Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସ୍ୱାସ୍ଥ୍ୟ ଅଧିକାରୀଙ୍କୁ ଭେଟିଲେ ଆୟୁଷ ଡାକ୍ତରୀ ପ୍ରତିନିଧି ଦଳ, ଦାବୀ ପୂରଣ ପାଇଁ ନେଲେ ୨ ମାସ ସମୟ

ଭୁବନେଶ୍ବର: ରାଜ୍ୟରେ ବିଭିନ୍ନ ଆୟୁଷ ଭେଷଜ ମହାବିଦ୍ୟାଳୟ ଗୁଡ଼ିକରେ ଲାଗିରହିଥିବା ବହୁଦିନର ବିଭିନ୍ନ ସମସ୍ୟା ଓ ହାଉସ ସର୍ଜନ ଭତ୍ତା ବୃଦ୍ଧି ପାଇଁ ଗତ କାଲି ଏକ ଆୟୁଷ ଡାକ୍ତର ପ୍ରତିନିଧି ଦଳ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ସଚିବ ଶାଳୀନ ପଣ୍ଡିତ ଓ ରାଜ୍ୟ ସରକାର ଙ୍କ ଆୟୁଷ ନିର୍ଦେଶକଙ୍କୁ ଏକ ସ୍ମାରକପତ୍ର ପ୍ରଦାନ କରି ବିଭାଗୀୟ ଅଧିକାରୀ ସହିତ ଆଲୋଚନା କରିଛନ୍ତି।

ଆୟୁଷ ଡାକ୍ତର ପ୍ରତିନିଧି ଦଳ ପକ୍ଷରୁ ସ୍ୱାସ୍ଥ୍ୟ ସଚିବ ଙ୍କ ଅନୁପସ୍ଥିତ ରେ ଅତିରିକ୍ତ ସ୍ୱାସ୍ଥ୍ୟ ସଚିବ ସୁମିତ୍ରା ସେନାପତି ଙ୍କୁ ଦାବୀ ପତ୍ର ପ୍ରଦାନ କରି ବହୁ ଦିନରୁ ଲାଗିରହି ଥିବା ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ସର୍ବ ଭାରତୀୟ ପରୀକ୍ଷା ନିଟ ମାଧ୍ୟମରେ ରାଙ୍କ କାର୍ଡ ପାଇ ଉତ୍ତୀର୍ଣ୍ଣ ପରେ ଏମ ବି ବି ଏସ, ବି ଡ଼ି ଏସ, ବି ଏଚ ଏମ ଏସ ଓ ବି ଏମ ଏସ ଏଚ ପଢିବାକୁ ଯୋଗ୍ୟ ବିବେଚିତ ହୋଇଥାନ୍ତି।

ଆମ ରାଜ୍ୟ ସରକାର ଆୟୁଷ ଡାକ୍ତର ଛାତ୍ରଙ୍କୁ ସମ୍ପୂର୍ଣ୍ଣ ଭାବେ ଅଣଦେଖା କରୁଛନ୍ତି।ଦୀର୍ଘ ଦିନର ଥିବା ସମସ୍ୟା ସମ୍ପର୍କରେ ଆଲୋଚନା କରୁଥିବା ବେଳେ,ତୁରନ୍ତ ଆବଶ୍ୟକ ପଦକ୍ଷେପ ଗ୍ରହଣ କରିବା ପାଇଁ ପ୍ରତିଶ୍ରୁତି ଦେଇ ସମସ୍ୟାର ସମାଧାନ କରିବାକୁ ଆଗଭର ହେଉନଥିବା ଆୟୁଷ ଡାକ୍ତର ଓ ଛାତ୍ର ଛାତ୍ରୀ ମାନେ ମାନେ କହିଛନ୍ତି।

ରାଜ୍ୟ ସରକାର ତୁରନ୍ତ ଆୟୁଷ କ୍ଷେତ୍ରରେ ଲାଗିରହିଥିବା ସମସ୍ୟା ର ସମାଧାନ ପାଇଁ ବିହିତ ପଦକ୍ଷେପ ନେବାକୁ ପ୍ରତିନିଧି ଦଳ ପକ୍ଷରୁ ଡା ସୌରଭ ମହାରଣା ଓ ଡା ନାଚିକେତା ଗୁପ୍ତା ସ୍ୱାସ୍ଥ୍ୟ ବିଭାଗ ଅଧିକାରୀ ଙ୍କୁ ଅନୁରୋଧ କରିଥିଲେ।

ଆସନ୍ତା ଦୁଇ ମାସ ମଧ୍ୟରେ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ବିଭାଗ ପକ୍ଷରୁ ଏ ସମ୍ପର୍କରେ ବିହିତ ପଦକ୍ଷେପ ଗ୍ରହଣ ନ କଲେ ,ରାଜ୍ୟରେ ବିଭିନ୍ନ ଆୟୁଷ ଭେଷଜ ମହାବିଦ୍ୟାଳୟ ଓ ହସ୍ପିଟାଲରେ ଆୟୁଷ ସ୍ଵାସ୍ଥ୍ୟ ସେବାରେ ଘୋର ଅବନତି ସହିତ ବିପର୍ଯ୍ୟୟ ପରିଲକ୍ଷିତ ହେବ ଯାହା ପାଇଁ ରାଜ୍ୟ ସରକାର ଦାୟୀ ରହିବେ ଏବଂ ଆୟୁଷ ଡାକ୍ତର ଛାତ୍ର ଛାତ୍ରୀ ଙ୍କ ଦାବୀ ପୂରଣ ନ ହେଲେ ସେମାନେ ବିକଳ୍ପ ପନ୍ଥା ଗ୍ରହଣ କରିବେ ବୋଲି କହିଛନ୍ତି।

Categories
ଆଜିର ଖବର ଜାତୀୟ ଖବର ବ୍ୟବସାୟ ରାଜ୍ୟ ଖବର

କେନ୍ଦ୍ର ଆୟୁଷ ମନ୍ତ୍ରୀଙ୍କୁ ଭେଟିଲେ ରାଜ୍ୟ ଆୟୁଷ ଡାକ୍ତର ଛାତ୍ରଛାତ୍ରୀ, ଦେଲେ ଦାବୀପତ୍ର

ଭୁବନେଶ୍ବର: ରାଜ୍ୟରେ ଅବହେଳିତ ଆୟୁଷ ଶିକ୍ଷା ଓ ସ୍ୱାସ୍ଥ୍ୟ ର ବିକାଶ ପାଇଁ ଆଜି ରାଜ୍ୟ ଆୟୁଷ ଛାତ୍ର ସଂସଦ ତରଫରୁ କେନ୍ଦ୍ର ସରକାରଙ୍କ ଆୟୁଷ ବିକାଶ ମନ୍ତ୍ରୀ ସର୍ବାନନ୍ଦ ସୋନୱାଲ ଙ୍କୁ ସାକ୍ଷାତ କରି ଦାବୀ ପତ୍ର ପ୍ରଦାନ କରାଯାଇଛି।

ରାଜ୍ୟ ଆୟୁଷ ଛାତ୍ର ସଂସଦ ସଭାପତି ଡା ରାଜେଶ ମିଶ୍ର ଓ ସଂପାଦକ ଡା ଲୋପାମୁଦ୍ରା ଖଟୋଇ ଙ୍କ ନେତୃତ୍ୱରେ ଏକ ପ୍ରତିନିଧି ଦଳ ମନ୍ତ୍ରୀ ଙ୍କୁ ଫୋଲତୋଡା ଦେଇ ସ୍ୱାଗତ କରିବା ସହିତ ରାଜ୍ୟରେ ଆୟୁଷ ର ବିପର୍ଯ୍ୟସ୍ତ ପରିସ୍ଥିତି ର ବିକାଶ ପାଇଁ ଦାବିପତ୍ର ପ୍ରଦାନ କରିଥିଲେ।

ରାଜ୍ୟରେ ଦୀର୍ଘ ୨୧ ବର୍ଷ ଧରି ନୂତନ ଭାବେ ଆୟୁର୍ବେଦିକ ଓ ହୋମିଓପ୍ୟାଥିକ ସ୍ଵାସ୍ଥ୍ୟ ଦିସ୍ପେନସାରି ଖୋଲା ଯାଇନାହିଁ। ୨୦୦୨ ମସିହା ରେ ରାଜ୍ୟରେ ୫୬୨ଟି ହୋମିଓପ୍ୟାଥିକ ଦିସ୍ପେନସାରି ଓ ୬୧୯ଟି ଆୟୁର୍ବେଦିକ ମୋଟ ୧୧୮୧ଟି ଆୟୁଷ ଦିସ୍ପେନସାରି ରହିଛି।

ନାସନାଲ ଆୟୁଷ ମିଶନ ବା ନାମ ଗାଇଡ ଲାଇନ ଅନୁସାରେ ପ୍ରତି ପାଞ୍ଚ ହଜାର ଲୋକ ଙ୍କ ପାଇଁ ଜଣେ ଆୟୁଷ ଡାକ୍ତର ଏବଂ ପ୍ରତି ପଚାଶ ହଜାର ଲୋକ ମାନଙ୍କ ପାଇଁ ଏକ ଆୟୁଷ ହସ୍ପିଟାଲ ରହିବା କଥା ମାତ୍ର ରାଜ୍ୟରେ ସାଢ଼େ ଚାରିକୋଟି ଲୋକଙ୍କ ପାଖରେ ଆୟୁଷ ଚିକିତ୍ସା ପାଇଁ କୌଣସି ବ୍ୟବସ୍ଥା ନାହିଁ ବୋଲି ସେମାନେ କହିଥିଲେ।

