ନୂଆଦିଲ୍ଲୀ: କରୋନା ମହାମାରୀର ଭୀଷଣତାକୁ ବିଚାରକୁ ନେଇ କେନ୍ଦ୍ର ସରକାର ଲୋକଙ୍କ ସୁବିଧା ପାଇଁ ଟିକସ ଓ ତତସଂକ୍ରାନ୍ତ ବିଭିନ୍ନ କାର୍ଯ୍ୟର ଅନ୍ତିମ ତାରିଖକୁ ବଢାଇ ଦେଇଛନ୍ତି। ବିଭିନ୍ନ ସମ୍ପୃକ୍ତିପକ୍ଷ ଓ ବ୍ୟକ୍ତିବିଶେଷଙ୍କ ଅନୁରୋଧ କ୍ରମେ ଏହି ପଦକ୍ଷେପ ନିଆଯାଇଛି। ତଦନୁସାରେ ଆୟକର ଆଇନ ୧୯୬୧ ଅନୁସାରେ ନିମ୍ନଲିଖିତ କ୍ଷେତ୍ରରେ ଅନ୍ତିମ ତାରିଖକୁ ଘୁଞ୍ଚାଇ ଦିଆଯାଇଛି।
୧) ୨୦୨୦-୨୧ ଆର୍ଥିକବର୍ଷ ପାଇଁ ଉଦ୍ଧିଷ୍ଟ ବିତ୍ତୀୟ କାରବାର ବିବରଣୀ (ଏସ୍ଏଫ୍ଟି) ପ୍ରଦାନର ଶେଷ ତାରିଖ ଚଳିତମାସ ୩୧ତାରିଖ ଧାର୍ଯ୍ୟ ହୋଇଥିଲା। ସରକାର ଏହାକୁ ଆଉ ଏକ ମାସ ଅର୍ଥାତ୍ ଆଗାମୀ ଜୁନ ୩୦ ତାରିଖ ଯାଏ ବଢାଇ ଦେଇଛନ୍ତି।
୨) ୨୦୨୦ କ୍ୟାଲେଣ୍ଡର ବର୍ଷ ପାଇଁ ରିପୋର୍ଟେବୁଲ ଆକାଉଣ୍ଟ ଷ୍ଟେଟମେଣ୍ଟ ବା ବିବରଣୀ, ଯାହା ଚଳିତବର୍ଷ ୩୧ତାରିଖ ସୁଦ୍ଧା ଦାଖଲ କରିବା ଆୟକର ଆଇନ ଅନୁସାରେ ସ୍ଥିରୀକୃତ, ତାହାର ସମୟସୀମାକୁ ୨୦୨୧ ଜୁନ ୩୦ଯାଏ ବୃଦ୍ଧି କରାଯାଇଛି। ଜୁନ ୩୦ ଏହି ବିବରଣୀ ଦାଖଲର ଶେଷ ତାରିଖ ଧାର୍ଯ୍ୟ ହୋଇଛି।
୩) ଟିକସ୍ ଡିଡ୍କସ ଷ୍ଟେଟମେଣ୍ଟ(ଟିକସକାଟ୍ ବିବରଣୀ) ଦାଖଲ ପାଇଁ ପୂର୍ବରୁ ଯେଉଁ ଶେଷତାରିଖ ୨୦୨୧ ମେ ୩୧ ଧାର୍ୟ୍ୟ ହୋଇଥିଲା ତାହାକୁ ଆଉ ଏକ ମାସ ବଢାଇ ଦିଆଯାଇଛି। ଏବେ ଏହି ଟ୍ୟାକ୍ସ ଡିଡ୍କସନ ଷ୍ଟେଟମେଣ୍ଟ ୨୦୨୧ ଜୁନ ୩୦ ତାରିଖ କିମ୍ବା ତା ପୂର୍ବରୁ କରାଯାଇପାରିବ।
୪) ଫର୍ମ ନଂ-୧୬ରେ ଆୟ ଉତ୍ସରୁ କଟାଯାଇଥିବା ଟିକସ ସାର୍ଟିଫିକେଟ ଏବେ କର୍ମଚାରୀମାନେ ୨୦୨୧ ଜୁନ ୧୫ଯାଏ ଦାଖଲ କରିପାରିବେ। ପୂର୍ବରୁ ଏହି ସମୟସୀମା ମେ ୧୫ ପର୍ୟ୍ୟନ୍ତ ଧାର୍ୟ୍ୟ ହୋଇଥିଲା।
