ସୀତାରାମ ଅଗ୍ରୱାଲ
ବାଣପୁର: ୨୦୧୯ ପେବୃଆରୀ ୧୪ ଭାରତ ପାଇଁ ଥିଲା ଏକ କଳାଦିନ। ପାକିସ୍ତାନ ଆତଙ୍କବାଦୀଙ୍କ ଭୀରୁତାପୁର୍ଣ୍ଣ ଆକ୍ରମଣରେ ଭାରତର ୪୦ ଯବାନ ଶହୀଦ ହୋଇଥିଲେ। ପ୍ରତି ଭାରତୀୟଙ୍କ ଆଖିରୁ ସେହିଦିନ ଲୁହ ଝରି ଆସିଥିଲା। ସେହି ଶହୀଦ ଯବାନଙ୍କୁ ମନେପକାଇ,ଏବଂ ସେମାନଙ୍କ ସମ୍ମାନାର୍ଥେ ଖୋର୍ଦ୍ଧା ଜିଲ୍ଲା ବାଣପୁର ଅନ୍ତର୍ଗତ ପ୍ରତାପ ଗ୍ରାମର “ପ୍ରତାପ ସ୍ପୋର୍ଟସ୍ କ୍ଲବ୍” ପକ୍ଷରୁ ବାଣପୁର ଅଧିଷ୍ଠାତ୍ରୀ ଦେବୀ “ମା” ଭଗବତୀଙ୍କ ନିକଟରେ କ୍ୟାଣ୍ଡେଲ ପ୍ରଜ୍ଜ୍ବଳନ କରାଯାଇଅଛି।
ପ୍ରଥମେ କ୍ଲବ୍ ର ସମସ୍ତ ସଦସ୍ୟ ମାନେ ଗ୍ରାମ ପରିକ୍ରମା କରିବା ପରେ ଏକ ମୋଟର ସାଇକେଲ ରାଲି ଜରିଆରେ ମାଆ ଭଗବତୀଙ୍କ ପୀଠକୁ ଯାଇଥିଲେ।ଏବଂ ଭାରତର ପୁଲୱାମାରେ ଶହୀଦ ହୋଇଥିବା ୪୦ ଶହୀଦଙ୍କ ଉଦ୍ଧେଶ୍ୟରେ ଶ୍ମରଣରେ ୪୦ଟି କ୍ୟାଣ୍ଡେଲ ପ୍ରଜ୍ଜ୍ବଳନ କରି ଦେଶପାଇଁ ବଳିଦାନ ଦେଇଥିବା ବୀର ଯବାନଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା। ଉକ୍ତ ଶୋଭାଯାତ୍ରାରେ ଗୋଦାବରୀଶ ମହାବିଦ୍ୟାଳୟ ୪୦ ସକ୍ରିୟ ସ୍କାଉଟ ସ୍ବେଚ୍ଛାସେବୀ ସହଯୋଗ କରିଥିଲେ। କାର୍ଯ୍ୟକ୍ରମକୁ ସଭାପତି ଗୌରାଙ୍ଗ ସ୍ବାଇଁ, ସମ୍ପାଦକ ଶ୍ରୀକାନ୍ତ ରାଉତରାୟ, ସଞ୍ଚାଳକ ଦୀପକ ସ୍ବାଇଁ ,ପ୍ରଦୀପ ସାସମଲ, ମିହିର ସ୍ବାଇଁ, ବସନ୍ତ ସ୍ବାଇଁ, ସାନୁ ବେହେରା ଓ ରାମକୃଷ୍ଣ ସାମନ୍ତରାୟ ପ୍ରମୁଖ ପରିଚାଳନା କରିଥିବାବେଳେ କ୍ଳବ ର ସମସ୍ତ ସଦସ୍ୟ ସମ୍ପୂର୍ଣ୍ଣ ସହଯୋଗ କରିଥିଲେ।