ଲକ୍ଷ୍ନୌ: କୃଷକଙ୍କ ଚେତାବନୀ ପରେ ଲକ୍ଷ୍ମୀପୁରରେ ଚିନି କାରଖାନାର ଉଦଘାଟନୀ କାର୍ଯ୍ୟକ୍ରମକୁ କେନ୍ଦ୍ର ଗୃହ ରାଜ୍ୟମନ୍ତ୍ରୀ ଅଜୟ ଟେନି ବାତିଲ କରିଛନ୍ତି। ଏହାପୂର୍ବରୁ କୃଷକ ନେତା ରାକେଶ ଟିକାଏତ ଟେନିଙ୍କୁ ବିରୋଧ କରିବାକୁ ଘୋଷଣା କରିଥିଲେ। ତିନୋଟି କୃଷି ଆଇନ ପ୍ରତ୍ୟାହାର ପରେ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କୁ ଗିରଫ କରିବା ନେଇ ଏବେ ବିବାଦ ଆରମ୍ଭ ହୋଇଛି।
ଚିନି ମିଲର ପ୍ରସ୍ତାବିତ ଉଦ୍ଘାଟନ ସମ୍ପର୍କରେ ରାକେଶ ଟିକାଏତ କହିଛନ୍ତି ଯେ, ଯଦି ଚିନି ମିଲର ଉଦଘାଟନ କରିବାକୁ ଅଜୟ ମିଶ୍ର ଆସନ୍ତି, ତେବେ ସେହି ଚିନି ମିଲକୁ କୌଣସି ଆଖୁ ଦିଆଯିବ ନାହିଁ। ବରଂ କୃଷକମାନେ ଯେତେ କଷ୍ଟ ଭୋଗୁଛନ୍ତି ନା କାହିଁକି ଆଖୁକୁ ଜିଲ୍ଲା ମାଜିଷ୍ଟ୍ରେଟଙ୍କ କାର୍ଯ୍ୟାଳୟକୁ ନିଆଯିବ।
ଏହାପୂର୍ବରୁ ରାକେଶ ଟିକାଏତ ମଧ୍ୟ ଲକ୍ଷ୍ମୀପୁର ଖେରୀ ହିଂସା ଘଟଣାରେ ୪ ଜଣ ଚାଷୀଙ୍କ ମୃତ୍ୟୁ ଘଟଣାରେ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କୁ ଗିରଫ କରିବାକୁ ଦାବି କରିଛନ୍ତି ଏବଂ ତାଙ୍କୁ ଆତଙ୍କବାଦୀ ସହ ତୁଳନା କରିଛନ୍ତି। ଲକ୍ଷ୍ନୌ ଇକୋ-ଗାର୍ଡେନରେ ଆୟୋଜିତ କିଷାନ ମହାପଞ୍ଚାୟତକୁ ସମ୍ବୋଧିତ କରି ରାକେଶ ଟିକାଏତ କହିଛନ୍ତି, “ଯଦି କାଶ୍ମୀରର ଆତଙ୍କବାଦୀମାନେ ଆଗ୍ରା ଜେଲରେ ରହିପାରିବେ, ତେବେ କୃଷକମାନଙ୍କ ହତ୍ୟାକାରୀ ମଧ୍ୟ ଆତଙ୍କବାଦୀ ଏବଂ ସେ ମଧ୍ୟ ଆଗ୍ରା ଜେଲକୁ ଯିବା ଉଚିତ୍।”