୫) ୨୦୨୧ ମେ’ ମାସ ପାଇଁ ଉଦ୍ଦିଷ୍ଟ ଟିଡିଏସ୍/ ଟିସିଏସ୍ ବୁକ୍ ଆଡଜଷ୍ଟମେଣ୍ଟ ଷ୍ଟେଟମେଣ୍ଟ ଫର୍ମ ନମ୍ବର ୨୪ଜି ରେ ୨୦୨୧ ଜୁନ ୧୫ତାରିଖ ଯାଏ ଦାଖଲ କରିହେବ। ଆହୁରି ମଧ୍ୟ ଧାରା ୩୦ ଅଧୀନ ୩୭ସି ଏ ଆଇନ ଅନୁସାରେ ଏ ସଂକ୍ରାନ୍ତ ତଥ୍ୟ ୨୦୨୧ ଜୁନ ୩୦ତାରିଖ ପର୍ୟ୍ୟନ୍ତ ଉପସ୍ଥାପିତ କରି ହେବ।
୬) ୨୦୨୦-୨୧ ବର୍ଷ ପାଇଁ ନିବେଶକ ପାଣ୍ଠି ଦ୍ୱାରା ଏଡାର ୟୁନିଟ୍ଧାରୀମାନଙ୍କୁ ଫର୍ମ ୬୪ଡିରେ ଦିଆଯାଇଥିବା ଆୟର ବିବରଣୀ ଦାଖଲ ସମୟକୁ ୨୦୨୧ ଜୁନ ୩୦ଯାଏ ବଢାଇ ଦିଆଯାଇଛି। ଆୟକର ନିୟମ ଧାରା ୧୨ସି.ବି ଅନୁସାରେ ପୂର୍ବରୁ ଏହାର ଶେଷ ତାରିଖ ୨୦୨୧ ଜୁନ ୧୫ରଖାଯାଇଥିଲା।
୭) ଟ୍ୟାକ୍ସ ଡିଡକସନ ଷ୍ଟେଟମେଣ୍ଟ ଯାହା ୨୦୨୦-୨୧ ଆର୍ଥିକ ବର୍ଷ ପାଇଁ ଅନୁମୋଦିତ ସୁପରଅନୁଏସନ ଫଣ୍ଡକୁ ଟ୍ରଷ୍ଟୀମାନଙ୍କ ଦ୍ୱାରା ପ୍ରଦାନ ପାଇଁ ଉଦ୍ଦିଷ୍ଟ, ସେ ସଂକ୍ରାନ୍ତ ତଥ୍ୟାବଳୀ ଦାଖଲକୁ ଏକମାସ ବଢାଇ ଦିଆଯାଇଛି। ୨୦୨୧ ମେ’ ୩୧ ପରିବର୍ତ୍ତେ ଏହି ଷ୍ଟେଟମେଣ୍ଟ ୨୦୨୧ଜୁନ ୩୦ ତାରିଖ କିମ୍ବା ତା ପୂର୍ବରୁ ଦାଖଲ କରିହେବ।
୮) ୟୁନିଟ୍ଧାରୀଙ୍କୁ ଇନ୍ଭେଷ୍ଟମେଣ୍ଟ ଫଣ୍ଡ ୨୦୨୦-୨୧ ବର୍ଷର ଦିଆଯାଇଥିବା ଆୟ ବା ଋଣ ସଂକ୍ରାନ୍ତ ଷ୍ଟେଟମେଣ୍ଟ(ଫର୍ମ ନଂ ୬୪ସି ଅନୁସାରେ) ଦାଖଲ ତାରିଖକୁ ୨୦୨୧ ଜୁଲାଇ ୧୫ତାରିଖ ଯାଏ ବୃଦ୍ଧି କରାଯାଇଛି । ଏହାର ଶେଷ ତାରିଖ ଜୁନ ୩୦ ଥିଲା।
୯) ୨୦୨୧-୨୨ ଆସେସମେଣ୍ଟ ବର୍ଷ ପାଇଁ ଆୟକର ରିଟର୍ଣ୍ଣ ଦାଖଲ କରିବାକୁ ଶେଷ ତାରିଖ ୨୦୨୧ ଜୁଲାଇ ୩୧ ଆଇନତଃ ଧାର୍ୟ୍ୟ ହୋଇଥିଲା । ସେଇ ତାରିଖକୁ ଏବେ ୨୦୨୧ ସେପ୍ଟେମ୍ବର ୩୦ତାରିଖ ଯାଏ ବଢାଇ ଦିଆଯାଇଛି ।
