The Samikhsya Odia
ଭୁବନେଶ୍ବର: ଆଜି ବିଜେଡି ଛାଡିଛନ୍ତି କୋରେଇର ପୂର୍ବତନ ବିଧାୟକ ତଥା ଅଭିନେତା ଆକାଶ ଦାସନାୟକ। ସେ ଆଜି ବିଧିବଧ ଭାବେ ତାଙ୍କର ଇସ୍ତଫା ପତ୍ର ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖକୁ ପଠାଇ ଦେଇଛନ୍ତି। ତେବେ ତାଙ୍କୁ ଦଳ ଟିକେଟ ଦେଇ ନ ଥିବାରୁ ସେ ବିଜେଡି ଛାଡିଥିବା ଜଣାପଡିଛି।
ଆକାଶ ଦାସନାୟକ 2014ରୁ 2019 ପର୍ଯ୍ୟନ୍ତ ବିଜୁ ଜନତା ଦଳରୁ କୋରେଇର ବିଧାୟକ ଥିଲେ। ଏହାପରେ ଦଳ ତାଙ୍କୁ ଟିକେଟ ଦେଇ ନ ଥିଲା। ହେଲେ ତାଙ୍କୁ ଆଦର୍ଶ ବିଦ୍ୟାଳୟ ସଂଗଠନର ଅଧ୍ୟକ୍ଷ କରାଯାଇଥିଲା। ତେବେ ସେ ଖୁବ ଶିଘ୍ର ବିଜେପିରେ ମିଶିବେ ବୋଲି ଜଣାପଡିଛି।
ଯାଜପୁର: କୋରେଇର ବିଭିନ୍ନ ସମସ୍ୟା ନେଇ ଆଜି ଏଡିଏମ୍ ଅଫିସ୍ ଘେରାଉ କରିଛି ବିଜେପି। ଗତ ଡ଼ିସେମ୍ବର ମାସରେ ବିଜେପି ଯୁବନେତା ଇଂ ଆଲେକଜାଣ୍ଡାର ଦାସ ଙ୍କ ଦ୍ଵାରା ଆରମ୍ଭ ହୋଇଥିଲା ଜନ ଜାଗରଣ ଯାତ୍ରା। ଏହି ଯାତ୍ରାରେ ଆଲେକ୍ସ କାର୍ଯ୍ୟକର୍ତ୍ତା ମାନଙ୍କ ସହ ଗାଁ ଗାଁ କୁ ଯାଇ ଲୋକ ମାନଙ୍କ ସହ ରହି, ଖାଇ, ଗାଁ ଗୁଡିକରେ ରାତ୍ରିଯାପନ ମଧ୍ୟ କରିଥିଲେ।
ଏହି ଦିନ ମାନଙ୍କରେ ସେ ହୃଦୟଙ୍ଗମ କରିଥିବା ସମସ୍ୟା ଗୁଡ଼ିକର ସମାଧାନ ନିମନ୍ତେ ସେ ଆଜି ୫୦୦୦ ରୁ ଉର୍ଦ୍ଧ୍ବ ବିଜେପି କାର୍ଯ୍ୟକର୍ତ୍ତା ମାନଙ୍କ ସହ ମିଶି କଳିଙ୍ଗନଗର ADM ଅଫିସ୍ ଘେରାଉ କରିଥିଲେ ଏବଂ ନିଜର ୧୦ ଦଫା ଦାବିପତ୍ର ପ୍ରଦାନ କରିଥିଲେ।
ଏହି କାର୍ଯ୍ୟକ୍ରମରେ ବିଜେପି ର ବରିଷ୍ଠ କାର୍ଯ୍ୟକର୍ତ୍ତା ମନୋଜ କୁମାର ଦାସ, ନିତ୍ୟାନନ୍ଦ ମହାଳିକ, ପ୍ରମୋଦ ସାହୁ, ଶତ୍ରୁଘ୍ନ ସାହୁ, ବଳରାମ ମହାନ୍ତି, ନୀଳମଣି ବେହେରା, ମଦନ ମୋହନ ପଲେଇ, ସୁଶାନ୍ତ ସାହୁ, ଧନଞ୍ଜୟ ସାହୁ, ମନୋଜ ମଲ୍ଲିକ, ସୁବଳ ସ୍ୱାଇଁ, ଆଲୋକ କର, ରଞ୍ଜନ ମଲ୍ଲିକ, ପ୍ରମୋଦ ପଡ଼ିଦା, ସୌଭାଗ୍ୟ ରାଉତ, ଅନନ୍ତ ଚରଣ ରଣା, ମହେଶ୍ୱର ବେହେରା, ଦିବ୍ୟଦର୍ଶନ ସାହୁ, ରାଜେନ୍ଦ୍ର କୁମାର ଦାସ, କାଶୀନାଥ ପୃଷ୍ଟି, ସନ୍ତୋଷ ଖୁଣ୍ଟିଆ, ତପନ କୁମାର ମଲ୍ଲିକ, ଦୁର୍ଯ୍ୟୋଧନ ରଣା, ପ୍ରମିଳା ସାହୁ, ସଞ୍ଜୟ ସାହୁ, ପ୍ରମୋଦ କୁମାର ସାହୁ, ସୌମ୍ୟରଞ୍ଜନ ପଲେଇ, ଅନିଲ କୁମାର ସାହୁ, ମମତା ମଲ୍ଲିକ, ବାସନ୍ତୀ ମଲ୍ଲିକ ଆଦି ୫୦୦୦ ରୁ ଉର୍ଦ୍ଧ୍ବ କାର୍ଯ୍ୟକର୍ତ୍ତା ଯୋଗଦାନ କରିଥିଲେ।