Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଚିଲିକା ନିର୍ବାଚନମଣ୍ଡଳୀରେ କୋଭିଡ ପରିଚାଳନା ବୈଠକ: ନିୟମ ଉଲଂଘନ କଲେ ରୁଜ୍ଜୁ ହେବ ମାମଲା

ସୀତାରାମ ଅଗ୍ରୱାଲ

ଚିଲିକା: ଆଜି ଅପରାହ୍ନରେ ଖୋର୍ଦ୍ଧା ଜିଲ୍ଲା ବାଲୁଗାଁ ଏନଏସି ସଭାଗୃହ ମଧ୍ୟରେ ଚିଲିକା ନିର୍ବାଚନମଣ୍ଡଳୀର କୋଭିଡ଼ ପରିଚାଳନା ବୈଠକ ଅନୁଷ୍ଠିତ ହୋଇଯାଇଅଛି। ଖୋର୍ଦ୍ଧା ଅତିରିକ୍ତ ଜିଲ୍ଲାପାଳ ରାଜସ୍ୱ ଅନୁଜ ଦାସ ପଟ୍ଟନାୟକ ଉକ୍ତ ବୈଠକରେ ଅଧ୍ୟକ୍ଷତା କରିଥିବା ବେଳେ ଉପଜିଲ୍ଲାପାଳ ଅଶୋକ ବେଉରିଆ ବୈଠକରେ ସାମିଲ ଥିଲେ।

ବର୍ତ୍ତମାନ ଖୋର୍ଦ୍ଧା ଜିଲ୍ଲାରେ ଲଗାତାର କୋଭିଡ ପଜିଟିଭ କେସ ବଢ଼ୁଥିବାରୁ ଏହାକୁ ଏହାକୁ ଆୟତ୍ତ କରିବା ଉପରେ ଉଭୟ ଅତିରିକ୍ତ ଜିଲ୍ଲାପାଳ ଏବଂ ଉପ ଜିଲ୍ଲାପାଳ ଗୁରୁତ୍ଵାରୋପ କରିଥିଲେ। ଆସନ୍ତାକାଲିଠାରୁ ସମଗ୍ର ନିର୍ବାଚନମଣ୍ଡଳୀରେ କୋଭିଡ଼କୁ ଆୟତ୍ତ କରିବା ପାଇଁ ନୂତନ ପଦକ୍ଷେପ ମାନ ଗ୍ରହଣ କରାଯିବ ବୋଲି ଉପ ଜିଲ୍ଲପାଳ ସୂଚନା ଦେଇଛନ୍ତି।

ସେଗୁଡିକ ହେଲା କୋଭିଡ ଟେଷ୍ଟିଙ୍ଗ(ଆରଟିପିସିଆର) ବଢ଼ାଯିବ, ୪୫ ବର୍ଷରୁ ଉର୍ଦ୍ଧ୍ଵ ଦୋକାନୀ, ଶିକ୍ଷକ ଏବଂ ସେବାୟତମାନଙ୍କୁ ଟୀକାକରଣରେ ପ୍ରାଥମିକତା ଦିଆଯିବ, ମେଡ଼ିକାଲରେ ଟୀକାଦାନ ପ୍ରକ୍ରିୟାକୁ ସରଳିକରଣ ଏବଂ ଶୃଙ୍ଖଳିତ କରାଯିବ, ଗାଁ ସ୍ତରୀୟ କୋଭିଡ ମ୍ୟାନେଜମେଣ୍ଟ କମିଟି ଗୁଡିକୁ ପୁନଃ ସକ୍ରିୟ କରାଯିବ, ସରପଞ୍ଚ ମାନଙ୍କୁ ସଚେତନତା ଦାୟିତ୍ୱ ଦିଆଯିବ, ଦଣ୍ଡ ଯାତ୍ରା, ଝାମୁ ଯାତ୍ରା, ପଣା ସଂକ୍ରାନ୍ତି କେବଳ ରୀତିନୀତି ଅନୁଯାୟୀ ଅନୁଷ୍ଠିତ ହେବ, ଯାତ୍ରା ପାଇଁ ଉପଜିଲ୍ଲାପାଳଙ୍କ ଅନୁମତି ବାଧ୍ୟତାମୂଳକ ଏବଂ ସର୍ବୋପରି ତହସିଲ, ପୋଲିସ ଏବଂ ଏନଏସି ପ୍ରଶାସନ ଦ୍ୱାରା ଏନ୍ଫୋର୍ସମେଣ୍ଟ କୁ କଡ଼ାକଡ଼ି ଭାବେ ପାଳନ କରାଯିବ। ଦୋକାନୀମାନେ ସାମାଜିକ ଦୂରତ୍ୱ ରକ୍ଷା ପାଇଁ ଦୋକାନ ସମ୍ମୁଖରେ ଗୋଲ ଚି଼ହ୍ନ ବୁଲେଇବେ, ସମସ୍ତେ ମାସ୍କ ପରିଧାନ କରିବେ। ଯଦି କେହି କୋଭିଡ ନିୟମ ଉଲଂଘନ କରେ ତେବେ ସଙ୍ଗେ ସଙ୍ଗେ ସ୍ଥାନୀୟ ପୋଲିସ ତାଙ୍କ ନାମରେ ଏପିଡେ଼ମିକ ଆକ୍ଟ ଅନୁଯାୟୀ ମାମଲା ରୁଜୁ କରିବେ।

ଉକ୍ତ ବୈଠକରେ ଚିଲିକା ତହସିଲଦାର ପୁନମ ମହାପାତ୍ର, ବାଣପୁର ତହସିଲଦାର ମନ୍ମଥ ବେହେରା, ଚିଲିକା ବିଡ଼ିଓ ଡ଼ା. ସୁଷମା ବାରିକ, ବାଲୁଗାଁ ଏନଏସି କାର୍ଯ୍ୟନିର୍ବାହୀ ଅଧିକାରୀ ଆକୃତି ଗୋଏଙ୍କା, ବାଣପୁର ଏନଏସି କାର୍ଯ୍ୟନିର୍ବାହୀ ଅଧିକାରୀ ଅବିନାଶ ମହାନ୍ତି, ଏବିଡ଼ିଓ ଚିଲିକା ଅପରାଜିତା ସ୍ୱାଇଁ, ସିଡ଼ିପିଓ ବାଣପୁର ବିଦ୍ୟୁତପ୍ରଭା ରଥ, ବାଣପୁର ଆଇଆଇସି ସଞ୍ଜୟ କୁମାର ପଟ୍ଟନାୟକ, ବାଲୁଗାଁ ଥାନା ଏଏସଆଇ ଦିଲ୍ଲୀପ ବିଶ୍ୱାଳ, ଉମାମହେଶ୍ୱର ବ୍ୟବସାୟୀ ସଂଘ ସଭାପତି ରବି ନାରାୟଣ ନାୟକ, ମାଛ ବ୍ୟବସାୟୀ ସଂଘ ସଭାପତି ଜୟନ୍ତ ସ୍ୱାଇଁ, ସମ୍ପାଦକ ବିଜୟ ପାଢ଼ୀ, କାଳିଜାଇ ମୋଟର ବୋଟ ଆସୋସିଏସନ ସଭାପତି ଲଷ୍ମୀଧର ତରେଇ, ସମ୍ପାଦକ କୃଷ୍ଣଚନ୍ଦ୍ର ବେହେରା ଏବଂ ସାମ୍ବାଦିକ ମାନେ ଉପସ୍ଥିତ ଥିଲେ।