ଏହି ପ୍ରତିନିଧି ଦଳରେ ଡା ଅଭିର୍ଣ ଚନ୍ଦ୍ର ହୋମିଓପ୍ୟାଥିକ ଭେଷଜ ମହାବିଦ୍ୟାଳୟ ର ସଭାପତି ଡା ନାଚିକେତା ଗୁପ୍ତା, ସମ୍ପାଦକ ଡା ସୌରଭ ମହାରଣା, ଡା ଶୁଭେନ୍ଦୁ ଦାଶ, ସୁନୀଲ ସାହୁ, ସ୍ମୃତିରଖା ସାହୁ, ଅମୃତା ନନ୍ଦିନୀ, ପୂଜା ନାୟକ, ମୌସୁମୀ ପ୍ରିୟଦର୍ଶିନୀ ଙ୍କ ନେତୃତ୍ୱରେ ଏକ ସ୍ମାରକପତ୍ର କେନ୍ଦ୍ର ଆୟୁଷ ମନ୍ତ୍ରୀ ଙ୍କୁ ପ୍ରଦାନ କରିବା ସହ ଏହା ଉପରେ ବିଧିବଦ୍ଧ ପଦକ୍ଷେପ ଗ୍ରହଣ କରିବା ପାଇଁ ଅନୁରୋଧ କରିଥିଲେ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସ୍ବାସ୍ଥ୍ୟ

ରାଜ୍ୟ ସରକାର ଆୟୁଷ ଡାକ୍ତର ନିଯୁକ୍ତି ପାଇଁ ଆନ୍ତଃ ମନ୍ତ୍ରୀ କମିଟି ସ୍ତରୀୟ ବୈଠକରେ ନିଷ୍ପତି

ଭୁବନେଶ୍ବର: ଲୋକସେବା ଭବନରେ ଆନ୍ତଃ ମନ୍ତ୍ରୀ କମିଟି ସ୍ତରୀୟ ବୈଠକ ଆୟୋଜିତ ହୋଇଥିଲା। ପୂର୍ବରୁ ଦୁଇ ଦୁଇ ଥର ବାତିଲ ପରେ ଏହି ବୈଠକ ଗତକାଲି ଅପରାହ୍ନରେ ହୋଇଥିଲା। ଏଥିରେ ପ୍ରଥମ ପର୍ଯ୍ୟାୟରେ ରାଜ୍ୟ ଆୟୁଷଡାକ୍ତର ଛାତ୍ର ସଂସଦକୁ ସେମାନଙ୍କ ପ୍ରାରମ୍ଭିକ ଅଭିଯୋଗ ରଖିବା ପାଇଁ ସୁଯୋଗ ପ୍ରଦାନ କରାଯାଇଥିଲା।

ରାଜ୍ୟ ଆୟୁଷ ଛାତ୍ର ସଂସଦ ସଭାପତି ଡା ରାଜେଶ ମିଶ୍ର ଓ ସମ୍ପାଦକ ଡା ଲୋପାମୁଦ୍ରା ଖଟୋଇ ରାଜ୍ୟରେ ବିଗତ୨୧ବର୍ଷ ଧରି ଆୟୁଷ କ୍ଷେତ୍ରରେ ନୂତନ ଦିସ୍ପେନସାରି ସୃଷ୍ଟି ହୋଇନଥିବା ଏବଂ ଆୟୁଷ କ୍ଷେତ୍ରରେ ନୂତନ ଡାକ୍ତର ନିଯୁକ୍ତିପଦବୀ ପାଇଁ ଦାବୀ ରଖିଥିଲେ।

ରାଜ୍ୟ ସରକାର ସରକାରୀ ଭାବେ ଥିବା ସମସ୍ତ ଆୟୁର୍ବେଦିକ ଓ ହୋମିଓପ୍ୟାଥିକ ଡାକ୍ତର ଙ୍କ କ୍ୟାଡର ଓ ଦରମାର ସଂଶୋଧନ କରିବା ଦ୍ୱାରା ଆଗକୁ ଶୂନ୍ୟସ୍ଥାନ ପଦବୀ ସ୍ୱରୂପ ବର୍ତ୍ତମାନ ୧୯୬ଟି ହୋମିଓପ୍ୟାଥିକ ମେଡ଼ିକାଲ ଅଫିସର ଓ୨୨୮ଟି ଆୟୁର୍ବେଦିକ ମେଡ଼ିକାଲ ଅଫିସର ପୋଷ୍ଟ ପ୍ରସ୍ତୁତି ନିଶ୍ଚିତ କରୁଛନ୍ତି ବୋଲି ସ୍ୱାସ୍ଥ୍ୟ ସଚିବ ଶାଳୀନ ପଣ୍ଡିତ କହିଥିଲେ।

ଆଗକୁ ବ୍ରହ୍ମପୁର ,ବାଲେଶ୍ୱର ଓ ଢେଙ୍କାନାଳ ରେ ଇଣ୍ଟିଗ୍ରେଟେଡ଼ ଆୟୁଷ ହସ୍ପିଟାଲ ରାଜ୍ୟ ସରକାର ପ୍ରସ୍ତୁତ କରୁଥିବା ବେଳେ ୪୦ଗୋଟି ଆୟୁଷ ଡାକ୍ତର ନିଯୁକ୍ତି ସୁଯୋଗ ମିଳିବ ବୋଲି କହିଥିଲେ। ତେବେ ପ୍ରତିବର୍ଷ ରାଜ୍ୟର ୬ ଶହ ଆୟୁଷ ସ୍ନାତକ ଡିଗ୍ରୀ ଧାରୀ ଡାକ୍ତର ପାସ କରୁଥିବା ବେଳେ ସେମାନଙ୍କ ନିଯୁକ୍ତି, ଆୟୁଷ ହାଉସ ସର୍ଜନ ଭତ୍ତା ବୃଦ୍ଧି, ରାଜ୍ୟ ସରକାରଙ୍କ ସମସ୍ତ ଆୟୁଷ କଲେଜ ଭିତ୍ତିଭୂମି ଓ ମାନଵ ସମ୍ବଳ ବିକାଶ ପାଇଁ ରାଜ୍ୟ ସରକାରଙ୍କ କଣ ସକାରତ୍ମକ ପଦକ୍ଷେପ ରହିବ ସେ ନେଇ କୌଣସି ଆଲୋଚନା କରିନଥିଲେ।

ରାଜ୍ୟରେ ପ୍ରତିବର୍ଷ ନୂତନ ଆୟୁଷ ଡାକ୍ତର ନିଯୁକ୍ତି ସୁଯୋଗ ସୃଷ୍ଟି କରିବା ପାଇଁ କୌଣସି ଗୁରୁତ୍ତ୍ୱପୂର୍ଣ୍ଣ ଆଲୋଚନା ହୋଇନଥିଲା।ଆନ୍ତଃ ମନ୍ତ୍ରୀ ସ୍ତରୀୟ ବୈଠକରେ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ,ମନ୍ତ୍ରୀ ଜଗନ୍ନାଥ ସରକାର, ମନ୍ତ୍ରୀ ପ୍ରତାପ କିଶୋର ଦେବ, ମନ୍ତ୍ରୀ ଅତନୁ ସବ୍ୟସାଚୀ ନାୟକ, ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା, ସ୍ୱାସ୍ଥ୍ୟ ବିଭାଗ ସଚିବ ଶାଳୀନ ପଣ୍ଡିତ ଓ ବହୁ ବିଭାଗୀୟ ଅଧିକାରୀ ଉପସ୍ଥିତ ଥିଲେ।

ତେବେ ସମସ୍ତ ଠିକା ଆୟୁଷ ଡାକ୍ତର ଏବଂ ଆସନ୍ତା ୧୫ ତାରିଖ ଠାରୁ ରାଜ୍ୟର ସମସ୍ତ ଠିକା ଆର ବି ଏସ କେ ଡାକ୍ତର ସେମାନଙ୍କ ଦାବୀ ସରକାର ନିୟମିତ ନକଲେ ସେମାନେ ସମୂହ ଛୁଟିରେ ରହିବା ଦାବୀ ପ୍ରତି ରାଜ୍ୟ ସରକାର ଙ୍କ ପକ୍ଷରୁ ସକାରତ୍ମକ ପଦକ୍ଷେପ ନେବାକୁ ସରକାରଙ୍କୁ ଅନୁରୋଧ କରିଥିଲେ ମଧ୍ୟ ତାହା ବିଚାର ଧୀନ ରହିଛି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ରାଜ୍ୟରେ ଆୟୁଷ ବିକାଶ ପାଇଁ ମୁଖ୍ୟମନ୍ତ୍ରୀ ଓ ମୁଖ୍ୟଶାସନ ସଚିବଙ୍କୁ ଦାବୀ ପତ୍ର

ଭୁବନେଶ୍ବର: ରାଜ୍ୟରେ ଆୟୁଷ ବିକାଶ ଉପରେ ଧ୍ୟାନ ଦେବା ପାଇଁ ଆଜି ରାଜ୍ୟ ଆୟୁଷ ବିକାଶ ପରିଷଦ ସମ୍ପାଦକ ଡା ତ୍ରୈଲୋକ୍ୟ ନାଥ ମହାରଣା ରାଜ୍ୟ ମୁଖ୍ୟ ମନ୍ତ୍ରୀ ଓ ପ୍ରମୁଖ ଶାସନ ସଚିବଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି।

ଏଥିରେ କୁହାଯାଇଛି ଯେ, ଗତ ୧୪ ଓ୧୯ ତାରିଖରେ ରାଜ୍ୟ ସରକାରଙ୍କ ଯୋଜନା ଓ ସମନ୍ୱୟ ବିଭାଗ ପକ୍ଷରୁ ଅର୍ଥ ମନ୍ତ୍ରୀ ବିକ୍ରମ କେଶରୀ ଆରୁଖ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଆନ୍ତଃ ମନ୍ତ୍ରୀ ସ୍ତରୀୟ ବୈଠକରେ ଅବହେଳିତ ଆୟୁଷ ଚିକିତ୍ସା ଓ ଚିକିତ୍ସା କ ଙ୍କ ସମ୍ପର୍କରେ ଆଲୋଚନା ହେବ ବୋଲି କୁହାଯାଇଥିଲା। ହେଲେ ଏ ପର୍ଯ୍ୟନ୍ତ ସେହି ବୈଠକ ବସିପାରୁ ନାହିଁ।

