ମୁମ୍ବାଇ: ନୀତା ଅମ୍ବାନି କଲଚରାଲ୍ ସେଣ୍ଟର ଶୁଭାରମ୍ଭର ଦ୍ୱିତୀୟ ଦିନରେ “ଇଣ୍ଡିଆ ଇନ୍ ଫେସନ’ ନାମକ ଏକ ମେଗା ସୋ’ ଆୟୋଜିତ ହୋଇଯାଛି। ଏହି ପ୍ରଦର୍ଶନୀରେ ଫେସନ ଦୁନିଆରେ ଭାରତୀୟ ଫେସନର ରହିଥିବା ପ୍ରଭାବକୁ ଅତି ଚମତ୍କାର ଢଙ୍ଗରେ ପ୍ରଦର୍ଶିତ କରାଯାଇଥିଲା। କଷ୍ଟ୍ୟୁମ୍ ବିଶେଷଜ୍ଞ ହାମିସ ବୋଲ୍ସ ଏହି କଷ୍ଟ୍ୟୁମ୍ ଆର୍ଟ ସୋ’କୁ ପ୍ରସ୍ତୁତ କରିଥିବା ବେଳେ ପ୍ୟାଟ୍ରିକ୍ କିନ୍ମୋଂଥ୍ଙ୍କ ସହିତ ମିଶି ଋଶଦ ଶ୍ରଫ ଏହାର ଡିଜାଇନ୍ ପ୍ରସ୍ତୁତ କରିଥିଲେ।
ଏହି ସୋ’ରେ ଦୁନିଆର କିଛି ଦୁର୍ଲଭ ପୋଷାକକୁ ସାମିଲ କରାଯାଇଛି। ଏହି ସୋ’ ପାଇଁ ୧୪୦ରୁ ଅଧିକ ପୋଷାକ ପରିଚ୍ଛଦକୁ ପ୍ରମୁଖ ଫେସନ୍ ହାଉସ୍, ବ୍ୟକ୍ତିଗତ ସଂଗ୍ରହ ଏବଂ ସାରା ଦୁନିଆର ପ୍ରମୁଖ ସଂଗ୍ରହାଳୟଗୁଡ଼ିକରୁ ଅଣାଯାଇଥିଲା।
ଆଲେକଜାଣ୍ଡର ମାକ୍ୱିନ, ବେଲେନ୍ସିୟାଗା ଆର୍କାଇଭ୍ସ-ପ୍ୟାରିସ, ସନେଲ୍, କ୍ରିଷ୍ଟିଆନ ଡିୟୋର କୁଟୁଅର, ମେସନ କ୍ରିଷ୍ଟିଆନ ଲୁବୋଟିନ୍, କୋରା ଗେନ୍ସବର୍ଗ ଏଲ୍ଏଲ୍ସି, ଡ୍ରିସ୍ ବେନ୍ ନୋଟେନ୍, ଏନ୍ରିକୋ କ୍ୱିଂଟୋ ଏବଂ ପାଓଲୋ ତିନାରେଲି କଲେକ୍ସନ, ଫେସନ ମ୍ୟୁଜିୟମ୍ ବାଥ୍, ଫ୍ରାଂଚେସ୍କା ଗେଲୋୱେ କଲେକ୍ସନ-ଲଣ୍ଡନ ଭଳି ବହୁ ଆନ୍ତର୍ଜାତିକ ଫେସନ ହାଉସ୍ ଓ ଫେସନ ଡିଜାଇନରମାନଙ୍କ କଲେକ୍ସନ (ସମ୍ଭାର)କୁ ଏଥିରେ ପ୍ରଦର୍ଶିତ କରାଯାଇଥିଲା।
ଭାରତୀୟ ଫେସନ ଡିଜାଇନ୍ର ରାହୁଲ ମିଶ୍ର, ରିତୁ କୁମାର, ଅବୁ ଜାନି ସନ୍ଦୀପ ଖୋସଲା, ମନିଷ ଅରୋରା, ସବ୍ୟସାଚୀ, ତରୁଣ ତହିଲିୟାନି, ଅନାମିକା ଖାନ୍ନା, ଅନିତା ଡୋଙ୍ଗରେ, ଅନୁରାଧା ୱକିଲଙ୍କ ଡିଜାଇନର ପୋଷାକର ଯାଦୁ ମଧ୍ୟ ଦେଖିବାକୁ ମିଳିଥିଲା।
ମୁଖ୍ୟତଃ ଅଷ୍ଟାଦଶରୁ ଏକବିଂଶ ଶତାବ୍ଦୀ ପର୍ୟ୍ୟନ୍ତ ୟୁରୋପୀୟ ଡିଜାଇନରମାନଙ୍କୁ ଭାରତ ପ୍ରେରଣା ପ୍ରଦାନ କରିଥିଲା। କିନ୍ତୁ ଏଥିରୁ ଅତ୍ୟନ୍ତ ସ୍ୱତନ୍ତ୍ର ଥିବା ତିନି ଫେସନ ହାଉସ୍ ହେଉଛି ସନେଲ୍, କ୍ରିଷ୍ଟିଆନ୍ ଡିୟୋର ଏବଂ ୱିବ୍ସ ସେଂଟ୍ ଲରେଂଟ୍। ତିନି ପ୍ରଦର୍ଶନୀ କକ୍ଷରେ ପ୍ରଦର୍ଶିତ ଏହି ତାରକା ଡିଜାଇନରମାନଙ୍କ କୃତିରେ ଭାରତୀୟତାର ଛାପ ସ୍ପଷ୍ଟ ଭାବେ ଦେଖିବାକୁ ମିଳିଛି।
