ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ବନବିଭାଗ ପକ୍ଷରୁ ଗତ ୬ ତାରିଖରୁ କୁମ୍ଭୀର ଗଣନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିପାଇଁ ୨୦ ଟି ସ୍ବତନ୍ତ୍ର ଟିମ୍ ଜରିଆରେ ଗଣନା କାର୍ଯ୍ୟକ୍ରମ ଆରମ୍ଭ କରାଯାଇଥିଲା। ବିଶେଷକରି କୁମ୍ଭୀର ମାନଙ୍କ ପାଇଁ ସଂରକ୍ଷିତ ସ୍ଥାନ ଦିଗପହଣ୍ଡି ନିକଟସ୍ଥ ଘୋଡାହାଡ ନଦୀ ଓ ଆଖପାଖରେ ରହିଥିବା ବିଭିନ୍ନ ୧୨ ଗୋଟି ପୋଖରୀରେ ସମୁଦାୟ ୮୪ ଟି କୁମ୍ଭୀର ଥିବା ବ୍ରହ୍ମପୁର ବନଖଣ୍ଡ ଅଧିକାରୀ ସନି ଖୋଖର ଙ୍କ ଠାରୁ ଜଣାପଡ଼ିଛି।
ସେ କହିଛନ୍ତି ଯେ, ବିଭିନ୍ନ ପୋଖରୀରେ ପାଣିର ଅଭାବରୁ କୁମ୍ଭୀର ମାନଙ୍କର ସ୍ଥିତି ବିଷୟରେ ଭିନ୍ନ ପ୍ରସନ୍ନ ଜାତ ହେବାରୁ ବିଭାଗୀୟ କର୍ମଚାରୀମାନଙ୍କୁ ନେଇ ସ୍ଥିତି ଅନୁଧ୍ୟାନ ସହ ଏହିଭଳି ଗଣନା କାର୍ଯ୍ୟକ୍ରମ ସୁରୁଖୁରୁରେ ସମାପନ ହୋଇଛି।