ସରକାର ତୁରନ୍ତ ଆୟୁଷ ଭେଷଜ ମହାବିଦ୍ୟାଳୟ ଭିତ୍ତିଭୂମି ବିକାଶ, ମାନବସମ୍ବଳ ବିକାଶ ସହିତ ବିଭିନ୍ନ ଜରୁରୀ ଆନୁସଙ୍ଗିକ ଯନ୍ତ୍ରପାତି ,ରୋଗୀ ସେବା ପାଇଁ ଆମ୍ବୁଲାନ୍ସ ପ୍ରଦାନ, ଆୟୁଷ ହାଉସ ସର୍ଜନ ଙ୍କ ଭତ୍ତା ବୃଦ୍ଧି, ପ୍ରତ୍ୟେକ ବ୍ଲକ ଓ ପଂଚାୟତ ରେ ଆୟୁଷ ଚିକିତ୍ସା ପାଇଁ ଆୟୁଷ ଡାକ୍ତର ନିଯୁକ୍ତି ଓ ଆୟୁଷ ଦିସ୍ପେନସାରି କୁ ଉପଲବ୍ଧ କରାଇବା ସହିତ, ରାଜ୍ୟରେ ଆୟୁଷ ର ସର୍ବାଙ୍ଗୀନ ବିକାଶ ପାଇଁ ସ୍ୱତନ୍ତ୍ର ନୀତି ତୁରନ୍ତ ପ୍ରସ୍ତୁତି ନିଶ୍ଚିତ କରିବା ସହିତ ରାଜ୍ୟ ଆୟୁଷ ନିର୍ଦେଶକଙ୍କ କାର୍ଯ୍ୟାଳୟ କୁ ସମୃଦ୍ଧି ନିମନ୍ତେ ସେ ଦାବି କରିଛନ୍ତି।

Categories
ଆଜିର ଖବର ରାଜ୍ୟ ଖବର

ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଆୟୁଷ ଚିକିତ୍ସା କେନ୍ଦ୍ର ସର୍ବେକ୍ଷଣ

ଭୁବନେଶ୍ବର: ରାଜ୍ୟରେ ଥିବା ବିଭିନ୍ନ ସରକାରୀ ଆୟୁର୍ବେଦ ସ୍ୱାସ୍ଥ୍ୟ ଓ ଆରୋଗ୍ୟ ଚିକିତ୍ସା କେନ୍ଦ୍ର କୁ ଗତ୨୫ତାରିଖ ରୁ୨୭ତାରିଖ ତିନିଦିନ ଧରି ନୟାଗଡ଼ ଓ ସୁବର୍ଣ୍ଣ ପୁର ଜିଲ୍ଲାର ବିଭିନ୍ନ ଆୟୁଷ ଚିକିତ୍ସା କେନ୍ଦ୍ର କୁ ରାଜ୍ୟ ସରକାରଙ୍କ ସ୍ଵାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଉପ ସଚିବ ସୁମିତ୍ରା ସେନାପତି ଗସ୍ତ କରି ସେଠାରେ ଉପଲବ୍ଧ ହେଉଥିବା ଔଷଧ, ରୋଗୀ ଚିକିତ୍ସା, ସେମାନଙ୍କ ସଂଖ୍ୟା, ମାନଵ ସମ୍ବଳ, ଭିତ୍ତିଭୂମି ସମ୍ପର୍କରେ ସର୍ବେକ୍ଷଣ ଓ ଆଲୋଚନା କରିଥିଲେ।

ଏହି ସମୟରେ ସେଠାରେ ବିଭିନ୍ନ ଜିଲ୍ଲା ର ଆୟୁର୍ବେଦ ଚିକିତ୍ସା ଅଧିକାରୀ, ରାଜ୍ୟ ସରକାରଙ୍କ ଆୟୁଷ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ।ଏଠାରେ ସୂଚନାଯୋଗ୍ୟ ରାଜ୍ୟରେ ୧୧୮୧ ଟି ଆୟୁଷ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ଥିବା ବେଳେ ସେଗୁଡ଼ିକ ମଧ୍ୟରୁ ଅଧିକାଂଶ ଆୟୁଷ ଆରୋଗ୍ୟ କେନ୍ଦ୍ର ଗୁଡ଼ିକର ଭିତ୍ତିଭୂମି ଓ ମାନଵ ସମ୍ବଳ ବିକାଶ ଅଭାବରୁ ସେଗୁଡିକ ଜରାଜୀର୍ଣ୍ଣ ଅବସ୍ଥାରେ ଅଛି।ବାରମ୍ବାର ସେ ସମ୍ପର୍କରେ ସାଧାରଣ ରେ ଅଭିଯୋଗ ଓ ଖବର ପ୍ରକାଶିତହେବା ପରେ ଏବେ ରାଜ୍ୟ ସରକାରଙ୍କ ପକ୍ଷରୁ ସେ ଆୟୁଷ ଆରୋଗ୍ୟ କେନ୍ଦ୍ର ଗୁଡ଼ିକ ଅବସ୍ଥା ନେଇ ସର୍ବେକ୍ଷଣ କରାଯାଉଛି।

ଦୀର୍ଘ୨୧ବର୍ଷ ଧରି ରାଜ୍ୟରେ ନୂତନ ଆୟୁଷ ଦିସ୍ପେନସାରି ପ୍ରତିଷ୍ଠା ହୋଇନଥିବା ବେଳେ ଯେଉଁସବୁ ଆୟୁଷ ଆରୋଗ୍ୟ କେନ୍ଦ୍ର ଗୁଡିକ ରାଜ୍ୟ ସରକାରଙ୍କ ତତ୍ୟବଧାନ ରେ ରହିଛି ସେଗୁଡିକର କିଭଳି ସୁଦୂର ପ୍ରସାରି ହୋଇ ପାରିବ ଓ କ୍ରିୟାଶୀଳ ହେବ ସେ ସେ ସମ୍ପର୍କରେ କାର୍ଯ୍ୟକ୍ରମ କରାଯିବାକୁ ସାଧାରଣରେ ଦାବୀ ହେଉଛି।

ରାଜ୍ୟର ସମସ୍ତ ଆୟୁଷ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ଗୁଡ଼ିକର ରୋଗୀ ସଂଖ୍ୟା, ଭିତ୍ତିଭୂମି ବିକାଶ ଓ ମାନବ ସମ୍ବଳ ବିକାଶ ପାଇଁ ରାଜ୍ୟ ସରକାର ଯତ୍ନବାନ ହେବାସହିତ ନୂତନ ଭାବେରାଜ୍ୟ ର ବିଭିନ୍ନ ସ୍ଥାନରେ ଆୟୁଷ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ପ୍ରତିଷ୍ଠା କରିବାକୁ ରାଜ୍ୟ ଆୟୁଷ ବିକାଶ ପରିଷଦ ପକ୍ଷରୁ ରାଜ୍ୟ ସରକାରଙ୍କୁ ଅନୁରୋଧ କରାଯାଇଛି।

Categories
ବିଶେଷ ଖବର ରାଜ୍ୟ ଖବର

ଆୟୁଷ ଛାତ୍ରଛାତ୍ରୀଙ୍କ ଆନ୍ଦୋଳନ ପ୍ରତ୍ୟାହୃତ, ଦାବୀ ପୂରଣ ପାଇଁ ସମୟ ନେଲେ ସରକାର

ଭୁବନେଶ୍ବର: ଦୀର୍ଘ ଏକ ମାସ ଧରି ନିଜର ହକ ପାଇଁ ଦାବୀ କରି ଆସୁଥିବା ଓ ପାଞ୍ଚ ଦିନ ଧରି ବିଧାନସଭା ଆଗରେ ନିଜର ଦାବୀ ନେଇ ଧାରଣା ଓ ପ୍ରତିବାଦ କରୁଥିବା ଆୟୁଷ ଡାକ୍ତରୀ ଛାତ୍ରଛାତ୍ରୀ ଙ୍କ ଆକ୍ରୋସ ପରେ ପୋଲିସ ସହିତ ସେମାନଙ୍କ ମତାନ୍ତର ହେବାରୁ ଶେଷରେ ପୁନଶ୍ଚ ରାଜ୍ୟ ସରକାର ଆଲୋଚନା କରିବା ପାଇଁ ଡାକିଥିଲେ ଏଠାରେ ସ୍ୱାସ୍ଥ୍ୟ ବିଭାଗ ସଚିବ ଶାଳୀନ ପଣ୍ଡିତ,ଉପସଚିବ ସୁମିତ୍ରା ସେନାପତି, ଅନ୍ୟାନ୍ୟ ପ୍ରଶାସନିକ ଅଧିକାରୀ ପ୍ରମୁଖ ଯୋଗ ଦେଇ ଆନ୍ଦୋଳନ ରତ ଆୟୁଷ ଡ଼ାକ୍ତରୀ ଛାତ୍ର ଛାତ୍ରୀ ଙ୍କ ଦାବୀ ପୂରଣ ନେଇ ମହଲତ ମାଗିଥିଲେ।

