Tag: କ୍ୟାବିନେଟ ମଞ୍ଜୁରି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଆଜି ଆନ୍ଧ୍ର ପ୍ରଦେଶ (ଆଇଆଇଟି ତିରୁପତି), କେରଳ (ଆଇଆଇଟି ପଲକ୍କଡ), ଛତିଶଗଡ଼ (ଆଇଆଇଟି ଭିଲାଇ), ଜାମ୍ମୁ-କାଶ୍ମୀର (ଆଇଆଇଟି ଜାମ୍ମୁ) ଏବଂ କର୍ଣ୍ଣାଟକ (ଏଚଟି ଧରୱାଡ) ଆଦି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ପ୍ରତିଷ୍ଠା କରାଯାଇଥିବା ପାଞ୍ଚଟି ନୂତନ ଆଇଆଇଟିର ଶିକ୍ଷା ଏବଂ ଭିତ୍ତିଭୂମି କ୍ଷମତା (ପର୍ଯ୍ୟାୟ-‘ବି’ ନିର୍ମାଣ) ର ସମ୍ପ୍ରସାରଣକୁ ମଞ୍ଜୁରି ଦେଇଛନ୍ତି।

ଏଥିପାଇଁ ୨୦୨୫-୨୬ରୁ ୨୦୨୮-୨୯ ଚାରି ବର୍ଷ ମଧ୍ୟରେ ମୋଟ୍‌ ୧୧ ହଜାର ୮୨୮ କୋଟି ୭୯ ଲକ୍ଷ ଟଙ୍କା ଖର୍ଚ୍ଚ କରାଯିବ।

କ୍ୟାବିନେଟ ମଧ୍ୟ ଏହି ଆଇଆଇଟିଗୁଡ଼ିକରେ ୧୩୦ଟି ଅଧ୍ୟାପକ ପଦବୀ (ପ୍ରଫେସର ସ୍ତରରେ ଅର୍ଥାତ୍ ଲେଭଲ୍‌ ୧୪ ଏବଂ ତଦୁର୍ଦ୍ଧ୍ବ) ସୃଷ୍ଟି କରିବା ପ୍ରସ୍ତାବକୁ ମଞ୍ଜୁରି ଦେଇଛନ୍ତି।

ଶିଳ୍ପ-ଶିକ୍ଷା ସମ୍ପର୍କକୁ ସୁଦୃଢ଼ କରିବା ପାଇଁ ପାଞ୍ଚଟି ନୂତନ ଅତ୍ୟାଧୁନିକ ଗବେଷଣା ପାର୍କ ମଧ୍ୟ ନିର୍ମାଣ ହେବାକୁ ଯାଉଛି।

କାର୍ଯ୍ୟକାରିତା ରଣନୀତି ଏବଂ ଲକ୍ଷ୍ୟ:

ଏହି ଆଇଆଇଟିଗୁଡ଼ିକରେ ସ୍ନାତକ (ୟୁଜି), ସ୍ନାତକୋତ୍ତର (ପିଜି) ଏବଂ ପିଏଚ୍.ଡି. ପାଠ୍ୟକ୍ରମରେ ଛାତ୍ରଛାତ୍ରୀଙ୍କ ସଂଖ୍ୟା ପ୍ରଥମ ବର୍ଷରେ ୧୩୬୪ ଜଣ, ଦ୍ୱିତୀୟ ବର୍ଷରେ ୧୭୩୮ ଜଣ, ତୃତୀୟ ବର୍ଷରେ ୧୭୬୭ ଜଣ ଏବଂ ଚତୁର୍ଥ ବର୍ଷରେ ୧୭୦୭ଜଣ ଛାତ୍ରଛାତ୍ରୀଙ୍କ କ୍ଷମତା ସହିତ ଆଗାମୀ ଚାରି ବର୍ଷ ମଧ୍ୟରେ ମୋଟ୍‌ ଛାତ୍ରଛାତ୍ରୀଙ୍କ ସଂଖ୍ୟା ୬୫୦୦ରୁ ଅଧିକ ବୃଦ୍ଧି ପାଇବ।

ଲାଭାର୍ଥୀମାନେ:

ନିର୍ମାଣ କାର୍ଯ୍ୟ ଶେଷ ହେବା ପରେ, ଏହି ପାଞ୍ଚଟି ଆଇଆଇଟି ୧୩,୬୮୭ ଜଣ ଛାତ୍ରଛାତ୍ରୀଙ୍କୁ ଶିକ୍ଷା ଯୋଗାଇବାରେ ସକ୍ଷମ ହେବେ । ବର୍ତ୍ତମାନ ଛାତ୍ରଛାତ୍ରୀଙ୍କ ସଂଖ୍ୟା ୭,୧୧୧ ଥିବାରୁ ଅତିରିକ୍ତ ୬,୫୭୬ ଜଣ ଛାତ୍ରଛାତ୍ରୀଙ୍କ ସଂଖ୍ୟା ବୃଦ୍ଧି ପାଇବ। ମୋଟ ଆସନ ସଂଖ୍ୟାରେ ଏହି ବୃଦ୍ଧି ସହିତ, ଅତିରିକ୍ତ ୬,୫୦୦ରୁ ଅଧିକ ଛାତ୍ରଛାତ୍ରୀ ବର୍ତ୍ତମାନ ଦେଶର ସବୁଠାରୁ ସମ୍ମାନଜନକ ଏବଂ ଚାହିଦା ଥିବା ଶିକ୍ଷାନୁଷ୍ଠାନରେ ଅଧ୍ୟୟନ କରିବାର ସେମାନଙ୍କର ଆକାଂକ୍ଷା ପୂରଣ କରିବାରେ ସକ୍ଷମ ହେବେ। ଏହା ଏକ କୁଶଳୀ ଶ୍ରମଶକ୍ତି ସୃଷ୍ଟି କରି, ନବସୃଜନକୁ ଆଗେଇ ନେଇ ଏବଂ ଆର୍ଥିକ ଅଭିବୃଦ୍ଧିକୁ ତ୍ୱରାନ୍ୱିତ କରି ରାଷ୍ଟ୍ର ନିର୍ମାଣକୁ ପ୍ରୋତ୍ସାହନ ଦେବ। ଏହା ସାମାଜିକ ଗତିଶୀଳତାକୁ ବୃଦ୍ଧି କରିବ, ଶିକ୍ଷାଗତ ଅସମାନତା ହ୍ରାସ କରିବ ଏବଂ ଭାରତର ବୈଶ୍ୱିକ ସ୍ଥିତିକୁ ସୁଦୃଢ଼ କରିବ।

ନିଯୁକ୍ତି ସୃଷ୍ଟି:

ବର୍ଦ୍ଧିତ ସଂଖ୍ୟକ ଛାତ୍ରଛାତ୍ରୀ ଏବଂ ସୁବିଧାଗୁଡ଼ିକର ପରିଚାଳନା ପାଇଁ ଶିକ୍ଷକ, ପ୍ରଶାସନିକ କର୍ମଚାରୀ, ଗବେଷକ ଏବଂ ସହାୟକ କର୍ମଚାରୀ ନିଯୁକ୍ତି ମାଧ୍ୟମରେ ପ୍ରତ୍ୟକ୍ଷ ନିଯୁକ୍ତି ସୃଷ୍ଟି ହେବ। ଆହୁରି ମଧ୍ୟ, ଆଇଆଇଟି କ୍ୟାମ୍ପସଗୁଡ଼ିକର ସମ୍ପ୍ରସାରଣ ଆବାସ, ପରିବହନ ଏବଂ ସେବା ପାଇଁ ଚାହିଦା ସୃଷ୍ଟି କରି ସ୍ଥାନୀୟ ଅର୍ଥବ୍ୟବସ୍ଥାକୁ ଉତ୍ସାହିତ କରିବ। ଆଇଆଇଟିରୁ ସ୍ନାତକ ଏବଂ ସ୍ନାତକୋତ୍ତରଙ୍କ ସଂଖ୍ୟା ବୃଦ୍ଧି ନବସୃଜନ ଏବଂ ଷ୍ଟାର୍ଟଅପ୍ ଇକୋସିଷ୍ଟମକୁ ଆହୁରି ଇନ୍ଧନ ଯୋଗାଇବ, ଯାହା ବିଭିନ୍ନ କ୍ଷେତ୍ରରେ ନିଯୁକ୍ତି ସୃଷ୍ଟି କରିବାରେ ଯୋଗଦାନ କରିବ।

ରାଜ୍ୟ ଏବଂ ଜିଲ୍ଲା:

ଏହି ପାଞ୍ଚଟି ଆଇଆଇଟି ଆନ୍ଧ୍ର ପ୍ରଦେଶ (ଆଇଆଇଟି ତିରୁପତି), କେରଳ (ଆଇଆଇଟି ପଲକ୍କଡ), ଛତିଶଗଡ଼ (ଆଇଆଇଟି ଭିଲାଇ), ଜାମ୍ମୁ ଓ କାଶ୍ମୀର (ଆଇଆଇଟି ଜାମ୍ମୁ) ଏବଂ କର୍ଣ୍ଣାଟକ (ଆଇଆଇଟି ଧରୱାଡ)ରେ ଅବସ୍ଥିତ। ତେବେ, ଆଇଆଇଟିଗୁଡ଼ିକରେ ନାମଲେଖା ସର୍ବଭାରତୀୟ ସ୍ତରରେ ହୋଇଥାଏ ଏବଂ ତେଣୁ ଏହି ସମ୍ପ୍ରସାରଣ ଦ୍ୱାରା ସାରା ଦେଶର ସବୁ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଉପକୃତ ହେବେ।

