The Samikhsya Odia
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତର ପ୍ରଥମ ସୌର ମିଶନ ଆଦିତ୍ୟ-ଏଲ୍୧ର ସଫଳ ଉତକ୍ଷେପଣ ପାଇଁ ଇସ୍ରୋ ବୈଜ୍ଞାନିକ ଏବଂ ଇଞ୍ଜିନିୟରମାନଙ୍କୁ ଅଭିନନ୍ଦନ ଜଣାଇଛନ୍ତି।
ଏକ ଏକ୍ସ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ,‘ଚନ୍ଦ୍ରଯାନ-୩ର ସଫଳତା ପରେ ଭାରତ ନିଜର ମହାକାଶ ଯାତ୍ରା ଜାରି ରଖିଛି। ଭାରତର ପ୍ରଥମ ସୌର ମିଶନ ଆଦିତ୍ୟ-ଏଲ୍୧ର ସଫଳ ଉତକ୍ଷେପଣ ପାଇଁ ଇସ୍ରୋର ବୈଜ୍ଞାନିକ ଏବଂ ଇଞ୍ଜିନିୟରମାନଙ୍କୁ ଅଭିନନ୍ଦନ। ସମଗ୍ର ମାନବିକତାର କଲ୍ୟାଣ ପାଇଁ ବ୍ରହ୍ମାଣ୍ଡକୁ ଆହୁରି ଭଲ ଭାବେ ବୁଝିବା ଦିଗରେ ଆମର ନିରନ୍ତର ବୈଜ୍ଞାନିକ ପ୍ରୟାସ ଜାରି ରହିବ।’
ନୂଆଦିଲ୍ଲୀ: ଅନ୍ୟ ଏକ ମାଇଲଖୁଣ୍ଟ ହାସଲ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୈଜ୍ଞାନିକ ଏବଂ ଇଞ୍ଜିନିୟର ମାନଙ୍କୁ ଅଭିନନ୍ଦନ ଜଣାଇଛନ୍ତି।
ଗୁଜରାଟର ପ୍ରଥମ ବୃହତ୍ତମ ସ୍ୱଦେଶୀ ୭୦୦ ମେଗାୱାଟ କାକ୍ରାପର ଆଣବିକ ଶକ୍ତି ଉତ୍ପାଦନ ୟୁନିଟ୍ – ୩ ପୂର୍ଣ୍ଣ କ୍ଷମତାରେ କାର୍ଯ୍ୟ ଆରମ୍ଭ କଲା।
ଏକ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ, “ଭାରତ ଆଉ ଏକ ମାଇଲଖୁଣ୍ଟ ହାସଲ କରିଛି।
ଗୁଜରାଟର ପ୍ରଥମ ବୃହତ୍ତମ ସ୍ୱଦେଶୀ ୭୦୦ ମେଗାୱାଟ କାକ୍ରାପର ଆଣବିକ ଶକ୍ତି ଉତ୍ପାଦନ ୟୁନିଟ୍ -୩ ପୂର୍ଣ୍ଣ କ୍ଷମତାର ସହିତ କାର୍ଯ୍ୟ ଆରମ୍ଭ କରିଛି।
ଆମର ବୈଜ୍ଞାନିକ ଏବଂ ଇଞ୍ଜିନିୟର ମାନଙ୍କୁ ଅଭିନନ୍ଦନ। ”
ନୂଆଦିଲ୍ଲୀ: ବେଙ୍ଗାଲୁରୁରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଏକ ବିଲ୍ଡିଂର ଚତୁର୍ଥ ମହଲାରୁ ଖସି ଜଣେ ଏୟାର ହୋଷ୍ଟେସ୍ ଙ୍କର ମୃତ୍ୟୁ ହୋଇଛି। ପୋଲିସର ସୂଚନାନୁସାରେ ଏହି ଘଟଣା ଶନିବାର ଦିନ ଘଟିଛି। ଏହି ମାମଲାରେ ପୋଲିସ ଏୟାର ହୋଷ୍ଟେସଙ୍କ ପ୍ରେମିକକୁ ଗିରଫ କରିଛି। ଏହା ସହିତ ସମଗ୍ର ମାମଲାର ଯାଞ୍ଚ କରାଯାଉଛି। ପୋଲିସ ଏୟାର ହୋଷ୍ଟେସୀଙ୍କୁ ୨୮ ବର୍ଷିୟା ଅର୍ଚ୍ଚନା ଧିମାନ ବୋଲି ଚିହ୍ନଟ କରିଛି।