ବିଧାନସଭା ପରେ ଆନ୍ତଃ ମନ୍ତ୍ରୀ ସ୍ତରୀୟ ବୈଠକରେ ତୁରନ୍ତ ସେମାନଙ୍କ ଦାବୀ ପୂରଣ କରାଯିବ ବୋଲି ପ୍ରତିଶ୍ରୁତି ଦେଇ ତୁରନ୍ତ ଆନ୍ଦୋଳନ ପ୍ରତ୍ୟାହୃତ କରିବାକୁ ଅନୁରୋଧ କରିଥିଲେ। ପରେ ଆନ୍ଦୋଳନ ରତ ଛାତ୍ର ଛାତ୍ରୀ ଆନ୍ତଃ ମନ୍ତ୍ରୀ ସ୍ତରୀୟ କମିଟି ମେମ୍ବର ଓ ଅନ୍ୟାନ୍ୟ ବିଧାୟକ ଙ୍କ ସହିତ ଯୋଗାଯୋଗ କରି ବିଧାନସଭା ପରେ ଆନ୍ତଃ ମନ୍ତ୍ରୀ ସ୍ତରୀୟ ବୈଠକରେ ଆଲୋଚନା କରି ଏମାନଙ୍କ ଦାବୀ ପୂରଣ ପାଇଁ ପ୍ରତିଶ୍ରୁତି ଦେବାପରେ ଆଜି ଆୟୁଷ ଡ଼ାକ୍ତରୀ ଛାତ୍ର ଛାତ୍ରୀ ଆନ୍ଦୋଳନ ପ୍ରତ୍ୟାହୃତ କରିବା ପାଇଁ ନିଷ୍ପତ୍ତି ନେଇଛନ୍ତି।

ଗତ ମାସ୨୫ତାରିଖ ରୁ ଦୀର୍ଘ ଏକ ମାସ ରୁ ଅଧିକ ଦିନ ଧରି ରାଜ୍ୟର ସାତୋଟି ସରକାରୀ ଆୟୁଷ ଡାକ୍ତରୀ ଛାତ୍ରଛାତ୍ରୀ ଙ୍କ ପକ୍ଷ ରୁ ଆନ୍ଦୋଳନ ଜାରି ରହିଥିଲା।ରାଜ୍ୟରେ ମୋଟ ୧୧୮୧ଟି ଆୟୁଷ ଡ଼ିସ୍ପେନସାରି ଥିବା ବେଳେ ଦୀର୍ଘ ୨୧ବର୍ଷ ଧରି ରାଜ୍ୟରେ ନୂତନ ଭାବେ ଆୟୁଷ ଦିସ୍ପେନସାରି ଖୋଲାଯାଇନଥିବା ଦୁର୍ଭାଗ୍ୟ ର ବିଷୟ ବୋଲି ଆୟୁଷ ସଂଘ କହିଛି।

ନୂତନ ଭାବେ ରାଜ୍ୟ ସରକାର ୫୦୦ଟି ହୋମିଓପ୍ୟାଥିକ ଓ ୫୦୦ଟି ଆୟୁର୍ବେଦିକ ଦିସ୍ପେନସାରି ଖୋଲିବା ଆୟୁଷ ଡ଼ାକ୍ତରୀ ଛାତ୍ର ଛାତ୍ରୀ ଙ୍କ ମୁଖ୍ୟ ଦାବୀ ରହିଛି। ଏଥି ସହିତ ସାତୋଟି ସରକାରୀ ଆୟୁଷ ଭେଷଜ ମହାବିଦ୍ୟାଳୟ ର ଭିତ୍ତିଭୂମି ଓ ମାନଵ ସମ୍ବଳ ର ବିକାଶ, ସମସ୍ତ କଲେଜ ରେ ପିଜି ସିଟ ବୃଦ୍ଧି, ହାଉସ ସର୍ଜନ ଙ୍କ ଭତ୍ତା ବୃଦ୍ଧି,ଆଦି ଦାବି ମଧ୍ୟ ଅନ୍ୟତ୍ତମ। ଆଜି ପର୍ଯ୍ୟନ୍ତ ଏଲୋପାଠୀକ ଡାକ୍ତର ଓ ପ୍ରାଣୀ ଚିକିତ୍ସକ ଙ୍କୁ କ୍ୟାଡର କରି ରାଜ୍ୟ ସରକାର ସେମାନଙ୍କୁ କ୍ଲାସ ୱାନ ଅଫିସର ଘୋଷଣା କରିଥିବା ବେଳେ ଏମାନଙ୍କ ଦାବୀ ପ୍ରତି ଆନ୍ତରିକତା ଦେଖାଉ ନ ଥିବା ସଂଘ କହିଛି।

ଏମାନଙ୍କ ଦାବୀ ସମ୍ପର୍କରେ ସ୍ୱାସ୍ଥ୍ୟ ସଚିବ, ସ୍ୱାସ୍ଥ୍ୟ ମନ୍ତ୍ରୀ ଆୟୁଷ ପ୍ରତିନିଧି ଦଳ ଙ୍କ ସହିତ ଆଲୋଚନା କରି ଆନ୍ତଃ ମନ୍ତ୍ରୀ ସ୍ତରୀୟ କମିଟି କୁ ପ୍ରସ୍ତାବ ପ୍ରେରଣ କରି ଚୁପ ରହିବା କାରଣରୁ ଆୟୁଷ ଛାତ୍ର ଛାତ୍ରୀ ବାଧ୍ୟ ହୋଇ ବିଧାନସଭା ଆଗରେ ଧାରଣା ଦେଇଥିଲେ।

ଆୟୁଷ ଡ଼ାକ୍ତରୀ ଛାତ୍ର ସଂଗଠନ ପକ୍ଷରୁ ରାଜ୍ୟ ସରକାରଙ୍କ ସହିତ ଆଲୋଚନା କରିବା ପାଇଁ ପ୍ରସ୍ତୁତି କରାଯାଉଥିବା ବେଳେ ପୋଲିସ ଲଗାଇ ଆନ୍ଦୋଳନ ସ୍ଥଳରେ ତାଙ୍କୁ ତାଙ୍କୁ ଦମନ କରିବା ପାଇଁ ଯେଉଁ ସବୁ ଯୋଜନା କରାଗଲା ତାକୁ ରାଜ୍ୟର ସମସ୍ତ ଆୟୁଷ ଡାକ୍ତର ସଂଘ ଓ ଆୟୁଷ ଛାତ୍ର ଛାତ୍ରୀ ନିନ୍ଦା କରିଛନ୍ତି।

ରାଜ୍ୟ ସରକାର ଆୟୁଷ ଛାତ୍ର ଛାତ୍ରୀ ଙ୍କ ଦାବୀ ତୁରନ୍ତ ପୂରଣ କରିବା ପାଇଁ ଅନୁରୋଧ କରିବା ସହିତ ଆୟୁଷ ପ୍ରତି ଥିବା ହୀନ ମାନ୍ୟତା ଓ କୁଛିତ ଚିନ୍ତା ଧାରା କୁ ପରିବର୍ତ୍ତନ ନ କଲେ ଆଗକୁ ବହୁମୂଲ୍ୟ ଦେବାକୁ ପଡିବ ବୋଲି ଅଲ ଓଡ଼ିଶା ଆୟୁଷ ଡ଼ାକ୍ତରୀ ସଂଘ କହିଛନ୍ତି।

ଓଡ଼ିଶା ଆୟୁଷ ବିକାଶ ପରିଷଦ ପକ୍ଷରୁ ଡା ତ୍ରୈଲୋକ୍ୟ ନାଥ ମହାରଣା ଓଡ଼ିଶା ଆୟୁଷ ନିର୍ଦେଶକ ଙ୍କ କାର୍ଯ୍ୟାଳୟ କୁ ପରିବର୍ଦ୍ଧିତ କରିବାକୁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି।ଜଣେ ସଚିବ ସ୍ତରୀୟ ଆଇ ଏ ଏସ ସ୍ତରୀୟ ଅଫିସର ଙ୍କୁ କାର୍ଯ୍ୟାଳୟ ଦାଇତ୍ୱ ଦେବା ସହିତ ଆୟୁର୍ବେଦ ପାଇଁ ଜଣେ ଉପସଚିବ ଓ ହୋମିଓପ୍ୟାଥିକ ପାଇଁ ଜଣେ ଉପସଚିବ ପଦ ରେ ଦୁଇଟି ଓ ଏ ଏସ ସ୍ତରୀୟ ଅଫିସର ନିଯୁକ୍ତି ପାଇଁ ଅନୁରୋଧ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ଦାବୀ ପୂରଣ ପାଇଁ ବିଧାନସଭା ଆଗରେ ଧାରଣା ଦେଲେ ଆୟୁଷ ଛାତ୍ରଛାତ୍ରୀ

ଭୁବନେଶ୍ବର: ଶେଷରେ ଦାବୀ ପୂରଣ ପାଇଁ ରାଜ୍ୟର ସାତୋଟି ସରକାରୀ ଆୟୁଷ ଭେଷଜ ମହାବିଦ୍ୟାଳୟ ଗୁଡିକର ଛାତ୍ରଛାତ୍ରୀ ଆଜି ମିଳିତ ଭାବେ ରାଜରାସ୍ତାକୁ ଓହ୍ଲାଇଛନ୍ତି। “ଆୟୁଷ ପାଇଁ ବଂଚିଛୁ ଆୟୁଷ ପାଇଁ ମରିବୁ “ବୋଲି ସ୍ଲୋଗାନ ଦେଇ ବିଧାନସଭା ଆଗରେ ଧାରଣାରେ ବସିଛନ୍ତି।