୨୦୨୫-୨୬ର ବଜେଟ୍ ଘୋଷଣାରେ ଉଲ୍ଲେଖ କରାଯାଇଛି:

ଗତ ୧୦ ବର୍ଷ ମଧ୍ୟରେ ୨୩ଟି ଆଇଆଇଟିରେ ମୋଟ ଛାତ୍ରଛାତ୍ରୀଙ୍କ ସଂଖ୍ୟା ୧୦୦ ପ୍ରତିଶତ ବୃଦ୍ଧି ପାଇ ୬୫,୦୦୦ରୁ ୧.୩୫ ଲକ୍ଷରେ ପହଞ୍ଚିଛି। ୨୦୧୪ ମସିହା ପରେ ଆରମ୍ଭ ହୋଇଥିବା ପାଞ୍ଚଟି ଆଇଆଇଟିରେ ଅତିରିକ୍ତ ଭିତ୍ତିଭୂମି ସୃଷ୍ଟି କରାଯିବ, ଯାହାଦ୍ୱାରା ଆହୁରି ୬,୫୦୦ ଛାତ୍ରଛାତ୍ରୀ ଶିକ୍ଷା ଲାଭ କରିପାରିବେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଗଠିତ ରାଜନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ଆଗାମୀ ଜନଗଣନା ତାଲିକାରେ ଜାତି ଗଣନାକୁ ସାମିଲ କରିବା ଲାଗି ନିଷ୍ପତ୍ତି ନେଇଛି। ବର୍ତ୍ତମାନର ସରକାର ରାଷ୍ଟ୍ର ଏବଂ ସମାଜର ସାମଗ୍ରିକ ସ୍ୱାର୍ଥ ଏବଂ ମୂଲ୍ୟବୋଧ ପ୍ରତି ପ୍ରତିବଦ୍ଧ ବୋଲି ଏହି ନିଷ୍ପତ୍ତି ଦର୍ଶାଉଛି।

ଭାରତୀୟ ସମ୍ବିଧାନର ଧାରା ୨୪୬ ଅନୁଯାୟୀ, ଜନଗଣନା ହେଉଛି ସପ୍ତମ ଅନୁସୂଚୀର କେନ୍ଦ୍ର ତାଲିକାରେ ୬୯ ନମ୍ବରରେ ତାଲିକାଭୁକ୍ତ ଏକ କେନ୍ଦ୍ର ଶାସିତ ବିଷୟ। କେତେକ ରାଜ୍ୟ ଜାତି ଗଣନା ପାଇଁ ସର୍ବେକ୍ଷଣ କରିଥିବା ବେଳେ, ଏହି ସର୍ବେକ୍ଷଣଗୁଡ଼ିକର ସ୍ୱଚ୍ଛତା ଏବଂ ଉଦ୍ଦେଶ୍ୟ ଭିନ୍ନ ଭିନ୍ନ ରହିଛି। କେତେକ ସମ୍ପୂର୍ଣ୍ଣ ଭାବେ ରାଜନୈତିକ ଦୃଷ୍ଟିକୋଣରୁ କରାଯାଇଥିବା ସହିତ ସମାଜରେ ସନ୍ଦେହ ସୃଷ୍ଟି କରିଛି। ଏହି ସମସ୍ତ ପରିସ୍ଥିତିକୁ ବିଚାରକୁ ନେଇ ଏବଂ ଆମର ସାମାଜିକ ଢାଞ୍ଚା ଯେପରି ରାଜନୈତିକ ଚାପରେ ନ ଆସିବ, ତାହା ସୁନିଶ୍ଚିତ କରିବା ପାଇଁ ଜାତି ଗଣନାକୁ ଏକ ପୃଥକ ସର୍ଭେ ପରିବର୍ତ୍ତେ ମୁଖ୍ୟ ଜନଗଣନାରେ ଅନ୍ତର୍ଭୁକ୍ତ କରାଯିବା ଉଚିତ ବୋଲି ନିଷ୍ପତ୍ତି ନିଆଯାଇଛି।

ଏହାଦ୍ୱାରା ସମାଜ ଆର୍ଥିକ ଏବଂ ସାମାଜିକ ଦୃଷ୍ଟିରୁ ସୁଦୃଢ଼ ହୋଇପାରିବ ଏବଂ ଦେଶର ପ୍ରଗତି ବିନା ବାଧାରେ ଜାରି ରହିବ। ସୂଚନାଯୋଗ୍ୟ, ଯେତେବେଳେ ସମାଜର ଆର୍ଥିକ ଦୃଷ୍ଟିରୁ ଦୁର୍ବଳ ବର୍ଗଙ୍କ ପାଇଁ ୧୦ ପ୍ରତିଶତ ସଂରକ୍ଷଣର ବ୍ୟବସ୍ଥା କରାଯାଇଥିଲା, ସେତେବେଳେ ଏହା ସମାଜର କୌଣସି ବର୍ଗରେ ଉତ୍ତେଜନା ସୃଷ୍ଟି କରିନଥିଲା।

ସ୍ୱାଧୀନତା ପରଠାରୁ କରାଯାଇଥିବା ସମସ୍ତ ଜନଗଣନା କାର୍ଯ୍ୟରୁ ଜାତିକୁ ବାଦ ଦିଆଯାଇଥିଲା। ୨୦୧୦ ମସିହାରେ ତତ୍କାଳୀନ ପ୍ରଧାନମନ୍ତ୍ରୀ ସ୍ୱର୍ଗତ ଡକ୍ଟର ମନମୋହନ ସିଂହ ଲୋକସଭାରେ ଆଶ୍ୱାସନା ଦେଇଥିଲେ ଯେ ଜାତିଭିତ୍ତିକ ଜନଗଣନା ପ୍ରସଙ୍ଗରେ କ୍ୟାବିନେଟରେ ବିଚାର କରାଯିବ। ଏହି ପ୍ରସଙ୍ଗରେ ବିଚାରବିମର୍ଶ କରିବା ପାଇଁ ଏକ ମନ୍ତ୍ରୀ ଗୋଷ୍ଠୀ ଗଠନ କରାଯାଇଥିଲା ଏବଂ ଅଧିକାଂଶ ରାଜନୈତିକ ଦଳ ଏକ ଜାତି ଜନଗଣନା କରିବାକୁ ସୁପାରିସ କରିଥିଲେ। ଏହା ସତ୍ତ୍ୱେ, ପୂର୍ବ ସରକାର ଜାତି ଜନଗଣନା ପରିବର୍ତ୍ତେ ଏକ ସର୍ବେକ୍ଷଣକୁ ବାଛିଥିଲେ, ଯାହା ସାମାଜିକ-ଆର୍ଥିକ ଏବଂ ଜାତି ଜନଗଣନା (ଏସଇସିସି) ଭାବରେ ପରିଚିତ।

ନୂଆଦିଲ୍ଲୀ: ଆଖୁ ଚାଷୀଙ୍କ କଲ୍ୟାଣକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ୨୦୨୫-୨୬ ଆର୍ଥିକ ବର୍ଷ ପାଇଁ ଆଖୁର ଉଚିତ୍‌ ଏବଂ ଲାଭକାରୀ ମୂଲ୍ୟ(ଏଫଆରପି)କୁ ମଞ୍ଜୁର କରିଛନ୍ତି। ଆଖୁ ଋତୁ ୨୦୨୫-୨୬ (ଅକ୍ଟୋବର-ସେପ୍ଟେମ୍ବର) ନିମନ୍ତେ କ୍ୱିଣ୍ଟାଲ ପିଛା ୩୫୫ ଟଙ୍କାର ଏଫଆରପି ଧାର୍ଯ୍ୟ କରାଯାଉଛି। ଏଥିରେ ୧୦.୨୫%ରୁ ଅଧିକ ପ୍ରତ୍ୟେକ ୦.୧% ବୃଦ୍ଧି ନିମନ୍ତେ କ୍ୱିଣ୍ଟାଲ ପିଛା ୩.୪୬ ଟଙ୍କାର ପ୍ରିମିୟମ ଦିଆଯିବ। ଅନ୍ୟପକ୍ଷରେ ଲାଭ ପ୍ରାପ୍ତିରେ ପ୍ରତ୍ୟେକ ୦.୧%ର ହ୍ରାସ ପାଇଁ ଏଫଆରପିରେ କ୍ୱିଣ୍ଟାଲ ପିଛା ୩.୪୬ ଟଙ୍କା ହ୍ରାସ କରାଯିବ।

ତେବେ, ଆଖୁ ଚାଷୀମାନଙ୍କ ସ୍ୱାର୍ଥର ସୁରକ୍ଷା ଉଦ୍ଦେଶ୍ୟରେ ସରକାର ଏହା ମଧ୍ୟ ନିଷ୍ପତ୍ତି ନେଇଛନ୍ତି ଯେ ଯେଉଁ ଚିନି କାରଖାନାଗୁଡ଼ିକରେ ପୁନରୁଦ୍ଧାର ୯.୫ ପ୍ରତିଶତରୁ କମ୍, ସେ କ୍ଷେତ୍ରରେ କୌଣସି ଛାଡ଼ କରାଯିବ ନାହିଁ। ଏଭଳି କୃଷକମାନେ ଆଗାମୀ ଚିନି ଋତୁରେ (୨୦୨୫-୨୬) ଆଖୁ ପାଇଁ କ୍ୱିଣ୍ଟାଲ ପିଛା ୩୨୯.୦୫ ଟଙ୍କା ପାଇବେ।

