Tag: ଆର୍ଯ୍ୟନ ଖାନ

ନୂଆଦିଲ୍ଲୀ: ଶେଷରେ ବହୁ ଯୁକ୍ତି ତର୍କ ପରେ ମୁମ୍ବାଇ ହାଇକୋର୍ଟ ଆର୍ଯ୍ୟନ ଖାନଙ୍କୁ ଜାମିନ ପ୍ରଦାନ କରିଛନ୍ତି। ଜାହଜରେ ଡ୍ରଗ୍ସ ସେବନ ମାମଲାରେ ସେ ପ୍ରାୟ 26 ଦିନ ଧରି ଜେଲରେ ଅଛନ୍ତି। ଆଜି ତାଙ୍କର ଜାମିନ ମିଳିଥିଲେ ମଧ୍ୟ ସେ ଏବେ ଜେଲରୁ ମୁକୁଳିପାରିବେ ନାହିଁ।

କାରଣ ହେଲା ଆଜି ସଂଧ୍ୟାରେ ତାଙ୍କର ଶୁଣାଣି ହେଲା। ଫଳରେ କୋର୍ଟରୁ ଜାମିନ ଅର୍ଡର ଆଜି ଜେଲକୁ ଯାଇପାରିବ ନାହିଁ। ତାଙ୍କ ଓକିଲ ତଥା ଦେଶର ପୂର୍ବତନ ଆଟର୍ଣ୍ଣି ଜେନେରାଲ ମୁକୁଲ ରୋହତଗୀ ଅଛନ୍ତି। ତାଙ୍କର କହିବା କଥା ଯେ, ଆସନ୍ତାକାଲି ଯାହା କିଛି ଫର୍ମାଲିଟ ରହିଛି ତାହାକୁ ପୁରଣ କରାଯିବ। ଯେତେଦୂର ଆଶା ଆସନ୍ତାକାଲି କିମ୍ବା ଶନିବାର ଦିନ ଆର୍ଯ୍ୟନ ଜେଲରୁ ମୁକୁଳିବେ ବୋଲି ଜଣାପଡିଛି।

ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ନବାବ ମଲିକଙ୍କ ବିରୋଧରେ ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖେଡଙ୍କ ଭଉଣୀ ଜସ୍ମିନ ୱାଙ୍ଖେଡ ଏଫଆଇଆର ଦାଖଲ କରିଛନ୍ତି। ଗୁରୁବାର ଦିନ ଜଣେ ଅଧିକାରୀ ଏହି ସୂଚନା ଦେଇଛନ୍ତି। ମୁମ୍ବାଇ ଉପକୂଳରୁ ଏକ କ୍ରୁଜ୍ ଜାହାଜରୁ ଡ୍ରଗ୍ସ ଜବତ ଅଭିଯୋଗରେ ଗିରଫ ହୋଇଥିବା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ମୁକ୍ତ କରିବା ପାଇଁ ସମୀର ୱାଙ୍ଖେଡଙ୍କୁ ଟଙ୍କା ମାଗିଥିବା ଅଭିଯୋଗ ହୋଇଛି।

ଏହି ମାମଲାରେ ତାଙ୍କ ବିରୋଧରେ ଏନସିବି ବିଭାଗୀୟ ଭିଜିଲାନ୍ସ ତଦନ୍ତ ଚାଲିଛି। ଓସିୱାରା ପୋଲିସ ଷ୍ଟେସନରେ ଦାଖଲ ହୋଇଥିବା ଦୁଇ ପୃଷ୍ଠାର ଅଭିଯୋଗରେ ୟସ୍ମିନ୍ ୱାଙ୍ଖେଡ ଦାବି କରିଛନ୍ତି ଯେ, ସୋସିଆଲ ମିଡିଆରେ ତାଙ୍କ ପରିବାରକୁ ଟାର୍ଗେଟ କରାଯାଉଛି ଏବଂ ମଲିକ ତାଙ୍କ ପରିବାରର ମାଲଦ୍ୱୀପ ଗସ୍ତକୁ ନେଇ ବଦନାମ କରିଛନ୍ତି।

ସେ ଅଭିଯୋଗ କରିଛନ୍ତି ଯେ, ମଲିକ ତାଙ୍କୁ ଏବଂ ତାଙ୍କ ପରିବାରକୁ ବଦନାମ କରିବାକୁ ଚେଷ୍ଟା କରୁଛନ୍ତି। ଅଭିଯୋଗରେ ସେ ଏହା ମଧ୍ୟ କହିଛନ୍ତି ଯେ, ତାଙ୍କର ଅନଲାଇନ୍ କାର୍ଯ୍ୟକଳାପ ଉପରେ ନଜର ରଖାଯାଉଛି ଏବଂ ମନ୍ତ୍ରୀ ଇନଷ୍ଟାଗ୍ରାମ ଏବଂ ଫେସବୁକ୍ ଭଳି ସୋସିଆଲ ମିଡିଆ ପ୍ଲାଟଫର୍ମରେ ସେୟାର ହୋଇଥିବା ବ୍ୟକ୍ତିଗତ ଫଟୋଗ୍ରାଫକୁ ମିଡିଆ ବ୍ୟକ୍ତିବିଶେଷଙ୍କ ନିକଟକୁ ପଠାଉଛନ୍ତି।