ଦୀର୍ଘ୨୧ବର୍ଷ ର ସମସ୍ୟା କୁ ଏକ ମାସ ଧରି ପ୍ରତିବାଦ ଓ ଆନ୍ଦୋଳନ କରିଆସୁଥିବା ଅଲ ଓଡ଼ିଶା ଆୟୁଷ ଛାତ୍ର ସଂଗଠନ ଅନିର୍ଦ୍ଦିଷ୍ଟ କାଳ ପାଇଁ ଆନ୍ଦୋଳନ କୁ ଓଲ୍ହାଇଛି। ଯାହା ଫଳରେ ପୁନଶ୍ଚ ସାତୋଟି ସରକାରୀ ଆୟୁଷ ଭେଷଜ ମହାବିଦ୍ୟାଳୟରେ ତାଲା ଝୁଲିଛି। ଆୟୁଷ କ୍ଷେତ୍ରରେ ନୂତନ ସ୍ଥାୟୀ ନିଯୁକ୍ତି, ନୂତନ ଡିସ୍ପେନସାରି ସୃଷ୍ଟି କରିବା, ଆୟୁଷ ଭେଷଜ ମହାବିଦ୍ୟାଳୟ ଗୁଡିକରେ ଭିତ୍ତିଭୂମି ଓ ମାନଵ ସମ୍ବଳର ବିକାଶ ଆଦି ଦାବୀ ନେଇ ସ୍ୱାସ୍ଥ୍ୟ ବିଭାଗ ସହିତ ଆଲୋଚନା କରିଥିଲେ।

ସ୍ୱାସ୍ଥ୍ୟ ବିଭାଗ ସହ ଆଲୋଚନାରେ ସ୍ୱାସ୍ଥ୍ୟ ବିଭାଗ ମନ୍ତ୍ରୀ ଓ ସଚିବ ଗୋଟିଏ କାର୍ଯ୍ୟ ଦିବସରେ ପଦକ୍ଷେପ ନେବାକୁ ପ୍ରତିଶ୍ରୁତି ଦେଇ ଆନ୍ଦୋଳନ ପ୍ରତ୍ୟାହୃତ କରିବାକୁ କହିଥିଲେ।ଏ ସମ୍ପର୍କରେ ପଦକ୍ଷେପ ନେବାକୁ ଆନ୍ତଃ ମନ୍ତ୍ରୀ ସ୍ତରୀୟ କମିଟି ଅଧ୍ୟକ୍ଷଙ୍କୁ ସ୍ୱାସ୍ଥ୍ୟ ବିଭାଗ ସୁପାରିଶ କରିଥିଲେ ହେଲେ ତାହା ତୁରନ୍ତ ଫଳପ୍ରଦ ନ ହେବାରୁ ଶେଷରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ କେନ୍ଦ୍ର ଆୟୁଷ ମନ୍ତ୍ରୀ ସର୍ବାନନ୍ଦ ସୋନେୱାଲଙ୍କୁ ଭେଟି ରାଜ୍ୟରେ ଆୟୁଷ ସ୍ୱାସ୍ଥ୍ୟ ସେବା ଓ ଶିକ୍ଷା ବ୍ୟବସ୍ଥା ର କିଭଳି ବିପର୍ଯ୍ୟସ୍ତ ସ୍ଥିତି ସୃଷ୍ଟି ହୋଇଛି ତାର ପ୍ରତିକାର ଦାବୀ ଜଣାଇଥିଲେ।

ମାତ୍ର ଆଠ ଦିନ ବିତିଯାଇଥିଲେ ମଧ୍ୟ ରାଜ୍ୟ ସରକାରଙ୍କ ପାଖରୁ କୌଣସି ପ୍ରକାର ଲିଖିତ ପ୍ରତିଶ୍ରୁତି ନ ମିଳିବାରୁ ଛାତ୍ର ଛାତ୍ରୀ ମାନେ ଆଜି ପୁନଶ୍ଚ ଆନ୍ଦୋଳନଆରମ୍ଭ କରିଛନ୍ତି। ଆଜି ଏହି ଆନ୍ଦୋଳନ କୁ ସମର୍ଥନ କରି ଆନ୍ଦୋଳନ ସ୍ଥଳରେ ସ୍ଥଳ ରେ ବି ଜେ ପି ନେତା ମୁକେଶ ମହଲିଙ୍ଗ, ଅଭିଳାଷ ପଣ୍ଡା, ଆପ ପକ୍ଷରୁ ସଂଜୀବ ମହାନ୍ତି, ଦେବାଶିଷ ପାଣିଗ୍ରାହୀ, ବୟୋଜ୍ୟେଷ୍ଠ ସ୍ବାଧୀନତା ସଂଗ୍ରାମୀ ପଦ୍ମଶ୍ରୀ ପଦ୍ମଚରଣ ନାୟକ ପ୍ରମୁଖ ଉପସ୍ଥିତ ରହି ବକ୍ତବ୍ୟ ପ୍ରଦାନ କରିବା ସହିତ ଆୟୁଷ ଛାତ୍ରଛାତ୍ରୀଙ୍କ ନ୍ୟାଯ ଦାବୀ ପ୍ରତି ସମର୍ଥନ ଜଣାଇ ଥିଲେ।

ରାଜ୍ୟ ସରକାର ତୁରନ୍ତ ଆବଶ୍ୟକ ପଦକ୍ଷେପ ନେବାକୁ ସେମାନେ ଦାବି କରିଥିଲେ। ଦାବୀ ପୁରଣ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ରାଜ୍ୟ ଆୟୁଷ ଛାତ୍ର ସଂଘ ଘୋଷଣା କରିଛି।

Categories
ବିଶେଷ ଖବର ରାଜ୍ୟ ଖବର ସ୍ବାସ୍ଥ୍ୟ

କେନ୍ଦ୍ରମନ୍ତ୍ରୀଙ୍କୁ ସାକ୍ଷାତ କଲେ ଧାରଣାରତ ଓଡିଶା ଆୟୁଷ ଛାତ୍ରଛାତ୍ରୀ, ଦାବୀ ପୁରଣ ପାଇଁ ଅନୁରୋଧ

ନୂଆଦିଲ୍ଲୀ: ଆଜି ଅପରାହ୍ନ ୨ଟା ସମୟରେ ନୂଆଦିଲ୍ଲୀ ସ୍ଥିତ ଟ୍ରାନ୍ସପୋର୍ଟ ଭବନ ରେ କେନ୍ଦ୍ର ଆୟୁଷ ବିଭାଗ ମନ୍ତ୍ରୀ ଶ୍ରୀ ସର୍ବାନନ୍ଦ ସାନୁୱାଲ ଙ୍କ ସହିତ ଓଡ଼ିଶାର ଆୟୁଷ ଛାତ୍ରଛାତ୍ରୀଙ୍କ ଏକ ପ୍ରତିନିଧି ଦଳ ସାକ୍ଷାତ ଆଲୋଚନା କରିଛନ୍ତି।

ଓଡିଶା ସାଂସଦ ଜୁଏଲ ଓରାମଙ୍କ ଉପସ୍ଥିତରେ ଏହି ପ୍ରତିନିଧି ଦଳ ପକ୍ଷରୁ ହୋମିଓପ୍ୟାଥିକ ପ୍ରତିନିଧି ଭାବେ ଡା ନିଶିକାନ୍ତ ଆଚାର୍ଯ୍ୟ, ଡା ପୀୟୂଷ କୁମାର ବାରିକ,ଡା ହିତେଶ କୁମାରଗିରି, ଡାସନ୍ତୋଷ ସାହୁ,ଡା ସୁକଦେବ ଦାସ,ଡା ମନୋଜ ହାଲଦାର ଆୟୁର୍ବେଦ ପ୍ରତିନିଧି ଦଳ ପକ୍ଷରୁ ଡା ଶ୍ରେୟା ଶର୍ମା, ଡା ଆଶୁତୋଷ ପ୍ରଧାନ, ଡା ନିତେଶ ପାଣ୍ଡେ ପ୍ରମୁଖ ଉପସ୍ଥିତ ରହି ଓଡ଼ିଶାର ଆୟୁଷ ବର୍ତ୍ତମାନ ଅଧପତନ ସ୍ଥିତି ଉପରେ ଆଲୋଚନା କରିବା ସହିତ ଏକ ନିବେଦନ ପତ୍ର ପ୍ରଦାନ କରିଥିଲେ।

କେନ୍ଦ୍ର ଆୟୁଷ ମନ୍ତ୍ରୀ ଆଲୋଚନା କରି କହିଥିଲେ କେନ୍ଦ୍ର ସରକାରଙ୍କ ଆୟୁଷ ବିଭାଗ ପକ୍ଷରୁ ରାଜ୍ୟର ଆୟୁଷର ବିକାଶ ପାଇଁ ପର୍ଯ୍ୟାପ୍ତ ଅର୍ଥ ଦିଆଯାଇଛି। ଏଥିରେ ଆୟୁଷ ହସ୍ପିଟାଲର ଉନ୍ନତି, ବିଭିନ୍ନ ଆୟୁଷ ଭେଷଜ ମହାବିଦ୍ୟାଳୟ ର ଭିତ୍ତିଭୂମି ବିକାଶ, ରାଜ୍ୟ ଆୟୁଷ ପଦ୍ଧତି ର ଉନ୍ନତି ପାଇଁ ରାଜ୍ୟ ସରକାରଙ୍କୁ ସମସ୍ତ ପ୍ରକାର ସାହାଯ୍ୟ ଦିଆଯାଇଛି। ମାତ୍ର ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଏହାକୁ ଠିକ ରୂପେ ପରିଚାଳନା ନ କରିବା ଦ୍ୱାରା ଅର୍ଥ ଫେରି ଆସୁଥିବା ପ୍ରକାଶ କରିଥିଲେ। ଏ ସମ୍ପର୍କରେ ଏକ ରିପୋର୍ଟ ସେ ଆଜି ରାଜ୍ୟ ସରକାରଙ୍କ ସ୍ୱାସ୍ଥ୍ୟ ବିଭାଗକୁ ପଠାଇଥିବା ଜଣାଯାଇଛି।