ଚିନି ଋତୁ ୨୦୨୫-୨୬ ପାଇଁ ଆଖୁ ଉତ୍ପାଦନ ମୂଲ୍ୟ (ଏଟୁ + ଏଫଏଲ) ହେଉଛି କ୍ୱିଣ୍ଟାଲ ପିଛା ୧୭୩ଟଙ୍କା। ୧୦.୨୫% ପୁନରୁଦ୍ଧାର ହାରରେ କ୍ୱିଣ୍ଟାଲ ପିଛା ୩୫୫ଟଙ୍କାର ଏହି ଏଫଆରପି ଉତ୍ପାଦନ ଖର୍ଚ୍ଚ ତୁଳନାରେ ୧୦୫.୨% ଅଧିକ। ଚିନି ଋତୁ ୨୦୨୫-୨୬ ପାଇଁ ଏଫଆରପି ବର୍ତ୍ତମାନର ଚିନି ଋତୁ ୨୦୨୪-୨୫ ଠାରୁ ୪.୪୧% ଅଧିକ।

ଚିନି ଋତୁ ୨୦୨୫-୨୬ ରେ କୃଷକମାନଙ୍କ ଠାରୁ ଆଖୁ କ୍ରୟ ପାଇଁ ଅନୁମୋଦିତ ଏଫଆରପି (୧ ଅକ୍ଟୋବର, ୨୦୨୫ ଠାରୁ) ଚିନି କାରଖାନାଗୁଡ଼ିକ ଦ୍ୱାରା ଲାଗୁ କରାଯିବ। ଚିନି କ୍ଷେତ୍ର ହେଉଛି ଏକ ଗୁରୁତ୍ୱପୂର୍ଣ୍ଣ କୃଷି ଭିତ୍ତିକ କ୍ଷେତ୍ର ଯାହା କୃଷି ଶ୍ରମିକ ଏବଂ ପରିବହନ ସମେତ ବିଭିନ୍ନ ଆନୁସଙ୍ଗିକ କାର୍ଯ୍ୟକଳାପରେ ନିୟୋଜିତ ବ୍ୟକ୍ତିଙ୍କ ବ୍ୟତୀତ ପ୍ରାୟ ୫ କୋଟି ଆଖୁ ଚାଷୀ ଏବଂ ସେମାନଙ୍କ ଉପରେ ନିର୍ଭରଶୀଳ ଏବଂ ଚିନି କାରଖାନାରେ ସିଧାସଳଖ ନିଯୁକ୍ତ ପ୍ରାୟ ୫ ଲକ୍ଷ ଶ୍ରମିକଙ୍କ ଜୀବିକା ଉପରେ ପ୍ରଭାବ ପକାଇଥାଏ।

ସୂଚନାଯୋଗ୍ୟ, କୃଷି ବ୍ୟୟ ଏବଂ ମୂଲ୍ୟ ଆୟୋଗ (ସିଏସିପି) ର ସୁପାରିସ ଆଧାରରେ ଏବଂ ରାଜ୍ୟ ସରକାର ତଥା ଅନ୍ୟ ଅଂଶୀଦାରମାନଙ୍କ ସହିତ ପରାମର୍ଶ ପରେ ଏଫଆରପି ନିର୍ଦ୍ଧାରଣ କରାଯାଇଛି।

୨୮ ଏପ୍ରିଲ ୨୦୨୫ ସୁଦ୍ଧା ୨୦୨୩-୨୪ ଚିନି ଋତୁରେ ଆଖୁ ଚାଷୀଙ୍କ ବକେୟା ପାଉଣା ୧,୧୧,୭୮୨ କୋଟି ଟଙ୍କା ମଧ୍ୟରୁ ୧,୧୧,୭୦୩ ଟଙ୍କା ପଇଠ କରାଯାଇସାରିଛି। ଅର୍ଥାତ୍‌ ୯୯.୯୨% ପାଉଣା ଦିଆଯାଇସାରିଛି। ସେହିପରି ଚଳିତ ଆଖୁ ଋତୁ ୨୦୨୪-୨୫ରେ ବକେୟା ପାଉଣା ୯୭,୨୭୦ କୋଟି ଟଙ୍କା ମଧ୍ୟରୁ ପ୍ରାୟ ୮୫,୦୯୪ କୋଟି ଟଙ୍କା ଅର୍ଥାତ୍‌ ୮୭% ପାଉଣା ପୈଠ କରାଯାଇସାରିଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଆଜି ପ୍ରଧାନମନ୍ତ୍ରୀ କୃଷି ସିଞ୍ଚାଇ ଯୋଜନା (ପିଏମକେଏସୱାଇ)ର ଉପ-ଯୋଜନା ଭାବେ କମାଣ୍ଡ କ୍ଷେତ୍ର ବିକାଶ ଏବଂ ଜଳ ପରିଚାଳନା (ଏମ-ସିଏଡିଡବ୍ଲ୍ୟୁଏମ)ର ଆଧୁନିକୀକରଣକୁ ଅନୁମୋଦନ କରିଛି। ଏହି ଯୋଜନାର ମୋଟ ପ୍ରାରମ୍ଭିକ ବ୍ୟୟ ଅଟକଳ ୧୬୦୦ କୋଟି ଟଙ୍କା ରଖାଯାଇଛି।

ଏହି ଯୋଜନାର ଉଦ୍ଦେଶ୍ୟ ହେଉଛି ବର୍ତ୍ତମାନ କାର୍ଯ୍ୟକ୍ଷମ କେନାଲ କିମ୍ବା ଅନ୍ୟାନ୍ୟ ଉତ୍ସରୁ ନିର୍ଦ୍ଦିଷ୍ଟ କ୍ଲଷ୍ଟରକୁ ଜଳସେଚନ ଉଦ୍ଦେଶ୍ୟରେ ଜଳ ଯୋଗାଣ ନେଟୱର୍କର ଆଧୁନିକୀକରଣ କରିବା। ଏଥିରେ ଚାପଯୁକ୍ତ ଭୂତଳ ପାଇପ ଜଳସେଚନ ଜରିଆରେ ଏକ ହେକ୍ଟର ପର୍ଯ୍ୟନ୍ତ ସ୍ଥାପିତ ଉତ୍ସରୁ ଜମି ପର୍ଯ୍ୟନ୍ତ ଚାଷୀଙ୍କ ଦ୍ୱାରା କ୍ଷୁଦ୍ର ଜଳସେଚନ ନିମନ୍ତେ ମଜବୁତ ବ୍ୟାକଏଣ୍ଡ ମୌଳିକ ଭିତ୍ତିଭୂମି ପ୍ରସ୍ତୁତ କରାଯିବ। ଜଳ ଆକାଉଣ୍ଟିଂ ଏବଂ ଜଳ ପରିଚାଳନା ପାଇଁ ଏସ୍.ସି.ଏ.ଡି.ଏ., ଇଣ୍ଟରନେଟ୍ ଅଫ୍ ଥିଙ୍ଗସ୍ ଟେକ୍ନୋଲୋଜି ବ୍ୟବହାର କରାଯିବ। ଏହା ଜଳ ବ୍ୟବହାର ଦକ୍ଷତା ଏବଂ କୃଷି ଉତ୍ପାଦନ ସହିତ କୃଷି ସ୍ତରରେ ଉତ୍ପାଦକତା ବୃଦ୍ଧି କରିବ, ଯାହାଦ୍ୱାରା କୃଷକଙ୍କ ଆୟ ବୃଦ୍ଧି ପାଇବ।

ଜଳସେଚନ ସମ୍ପତ୍ତିର ପରିଚାଳନା ପାଇଁ ଜଳ ବ୍ୟବହାରକାରୀ କମିଟିକୁ ଜଳସେଚନ ପରିଚାଳନା ହସ୍ତାନ୍ତର କରି ଏହି ପ୍ରକଳ୍ପଗୁଡ଼ିକୁ ସ୍ଥାୟୀ କରାଯିବ। ଜଳ ବ୍ୟବହାରକାରୀ ସଂସ୍ଥାଗୁଡ଼ିକୁ ପାଞ୍ଚ ବର୍ଷ ପାଇଁ ଏଫ.ପି.ଓ. କିମ୍ବା ପି.ଏ.ସି.ଏସ. ଭଳି ବର୍ତ୍ତମାନର ଆର୍ଥିକ ସଂସ୍ଥା ସହିତ ଯୋଡ଼ିବା ପାଇଁ ସହାୟତା ପ୍ରଦାନ କରାଯିବ। ଆଧୁନିକ ଜଳସେଚନ ପଦ୍ଧତି ଅବଲମ୍ବନ କରି ଯୁବବର୍ଗଙ୍କ ମଧ୍ୟରେ କୃଷି କ୍ଷେତ୍ରକୁ ଆସିବାର ଆଗ୍ରହ ମଧ୍ୟ ବଢ଼ିବ।

