Categories
ଆଜିର ଖବର ରାଜ୍ୟ ଖବର

ପ୍ରଶାସନ ତରଫରୁ ଖୋଲା ଯାଇଥିବା ଇକୋ ରିଟ୍ରିଟ୍ ଉଦଯାପନୀ ଦିବସ

ଭୁବନେଶ୍ଵର: ଓଡିଶାର କଶ୍ମୀର ଦାରିଙ୍ଗବାଡି ଠାରେ ଗତ ୩ ମାସ ଧରି ପର୍ଯ୍ୟଟକଙ୍କ ପାଇଁ ଖୋଲାଯାଇଥିବା ଇକୋ ରିଟ୍ରିଟ୍ ଶୁକ୍ରବାର ବନ୍ଦ ହେଉଛି। ଡିସେମ୍ବର ମାସର ପ୍ରଥମ ଦିନରେ ଏହାକୁ ଜି. ଉଦୟଗିରି ବିଧାୟକ ପ୍ରଫୁଲ ଚନ୍ଦ୍ର ପ୍ରଧାନ ମୁଖ୍ୟ ଅତିଥିଭାବେ ଯୋଗଦେଇ ଏହାର ଶୁଭାରମ୍ଭ କରିଥିଲେ।

ସ୍ଥାନୀୟ ବିଡ଼ିଓ ତଥା ଇକୋ ରିଟ୍ରିଟର ଅଧ୍ୟକ୍ଷ ପ୍ରୀତିରଞ୍ଜନ ରଥଙ୍କ ତତ୍ତ୍ୱାବଧାନ ଏବଂ ରାଜ୍ୟ ପର୍ଯ୍ୟଟନ ବିଭାଗ ଦ୍ୱାରା ଏହି ଇକୋ ରିଟ୍ରିଟ ସଫଳତାର ସହ ଚଳିତ ବର୍ଷ ପରିଚାଳନା ହୋଇଥିଲା। ଶେଷ ଦୁଇ ଦିନରେ ରାଜ୍ୟ ସରକାରଙ୍କ ଦ୍ୱାରା ଜିଲାପ୍ରଶାସନ ପକ୍ଷରୁ ଇନଭେଷ୍ଟ କନ୍ଧମାଳ-୨୦୨୫ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ଏଥିରେ ରାଜ୍ୟ ତଥା ରାଜ୍ୟ ବାହାରୁ ପ୍ରାୟ ୭୫ଜଣ ପୁଞ୍ଜି ନିବେଶକାରୀ ଯୋଗଦେଇଥିଲେ ସେମାନଙ୍କ ମଧ୍ୟରୁ କିଛି ଜଣ ପୁଞ୍ଜି ନିବେଶକାରୀ ଓ ଜିଲ୍ଲା ପ୍ରଶାସନର ଉଚ୍ଚ ପଦାଧିକାରୀ ମାନେ ଇକୋ ରିଟ୍ରିଟରେ ରାତ୍ରିଯାପନ କରିଛନ୍ତି। ପ୍ରକାଶ ଯେ, ଉକ୍ତ ଇକୋ ରିଟ୍ରିଟ ଗତ କିଛି ବର୍ଷ ଧରି ଏହି ସମୟରେ ୩ ମାସ ଧରି ପର୍ଯ୍ୟଟକଙ୍କ ପାଇଁ ଖୋଲାଯାଉଥିବା ବେଳେ ପଞ୍ଚତାରକା ହୋଟେଲରେ ଯେଉଁଭଳି ବ୍ୟବସ୍ଥା କରାଯାଇଛି ସେହିଭଳି ଇକୋ ରିଟ୍ରିଟରେ ରାତ୍ରିଯାପନ ବ୍ୟବସ୍ଥା ସହ ସାଂସ୍କୃତିକ କାର୍ଯ୍ୟକ୍ରମ, ପର୍ଯ୍ୟଟନ କ୍ଷେତ୍ରକୁ ପର୍ଯ୍ୟଟକ ମାନଙ୍କୁ ବୁଲାଇବା ବ୍ୟବସ୍ଥା, ସାଇକେଲିଂ, ଇଣ୍ଡୋର ଗେମ, ଟ୍ରାକିଂ,ଆଦି ବ୍ୟବସ୍ଥା ସହ ଗତ ବର୍ଷ ଅପେକ୍ଷା ଇକୋ ରିଟ୍ରିଟକୁ ତ୍ୱରଣରେ ଅଧିକ ସୁସଜ୍ଜିତ କରାଯାଇଥିଲା।