ରାଜ୍ୟରେ ଆୟୁଷର ବିପର୍ଯ୍ୟୟ ସ୍ଥିତି କାରଣରୁ ଦୀର୍ଘ ୧୫ ଦିନ ଧରି ଆନ୍ଦୋଳନ କରିଥିବା ସମସ୍ତ ସରକାରୀ ଆୟୁଷ ଛାତ୍ରଛାତ୍ରୀ ରାଜ୍ୟ ସ୍ୱାସ୍ଥ୍ୟ ବିଭାଗ ମନ୍ତ୍ରୀ, ସ୍ୱାସ୍ଥ୍ୟ ସଚିବ, ଆୟୁଷ ନିର୍ଦ୍ଦେଶକଙ୍କୁ ଗତ ୧୬ ତାରିଖରେ ସାକ୍ଷାତ ଆଲୋଚନା କରିବା ପରେ ସେମାନେ ଧର୍ମଘଟ ବନ୍ଦ କରି ଆଲୋଚନା କରିବା ପାଇଁ ପରାମର୍ଶ ଦେଇଥିଲେ।

ଗୋଟିଏ କାର୍ଯ୍ୟ ଦିବସରେ ଦାବୀ କୁ ଆନ୍ତଃ ମନ୍ତ୍ରୀସ୍ତରୀୟ କମିଟି କୁ ପଠାଇ ସମସ୍ତ ପ୍ରକାର ସାହାଯ୍ୟ ସହଯୋଗ କରିବାକୁ କହିଥିଲେ ମଧ୍ୟ କେବଳ ଆୟୁଷ ଛାତ୍ରଛାତ୍ରୀଙ୍କ ଦାବୀକୁ ମନ୍ତ୍ରୀ ସ୍ତରୀୟ କମିଟିକୁ ପ୍ରେରଣ କରି ଆୟୁଷ ଛାତ୍ରଛାତ୍ରୀ ଙ୍କୁ ଦେଖା ଦେଉ ନ ଥିବାର ଛାତ୍ରଛାତ୍ରୀମାନେ ଅଭିଯୋଗ କରିଛନ୍ତି।

ଏହାର ପ୍ରତିବାଦରେ ଆସନ୍ତା ୨୫ ତାରିଖଠାରୁ ପୁନଶ୍ଚ ଅନିର୍ଦ୍ଦିଷ୍ଟ କାଳ ପାଇଁ ରାଜ୍ୟର ସମସ୍ତ ସରକାରୀ ଆୟୁଷ କଲେଜ ଛାତ୍ରଛାତ୍ରୀ, ହସ୍ପିଟାଲରେ କାର୍ଯ୍ୟରତ ଆୟୁଷ ହାଉସ ସର୍ଜନ ଭୁବନେଶ୍ୱର ରାଜରାସ୍ତା କୁ ଆସି ସେମାନଙ୍କ ଅଧିକାର ପାଇଁ ଧାରଣା ଓ ଆନ୍ଦୋଳନ ଆରମ୍ଭ କରିବେ ବୋଲି ଗତକାଲି ରାଜ୍ୟ ମୁଖ୍ୟମନ୍ତ୍ରୀ, ସ୍ଵାସ୍ଥ୍ୟ ବିଭାଗ କୁ ଲିଖିତ ଭାବେ ଜଣାଇଛନ୍ତି।

ଏହି ଆୟୁଷ ଛାତ୍ରଛାତ୍ରୀଙ୍କୁ ଦାବୀ ପ୍ରତି ରାଜ୍ୟର ବିଭିନ୍ନ ସ୍ତରରୁ ସମର୍ଥନ ମିଳୁଥିବା ଦେଖିବାକୁ ମିଳିଛି।

Categories
ଆଜିର ଖବର ରାଜ୍ୟ ଖବର

ଦାବୀ ପୁରଣ ପାଇଁ ରାଜ୍ୟପାଳଙ୍କ ପାଖରେ ଫେରାଦ ହେଲେ ଆୟୁଷ ଛାତ୍ରଛାତ୍ରୀ

ଭୁବନେଶ୍ବର: ରାଜ୍ୟରେ ଦୀର୍ଘ ବର୍ଷ ଧରି ଆୟୁର୍ବେଦ ଓ ହୋମିଓପ୍ୟାଥିକ ଚିକିତ୍ସା ପଦ୍ଧତିର ସ୍ଥିତି କିଭଳି ବିପର୍ଣ୍ଣ ଆଡ଼କୁ ଗତି କରୁଛି ସେ ସମ୍ପର୍କରେ ଅଲ ଓଡିଶା ଆୟୁଷ ଛାତ୍ର ସଙ୍ଗଠନ ର ଏକପ୍ରତିନିଧି ଦଳ ଓଡିଶା ରାଜ୍ୟପାଳ ଙ୍କୁ ଭେଟି ବିସ୍ତୃତ ଆଲୋଚନା ସହିତ ଏକ ଦାବିପତ୍ର ପ୍ରଦାନ କରିଛନ୍ତି।

ଆୟୁଷ ସଂଗଠନ ପକ୍ଷରୁ ପ୍ରଦାନ କରାଯାଇଥିବା ଏହି ପତ୍ରରେ ରାଜ୍ୟରେ ଏକୋଇଶ ବର୍ଷ ଧରି ରାଜ୍ୟ ସରକାର ଆୟୁଷ ଡିସ୍ପେନସାରି ନ ଖୋଲିବା,ରାଜ୍ୟର ସମସ୍ତ ସରକାରୀ ଆୟୁଷ କଲେଜ ଭିତ୍ତିଭୂମିର ବିପର୍ଣ୍ଣ ସ୍ଥିତି, ଆୟୁଷ ଭେଷଜ ଛାତ୍ରଛାତ୍ରୀଙ୍କୁ ସରକାରୀ ସ୍ତରରେ କିଭଳି ଉପେକ୍ଷା କରାଯାଇଛି ତତସହିତ ରାଜ୍ୟରେ ଲୋକମାନଙ୍କ ଚାହିଦା ମୁତାବକ ଆୟୁଷ ଡିସ୍ପେନସାରିର ଅଭାବ ଦୂର କରିବା କ୍ଷେତ୍ରରେ ରାଜ୍ୟ ସରକାରଙ୍କ ଉପେକ୍ଷା ଆଦି ସମ୍ପର୍କରେ ଆଲୋଚନା କରିବା ସହିତ ବିହିତ ପଦକ୍ଷେପ ନେବାକୁ ପ୍ରତିନିଧି ଦଳ ରାଜ୍ୟପାଳ ଙ୍କୁ ଅନୁରୋଧ କରିଥିଲେ।

ରାଜ୍ୟପାଳ ଏ ସମ୍ପର୍କରେ ରାଜ୍ୟ ସରକାରଙ୍କ ସହିତ ଆଲୋଚନା କରି ପଦକ୍ଷେପ ନେବାକୁ ପ୍ରତିଶୃତି ଦେଇଥିଲେ। ଏହି ପ୍ରତିନିଧି ଦଳରେ ଡା ପ୍ରିୟଙ୍କା ରାଉତ, ଡା ଲୋପାମୁଦ୍ରା ଖଟୋଇ, ଡା ରାଜେଶ ମିଶ୍ର, ଡା ଅମୀୟ ଦାସ, ପ୍ରୀତିରଞ୍ଜନ ଦାସ ପ୍ରମୁଖ ସାକ୍ଷାତ ଆଲୋଚନା କରିଥିଲେ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସ୍ବାସ୍ଥ୍ୟ

କଲେଜରେ ତାଲା ମାରି ଧାରଣାରେ ବସିଲେ ରାଜ୍ୟର ଶତାଧିକ ଆୟୁଷ ଛାତ୍ରଛାତ୍ରୀ

ଭୁବନେଶ୍ବର: ଗତ ୨୫ ତାରଖରୁ କଳା ବ୍ୟାଚ ପରିଧାନ କରି ନିଜର ଦାବୀ ନେଇ ଆନ୍ଦୋଳନ ଆରମ୍ଭ କରିଥିବା ରାଜ୍ୟ ବ୍ୟାପି ସମସ୍ତ ଆୟୁଷ ଛାତ୍ର ଛାତ୍ରୀ ଗତ ୩୧ତାରିଖ ଠାରୁ ଶ୍ରେଣୀ ବର୍ଜନ କରିଛନ୍ତି। ସେମାନେ ତାଲା ବନ୍ଦ ଡାକରା ଦେଇ ରାଜ୍ୟ ବ୍ୟାପି ସାତୋଟି ଆୟୁଷ କଲେଜ ଆଗରେ ଧାରଣା ଦେଇ ଦେଇଛନ୍ତି।

ରାଜ୍ୟ ସରକାର ଦୀର୍ଘ୨୧ବର୍ଷ ଧରିରାଜ୍ୟରେ ନୂତନ ଆୟୁଷ ଡିସ୍ପେନସାରି ନଖୋଲିବା ସହିତ ଆୟୁଷ ବିଭାଗ ପ୍ରତି ଅଣଦେଖା କରି ଆସୁଧିବା ସେମାନେ କହିଛନ୍ତି। ଆସନ୍ତା ଦୁଇ ଦିନ ମଧ୍ୟରେ ରାଜ୍ୟ ସରକାର ଆୟୁଷ ଛାତ୍ର ଛାତ୍ରୀ ଙ୍କ ପ୍ରତି ସକାରତ୍ମକ ପଦକ୍ଷେପ ଗ୍ରହଣ ନ କଲେ ରାଜ୍ୟର ସମସ୍ତ ଆୟୁଷ କଲେଜରେ ଛାତ୍ରଛାତ୍ରୀ କରିବେ ଅନଶନ ଓ ହାଉସ ସର୍ଜନମାନେ ରୋଗୀ ସେବାରେ ଯୋଗ ଦେବେ ନାହିଁ ବୋଲି ଆଜି ଅଲ ଓଡ଼ିଶା ଆୟୁଷ ଛାତ୍ର ସଂଗଠନ ର ସଭାପତି ରାଜେଶ ମିଶ୍ର କହିଛନ୍ତି।