ରାଜ୍ୟଗୁଡ଼ିକୁ ଚାଲେଞ୍ଜ ପାଣ୍ଠି ଯୋଗାଣ ଜରିଆରେ ଦେଶର ବିଭିନ୍ନ କୃଷି ଜଳବାୟୁ ଜୋନରେ ପରୀକ୍ଷାମୂଳକ ପ୍ରକଳ୍ପ ହାତକୁ ନେବା ଲାଗି ପ୍ରାରମ୍ଭିକ ଅନୁମୋଦନ ମିଳିଛି। ଏହି ପ୍ରକଳ୍ପଗୁଡ଼ିକର ପରିକଳ୍ପନା ଏବଂ ଢାଞ୍ଚାକୁ ଆଧାର କରି ଷୋଡ଼ଶ ଅର୍ଥ ଆୟୋଗଙ୍କ ଅବଧି ପାଇଁ ୨୦୨୬ ମସିହା ଏପ୍ରିଲ ମାସରୁ କମାଣ୍ଡ କ୍ଷେତ୍ର ବିକାଶ ଏବଂ ଜଳ ପରିଚାଳନା ପାଇଁ ଜାତୀୟ ଯୋଜନାର ଶୁଭାରମ୍ଭ କରାଯିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଖରିଫ ଋତୁ, ୨୦୨୫ (୦୧.୦୪.୨୦୨୫ରୁ ୩୦.୦୯.୨୦୨୫) ପାଇଁ ଫସଫେଟିକ୍ ଏବଂ ପୋଟାସିକ୍ (ପିଏଣ୍ଡକେ) ସାର ଉପରେ ପୁଷ୍ଟିକର ଆଧାରିତ ସବସିଡି (ଏନବିଏସ) ହାର ସ୍ଥିର କରିବା ପାଇଁ ସାର ବିଭାଗର ପ୍ରସ୍ତାବକୁ ଅନୁମୋଦନ କରିଛନ୍ତି।

ଖରିଫ ଋତୁ ୨୦୨୫ ପାଇଁ ବଜେଟ ଆବଶ୍ୟକତା ପାଖାପାଖି ୩୭,୨୧୬.୧୫ କୋଟି ଟଙ୍କା ହେବ। ରବି ଋତୁ ୨୦୨୪-୨୫ ପାଇଁ ବଜେଟ ଆବଶ୍ୟକତା ଠାରୁ ଏହା ପ୍ରାୟ ୧୩,୦୦୦ କୋଟି ଟଙ୍କା ଅଧିକ।

ଲାଭ:

• କୃଷକମାନଙ୍କୁ ସବସିଡିଯୁକ୍ତ, ସୁଲଭ ଏବଂ ଉଚିତ୍‌ ମୂଲ୍ୟର ସାରର ଉପଲବ୍ଧତା ସୁନିଶ୍ଚିତ କରାଯିବ।
• ସାର ଏବଂ ନିବେଶର ଅନ୍ତର୍ଜାତୀୟ ମୂଲ୍ୟରେ ସାମ୍ପ୍ରତିକ ଧାରାକୁ ଦୃଷ୍ଟିରେ ରଖି ପି ଆଣ୍ଡ କେ ସାର ଉପରେ ସବସିଡି ଯୁକ୍ତିସଙ୍ଗତ ହେବ।

କାର୍ଯ୍ୟକାରୀ ରଣନୀତି ଏବଂ ଲକ୍ଷ୍ୟ:

କୃଷକମାନଙ୍କୁ ସୁଲଭ ମୂଲ୍ୟରେ ଏହି ସାରର ସହଜ ଉପଲବ୍ଧତା ସୁନିଶ୍ଚିତ କରିବା ପାଇଁ ଖରିଫ ୨୦୨୫ (୦୧.୦୪.୨୦୨୫ରୁ ୩୦.୦୯.୨୦୨୫ ପର୍ଯ୍ୟନ୍ତ ଲାଗୁ) ପାଇଁ ଅନୁମୋଦିତ ହାର ଆଧାରରେ ଏନପିକେଏସ ଗ୍ରେଡ୍ ସମେତ ପିଏଣ୍ଡକେ ସାର ଉପରେ ସବସିଡି ପ୍ରଦାନ କରାଯିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଆଜି ଇଲେକ୍ଟ୍ରୋନିକ୍ସ ଯୋଗାଣ ଶୃଙ୍ଖଳାରେ ଭାରତକୁ ଆତ୍ମନିର୍ଭରଶୀଳ କରିବା ପାଇଁ ୨୨,୯୧୯ କୋଟି ଟଙ୍କାର ପାଣ୍ଠି ସହିତ ଇଲେକ୍ଟ୍ରୋନିକ୍ସ ଉପକରଣ ଉତ୍ପାଦନ ଯୋଜନାକୁ ମଞ୍ଜୁର କରାଯାଇଛି।

ଇଲେକ୍ଟ୍ରୋନିକ୍ସ ଉପାଦାନ ଉତ୍ପାଦନ ଇକୋସିଷ୍ଟମରେ ଅଧିକ ପୁଞ୍ଜି ନିବେଶ (ବିଶ୍ୱ/ଘରୋଇ)କୁ ଆକର୍ଷିତ କରିବା ସହିତ କ୍ଷମତା ଓ ସାମର୍ଥ୍ୟ ବିକାଶ ଦ୍ୱାରା ଘରୋଇ ମୂଲ୍ୟ ସଂଯୋଜନ (ଡିଭିଏ) ବୃଦ୍ଧି ଏବଂ ଭାରତୀୟ କମ୍ପାନୀଗୁଡ଼ିକୁ ଗ୍ଲୋବାଲ୍ ମୂଲ୍ୟ ଶୃଙ୍ଖଳା (ଜିଭିସି) ସହିତ ଏକୀକୃତ କରି ଏକ ଦୃଢ ଉପାଦାନ ଇକୋସିଷ୍ଟମ୍ ବିକଶିତ କରିବା ଏହି ଯୋଜନାର ଉଦ୍ଦେଶ୍ୟ।

ଲାଭ:

ଏହି ଯୋଜନା ୫୯,୩୫୦ କୋଟି ଟଙ୍କାର ନିବେଶ ଆକୃଷ୍ଟ କରିବା ସହିତ ୪,୫୬,୫୦୦ କୋଟି ଟଙ୍କାର ଉତ୍ପାଦ ଉତ୍ପାଦନ ପାଇଁ ମାର୍ଗପ୍ରଶସ୍ତ କରିବ। ଏହାବ୍ୟତୀତ  ଯୋଜନା ୯୧,୬୦୦ ବ୍ୟକ୍ତିଙ୍କ ପାଇଁ ଅତିରିକ୍ତ ପ୍ରତ୍ୟକ୍ଷ ନିଯୁକ୍ତି ସୃଷ୍ଟି କରିବ ଏବଂ ଅନେକ ପରୋକ୍ଷ ନିଯୁକ୍ତି ସୃଷ୍ଟି କରିବ ବୋଲି ଆଶା କରାଯାଉଛି।

ଯୋଜନାର ପ୍ରମୁଖ ବୈଶିଷ୍ଟ୍ୟ:

ଏହି ଯୋଜନା ଭାରତୀୟ ଉତ୍ପାଦନକାରୀମାନଙ୍କୁ ବିଭିନ୍ନ ପ୍ରକାରର ଉପକରଣ ଏବଂ ସବ୍‌ ଆସେମ୍ବ୍ଲି ପାଇଁ ନିର୍ଦ୍ଦିଷ୍ଟ ଅକ୍ଷମତାକୁ ଦୂର କରିବା ପାଇଁ ଭିନ୍ନ ଭିନ୍ନ ପ୍ରୋତ୍ସାହନ ପ୍ରଦାନ କରିଥାଏ, ଯାହାଦ୍ୱାରା ସେମାନେ ବୈଷୟିକ ସାମର୍ଥ୍ୟ ହାସଲ କରିପାରିବେ ଏବଂ ଅର୍ଥବ୍ୟବସ୍ଥାକୁ ବ୍ୟାପକ ଭାବେ ବୃଦ୍ଧି କରିପାରିବେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ବୈଠକରେ ଆଜି ଦୁଗ୍ଧ ଉତ୍ପାଦନ କ୍ଷେତ୍ରର ବିକାଶ ପାଇଁ ସଂଶୋଧିତ ଜାତୀୟ କାର୍ଯ୍ୟକ୍ରମ (ଏନପିଡିଡି)କୁ ମଞ୍ଜୁରି ମିଳିଛି।

ଏକ କେନ୍ଦ୍ରୀୟ କ୍ଷେତ୍ର ଯୋଜନା ଭାବେ ସଂଶୋଧିତ ଏନପିଡିଡିରେ ଅତିରିକ୍ତ ୧ହଜାର କୋଟି ଟଙ୍କାର ପୁଞ୍ଜି ମିଶାଇ ଏହାର ମୋଟ୍‌ ବଜେଟ୍‌ ପରିମାଣ ୨ହଜାର ୭୯୦ କୋଟି ଟଙ୍କାକୁ ବୃଦ୍ଧି କରାଯାଇଛି । ପଞ୍ଚଦଶ ଅର୍ଥ ଆୟୋଗ ଚକ୍ର ଅର୍ଥାତ୍‌ ୨୦୨୧-୨୨ରୁ ୨୦୨୫-୨୬ ମଧ୍ୟରେ ଏହି ଅର୍ଥ ବିନିଯୋଗ କରାଯିବ। ଏହି ପଦକ୍ଷେପ ଦୁଗ୍ଧ ଉତ୍ପାଦନ ଭିତ୍ତିଭୂମିର ଆଧୁନିକୀକରଣ ଏବଂ ସମ୍ପ୍ରସାରଣ ଉପରେ ଧ୍ୟାନ ଦେଇଥାଏ, ଯାହା ଏହି କ୍ଷେତ୍ରର ନିରନ୍ତର ଅଭିବୃଦ୍ଧି ଏବଂ ଉତ୍ପାଦକତା ସୁନିଶ୍ଚିତ କରିଥାଏ।

