Categories
ଅପରାଧ ଆଜିର ଖବର ଜାତୀୟ ଖବର

ରାଜ ଠାକରେଙ୍କୁ ହତ୍ୟା ଧମକ, ସୁରକ୍ଷା ବୃଦ୍ଧି ପାଇଁ ଗୃହମନ୍ତ୍ରୀଙ୍କୁ ଦାବି

ମୁମ୍ବାଇ: ଏମଏନଏସ ସଭାପତି ରାଜ ଠାକରେଙ୍କୁ ଫୋନରେ ମୃତ୍ୟୁ ଧମକ ଦିଆଯାଇଛି। ଗୃହମନ୍ତ୍ରୀ ଦିଲୀପ ୱାଲସେ ପାଟିଲଙ୍କୁ ଏମଏନଏସ ନେତା ବାଲା ନାଦଗାଭକର ଭେଟି ରାଜ ଠାକରେଙ୍କ ସୁରକ୍ଷା ବୃଦ୍ଧି କରିବାକୁ ଦାବି କରିଛନ୍ତି। ଗତ କିଛି ଦିନ ହେବ ରାଜ ଠାକରେ ମସଜିଦରୁ ଲାଉଡ ସ୍ପିକର ହଟାଇବା ପାଇଁ ମହାରାଷ୍ଟ୍ରରେ ଆନ୍ଦୋଳନ ଆରମ୍ଭ କରିଥିଲେ।

ପ୍ରକାଶ ଯୋଗ୍ୟ ଯେ ନିକଟରେ ଲାଉଡ ସ୍ପିକର ବିବାଦ ମଧ୍ୟରେ ଏମଏନଏସ ମୁଖ୍ୟ ରାଜ ଠାକରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଆକ୍ରମଣ କରି ଏକ ଖୋଲା ଚିଠି ଲେଖିଛନ୍ତି। ଏହି ଚିଠିରେ ରାଜ ଠାକରେ ମହାରାଷ୍ଟ୍ରର ଉଦ୍ଧବ ସରକାର ଉପରେ ଆକ୍ରମଣ କରୁଥିବାବେଳେ ଲେଖିଛନ୍ତି ଯେ, ରାଜ୍ୟ ସରକାର ମୋ ଦଳର କର୍ମୀଙ୍କ ଉପରେ ପୋଲିସ୍ ଫୋର୍ସ ବ୍ୟବହାର କରୁଛନ୍ତି, ମୁଁ ଆଶ୍ଚର୍ଯ୍ୟ ହେଉଛି ଯେ ସେମାନେ ମସଜିଦରେ ଅସ୍ତ୍ରଶସ୍ତ୍ର ଏବଂ ଆତଙ୍କବାଦୀ ସନ୍ଧାନ ପାଇଁ ଏତେବଡ ତଲାସି ନେଇଛନ୍ତି କି?