ଭୁବନେଶ୍ୱର: ସମ୍ଭାବ୍ୟ ବାତ୍ୟା ‘ଜଓ୍ୱାଦ’ ବିଷୟରେ ତାଜା ଖବର ପ୍ରାପ୍ତ ହୋଇଛି। ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର ତାଜା ଅପଡେଟ ପ୍ରଦାନ କରିଛନ୍ତି। ଏବେ ‘ଜଓ୍ୱାଦ’ ଆଣ୍ଡାମନ ସାଗର ନିକଟରେ ରହିଛି। ଆସନ୍ତାକାଲି ଅବପାତର ରୂପ ନେଇ ଭୀଷଣ ହେବ। ଏହା ଉତ୍ତର ପଶ୍ଚିମ ଦିଗକୁ ଗତି କରି ଉତ୍ତର ପୂର୍ବ ଆଡକୁ ଗତି କରିବ।
କିନ୍ତୁ କେଉଁଠି ଲ୍ୟାଣ୍ଡଫଲ କରିବ ସେନେଇ ଚିତ୍ର ଅସ୍ପଷ୍ଟ ରହିଛି। ଆସନ୍ତାକାଲି ଏହା ସ୍ପଷ୍ଟ ହେବ ବୋଲି ଶ୍ରୀ ମହାପାତ୍ର କହିଛନ୍ତି।
ତେବେ ଏହା ପଶ୍ଚିମବଙ୍ଗ ଆଡକୁ ଗତିପାରେ ବୋଲି ଅନୁମାନ କରାଯାଉଛି। ଏହାର ପ୍ରଭାବରେ ୩ ରୁ ୪ ତାରିଖରେ ବର୍ଷା ହୋଇପାରେ। ୪ ତାରିଖ ସକାଳେ ଏହା ଉପକୂଳ ଅତିକ୍ରମ କରିବ। ଫଳରେ ୪ ତାରିଖ ଦିନ ବର୍ଷା ଓ ପବନର ପରିମାଣ ବଢିପାରେ।ବିଶେଷକରି ଉପକୂଳ ଜିଲ୍ଲାରେ ଏହାର ଅଧିକ ପ୍ରଭାବ ରହିବ ବୋଲି ପାଣିପାଗ ବିଭାଗ ଆକଳନ କରିଛି।