ସଂଶୋଧିତ ଏନପିଡିଡି ଦୁଗ୍ଧ କ୍ରୟ, ପ୍ରକ୍ରିୟାକରଣ କ୍ଷମତା ଏବଂ ଉନ୍ନତ ମାନ ନିୟନ୍ତ୍ରଣ ପାଇଁ ଭିତ୍ତିଭୂମି ସୃଷ୍ଟି କରି ଦୁଗ୍ଧ ଉତ୍ପାଦନ କ୍ଷେତ୍ରକୁ ପ୍ରୋତ୍ସାହନ ଦେବ। ଏହାର ଉଦ୍ଦେଶ୍ୟ ହେଉଛି କୃଷକମାନଙ୍କୁ ବଜାର ପର୍ଯ୍ୟନ୍ତ ଉନ୍ନତ ପହଞ୍ଚ ହାସଲ କରିବାରେ ସାହାଯ୍ୟ କରିବା, ମୂଲ୍ୟ ସଂଯୋଜନ ମାଧ୍ୟମରେ ଉନ୍ନତ ମୂଲ୍ୟ ନିର୍ଦ୍ଧାରଣ ସୁନିଶ୍ଚିତ କରିବା ଏବଂ ଯୋଗାଣ ଶୃଙ୍ଖଳାର ଦକ୍ଷତାରେ ଉନ୍ନତି ଆଣିବା, ଯାହାଦ୍ୱାରା ଅଧିକ ଆୟ ଓ ଗ୍ରାମୀଣ ବିକାଶ ହୋଇପାରିବ।

ଯୋଜନାରେ ଦୁଇଟି ପ୍ରମୁଖ ଉପାଦାନ ରହିଛି:

୧. ଉପାଦାନ କ :  ଏହି ଉପାଦାନ ଦୁଗ୍ଧ ଶୀତଳୀକରଣ କାରଖାନା, ଉନ୍ନତ ଦୁଗ୍ଧ ପରୀକ୍ଷଣ ପରୀକ୍ଷାଗାର ଏବଂ ପ୍ରମାଣିକରଣ ବ୍ୟବସ୍ଥା ପରି ଅତ୍ୟାବଶ୍ୟକ ଦୁଗ୍ଧ ଭିତ୍ତିଭୂମିର ଉନ୍ନତି ପାଇଁ ଉତ୍ସର୍ଗୀକୃତ। ଏହା ନୂତନ ଗ୍ରାମ ଦୁଗ୍ଧ ସମବାୟ ସମିତି ଗଠନକୁ ମଧ୍ୟ ସମର୍ଥନ କରେ ଏବଂ ଉତ୍ତର-ପୂର୍ବ ଅଞ୍ଚଳ (ଏନଇଆର), ପାର୍ବତ୍ୟାଞ୍ଚଳ ଏବଂ କେନ୍ଦ୍ରଶାସିତ ଅଞ୍ଚଳ (ୟୁଟି), ବିଶେଷ କରି ଦୁର୍ଗମ ଏବଂ ପଛୁଆ ଅଞ୍ଚଳରେ ଦୁଗ୍ଧ କ୍ରୟ ଏବଂ ପ୍ରକ୍ରିୟାକରଣକୁ ମଜବୁତ କରିଥାଏ। ଏହାବ୍ୟତୀତ ଉତ୍ସର୍ଗୀକୃତ ଅନୁଦାନ ସହାୟତାରେ ୨ଟି ଦୁଗ୍ଧ ଉତ୍ପାଦକ କମ୍ପାନୀ (ଏମପିସି) ଗଠନ କରେ।

୨. ଉପାଦାନ ଖ: ‘‘ସମବାୟ ମାଧ୍ୟମରେ ଦୁଗ୍ଧ ଉତ୍ପାଦନ (ଡିଟିସି)’’ ନାମରେ ପରିଚିତ ଏହି ଉପାଦାନରେ ସ୍ୱାକ୍ଷରିତ ରାଜିନାମା ଅନୁଯାୟୀ ଜାପାନ ସରକାର ଏବଂ ଜାପାନ ଅନ୍ତର୍ଜାତୀୟ ସହଯୋଗ ଏଜେନ୍ସି (ଜାଇକା) ସହିତ ସହଯୋଗ ମାଧ୍ୟମରେ ଦୁଗ୍ଧ ଉତ୍ପାଦନ କ୍ଷେତ୍ରର ବିକାଶକୁ ପ୍ରୋତ୍ସାହନ ଜାରି ରଖିବ। ଏହି ଉପାଦାନ ଦୁଗ୍ଧ ସମବାୟ ସମିତିର ନିରନ୍ତର ବିକାଶ, ନଅଟି ରାଜ୍ୟ (ଆନ୍ଧ୍ର ପ୍ରଦେଶ, ବିହାର, ମଧ୍ୟପ୍ରଦେଶ, ପଞ୍ଜାବ, ରାଜସ୍ଥାନ, ତେଲଙ୍ଗାନା, ଉତ୍ତରାଖଣ୍ଡ, ଉତ୍ତର ପ୍ରଦେଶ ଏବଂ ପଶ୍ଚିମବଙ୍ଗ) ରେ ଉତ୍ପାଦନ, ପ୍ରକ୍ରିୟାକରଣ ଏବଂ ବିପଣନ ଭିତ୍ତିଭୂମିରେ ଉନ୍ନତି ଆଣିବା ଉପରେ ଧ୍ୟାନ ଦେଇଥାଏ।

ଏନପିଡିଡିର କାର୍ଯ୍ୟକାରିତା ପୂର୍ବରୁ ଆରମ୍ଭ ହୋଇସାରିଛି। ଏହା ୧୮ ଲକ୍ଷ ୭୪ ହଜାର ଚାଷୀଙ୍କୁ ଲାଭ ପହଞ୍ଚାଉଛି। ଏହା ୩୦ ହଜାରରୁ ଅଧିକ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ସୃଷ୍ଟି କରିଛି ଏବଂ ଦୈନିକ ଅତିରିକ୍ତ ୧୦୦.୯୫ ଲକ୍ଷ ଲିଟର ଦୁଗ୍ଧ କ୍ରୟ କ୍ଷମତା ବୃଦ୍ଧି କରିଛି। ଉନ୍ନତ ଦୁଗ୍ଧ ପରୀକ୍ଷଣ ଏବଂ ଗୁଣବତ୍ତା ନିୟନ୍ତ୍ରଣ ପାଇଁ ଅତ୍ୟାଧୁନିକ ପ୍ରଯୁକ୍ତିବିଦ୍ୟାକୁ ପ୍ରୋତ୍ସାହିତ କରିବାରେ ମଧ୍ୟ ଏନପିଡିଡି ସହାୟତା କରିଛି। ୫୧ ହଜାର ୭୭୭ରୁ ଅଧିକ ଗ୍ରାମ ସ୍ତରୀୟ ଦୁଗ୍ଧ ପରୀକ୍ଷଣ ପରୀକ୍ଷାଗାରକୁ ସୁଦୃଢ଼ କରାଯାଇଛି। ଅନ୍ୟପକ୍ଷରେ ୧୨୩.୩୩ ଲକ୍ଷ ଲିଟରର ମିଳିତ କ୍ଷମତା ସହିତ ୫,୧୨୩ ବଡ଼ ଦୁଗ୍ଧ କୁଲର୍ ସ୍ଥାପନ କରାଯାଇଛି। ଏହାବ୍ୟତୀତ, ୧୬୯ଟି ପରୀକ୍ଷାଗାରକୁ ଫୁରିୟର ଟ୍ରାନ୍ସଫର୍ମ ଇନ୍ଫ୍ରାରେଡ (ଏଫଟିଆଇଆର) ଦୁଗ୍ଧ ବିଶ୍ଳେଷକ ଦ୍ୱାରା ଉନ୍ନତ କରାଯାଇଛି ଏବଂ ୨୩୨ଟି ଦୁଗ୍ଧ କାରଖାନାରେ ଏବେ ଅପମିଶ୍ରଣ ଚିହ୍ନଟ କରିବା ପାଇଁ ଉନ୍ନତ ବ୍ୟବସ୍ଥା ରହିଛି।

