କଲିକତା: ପଶ୍ଚିମବଙ୍ଗରେ ଆସାନସୋଲ ଲୋକସଭା ଆସନ ଏବଂ ବାଲିଗଞ୍ଜ ବିଧାନସଭା ନିର୍ବାଚନରେ ଟିଏମସି ଜିତିଛି। ଟିଏମସି ପ୍ରାର୍ଥୀ ଶତ୍ରୁଘ୍ନ ସିହ୍ନା ଆସାନସୋଲ ଲୋକସଭା ଆସନରେ ୩.୭୫ ଲକ୍ଷ ଭୋଟ ପାଇଥିବାବେଳେ ବାବୁଲ ସୁପ୍ରିଓ ବାଲିଗଞ୍ଜରୁ ଜିତିଛନ୍ତି। ଖୁସି ବ୍ୟକ୍ତ କରି ଦଳର ମୁଖ୍ୟ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ଟିଏମସିର ଏହି ବିଜୟରେ ଭୋଟରଙ୍କୁ ଧନ୍ୟବାଦ ଜଣାଇଛନ୍ତି।
ମମତା ଟ୍ୱିଟ୍ କରି କହିଛନ୍ତି ଯେ, “ଏଆଇଟିସି ପାର୍ଟିର ପ୍ରାର୍ଥୀଙ୍କୁ ଏହି ନିର୍ଣ୍ଣାୟକ ଜନାଦେଶ ଦେଇଥିବାରୁ ମୁଁ ଆସାନସୋଲ୍ ସଂସଦୀୟ ବିଧାନସଭା ନିର୍ବାଚନମଣ୍ଡଳୀ ଏବଂ ବାଲିଗଞ୍ଜ ବିଧାନସଭା ନିର୍ବାଚନମଣ୍ଡଳୀର ଭୋଟରଙ୍କୁ ଅଶେଷ ଧନ୍ୟବାଦ ଜଣାଉଛି।
ଉଲ୍ଲେଖ ଯୋଗ୍ୟ ଯେ, ଆସାନସୋଲ ସିଟ୍ ଝାଡଖଣ୍ଡର ଧନବାଦ୍ ଜିଲ୍ଲା ସୀମା ନିକଟରେ ଅବସ୍ଥିତ। ଏଠାରେ ହିନ୍ଦୀ ଭାଷାଭାଷୀ ଭୋଟରମାନେ ଏକ ନିର୍ଣ୍ଣାୟକ ଭୂମିକା ଗ୍ରହଣ କରନ୍ତି। ଏହାକୁ ଦୃଷ୍ଟିରେ ରଖି ଟିଏମସି ମୁଖ୍ୟ ତଥା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଶତ୍ରୁଘ୍ନ ସିହ୍ନାଙ୍କୁ ପ୍ରାର୍ଥୀ ଭାବେ ମନୋନୀତ କରିଥିଲା। ପୂର୍ବତନ କେନ୍ଦ୍ର ମନ୍ତ୍ରୀ ତଥା ବିଜେପି ନେତା ବାବୁଲ ସୁପ୍ରିଓଙ୍କ ଇସ୍ତଫା ପରେ ଆସାନସୋଲ ଲୋକସଭା ଆସନ ଖାଲି ପଡିଛି।
