ଭୁବନେଶ୍ବର: ଖୁବ ଶିଘ୍ର ରାଜ୍ୟ ସରକାର କ୍ଷୁଦ୍ର ବ୍ୟବସାୟୀଙ୍କ ସମସ୍ୟା ସମାଧାନ ପାଇଁ ଗଠନ କରିବେ ଏକ ପରିଷଦଯ ଯାହାର ନାମ ରହିଛି ଓଡିଶା ବାଣିଜ୍ୟ ପରିଷଦ ବା Odisha Trade Council. ଶିଳ୍ପ ବିଭାଗ ଅଧିନରେ ଏହି ପରିଷଦ କାର୍ଯ୍ୟ କରିବ। ଏଥିପାଇଁ ଏକ ସ୍ବତନ୍ତ୍ର ବୋର୍ଡ ଗଠନ କରାଯିବ ବୋଲି ନିଷ୍ପତି କରାଯାଇଛି।
ଏହାଦ୍ବାରା ରାଜ୍ୟରେ ଥିବା ପ୍ରାୟ 25 ଲକ୍ଷ କ୍ଷୁଦ୍ର ବ୍ୟବସାୟୀ ଉପକୃତ ହୋଇପାରିବେ। ସେମାନଙ୍କର ବିଭିନ୍ନ ସମସ୍ୟା ଏବଂ ଅସୁବିଧାକୁ ଏହି ପରିଷଦ ସମାଧାନ କରିବ। ମୁଖ୍ୟତଃ ରାଜ୍ୟ ସରକାର ଏବଂ କ୍ଷୁଦ୍ର ବ୍ୟବସାୟୀଙ୍କ ମଧ୍ୟରେ ଏହି ପରିଷଦ ସେତୁ ପରି କାର୍ଯ୍ୟ କରିବ। ଖୁବ ଶିଘ୍ର ଏହି ପ୍ରସ୍ତାବ ରାଜ୍ୟ କ୍ୟାବିନେଟରେ ଉପସ୍ଥାପିତ ହେବ।