ନୂଆଦିଲ୍ଲୀ: ବଟଲା ହାଉସ ଏନକାଉଣ୍ଟର ମାମଲାରେ ଶାକେତ କୋର୍ଟ ଅରିଜ ଖାନକୁ ମୃତ୍ୟୁ ଦଣ୍ଡାଦେଶ ଦେଇଛନ୍ତି। ମାର୍ଚ୍ଚ ୮ ତାରିଖରେ ଆରିଜ ଖାନକୁ କୋର୍ଟ ଦୋଷୀ ସାବ୍ୟସ୍ତ କରିଥିଲେ। ଆତଙ୍କୀ ଆରିଜ ଉପରେ ୧୧ ଲକ୍ଷ ଟଙ୍କା ଜରିମାନା ମଧ୍ୟ ଲଗାଇଛନ୍ତି। ସେଥିରୁ ୧୦ ଲକ୍ଷ ଟଙ୍କା ଶହୀଦ ହୋଇଥିବା ପୋଲିସ ଅଧିକାରୀ ମୋହନ ଚନ୍ଦ ଶର୍ମାଙ୍କ ପରିବାରକୁ ମିଳିବ। ଏହାପୂର୍ବରୁ ଏହି ମାମଲାରେ ଅଭିଯୁକ୍ତ ଶହଜାଦ ଆହମଦକୁ ୨୦୧୩ ରେ ଦଣ୍ଡାଦେଶ ହୋଇଛି। ଯାହାକି ସେମାନଙ୍କ ୨ ଜଣ ସାଥି ଆତିଫ ଆମିନ ଏବଂ ମହମ୍ମଦ ସାଜିଦକୁ ମାରି ଦିଆଯାଇଥିଲା।
ଉଲ୍ଲେଖ ଯୋଗ୍ୟ ଯେ, ୨୦୦୮ ରେ ହୋଇଥିବା ବଟଲା ହାଉସ ଏନକାଉଣ୍ଟର କେସ ପରେ ଆରିଜ ଦେଶରୁ ପଳାୟନ କରିଥିଲା। ୨୦୧୮ରେ ତାକୁ ନେପାଳରେ ଗିରଫ କରାଯାଇଥିଲା। ଏହି ଏନକାଉଣ୍ଟରରେ ଇନସପେକ୍ଟର ମୋହନ ଚନ୍ଦ ଶର୍ମା ଶହୀଦ ହୋଇଥିଲେ। ଏହାସହିତ ପୋଲିସ କର୍ମୀ ବଲବତ ସିଂହ ରାଜବୀରକୁ ଜୀବନରେ ମାରିଦେବା ପାଇଁ ପ୍ରୟାସ କରାଯାଇଥିଲା। ତେବେ କୋର୍ଟଙ୍କ ଏହି ରାୟ ପରେ ରାଜନୀତି ବୟାନ ବାଜି ଆରମ୍ଭ ହୋଇଯାଇଅଛି।