ଇକୋ ରିଟ୍ରିଟର ଶେଷଦିନରେ କନ୍ଧମାଳ ଜିଲାପାଳ ଅମ୍ରିତ ଋତୁରାଜଙ୍କ ସମେତ ଜିଲାର ଏକାଧିକ ପ୍ରଶାସନିକ ଅଧିକାରୀମାନେ ଉପସ୍ଥିତ ରହିଛନ୍ତି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଇକୋ-ରିଟ୍ରିଟ୍ ରେ ପର୍ଯ୍ୟଟକଙ୍କୁ କଣ ଖାଇବାକୁ ଦିଆଯାଉଛି, ଜାଣିଲେ ହେଲେ ଆଶ୍ଚର୍ଯ୍ୟ

ଭୁବନେଶ୍ୱର: ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ଗତ ଡିସେମ୍ବର ୧ରୁ ଆରମ୍ବ ହୋଇଥିବା ଇକୋ-ରିଟ୍ରିଟ୍ ଆସନ୍ତା ମାର୍ଚ୍ଚ ୧୫ ତାରିଖ ପର୍ଯ୍ୟନ୍ତ ଚାଲିବ । ପର୍ଯ୍ୟଟକମାନେ ରାଜ୍ୟର ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ପର୍ଯ୍ୟଟନ ସ୍ଥଳୀର ମଜା ନେବା ସହ ପର୍ଯ୍ୟଟନର ବିକାଶ ନିମନ୍ତେ ଏହି ପଦକ୍ଷେପ ନିଆଯାଇଛି । ପର୍ଯ୍ୟଟକମାନେ ଆମୋଦପୂର୍ଣ୍ଣ ରହଣି, ଜଳ କ୍ରୀଡା, ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ମହିଳା ସ୍ଵୟଂ ସହାୟକ ଗୋଷ୍ଠୀଙ୍କ ଦ୍ଵାରା ପୁଷ୍ଟିଶସ୍ୟରୁ ପ୍ରସ୍ତୁତ ବିଭିନ୍ନ ଖାଦ୍ୟର ମଜା ନେଉଛନ୍ତି । ରାଜ୍ୟର କୋଣାର୍କ, ପୁଟସିଲ, ସୋନାପୁର, ଦାରିଙ୍ଗବାଡି, ଭିତରକନିକା, ସାତକୋଶିଆ ଓ ହୀରାକୁଦ ୭ଟି ସ୍ଥାନରେ ଇକୋ ରିଟ୍ରିଟର ଆୟୋଜନ କରାଯାଇଛି ।

ଶ୍ରୀ ଅନ୍ନ ଅଭିଯାନ, ଓଡ଼ିଶା ସରକାର ଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ର ସ୍ବତନ୍ତ୍ର କାର୍ଯକ୍ରମ । ଶ୍ରୀ ଅନ୍ନ ଅଭିଯାନ ଓ ଓଡ଼ିଶା ପର୍ଯ୍ୟଟନ ବିଭାଗର ମିଳିତ ସହଯୋଗରେ କୋଣାର୍କ, ଦାରିଙ୍ଗବାଡି, ସୋନାପୁର ଓ ପୁଟସିଲରେ ଆୟୋଜିତ ଇକୋ-ରିଟ୍ରିଟ୍ ରେ ଶ୍ରୀ ଅନ୍ନ (ପୁଷ୍ଟିଶସ୍ୟ) ଓ ଏଥିରୁ ପ୍ରସ୍ତୁତ ବିଭିନ୍ନ ଖାଦ୍ୟର ପ୍ରଚାର ଓ ପ୍ରସାର କରାଯାଉଛି । ବର୍ତ୍ତମାନ ପର୍ଯ୍ୟଟକମାନେ ଏହି ସ୍ଥାନ ମାନଙ୍କ ରେ ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟାଙ୍କ ଦ୍ଵାରା ପୁଷ୍ଟିଶସ୍ୟରୁ ପ୍ରସ୍ତୁତ ବିଭିନ୍ନ ଖାଦ୍ୟର ମଜା ନେଇପାରିବେ । ଏହି ସ୍ଥାନ ମାନଙ୍କ ରେ ପୁଷ୍ଟିଶସ୍ୟରୁ ପ୍ରସ୍ତୁତ ପୋଡ ପିଠା, ମାଣ୍ଡିଆ ଲଡୁ, କାକରା ପିଠା, ମଣ୍ଡା ପିଠା ଓ ମାଲପୁଆ ସାଙ୍ଗକୁ ମାଣ୍ଡିଆରୁ ପ୍ରସ୍ତୁତ ଚାଓମିନ୍, ସ୍ୟାଣ୍ଡୱିଚ, ମିଲେଟ୍ ନନ୍ ଭେଜ ଫ୍ରିଟରସ୍ ଓ ଦହିବାର ଆଦି ଉପଲବ୍ଧ ହେଉଛି । ଏହାସହିତ ଶୁଖିଲା ଖାଦ୍ୟରେ ମାଣ୍ଡିଆରୁ ପ୍ରସ୍ତୁତ ବିସ୍କୁଟ, ନିମକି, ଜହ୍ନା ସେଉ, ମାଣ୍ଡିଆ ମିକ୍ସଚର ଓ ମୁଡକି ବିକ୍ରି କରାଯାଉଛି ।

