଯ୍ୟ କରିଥାଏ। ସେହିପରି ଆଇଇଇଇ ପାୱାର ଆଣ୍ଡ ଏନର୍ଜି ସୋସାଇଟି ଆଇଇଇଇର ସର୍ବ ପୁରାତନ ସୋସାଇଟି ଯାହାକି ଇଲେକ୍ଟ୍ରିକ୍ ପାୱାର ଓ ଏନର୍ଜି ସମ୍ପର୍କିତ ସାଇନ୍ଟିଫିକ୍ ଓ ଇଞ୍ଜିନିୟରିଂ ଜ୍ଞାନ ଉପରେ ଗୁରୁତ୍ୱ ଦେଇଥାଏ।
ଆଇଇଇଇ ସେଫେଟ୍ରେ କିନୋଟ ଓ ପ୍ଲେନାରୀ ସେସନ୍, ଟେକ୍ନିକାଲ୍ ପେପର ପ୍ରେଜେନ୍ଟେସନ୍, ଇଣ୍ଡଷ୍ଟ୍ରି ସେସନ୍ସ ଓ ଆୱାର୍ଡସ କରାଯିବ।
ଏହି ସମ୍ମିଳନୀଟି ଛାତ୍ରଛାତ୍ରୀ ଓ ଯୁବ ବୃତିଧାରୀଙ୍କ ନିମନ୍ତେ ନୂତନ ଜ୍ଞାନକୌଶଳ ଶିକ୍ଷା କରିବା ନିମନ୍ତେ ସୁଯୋଗ ପ୍ରଦାନ କରିବା ସହ ଏକ ଷ୍ଟାର୍ଟଅପ୍ ପ୍ରଦର୍ଶନୀର ପ୍ରସ୍ତୁତି କରାଯାଇଥିବା ପ୍ରଫେସର ଶର୍ମା କହିଛନ୍ତି।
ଏହା ବ୍ୟତୀତ ବିଭିନ୍ନ ୱାର୍କସପ୍, ରାଉଣ୍ଡଟେବଲ୍ ଡିସ୍କସନ୍ ମଧ୍ୟ ପ୍ରଥମ ଥର ପାଇଁ ଆଇଇଇଇ ସ୍ମାର୍ଟ ଭିଲେଜ୍ (ଆଇଏସ୍ଭି) ଦ୍ୱାରା ପରିକଳ୍ପନା କରାଯାଇଥିବା ସେ କହିଛନ୍ତି।
ପ୍ରଫେସର ଶର୍ମା କହିଛନ୍ତି ଏହି ସମ୍ମିଳନୀ ପାଇଁ ମୋଟ ୫୧୦ଟି ସନ୍ଦର୍ଭ ସଂଗୃହୀତ କରାଯାଇଥିବା ବେଳେ ୨୫୧ଟିକୁ ଆଇଇଇଇ ଏକ୍ସପ୍ଲୋର୍ରେ ପ୍ରକାଶନ ପାଇଁ ମନୋନୀତ କରାଯାଇଛି।
ଏହି ସମ୍ମିଳନୀରେ ଜାତୀୟ ଓ ଆନ୍ତର୍ଜାତିକ ସ୍ତରୀୟ ବିଶ୍ୱବିଦ୍ୟାଳୟ ଭାରତୀୟ ଏବଂ ବିଦେଶୀ ଶିକ୍ଷାନୁଷ୍ଠାନ ଗୁଡ଼ିକ ମଧ୍ୟରେ ଗବେଷଣା ଓ ନୂତନ ଜ୍ଞାନକୌଶଳ ଦିଗରେ ସୁଯୋଗ ପ୍ରଦାନ କରିବ।
ଏହି ସମ୍ମିଳନୀର ମୁଖ୍ୟ ଉଦ୍ଦେଶ୍ୟ ରହିଛି ନୂତନ ଧାରାରେ ବିଭିନ୍ନ କ୍ଷେତ୍ରକୁ ନେଇ ବୈଜ୍ଞାନିକ ଗବେଷଣାର ଗୁରୁତ୍ୱ ନେଇ ସଚେତନ କରାଇବା ବୋଲି ପ୍ରଫେସର ଶର୍ମା କହିଛନ୍ତି।