୧୦) ୨୦୨୦-୨୧ ବର୍ଷ ପାଇଁ ଆୟକର ଆଇନର ବ୍ୟବସ୍ଥା ଅନୁସାରେ ଯେକୌଣସି ଅଡିଟ ରିପୋର୍ଟ ବିବରଣୀ ପ୍ରଦାନ ସମୟ ସୀମା ୨୦୨୧ ସେପ୍ଟେମ୍ବର ୩୦ରୁ ଅକ୍ଟୋବର ୩୧ଯାଏ ବୃଦ୍ଧି କରାଯାଇଛି ।
୧୧) ଆନ୍ତର୍ଜାତିକ କାରବାର କିମ୍ବା ନିର୍ଦ୍ଦିଷ୍ଟ ଘରୋଇ ବ୍ୟବସାୟ (ଧାରା୨୯ଇ)କ୍ଷେତ୍ରରେ ବ୍ୟକ୍ତିବିଶେଷଙ୍କ ବିବରଣୀ ଦାଖଲ କରିବା ସମୟସୀମାକୁ ୨୦୨୧ ନଭେମ୍ବର ୩୦ତାରିଖ ଯାଏ ବଢାଇ ଦିଆଯାଇଛି । ପୂର୍ବରୁ ଏହାର ସମୟସୀମା ୨୦୨୦-୨୧ ଆର୍ଥିକ ବର୍ଷର ହିସାବ କ୍ଷେତ୍ରରେ ଅକ୍ଟୋବର ୩୧ତାରିଖ ଯାଏ ଧାର୍ୟ୍ୟ ହୋଇଥିଲା ।
୧୨) ୨୦୨୧-୨୨ ଆର୍ଥିକ ବର୍ଷ ପାଇଁ ଆୟକର ରିଟର୍ଣ୍ଣ ଦାଖଲ ଶେଷ ତାରିଖକୁ ଚଳିତବର୍ଷ ନଭେମ୍ବର ୩୦ଯାଏ ବୃଦ୍ଧି କରାଯାଇଛି । ଏହି ତାରିଖ ପୂର୍ବରୁ ଅକ୍ଟୋବର ୩୧ ତାରିଖ ଯାଏ ଥିଲା ।
୧୩) ୨୦୨୧-୨୨ ଆସେସମେଣ୍ଟ ବର୍ଷର ଆୟକର ରିଟର୍ଣ୍ଣ ଦାଖଲର ଶେଷ ତାରିଖକୁ ୨୦୨୧ ନଭେମ୍ବର ୩୦ରୁ ଡିସେମ୍ବର ୩୧ଯାଏ ବୃଦ୍ଧି କରାଯାଇଛି । ଏହି ସମ୍ପ୍ରସାରଣ ଆୟକର ଆଇନର ଧାରା ୧୩୯, ଉପଧାରା ୧ କ୍ଷେତ୍ର ପାଇଁ କେବଳ ପ୍ରଯୁଜ୍ୟ ।
୧୪) ୨୦୨୦-୨୧ ଆସେସମେଣ୍ଟ ବର୍ଷ ପାଇଁ ଆୟକର ବିଳମ୍ବିତ ଓ ସଂଶୋଧିତ ରିଟର୍ଣ୍ଣ ଦାଖଲର ଶେଷ ତାରିଖକୁ ୨୦୨୧ ଡିସେମ୍ବର ୩୧ ପରିବର୍ତ୍ତେ ୨୦୨୨ ଜାନୁୟାରୀ ୩୧ତାରିଖ କରାଯାଇଛି ।
ଏଠାରେ ସୂଚନାଯୋଗ୍ୟ ଯେ କ୍ଲଜ୍ (୧୦), (୧୨) ଓ (୧୩)ରେ ଶେଷତାରିଖ ସମ୍ପ୍ରସାରଣ ଆୟକର ଆଇନର ଏକ୍ସପ୍ଳାନେସନ ୧ରୁ ଧାରା ୨୩୪ଏ ପର୍ୟ୍ୟନ୍ତ ସମ୍ପୂର୍ଣ୍ଣ ଲାଗୁ ହେବ ନାହିଁ। ଏ କ୍ଷେତ୍ରରେ କେତେକ କଟକଣା ଓ ସର୍ତ୍ତାବଳୀ ରହିଛି ।