ପୋଲିସର ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ, ଅର୍ଚ୍ଚନା କିଛି ଦିନ ପୂର୍ବରୁ ଦୁବାଇରୁ ବାଙ୍ଗାଲୋରକୁ ଆସିଥିଲେ ଏବଂ କୋରୋମନଗାଲା ଅଞ୍ଚଳର ଏକ ଫ୍ଲାଟରେ ଆଦେଶ ନାମକ ଜଣେ ଯୁବକଙ୍କ ସହ ରହୁଥିଲେ। ତଦନ୍ତ ଅଧିକାରୀଙ୍କ କହିବାନୁସାରେ, ଏକ କମ୍ପାନୀରେ କାମ କରୁଥିବାବେଳେ ଅର୍ଚ୍ଚନା ଏବଂ ଆଦେଶ ଭେଟିଥିଲେ। ସେବେଠାରୁ ଦୁହେଁ ଏକାଠି ରହୁଥିଲେ। କିନ୍ତୁ ଗତ କିଛି ଦିନ ହେବ ଉଭୟଙ୍କ ମଧ୍ୟରେ କିଛି ଠିକ୍ ନଥିଲା।
ପୋଲିସ ଅନୁସନ୍ଧାନରୁ ଜଣାପଡିଛି ଯେ, ଉଭୟଙ୍କ ମଧ୍ୟରେ ଲଗାତାର ଝଗଡା ହୋଇଥିଲା। ଏହି ଘଟଣାର ଗୋଟିଏ ଦିନ ପୂର୍ବରୁ ସେମାନେ ରାତିରେ ଏକାଠି ମଦ୍ୟପାନ କରିଥିଲେ। ଅର୍ଚ୍ଚନାଙ୍କ ପ୍ରେମିକା ଆଦେଶ ପୋଲିସକୁ କହିଛନ୍ତି ଯେ, ମଦ୍ୟପାନ କରିବା ପରେ ହିଁ ଅର୍ଚ୍ଚନାଙ୍କ ପାଦ ଖସି ଯାଇଥିଲା ଏବଂ ସେ ବାଲକୋନିରୁ ଖସିପଡିଥିଲେ। ପରେ ତାଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା।
ଏହି ଘଟଣାରେ ହତ୍ୟା ମାମଲା ପଞ୍ଜିକରଣ କରି ପୋଲିସ ତଦନ୍ତ ଆରମ୍ଭ କରିଛି। ପୋଲିସ ବର୍ତ୍ତମାନ ଅର୍ଚ୍ଚନାଙ୍କ ପୋଷ୍ଟମର୍ଟମ ରିପୋର୍ଟକୁ ଅପେକ୍ଷା କରିଛି।
ନୂଆଦିଲ୍ଲୀ: ଜେନେରାଲ ମନୋଜ ପାଣ୍ଡେ ଆଜି ଜେନେରାଲ ଏମ ନରବଣେଙ୍କ ଅବସର ପରେ ସ୍ଥଳସେନାର ୨୯ତମ ମୁଖ୍ୟ ଭାବରେ ଦାୟିତ୍ଵ ଗ୍ରହଣ କଲେ। ସ୍ଥଳସେନାର ଉପ-ମୁଖ୍ୟ ଭାବରେ କାର୍ଯ୍ୟ କରିଥିବା ଜେନେରାଲ୍ ପାଣ୍ଡେ, ଜଣେ ଇଞ୍ଜିନିୟର୍ କୋରରୁ ପ୍ରଥମ ଅଧିକାରୀ ଭାବରେ ସେନା ମୁଖ୍ୟ ହୋଇଛନ୍ତି।
ସେ ଫେବୃଆରୀ ୧ ତାରିଖରେ ସେନାର ଉପମୁଖ୍ୟ ହେବା ପୂର୍ବରୁ ସେନାର ଇଷ୍ଟର୍ଣ୍ଣ କମାଣ୍ଡର ନେତୃତ୍ୱ ନେଉଥିଲେ। ଜେନେରାଲ ପାଣ୍ଡେ ଏଭଳି ଏକ ସମୟରେ ସେନାର ଦାୟିତ୍ୱ ଗ୍ରହଣ କରିଛନ୍ତି, ଯେତେବେଳେ ଚୀନ୍ ଏବଂ ପାକିସ୍ତାନ ସୀମାରେ ଭାରତ ଅସଂଖ୍ୟ ସୁରକ୍ଷା ଆହ୍ୱାନର ସମ୍ମୁଖୀନ ହେଉଛି। ସେନା ମୁଖ୍ୟ ଭାବରେ ତାଙ୍କୁ ଥିଏଟର କମାଣ୍ଡ ଗଠନ ପାଇଁ ସରକାରଙ୍କ ଯୋଜନା ଉପରେ ନୌସେନା ଏବଂ ବାୟୁସେନା ସହିତ ସମନ୍ୱୟ ରକ୍ଷା କରିବାକୁ ପଡିବ।