ସଂଶୋଧିତ ଏନପିଡିଡି ଦ୍ୱାରା ଦେଶର ଉତ୍ତର-ପୂର୍ବାଞ୍ଚଳରେ ୧୦ ହଜାର ନୂତନ ଦୁଗ୍ଧ ସମବାୟ ସମିତି ପ୍ରତିଷ୍ଠା ହୋଇଛି । ଏହାସହିତ ଏନପିଡିଡିର କାର୍ଯ୍ୟକ୍ଷମ ପ୍ରକଳ୍ପଗୁଡ଼ିକ ବ୍ୟତୀତ ଉତ୍ସର୍ଗୀକୃତ ଅନୁଦାନ ସହାୟତା ସହିତ ୨ଟି ଦୁଗ୍ଧ ଉତ୍ପାଦକ କମ୍ପାନୀ (ଏମପିସି) ଗଠନ ହେବାର ଆଶା କରାଯାଉଛି, ଯାହାଦ୍ୱାରା ଅତିରିକ୍ତ ୩.୨ ଲକ୍ଷ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ସୁଯୋଗ ସୃଷ୍ଟି ହେବ । ବିଶେଷ କରି ଏହା ମହିଳାମାନଙ୍କୁ ଉପକୃତ କରିବ, ଯେଉଁମାନେ ଦୁଗ୍ଧ କାର୍ଯ୍ୟବଳର ୭୦ ପ୍ରତିଶତ ଗଠନ କରିଥାନ୍ତି।

ଦୁଗ୍ଧ ଉତ୍ପାଦନ କ୍ଷେତ୍ରର ବିକାଶ ପାଇଁ ସଂଶୋଧିତ ଜାତୀୟ କାର୍ଯ୍ୟକ୍ରମ ଦ୍ୱିତୀୟ ପର୍ଯ୍ୟାୟ ଶ୍ୱେତ ବିପ୍ଳବ ସହିତ ତାଳ ଦେଇ ଭାରତର ଆଧୁନିକ ଭିତ୍ତିଭୂମିରେ ପରିବର୍ତ୍ତନ ଆଣିବ ଏବଂ ନୂତନ ପ୍ରଯୁକ୍ତିବିଦ୍ୟା ଓ ଗୁଣାତ୍ମକ ପରୀକ୍ଷଣ ପରୀକ୍ଷାଗାର ପ୍ରଦାନ କରି ନବଗଠିତ ସମବାୟ ସମିତିକୁ ଅଧିକ ସହାୟତା କରିବ। ଏହି କାର୍ଯ୍ୟକ୍ରମ ଗ୍ରାମୀଣ ଜୀବିକା ନିର୍ବାହରେ ଉନ୍ନତି ଆଣିବ, ନିଯୁକ୍ତି ସୃଷ୍ଟି କରିବ ଏବଂ ଏକ ଶକ୍ତିଶାଳୀ, ଅଧିକ ନମନୀୟ ଦୁଗ୍ଧ ଶିଳ୍ପ ନିର୍ମାଣ କରିବାରେ ସାହାଯ୍ୟ କରିବ ଯାହା ସାରା ଦେଶର ଲକ୍ଷ ଲକ୍ଷ କୃଷକ ଓ ଏହି କ୍ଷେତ୍ରର ଅଂଶୀଦାରମାନଙ୍କୁ ଉପକୃତ କରିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି (ସିସିଇଏ) ଭାରତ ସରକାରଙ୍କ ଇଥାନଲ ମିଶ୍ରିତ ପେଟ୍ରୋଲ (ଇବିପି) କାର୍ଯ୍ୟକ୍ରମ ଅଧୀନରେ 1 ନଭେମ୍ବର, 2024ରୁ 31 ଅକ୍ଟୋବର, 2025 ପର୍ଯ୍ୟନ୍ତ ଇଥାନଲ ଯୋଗାଣ ବର୍ଷ (ଇଏସୱାଇ) ପାଇଁ ରାଷ୍ଟ୍ରାୟତ୍ତ ତୈଳ ବିପଣନ କମ୍ପାନୀଗୁଡ଼ିକ (ଓଏମସି) ପାଇଁ ଇଥାନଲ କ୍ରୟ ମୂଲ୍ୟ ସଂଶୋଧନ ପ୍ରସ୍ତାବକୁ ମଞ୍ଜୁରି ଦେଇଛନ୍ତି। ତଦନୁଯାୟୀ,  ଇଥାନଲ ଯୋଗାଣ ବର୍ଷ 2024-25 (1 ନଭେମ୍ବର 2024ରୁ 31 ଅକ୍ଟୋବର 2025) ପାଇଁ ଇବିପି କାର୍ଯ୍ୟକ୍ରମ  ନିମନ୍ତେ ସି ହେଭୀ ମୋଲାସେସ (ସିଏଚଏମ)ରୁ ଉତ୍ପନ୍ନ ଇଥାନଲର ଏକ୍ସ-ମିଲ୍‌ ଦର ଲିଟର ପିଛା 56.58 ଟଙ୍କାରୁ ବୃଦ୍ଧି କରାଯାଇ ଲିଟର ପିଛା 57.97 ଟଙ୍କାରେ ଧାର୍ଯ୍ୟ କରାଯାଇଛି।

ଏହି ଅନୁମୋଦନ କେବଳ ଇଥାନଲ ଯୋଗାଣକାରୀଙ୍କ ପାଇଁ ମୂଲ୍ୟ ସ୍ଥିରତା ଏବଂ ପାରିଶ୍ରମିକ ମୂଲ୍ୟ ପ୍ରଦାନ କରିବାରେ ସରକାରଙ୍କ ନିରନ୍ତର ନୀତିକୁ ସହଜ କରିବ ନାହିଁ, ବରଂ ଅଶୋଧିତ ତୈଳ ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବାରେ, ବୈଦେଶିକ ମୁଦ୍ରା ସଞ୍ଚୟ କରିବାରେ ଏବଂ ପରିବେଶ ପାଇଁ ଲାଭ ଆଣିବାରେ ମଧ୍ୟ ସାହାଯ୍ୟ କରିବ। ଆଖୁ ଚାଷୀମାନଙ୍କ ହିତ ଦୃଷ୍ଟିରୁ, ପୂର୍ବ ଭଳି, ଜିଏସଟି ଏବଂ ପରିବହନ ଶୁଳ୍କ ଅଲଗା ଭାବେ ଦେୟ ହେବ । ସିଏଚଏମ ଇଥାନଲର ମୂଲ୍ୟରେ 3 ପ୍ରତିଶତ ବୃଦ୍ଧି ହେବା ଦ୍ୱାରା ବର୍ଦ୍ଧିତ ମିଶ୍ରଣ ଲକ୍ଷ୍ୟ ପୂରଣ କରିବା ପାଇଁ ଇଥାନଲର ପର୍ଯ୍ୟାପ୍ତ ଉପଲବ୍ଧତା ସୁନିଶ୍ଚିତ ହେବ।

ସରକାର ଇଥାନଲ ମିଶ୍ରିତ ପେଟ୍ରୋଲ (ଇବିପି) କାର୍ଯ୍ୟକ୍ରମ କାର୍ଯ୍ୟକାରୀ କରୁଛନ୍ତି, ଯେଉଁଥିରେ ଓଏମସିଗୁଡ଼ିକ 20 ପ୍ରତିଶତ ପର୍ଯ୍ୟନ୍ତ ଇଥାନଲ ମିଶ୍ରିତ ପେଟ୍ରୋଲ ବିକ୍ରି କରିଥାନ୍ତି। ବିକଳ୍ପ ଏବଂ ପରିବେଶ ଅନୁକୂଳ ଇନ୍ଧନର ବ୍ୟବହାରକୁ ପ୍ରୋତ୍ସାହିତ କରିବା ଲାଗି ଏହି କାର୍ଯ୍ୟକ୍ରମ ସାରା ଦେଶରେ କାର୍ଯ୍ୟକାରୀ ହେଉଛି। ଏହି ହସ୍ତକ୍ଷେପର ଉଦ୍ଦେଶ୍ୟ ହେଉଛି ଇନ୍ଧନ ଆବଶ୍ୟକତା ପାଇଁ ଆମଦାନୀ ଉପରେ ନିର୍ଭରଶୀଳତାକୁ କମାଇବା ଏବଂ କୃଷି କ୍ଷେତ୍ରକୁ ପ୍ରୋତ୍ସାହନ ଦେବା। ବିଗତ ଦଶ ବର୍ଷ ମଧ୍ୟରେ (31.12.2024 ସୁଦ୍ଧା) ରାଷ୍ଟ୍ରାୟତ୍ତ କ୍ଷେତ୍ରର ତୈଳ ବିପଣନ କମ୍ପାନୀ (ଓଏମସି)ଗୁଡ଼ିକ ଦ୍ୱାରା ପେଟ୍ରୋଲରେ ଇଥାନଲ ମିଶ୍ରଣ ଫଳରେ ପ୍ରାୟ 1,13,007 କୋଟି ଟଙ୍କାରୁ ଅଧିକ ବିଦେଶୀ ମୁଦ୍ରା ସଞ୍ଚୟ ହୋଇଛି। ଏହାଦ୍ୱାରା ପାଖାପାଖି 193 ଲକ୍ଷ ମେଟ୍ରିକ ଟନ୍‌ ଅଶୋଧିତ ତୈଳର ବିକଳ୍ପ ଇନ୍ଧନ ପ୍ରସ୍ତୁତ କରାଯାଇପାରିଛି ।

