ନୂଆଦିଲ୍ଲୀ: ବାଂଲାଦେଶ ବିପକ୍ଷ ଦ୍ୱିତୀୟ ଦିନିକିଆରେ ରୋହିତ ଶର୍ମା ଆହତ ହୋଇଥିଲେ। ଏହା ପରେ ସେ ବାଂଲାଦେଶ ବିପକ୍ଷ ପ୍ରଥମ ଟେଷ୍ଟରେ ଖେଳିପାରିନଥିଲେ। ଖବର ଆସୁଛି ଯେ, ଅଧିନାୟକ ଦ୍ୱିତୀୟ ଟେଷ୍ଟରେ ମଧ୍ୟ ଖେଳିବେ ନାହିଁ। ତାଙ୍କ ଆଙ୍ଗୁଠି ଏପର୍ଯ୍ୟନ୍ତ ସମ୍ପୂର୍ଣ୍ଣ ସୁସ୍ଥ ହୋଇନାହିଁ। ଏହି କାରଣରୁ, ଦଳ ପରିଚାଳନା ତାଙ୍କ ବିଷୟରେ କୌଣସି ରିସ୍କ ନେବାକୁ ଚାହୁଁନାହିଁ। ସେ ଏବେ ମଧ୍ୟ ଭାରତରେ ଅଛନ୍ତି ଏବଂ ବାଂଲାଦେଶ ଯାଇ ନାହାଁନ୍ତି। ଭାରତ ଏବଂ ବାଂଲାଦେଶ ମଧ୍ୟରେ ମୋଟ ୨ ଟି ଟେଷ୍ଟ ଅନୁଷ୍ଠିତ ହେବ। ଭାରତୀୟ ଦଳ ବର୍ତ୍ତମାନ ୧-୦ ରେ ଆଗରେ ରହିଛି। ଦଳ ବର୍ତ୍ତମାନ ଏକ କ୍ଳିନ ସ୍ୱିପ୍ ଉଦ୍ଦେଶ୍ୟରେ ଅବତରଣ କରିବ। ୱାର୍ଲ୍ଡ ଟେଷ୍ଟ ଚାମ୍ପିୟନଶିପ୍ର ଫାଇନାଲ ଦୌଡରେ ରହିବାକୁ ଭାରତୀୟ ଦଳ ପାଇଁ ଅବଶିଷ୍ଟ ୫ ଟି ଟେଷ୍ଟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
