ଭୁବନେଶ୍ୱର: ବିଭିନ୍ନ ଦାବୀ ନେଇ ରାଜ୍ୟର ସମସ୍ତ ଆୟୁଷ ଛାତ୍ରଛାତ୍ରୀ କଲେଜ ବନ୍ଦ କରି ଆନ୍ଦୋଳନ କରିଛନ୍ତି। ସେମାନଙ୍କର ଦାବୀ ପୂରଣ ନ ହେବା ପର୍ଯ୍ୟନ୍ତ ଏହି ଆନ୍ଦୋଳନ ଚାଲୁ ରହିବ ବୋଲି ଛାତ୍ରଛାତ୍ରୀଙ୍କ ଧମକ ଦେଇଛନ୍ତି।
ରାଜ୍ୟରେ ହୋମିଓପ୍ୟାଥିକ ଓ ଆୟୁର୍ବେଦିକ ଶିକ୍ଷା, ଚିକିତ୍ସା ସେବା, ନିଯୁକ୍ତି ସୁଯୋଗ ସୃଷ୍ଟି, ସରକାରୀ ସ୍ତରରେ ଔଷଧର ପ୍ରସ୍ତୁତି ଆଦି କ୍ଷେତ୍ରରେ କାର୍ଯ୍ୟ କରୁଥିବା ଆୟୁଷ ନିର୍ଦେଶକ ଙ୍କ କାର୍ଯ୍ୟାଳୟ ଦୀର୍ଘ ଦିନ ଧରି ଘୋର ସଙ୍କଟ ଦେଖାଦେଇଛି। ସେହିପରି ସରକାରୀ ସ୍ତରରେ ଉଦାସୀନତା ରୁ ଦୀର୍ଘ ବର୍ଷ ଧରି ଆୟୁଷ ଉପ ନିର୍ଦେଶକ ପଦବୀ ଖାଲି ପଡିଛି। କେନ୍ଦ୍ର ଆୟୁଷ ମିଶନ (ନ୍ୟାସନାଲ ଆୟୁଷ ମିଶନ)ରୁ ରାଜ୍ୟ କୁ ଆସୁଥିବା ଅର୍ଥ ଅନୁଦାନ ସୁ ବିନିଯୋଗ ପାଇଁ ରାଜ୍ୟ ପ୍ରୋଜେକ୍ଟ ମ୍ୟାନେଜର ପୋଷ୍ଟ,ଫାଇନାନ୍ସ ମ୍ୟାନେଜର ପୋଷ୍ଟ ଖାଲି ପଡ଼ିଛି। ଏହିପରି ଛାତ୍ରଛାତ୍ରୀମାନେ ବିଭିନ୍ନ ଦାବୀ ଉପସ୍ଥାପିତ କରିଛନ୍ତି।
ଅନ୍ୟପକ୍ଷରେ ସରକାରୀ ଭାବେ ବିଭିନ୍ନ ଡ଼ିସ୍ପେନସାରି କୁ ଯୋଗାଇ ହେଉଥିବା ଅଧିକାଂଶ ଔଷଧ ଗୁଣବତ୍ତା ଅତି ନିମ୍ନ ମାନର ବୋଲି ଅଭିଯୋଗ ହୋଇଆସୁଛି।ସେ ସମ୍ପର୍କରେ ଅବଗତ କରାଇବା ପରେ କୌଣସି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ।ସେ ସମ୍ପର୍କରେ ସୂଚନା ଅଧିକାର ଆଇନ ଅନୁଯାୟୀ ଆବେଦନ କଲେ କାର୍ଯ୍ୟାଳୟ ପକ୍ଷରୁ କୌଣସି ପ୍ରକାର ସୂଚନା ପ୍ରଦାନ କରାଯାଉନାହିଁ।
ସେଇଭଳି ରାଜ୍ୟରେ ଭୁବନେଶ୍ୱର ସ୍ଥିତ ଡା ଅଭିନ୍ନ ଚନ୍ଦ୍ର ହୋମିଓପ୍ୟାଥିକ ଭେଷଜ ମହାବିଦ୍ୟାଳୟ ରେ ଥିବା ଗୋଟିଏ ମାତ୍ର ସରକାରୀ ହୋମିଓପ୍ୟାଥିକ ମିନୀ ଫର୍ମାସି ବନ୍ଦ ପଡ଼ିଛି।ବଲାଙ୍ଗୀର, ଭୁବନେଶ୍ୱର,, ପୁରୀ ରେ ଥିବା ଆୟୁର୍ବେଦ ଫର୍ମାସି ଆୟୁଷ ନିର୍ଦେଶକ ଙ୍କ ଅପାରଗତା ରୁ ବିପର୍ଯ୍ୟସ୍ତ ଅବସ୍ଥାରେ ଅଛି।
ବିଭିନ୍ନ ସରକାରୀ ଆୟୁର୍ବେଦିକ ଓ ହୋମିଓପାଠୀଙ୍କ ଡ଼ିସ୍ପେନସାରିସ୍ଥିତି, ନୂତନ ଦିସ୍ପେନସାରି ସୃଷ୍ଟି, ଡାକ୍ତର ନିଯୁକ୍ତି,ଆୟୁଷ କଲେଜ ଭିତ୍ତିଭୂମି ବିକାଶ ଓ ମାନବ ସମ୍ବଳ ବିକାଶ ଆଦିନେଇ ପଦକ୍ଷେପକୁ ନିର୍ଦେଶକ ଙ୍କ କାର୍ଯ୍ୟାଳୟ ପକ୍ଷ ରୁ ସ୍ଥାଣୁ ରହିଛି।ଏଦିଗରେ ତୁରନ୍ତ ପଦକ୍ଷେପ ଗ୍ରହଣ କରିବା ପାଇଁ ଓଡ଼ିଶା ଆୟୁଷ ବିକାଶ ପରିଷଦ ପକ୍ଷରୁ ସଂପାଦକ ଡା ତ୍ରୈଲୋକ୍ୟ ନାଥ ମହାରଣା ବାଚସ୍ପତି,ମୁଖ୍ୟମନ୍ତ୍ରୀ, ମୁଖ୍ୟ ସଚେତକ,ସ୍ୱାସ୍ଥ୍ୟ ବିଭାଗ ମନ୍ତ୍ରୀ ଓ ରାଜ୍ୟ ସରକାରଙ୍କୁ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ ପତ୍ର ପ୍ରେରଣ କରିଛନ୍ତି।