ରାଷ୍ଟ୍ରାୟତ୍ତ ତୈଳ କମ୍ପାନୀଗୁଡ଼ିକ ଦ୍ୱାରା ଇଥାନଲ ମିଶ୍ର 2013-14 ଇଏସୱାଇରେ 38 କୋଟି ଲିଟର ଥିଲା(ଇଏସୱାଇ-ବର୍ତ୍ତମାନ ଗୋଟିଏ ବର୍ଷର 1 ନଭେମ୍ବର ଠାରୁ ପରବର୍ତ୍ତୀ ବର୍ଷର 31 ଅକ୍ଟୋବର ପର୍ଯ୍ୟନ୍ତ ପରିଗଣିତ ହେଉଛି)। 2023-24 ଇଏସୱାଇରେ ଇଥାନଲ ମିଶ୍ରଣ 707 କୋଟି ଲିଟରକୁ ବୃଦ୍ଧି ପାଇଥିବାରୁ ହାରାହାରୀ ମିଶ୍ରଣ 14.60%ରେ ପହଞ୍ଚିଛି ।

ସରକାର ପେଟ୍ରୋଲରେ 20 ପ୍ରତିଶତ ଇଥାନଲ ମିଶ୍ରଣ ଲକ୍ଷ୍ୟକୁ 2030 ଠାରୁ ଇଏସୱାଇ 2025-26କୁ ଉନ୍ନୀତ କରିଛନ୍ତି । ଭାରତରେ ଇଥାନଲ ମିଶ୍ରଣ ପାଇଁ ରୋଡମ୍ୟାପ୍ 2020-25କୁ ସାର୍ବଜନୀନ କରାଯାଇଛି। ଏହି ଦିଗରେ ଏକ ପଦକ୍ଷେପ ସ୍ୱରୂପ, ଓଏମସିଗୁଡ଼ିକ ଚଳିତ ଇଏସୱାଇ 2024-25 ସମୟରେ 18 ପ୍ରତିଶତ ମିଶ୍ରଣ ହାସଲ କରିବାକୁ ଯୋଜନା କରିଛନ୍ତି। ଅନ୍ୟ ସାମ୍ପ୍ରତିକ ସହାୟକଗୁଡ଼ିକ ମଧ୍ୟରେ ଇଥାନଲ ବିଶୋଧନ କ୍ଷମତାକୁ ବାର୍ଷିକ 1713 କୋଟି ଲିଟରକୁ ବୃଦ୍ଧି କରିବା; ଇଥାନଲ ଅଭାବ ଥିବା ରାଜ୍ୟଗୁଡ଼ିକରେ ଉତ୍ସର୍ଗୀକୃତ ଇଥାନଲ ପ୍ଲାଣ୍ଟ (ଡିଇପି) ସ୍ଥାପନ ପାଇଁ ଦୀର୍ଘକାଳୀନ ଅଫ-ଟେକ୍ ଚୁକ୍ତି (ଏଲଟିଓଏ); ଏକକ ଫିଡ୍ ଡିଷ୍ଟିଲେରୀଗୁଡ଼ିକୁ ଏକାଧିକ ଫିଡରେ ରୂପାନ୍ତରିତ କରିବାକୁ ପ୍ରୋତ୍ସାହିତ କରିବା; ଇ-100 ଏବଂ ଇ-20 ଇନ୍ଧନର ଉପଲବ୍ଧତା; ଫ୍ଲେକ୍ସି ଇନ୍ଧନ ଯାନର ଶୁଭାରମ୍ଭ ଇତ୍ୟାଦି ଅନ୍ତର୍ଭୁକ୍ତ। ଏହି ସମସ୍ତ ପଦକ୍ଷେପ ବ୍ୟବସାୟିକ ସୁଗମତା ଏବଂ ଆତ୍ମନିର୍ଭର ଭାରତର ଲକ୍ଷ୍ୟ ହାସଲ ଦିଗରେ ମଧ୍ୟ ସହାୟକ ହେବ।

ଇବିପି କାର୍ଯ୍ୟକ୍ରମ ଅଧୀନରେ ସରକାରଙ୍କ ଦ୍ୱାରା ପ୍ରଦାନ କରାଯାଇଥିବା ସ୍ପଷ୍ଟତା କାରଣରୁ, ନିଯୁକ୍ତି ସୁଯୋଗ ଏବଂ ବିଭିନ୍ନ ଅଂଶୀଦାରଙ୍କ ମଧ୍ୟରେ ଦେଶ ମଧ୍ୟରେ ମୂଲ୍ୟ ବାଣ୍ଟିବା ବ୍ୟତୀତ ଗ୍ରୀନଫିଲ୍ଡ ଏବଂ ବ୍ରାଉନଫିଲ୍ଡ ଡିଷ୍ଟିଲେରୀ, ଷ୍ଟୋରେଜ୍ ଏବଂ ଲଜିଷ୍ଟିକ୍ ସୁବିଧା ନେଟୱାର୍କ ରୂପରେ ସାରା ଦେଶରେ ନିବେଶ ହୋଇଛି। ସମସ୍ତ ଡିଷ୍ଟିଲେରୀ ଏହି ଯୋଜନାର ଲାଭ ଉଠାଇପାରିବେ ଏବଂ ସେମାନଙ୍କ ମଧ୍ୟରୁ ବହୁ ସଂଖ୍ୟାରେ ଇବିପି କାର୍ଯ୍ୟକ୍ରମ ପାଇଁ ଇଥାନଲ ଯୋଗାଣ କରିବେ ବୋଲି ଆଶା କରାଯାଉଛି। ଏହା ବହୁ ପରିମାଣରେ ବୈଦେଶିକ ମୁଦ୍ରା ସଞ୍ଚୟ, ଅଶୋଧିତ ତୈଳର ବିକଳ୍ପ, ପରିବେଶଗତ ଲାଭ ଏବଂ ଆଖୁ ଚାଷୀମାନଙ୍କୁ ଶୀଘ୍ର ଅର୍ଥ ପରିଶୋଧ କରିବାରେ ସହାୟକ ହେବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି (ସିସିଇଏ) ବୈଠକରେ ରାଷ୍ଟ୍ରୀୟ ଇସ୍ପାତ ନିଗମ ଲିମିଟେଡ (ଆରଆଇଏନଏଲ) ପାଇଁ ମୋଟ ୧୧,୪୪୦ କୋଟି ଟଙ୍କାର ପୁନରୁଦ୍ଧାର ଯୋଜନାକୁ ମଞ୍ଜୁର କରାଯାଇଛି।

ଆରଆଇଏନଏଲ ହେଉଛି ଏକ ଅନୁସୂଚୀ-କ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ(ସିପିଏସଇ) ଏବଂ ଏହା ଭାରତ ସରକାରଙ୍କ ଇସ୍ପାତ ମନ୍ତ୍ରଣାଳୟର ଶତପ୍ରତିଶତ ମାଲିକାନା ଅଧୀନରେ ରହିଛି। ଆରଆଇଏନଏଲକୁ ବିଶାଖାପାଟଣା ଇସ୍ପାତ କାରଖାନା (ଭିଏସପି) ପରିଚାଳନା କରିଥାଏ, ଯାହା ଆନ୍ଧ୍ର ପ୍ରଦେଶ ରାଜ୍ୟର ସରକାରୀ କ୍ଷେତ୍ର ଅଧୀନରେ ଥିବା ଏକମାତ୍ର ଅଫଶୋର ଇସ୍ପାତ କାରଖାନା। ଏହାର ସ୍ଥାପିତ କ୍ଷମତା ବାର୍ଷିକ ତରଳ ଇସ୍ପାତରେ ୭.୩ ନିୟୁତ ଟନ ରହିଛି।

ଆରଆଇଏନଏଲରେ ୧୦,୩୦୦ କୋଟି ଟଙ୍କାର ଇକ୍ୱିଟି ନିବେଶ କାର୍ଯ୍ୟଶୀଳ ପୁଞ୍ଜି ସଂଗ୍ରହ ସମ୍ବନ୍ଧୀୟ ପରିଚାଳନା ସମସ୍ୟାକୁ ଦୂର କରିବା ଏବଂ ସର୍ବାଧିକ ଫଳପ୍ରଦ ଉପାୟରେ ବ୍ଲାଷ୍ଟ ଫର୍ଣ୍ଣେସ ପରିଚାଳନା ଆରମ୍ଭ କରିବାରେ ସାହାଯ୍ୟ କରିବ। ଏହାଦ୍ୱାରା କମ୍ପାନୀ ଧୀରେ ଧୀରେ ନିଜର ପୂର୍ଣ୍ଣ ଉତ୍ପାଦନ କ୍ଷମତାରେ ପହଞ୍ଚିପାରିବ, ଯାହା ଏକ ଗୁରୁତ୍ୱପୂର୍ଣ୍ଣ ଆବଶ୍ୟକତା। ଫଳସ୍ୱରୂପ ଇସ୍ପାତ ଉତ୍ପାଦନ ବୃଦ୍ଧି ଭାରତୀୟ ଇସ୍ପାତ ବଜାରରେ ସ୍ଥିରତା ଆଣିବ ଏବଂ କର୍ମଚାରୀ (ନିୟମିତ ଓ ଚୁକ୍ତିଭିତ୍ତିକ) ତଥା ଇସ୍ପାତ କାରଖାନାର ପରିଚାଳନା ଉପରେ ନିର୍ଭରଶୀଳ ଲୋକଙ୍କ ଜୀବିକା ବଞ୍ଚାଇବା ପାଇଁ ଗୁରୁତ୍ୱପୂର୍ଣ୍ଣ ଯୋଗଦାନ ଦେବ।
ଆରଆଇଏନଏଲ ଜାନୁଆରୀ ୨୦୨୫ ସୁଦ୍ଧା ଦୁଇଟି ବ୍ଲାଷ୍ଟ ଫର୍ଣ୍ଣେସ ଏବଂ ଅଗଷ୍ଟ ୨୦୨୫ ସୁଦ୍ଧା ତିନୋଟି ବ୍ଲାଷ୍ଟ ଫର୍ଣ୍ଣେସ ସହିତ ସମ୍ପୂର୍ଣ୍ଣ ଉତ୍ପାଦନ ଆରମ୍ଭ କରିବାକୁ ପୁନରୁଦ୍ଧାର ଯୋଜନାରେ ପରିକଳ୍ପନା କରାଯାଇଛି।