ଏହି ପଦକ୍ଷେପ ସବୁ ବର୍ଗର ପର୍ଯ୍ୟଟକଙ୍କ ମଧ୍ୟରେ ଶ୍ରୀ ଅନ୍ନ କୁ ନେଇ ଆଗ୍ରହ ସୃଷ୍ଟି କରିଛି । ପର୍ଯ୍ୟଟନ ବିଭାଗ ପକ୍ଷରୁ ଦାରିଙ୍ଗବାଡି ଓ ପୁଟ୍‌ସିଲ୍‌ ରେ ପର୍ଯ୍ୟଟକଙ୍କ ପାଇଁ ଆୟୋଜନ କରାଯାଇଥିବା ଆମୋଦପୂର୍ଣ୍ଣ ରହଣିସ୍ଥଳୀର ଖାଦ୍ୟ ତାଲିକାରେ ଶ୍ରୀ ଅନ୍ନ ଅଭିଯାନ ପକ୍ଷରୁ ପୁଷ୍ଟିଶସ୍ୟଭିତ୍ତିକ ଖାଦ୍ୟକୁ ଅନ୍ତର୍ଭୁକ୍ତ କରାଯାଇଛି । ସେଥିରେ ମାଣ୍ଡିଆରୁ ପ୍ରସ୍ତୁତ ଇଡ଼ଲି, ସୁଆଁ ଖିରୀ, ମାଣ୍ଡିଆ ଉପମା ଆଦି ରହିଛି। ପର୍ଯ୍ୟଟକମାନେ ପୁଷ୍ଟିଶସ୍ୟରୁ ପ୍ରସ୍ତୁତ ଖାଦ୍ୟର ମଜା ନେବା ସହ କ୍ଷୁଦ୍ରଶସ୍ୟ ଓ ଏହାର ସ୍ୱାସ୍ଥ୍ୟ ଉପକାରିତା ସମ୍ପର୍କରେ ଜାଣିବା ପାଇଁ ଆଗ୍ରହ ପ୍ରକାଶ କରିଛନ୍ତି । ଏହାବ୍ୟତିତ ପର୍ଯ୍ୟଟକ ମାନଙ୍କ ପାଇଁ ଜୈବିକ ପଦ୍ଧତିରେ ଚାଷ କରାଯାଉଥିବା ପୁଷ୍ଟିଶସ୍ୟ ଓ ସେଥିରୁ ପ୍ରସ୍ତୁତ ଖାଦ୍ୟକୁ କିଣି ନେବା ପାଇଁ ମଧ୍ୟ ଉପଲବ୍ଧ ହେଉଛି ।

ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟମାନେ ପର୍ଯ୍ୟଟକମାନଙ୍କୁ ଅତ୍ୟନ୍ତ ଆଦରର ସହ ପୁଷ୍ଟିଶସ୍ୟରୁ ପ୍ରସ୍ତୁତ ବିଭିନ୍ନ ସ୍ଵାଦିଷ୍ଟ ଖାଦ୍ୟକୁ ପରଷି ପର୍ଯ୍ୟଟକଙ୍କ ହୃଦୟ ଜିଣିପାରିଛନ୍ତି ।