ଭୁବନେଶ୍ବର, ବିଭିନ୍ନ ଉନ୍ନୟନ କାମ ପାଇଁ ବିଭିନ୍ନ ବିଭାଗକୁ ଦିଆଯାଇଥିବା କୋଟି କୋଟି ଟଙ୍କା ଖର୍ଚ୍ଚ ନ ହୋଇ ପଡି ରହିଛି। ଏ ନେଇ ଅର୍ଥ ବିଭାଗ ସଂପୃକ୍ତ ବିଭାଗକୁ ବାରମ୍ବାର ତାଗିଦ କରିବା ସତ୍ବେ ସେସବୁ ଟଙ୍କା ବିଭାଗ ଖର୍ଚ୍ଚ କରିପାରୁ ନାହାଁନ୍ତି। ଫଳରେ ସେହି ଗଚ୍ଛିତ ଟଙ୍କାକୁ ପୁଣି ଥରେ ଟ୍ରେଜେରୀଙ୍କୁ ଫେରାଇ ଆଣିବା ପାଇଁ ରାଜ୍ୟ ସରକାର ନିଷ୍ପତି ନେଇଛନ୍ତି।
ଅର୍ଥ ବିଭାଗର ହିସାବ ଅନୁସାରେ ବର୍ତ୍ତମାନ ଖର୍ଚ୍ଚ ନ ହୋଇ ବିଭିନ୍ନ ବ୍ୟାଙ୍କରେ ପ୍ରାୟ 7 ହଜାର କୋଟି ଟଙ୍କା ପଡି ରହିଛି। ସେ ମଧ୍ୟରୁ ଅର୍ଥ ବିଭାଗ ମାତ୍ର 2300 କୋଟି ଏକାଠି କରିବାରେ ସକ୍ଷମ ହୋଇଛି। ପରବର୍ତ୍ତ ସମୟରେ ସମସ୍ତ ଟଙ୍କା ଏକାଠି କରି ଟ୍ରେଜେରୀକୁ ଫେରାଇ ଅଣାଯିବ। ସେହି ଟଙ୍କାସବୁ କୋଭିଡ ମୁକିବିଲାରେ ଖର୍ଚ୍ଚ କରାଯିବ ବୋଲି ଅର୍ଥ ବିଭାଗ ନିଷ୍ପତି କିରଛି।