ରାଜ୍ୟ ଆୟୁଷ ବିକାଶ ପରିଷଦ ସମ୍ପାଦକ ଡାକ୍ତର ତ୍ରୈଲୋକ୍ୟ ନାଥ ମହାରଣା ରାଜ୍ୟ ସରକାର ତୁରନ୍ତ ଆୟୁଷ ଛାତ୍ର ଛାତ୍ରୀଙ୍କ ନ୍ୟାଯ ଦାବୀ କୁ ତୁରନ୍ତ ମାନିନେବାକୁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି।

Categories
ଆଜିର ଖବର ଜାତୀୟ ଖବର

କ’ଣ ପାଇଁ ହ୍ରାସ ପାଏ ଆୟୁଷ: ଗରୁଡ ପୁରାଣରେ ହୋଇଛି ଉଲ୍ଲେଖ

ଗରୁଡ ପୁରାଣ: ଗରୁଡ ପୁରାଣ ହେଉଛି ହିନ୍ଦୁ ଧର୍ମର ଏକ ଗୁରୁତ୍ୱପୂର୍ଣ୍ଣ ଶାସ୍ତ୍ର, ଯାହାକି ୧୮ ମହାପୁରାଣ ମଧ୍ୟରୁ ଅନ୍ୟତମ। ଗରୁଡ ପୁରାଣରେ ଜନ୍ମ, ମୃତ୍ୟୁ ଏବଂ ମୃତ୍ୟୁ ପର ଅବସ୍ଥା ବିଷୟରେ ବିସ୍ତୃତ ଭାବରେ ବର୍ଣ୍ଣନା କରାଯାଇଛି। ଏଥିରେ ଭଗବାନ ବିଷ୍ଣୁ ଏବଂ ପକ୍ଷୀ ଗରୁଡଙ୍କ ମଧ୍ୟରେ ବାର୍ତ୍ତାଳାପ ବର୍ଣ୍ଣନା କରାଯାଇଛି। ସାଧାରଣତଃ ସମ୍ପର୍କୀୟଙ୍କ ମୃତ୍ୟୁ ପରେ ୧୩ ଦିନ ଘରେ ଗରୁଡ ପୁରାଣ ପାଠ କରାଯାଏ। ଜୀବନ ସହ ଜଡିତ ରହସ୍ୟମୟ ଜିନିଷ ଗରୁଡ ପୁରାଣରେ ବର୍ଣ୍ଣନା କରାଯାଇଛି, ଯାହା ଜାଣିବା ଦ୍ୱାରା ଜଣେ ବ୍ୟକ୍ତିଙ୍କ ଜୀବନକୁ ସରଳ ଏବଂ ସହଜ କରିଥାଏ।

ସ୍ୱର୍ଗ, ନର୍କ, ପାପ, ଗୁଣ, ଜ୍ଞାନ, ବିଜ୍ଞାନ, ନୀତି, ନିୟମ ଏବଂ ଧର୍ମ ସହିତ ଜଡିତ ଜିନିଷଗୁଡିକ ମଧ୍ୟ ଗରୁଡ ପୁରାଣରେ ବିସ୍ତୃତ ଭାବରେ ବର୍ଣ୍ଣନା କରାଯାଇଛି। ଗରୁଡ ପୁରାଣ ଅନୁଯାୟୀ, ଏପରି କିଛି କାର୍ଯ୍ୟ ଅଛି, ଯାହା କରିବା ଦ୍ଵାରା ଜଣେ ବ୍ୟକ୍ତିଙ୍କ ବୟସ କମିଯାଏ। ଯଦି ଆପଣ ମଧ୍ୟ ଏହି ଭୁଲ୍ କରନ୍ତି ତେବେ ସାବଧାନ ରୁହନ୍ତୁ।

ଏହି ଭୁଲଗୁଡ଼ିକ ଦ୍ୱାରା ବୟସ କମିଯାଏ:

ବିଳମ୍ବରେ ଉଠିବା: ଗରୁଡ ପୁରାଣ ଅନୁଯାୟୀ ସୂର୍ଯ୍ୟ କିରଣ କିମ୍ବା ବିଳମ୍ବରେ ଉଠିବା ମାନବ ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ। ଅବଶ୍ୟ, ଆଜିକାଲି ବାସ୍ତୁବାଦୀ ଜଗତରେ ଲୋକଙ୍କ ଦୈନନ୍ଦିନ କାର୍ଯ୍ୟ ବିଶୃଙ୍ଖଳିତ ହୋଇଛି ଏବଂ ଶୋଇବା ଏବଂ ଉଠିବା ପାଇଁ କୌଣସି ନିର୍ଦ୍ଦିଷ୍ଟ ସମୟ ନାହିଁ । କିନ୍ତୁ ବିଳମ୍ବରେ ଉଠିବା କେବଳ ସ୍ୱାସ୍ଥ୍ୟ ଦୃଷ୍ଟିରୁ ଭୁଲ ନୁହେଁ, ଏହା ମନୁଷ୍ୟର ବୟସକୁ ମଧ୍ୟ ହ୍ରାସ କରିଥାଏ। କାରଣ ବିଳମ୍ବରେ ଉଠିବା ପରେ ସକାଳେ ସତେଜ ବାୟୁ ଉପଲବ୍ଧ ହୁଏ ନାହିଁ, ଯେଉଁ କାରଣରୁ ଶରୀରର ରୋଗ ପ୍ରତିରୋଧକ ଶକ୍ତି କମିଯାଏ ଏବଂ ବ୍ୟକ୍ତି ଅନେକ ରୋଗରେ ଘେରି ରହିଥାଏ।

ବାସୀ ମାଂସ ଖାଇବା: ଗରୁଡ ପୁରାଣ ଅନୁଯାୟୀ, ବାସୀ ମାଂସ ଖାଇବା ବିଷ ଭଳି। ଏହା ଆପଣଙ୍କ ବୟସ ହ୍ରାସ କରେ। ଦୀର୍ଘ ଦିନର ମାଂସରେ ବିପଜ୍ଜନକ ଜୀବାଣୁ ପ୍ରବେଶ କରନ୍ତି, ଯାହା ରୋଗ ସୃଷ୍ଟି କରିଥାଏ।

ସୂର୍ଯ୍ୟୋଦୟ ପରେ ଶାରୀରିକ ସମ୍ପର୍କ ରଖିବା: ଗରୁଡ ପୁରାଣ ଅନୁଯାୟୀ, ପୁରୁଷ ଏବଂ ମହିଳା ସକାଳେ କିମ୍ବା ସୂର୍ଯ୍ୟୋଦୟ ପରେ ଶାରୀରିକ ସମ୍ପର୍କ ରଖିବା ଉଚିତ୍ ନୁହେଁ। ଏହା ଶରୀରକୁ ଦୁର୍ବଳ କରିପାରେ।

ସୂର୍ଯ୍ୟାସ୍ତ ପରେ ଦହୀ ଖାଇବା: ସୂର୍ଯ୍ୟାସ୍ତ ପରେ ଦହି ଖାଇବା ଉଚିତ୍ ନୁହେଁ। ରାତିରେ ଦାହୀ ଖାଇବା ସ୍ୱାସ୍ଥ୍ୟ ପାଇଁ କ୍ଷତିକାରକ। ଆହୁରି ମଧ୍ୟ, ରାତିରେ କ୍ଷୀର ପିଇବା ପରେ କିମ୍ବା ପୂର୍ବରୁ ଦହୀ ଖାଇବା ଉଚିତ୍ ନୁହେଁ।

Categories
ଆଜିର ଖବର ଜାତୀୟ ଖବର ଧର୍ମ

ଗରୁଡ ପୁରାଣ: ଭୁଲରେ ମଧ୍ୟ କରନ୍ତୁ ନାହିଁ ଏହି କାମ, ହ୍ରାସ ହୋଇପାରେ ଆୟୁଷ

ଗରୁଡ ପୁରାଣ: ଗରୁଡ ପୁରାଣ ହେଉଛି ହିନ୍ଦୁ ଧର୍ମର ଏକ ଗୁରୁତ୍ୱପୂର୍ଣ୍ଣ ଶାସ୍ତ୍ର, ଯାହାକି ୧୮ ମହାପୁରାଣ ମଧ୍ୟରୁ ଅନ୍ୟତମ। ଗରୁଡ ପୁରାଣରେ ଜନ୍ମ, ମୃତ୍ୟୁ ଏବଂ ମୃତ୍ୟୁ ପର ଅବସ୍ଥା ବିଷୟରେ ବିସ୍ତୃତ ଭାବରେ ବର୍ଣ୍ଣନା କରାଯାଇଛି। ଏଥିରେ ଭଗବାନ ବିଷ୍ଣୁ ଏବଂ ପକ୍ଷୀ ଗରୁଡଙ୍କ ମଧ୍ୟରେ ବାର୍ତ୍ତାଳାପ ବର୍ଣ୍ଣନା କରାଯାଇଛି। ସାଧାରଣତଃ ସମ୍ପର୍କୀୟଙ୍କ ମୃତ୍ୟୁ ପରେ ୧୩ ଦିନ ଘରେ ଗରୁଡ ପୁରାଣ ପାଠ କରାଯାଏ। ଜୀବନ ସହ ଜଡିତ ରହସ୍ୟମୟ ଜିନିଷ ଗରୁଡ ପୁରାଣରେ ବର୍ଣ୍ଣନା କରାଯାଇଛି, ଯାହା ଜାଣିବା ଦ୍ୱାରା ଜଣେ ବ୍ୟକ୍ତିଙ୍କ ଜୀବନକୁ ସରଳ ଏବଂ ସହଜ କରିଥାଏ।

