ନୂଆଦିଲ୍ଲୀ: ବିଜେପିରେ ସାମିଲ୍ ହୋଇ କିଛି ଘଣ୍ଟା ପରେ ପୁଣି ବିଦା ହେଲେ କପିଲ ଗୁର୍ଜର। କପିଲ ଗୁର୍ଜର ଶାହୀନ ବାଗରେ ଚାଲିଥିବା ସିଏଏ ବିରୋଧ ଆନ୍ଦୋଳନ ସମୟରେ ଫାଇରିଂ କରି ଗିରଫ ହୋଇଥିଲେ। ଗିରଫ ପରେ ସେ ଜାମିନରେ ଆସିଥିଲେ।
ଉଲ୍ଲେଖ ଯୋଗ୍ୟ ଯେ, ଆଜି କପିଲ ଗୁର୍ଜର ଗାଜିଆବାଦ ଅଫିସକୁ ଯାଇ ବିଜେପିରେ ସାମିଲ୍ ହୋଇଥିଲେ। ହେଲେ ବିଜେପିର ବରିଷ୍ଠ ନେତାମାନେ ଏହାକୁ ନେଇ ଗୁର୍ଜରକୁ ବିରୋଧ କରିବା ସହ ଦଳରୁ ବିଦା ହେବା ଦରକାର ବୋଲି ଦାବି କରିଥିଲେ। ତେଣୁ ତାଙ୍କୁ ଦଳରୁ ବିଦା କରାଯାଇଥିବା ସୂଚନା ରହିଛି। ତେବେ ଭୁଲ ବଶତଃ କପିଲ ଗୁର୍ଜର ବିଜେପିରେ ସାମିଲ ହେବା ନେଇ ବିଜେପି କାର୍ଯ୍ଯାଳୟ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି।