କଟକ : କଟକ ଜିଲ୍ଲାପାଳଙ୍କ ଅଫିସ୍ରେ କରୋନା ସ୍ଥିତି ସମୀକ୍ଷା ବୈଠକ ହୋଇଛି । ବୈଠକ ପରେ କରୋନା ଜିଲ୍ଲା ପର୍ଯ୍ୟବେକ୍ଷକ ସୌରଭ ଗର୍ଗ ପ୍ରତିକ୍ରିୟା ରଖିଛନ୍ତି । ଶିଶୁ ଭବନ, ଏସ୍ସିବି ଓ ଆଚାର୍ଯ୍ୟ ହରିହର କ୍ୟାନସର ହସ୍ପିଟାଲ ପାଇଁ ଏସ୍ଓପି ଜାରି କରିଛନ୍ତି । ଏହି ତିନି ହସ୍ପିଟାଲର କର୍ତ୍ତୃପକ୍ଷ ସ୍ବତନ୍ତ୍ର ଏସ୍ଓପିକୁ କଡାକଡି ପାଳନ କରିବେ । କଟକ ମେଡିକାଲରେ ଯେପରି ପୂର୍ବପରି ସଂକ୍ରମଣ ନ ବ୍ୟାପେ ଦୃଷ୍ଟି ଦିଆଯିବ ବୋଲି ସୂଚନା ଦେଇଛନ୍ତି ସୌରଭ ଗର୍ଗ । ଲକ୍ଡାଉନ୍ ଚାଲିଛି । ଏହି ସମୟରେ କଟକ ସହର ଓ ମେଡ଼ିକାଲ ଉପରେ ସ୍ବତନ୍ତ୍ର ଦୃଷ୍ଟି ରହିବ । ସ୍ବତନ୍ତ୍ର ଟିମ୍ ଦ୍ବାରା କଟକ ସହରରେ ସର୍ଭେଲାନ୍ସ କରାଯିବ । ସ୍ବତନ୍ତ୍ର ଟିମ୍ ଦ୍ବାରା କଟକ ସହରରେ ସର୍ଭେଲାନ୍ସ କରାଯିବ ବୋଲି ସୂଚନା ଦେଇଛନ୍ତି ସୌରଭ ଗର୍ଗ ।