ସ୍ୱର୍ଗ, ନର୍କ, ପାପ, ଗୁଣ, ଜ୍ଞାନ, ବିଜ୍ଞାନ, ନୀତି, ନିୟମ ଏବଂ ଧର୍ମ ସହିତ ଜଡିତ ଜିନିଷଗୁଡିକ ମଧ୍ୟ ଗରୁଡ ପୁରାଣରେ ବିସ୍ତୃତ ଭାବରେ ବର୍ଣ୍ଣନା କରାଯାଇଛି। ଗରୁଡ ପୁରାଣ ଅନୁଯାୟୀ, ଏପରି କିଛି କାର୍ଯ୍ୟ ଅଛି, ଯାହା କରିବା ଦ୍ଵାରା ଜଣେ ବ୍ୟକ୍ତିଙ୍କ ବୟସ କମିଯାଏ। ଯଦି ଆପଣ ମଧ୍ୟ ଏହି ଭୁଲ୍ କରନ୍ତି ତେବେ ସାବଧାନ ରୁହନ୍ତୁ।

ଏହି ଭୁଲଗୁଡ଼ିକ ଦ୍ୱାରା ବୟସ କମିଯାଏ:

ବିଳମ୍ବରେ ଉଠିବା: ଗରୁଡ ପୁରାଣ ଅନୁଯାୟୀ ସୂର୍ଯ୍ୟ କିରଣ କିମ୍ବା ବିଳମ୍ବରେ ଉଠିବା ମାନବ ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ। ଅବଶ୍ୟ, ଆଜିକାଲି ବାସ୍ତୁବାଦୀ ଜଗତରେ ଲୋକଙ୍କ ଦୈନନ୍ଦିନ କାର୍ଯ୍ୟ ବିଶୃଙ୍ଖଳିତ ହୋଇଛି ଏବଂ ଶୋଇବା ଏବଂ ଉଠିବା ପାଇଁ କୌଣସି ନିର୍ଦ୍ଦିଷ୍ଟ ସମୟ ନାହିଁ । କିନ୍ତୁ ବିଳମ୍ବରେ ଉଠିବା କେବଳ ସ୍ୱାସ୍ଥ୍ୟ ଦୃଷ୍ଟିରୁ ଭୁଲ ନୁହେଁ, ଏହା ମନୁଷ୍ୟର ବୟସକୁ ମଧ୍ୟ ହ୍ରାସ କରିଥାଏ। କାରଣ ବିଳମ୍ବରେ ଉଠିବା ପରେ ସକାଳେ ସତେଜ ବାୟୁ ଉପଲବ୍ଧ ହୁଏ ନାହିଁ, ଯେଉଁ କାରଣରୁ ଶରୀରର ରୋଗ ପ୍ରତିରୋଧକ ଶକ୍ତି କମିଯାଏ ଏବଂ ବ୍ୟକ୍ତି ଅନେକ ରୋଗରେ ଘେରି ରହିଥାଏ।

ବାସୀ ମାଂସ ଖାଇବା: ଗରୁଡ ପୁରାଣ ଅନୁଯାୟୀ, ବାସୀ ମାଂସ ଖାଇବା ବିଷ ଭଳି। ଏହା ଆପଣଙ୍କ ବୟସ ହ୍ରାସ କରେ। ଦୀର୍ଘ ଦିନର ମାଂସରେ ବିପଜ୍ଜନକ ଜୀବାଣୁ ପ୍ରବେଶ କରନ୍ତି, ଯାହା ରୋଗ ସୃଷ୍ଟି କରିଥାଏ।

ସୂର୍ଯ୍ୟୋଦୟ ପରେ ଶାରୀରିକ ସମ୍ପର୍କ ରଖିବା: ଗରୁଡ ପୁରାଣ ଅନୁଯାୟୀ, ପୁରୁଷ ଏବଂ ମହିଳା ସକାଳେ କିମ୍ବା ସୂର୍ଯ୍ୟୋଦୟ ପରେ ଶାରୀରିକ ସମ୍ପର୍କ ରଖିବା ଉଚିତ୍ ନୁହେଁ। ଏହା ଶରୀରକୁ ଦୁର୍ବଳ କରିପାରେ।

ସୂର୍ଯ୍ୟାସ୍ତ ପରେ ଦହୀ ଖାଇବା: ସୂର୍ଯ୍ୟାସ୍ତ ପରେ ଦହି ଖାଇବା ଉଚିତ୍ ନୁହେଁ। ରାତିରେ ଦାହୀ ଖାଇବା ସ୍ୱାସ୍ଥ୍ୟ ପାଇଁ କ୍ଷତିକାରକ। ଆହୁରି ମଧ୍ୟ, ରାତିରେ କ୍ଷୀର ପିଇବା ପରେ କିମ୍ବା ପୂର୍ବରୁ ଦହୀ ଖାଇବା ଉଚିତ୍ ନୁହେଁ।

Categories
ଅପରାଧ ଆଜିର ଖବର

ଆୟୁଷ ନିର୍ଦ୍ଦେଶକ ବିଭୂ ପ୍ରସାଦ ଷଡ଼ଙ୍ଗୀଙ୍କୁ ସର୍ତ୍ତମୂଳକ ଜାମିନ, ଜେଲରେ ରହିଲେ 3 ଦିନ

ଭୁବନେଶ୍ୱର: ବରିଷ୍ଠ ଓଏଏସ୍‌ ଅଫିସର୍‌ ତଥା ଆୟୁଷ ନିର୍ଦ୍ଦେଶକ ବିଭୂ ପ୍ରସାଦ ଷଡ଼ଙ୍ଗୀଙ୍କୁ ଆଜି ଜାମିନ ମିଳିଛି। ମହିଳା ଠିକା କର୍ମଚାରୀଙ୍କୁ ଯୌନ ନିର୍ଯାତନା ମାମଲାରେ ସେ ଗତ ଜୁଲାଇ ୧୦ ତାରିଖରେ ଗିରଫ ହୋଇଥିଲେ । ପୋଲିସ୍‌ ତାଙ୍କ ବିରୋଧରେ ଲଗାଇଥିବା ମାମଲାରେ ତାଙ୍କୁ ଜାମିନ୍‌ ନ ମିଳିବାରୁ ଷଡ଼ଙ୍ଗୀଙ୍କୁ ଝାରପଡ଼ା ଜେଲ୍‌କୁ ପଠାଇ ଦିଆଯାଇଥିଲା। ୩ ଦିନ ଜେଲରେ ରହିବା ପରେ ଆଜି ତାଙ୍କୁ ସର୍ତ୍ତମୂଳକ ଜାମିନ ମିଳିଛି | ପୀଡ଼ିତାଙ୍କୁ ନ ଧମକାଇବା, ପ୍ରମାଣ ନଷ୍ଟ ନ କରିବା ଓ ତଦନ୍ତକାରୀ ଅଧିକାରୀଙ୍କୁ ସହଯୋଗ କରିବା ଆଦି ଆଦି ସର୍ତ୍ତରେ ତାଙ୍କୁ ଜାମିନ ମିଳିଛି।

ସୂଚନାଯୋଗ୍ୟ ଯେ ଶ୍ରୀ ଷଡ଼ଙ୍ଗୀ ନିଜ କ୍ଷମତାର ଅପବ୍ୟବହାର କରି ଜାତୀୟ ଆୟୁଷ ମିସନ୍‌ର ଜଣେ ଠିକା କର୍ମଚାରୀଙ୍କୁ ଯୌନ ନିର୍ଯାତନା ଦେଉଥିବା ନେଇ ଗତ ୬ ତାରିଖରେ ଅଭିଯୋଗ ହୋଇଥିଲା। ଯୁବତୀଜଣଙ୍କ ସମସ୍ତ ତଥ୍ୟ ପ୍ରମାଣ ସହ ଏ ସଂପର୍କ‌ରେ ମହିଳା ଥାନାରେ ଅଭିଯୋଗ କରିଥିଲେ। ଏହି ଖବର ପାଇ ଅଭିଯୁକ୍ତ ଶ୍ରୀ ଷଡ଼ଙ୍ଗୀ ଫେରାର୍‌ ହୋଇଯାଇଥିଲେ। ପୁଲିସ ନ’ ତାଲାରେ ଥିବା ଆୟୁଷ ମିସନ୍‌ ଅଫିସ୍‌, ଲିଙ୍ଗରାଜ ଥାନା ଅଞ୍ଚଳରେ ଥିବା ତାଙ୍କ ଘରେ ଚଢ଼ଉ କରିଥିଲେ ହେଁ ତାଙ୍କୁ ପାଇନଥିଲେ। ଶେଷରେ ପୁଲିସ ଆୟୁଷ ମିସନ ସହ ତାଙ୍କ ଘରକୁ ନୋଟିସ୍‌ ପଠାଇଥିଲା।

କମିସନରେଟ୍‌ ପୁଲିସ ସମ୍ମୁଖରେ ଜୁଲାଇ ୧୦ତାରିଖ ପୂର୍ବାହ୍ନ ୧୧ଟା ସୁଦ୍ଧା ହାଜର ହେବାକୁ ସେଥି‌ରେ ନିର୍ଦ୍ଦେଶ ରହିଥିଲା। ନଚେତ୍‌ ତାଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରିବାକୁ ନୋଟିସ ଦିଆଯାଇଥିଲା। ହେଲେ ଏହାର ଅବଧି ଶେଷ ହେବା ପୂର୍ବରୁ ଶ୍ରୀ ଷଡ଼ଙ୍ଗୀ ମହିଳା ଥାନାରେ ହାଜର ହୋଇଥିଲେ ଏବଂ ତାଙ୍କୁ ଗିରଫ କରାଯାଇଥିଲା ।