ଇସ୍ପାତ ଉତ୍ପାଦନ ଅର୍ଥବ୍ୟବସ୍ଥାର ଏକ ପ୍ରମୁଖ କ୍ଷେତ୍ର ଏବଂ ଏହା ଯେକୌଣସି ଦେଶର ଆର୍ଥିକ ବିକାଶର ଏକ ସୂଚକ। ଏହାର ସମ୍ପୂର୍ଣ୍ଣ କ୍ଷମତାରେ ଭିଏସପିର ପୁନରୁଦ୍ଧାର ଓ ନିରନ୍ତର ପରିଚାଳନା ସାର୍ବଜନୀନ ସମ୍ବଳର ଦକ୍ଷ ଉପଯୋଗ ସୁନିଶ୍ଚିତ କରିବ ଏବଂ ଜାତୀୟ ଇସ୍ପାତ ନୀତି ୨୦୧୭ର ଉଦ୍ଦେଶ୍ୟ ହାସଲ କରିବାରେ ସହାୟକ ହେବ।

ଏହି ଅବସରରେ ରେଳ, ସୂଚନା ଓ ପ୍ରସାରଣ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରୀୟ ଇସ୍ପାତ ନିଗମ ଲିମିଟେଡ (ଆରଆଇଏନଏଲ)ର ପୁନରୁଦ୍ଧାର ପାଇଁ ୧୧,୪୪୦ କୋଟି ଟଙ୍କାର ପ୍ରକଳ୍ପକୁ ମଞ୍ଜୁର କରିଛନ୍ତି। ବର୍ତ୍ତମାନ ସୁଦ୍ଧା ସମ୍ପୂର୍ଣ୍ଣ ଇସ୍ପାତ ଉଦ୍ୟୋଗରେ ଆରଆଇଏନଏଲ ଏକ ସ୍ୱତନ୍ତ୍ର ସ୍ଥାନ ହାସଲ କରିଛି।

ଏହା ସେହି କାରଖାନା ମଧ୍ୟରୁ ଗୋଟିଏ ଯାହା ଆନ୍ଧ୍ରପ୍ରଦେଶର ଉପକୂଳରେ, ବିଶାଖାପାଟଣା ନିକଟରେ ଅବସ୍ଥିତ, ଏବଂ ଏହା ଦେଶ ପାଇଁ ସାମଗ୍ରିକ ଇସ୍ପାତ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ଇସ୍ପାତ କମ୍ପାନୀ।

ଏହା ଆନ୍ଧ୍ରପ୍ରଦେଶ ଉପକୂଳ ବିଶାଖାପାଟଣା ନିକଟରେ ଅବସ୍ଥିତ କାରଖାନାଗୁଡ଼ିକ ମଧ୍ୟରୁ ଅନ୍ୟତମ। ସାମଗ୍ରିକ ଭାବେ ଦେଶ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଇସ୍ପାତ କମ୍ପାନୀ। ଆଉ ଏହି ପୁନରୁଦ୍ଧାର ପ୍ୟାକେଜ୍‌ ଦ୍ୱାରା ଆରଆଇଏନଏଲ ସାମ୍ନା କରୁଥିବା ଅନେକ ଐତିହାସିକ ସମସ୍ୟାର ସମାଧାନ ହୋଇପାରିବ। ଏଥିସହିତ ଆରଆଇଏନଏଲ ପାଇଁ କଞ୍ଚାମାଲ ସୁରକ୍ଷିତ ରଖିବା ଏବଂ କାରଖାନାର ଆଧୁନିକୀକରଣ ପାଇଁ ଅନେକ ପ୍ରୟାସ କରାଯିବ।
୧୧,୪୪୦ କୋଟି ଟଙ୍କାର ଏହି ପ୍ୟାକେଜରେ, ୧୦,୩୦୦ କୋଟି ଟଙ୍କାର ନୂତନ ଇକ୍ୱିଟି ନିବେଶ ନିବେଶ ରହିଛି ଏବଂ ପ୍ରିଫରେନ୍ସ ଶେୟାର କ୍ୟାପିଟାଲରେ କାର୍ଯ୍ୟଶୀଳ ପୁଞ୍ଜି ଋଣର ରୂପାନ୍ତର ଦ୍ୱାରା ୧୧୪୦ କୋଟି ଟଙ୍କା ମିଶିଲେ ଏହି ପ୍ୟାକେଜ ପରିମାଣ ୧୧,୪୪୦ କୋଟି ଟଙ୍କା ହେବ।

ଏହାଦ୍ୱାରା ଆରଆଇଏନଏଲର ସମସ୍ତ କର୍ମଚାରୀ ତଥା ଆରଆଇଏନଏଲର ଆର୍ଥିକ କାର୍ଯ୍ୟକଳାପ ସହିତ ଜଡ଼ିତ ସମସ୍ତ ଲୋକ ବିଶେଷ ଭାବେ ଉପକୃତ ହେବେ ଏବଂ ଆଗାମୀ ଦିନରେ ଆନ୍ଧ୍ର ପ୍ରଦେଶ ଏକ ପ୍ରମୁଖ ଇସ୍ପାତ କାରଖାନାକୁ ପୁନର୍ଜୀବିତ କରିବ।
ଖୁବଶୀଘ୍ର ଆରଆଇଏନଏଲ ଦୁଇଟି ବ୍ଲାଷ୍ଟ ଫର୍ଣ୍ଣେସ୍‌ ସହିତ କାର୍ଯ୍ୟ ଆରମ୍ଭ କରିବ ଏବଂ ଅଗଷ୍ଟ ସୁଦ୍ଧା ସମସ୍ତ ତିନୋଟି ବ୍ଲାଷ୍ଟ ଫର୍ଣ୍ଣେସ୍‌ ଆରମ୍ଭ କରିବାକୁ ଯୋଜନା କରାଯାଇଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଆଜି ପ୍ରଧାନମନ୍ତ୍ରୀ ଫସଲ ବୀମା ଯୋଜନା ଏବଂ ପୁନର୍ଗଠିତ ପାଣିପାଗ ଆଧାରିତ ଫସଲ ବୀମା ଯୋଜନାକୁ ୨୦୨୧-୨୨ ଠାରୁ ୨୦୨୫-୨୬ ପର୍ଯ୍ୟନ୍ତ ଜାରି ରଖିବାକୁ ମଞ୍ଜୁର କରିଛି । ଏହି ନିଷ୍ପତ୍ତି ୨୦୨୫-୨୬ ପର୍ଯ୍ୟନ୍ତ ସାରା ଦେଶର କୃଷକମାନଙ୍କ ପାଇଁ ଅଣ-ପ୍ରତିରୋଧଯୋଗ୍ୟ ପ୍ରାକୃତିକ ବିପର୍ଯ୍ୟୟରୁ ଫସଲ ପ୍ରତି ସୃଷ୍ଟି ହେଉଥିବା ବିପଦ ବିରୋଧରେ ବୀମା ଯୋଗାଇବାରେ ସାହାଯ୍ୟ କରିବ।

ଏହାବ୍ୟତୀତ, ଏହି ଯୋଜନାର କାର୍ଯ୍ୟାନ୍ୱୟନରେ ବ୍ୟାପକ ମାତ୍ରାରେ ପ୍ରଯୁକ୍ତିବିଦ୍ୟା ପ୍ରୟୋଗ ଜରିଆରେ ସ୍ୱଚ୍ଛତା ବୃଦ୍ଧି, ବୀମା ଦାବି ଆକଳନ ଏବଂ ସମାଧାନ ଦିଗରେ ଅଗ୍ରସର ହେବା ଲାଗି କେନ୍ଦ୍ର କ୍ୟାବିନେଟ ୮୨୪.୭୭ କୋଟି ଟଙ୍କାର ବ୍ୟୟବରାଦ ସହିତ ନବସୃଜନ ଏବଂ ପ୍ରଯୁକ୍ତିବିଦ୍ୟା ପାଣ୍ଠି (ଏଫ୍.ଆଇ.ଏ.ଟି.) ସୃଷ୍ଟି କରିବା ପ୍ରସ୍ତାବକୁ ମଧ୍ୟ ମଞ୍ଜୁରି ଦେଇଛନ୍ତି।

ଏହି ପାଣ୍ଠିର ଉପଯୋଗ ୟେସ୍-ଟେକ୍, ୱିଣ୍ଡସ୍ ଇତ୍ୟାଦି ଯୋଜନା ଅଧୀନରେ ବୈଷୟିକ ପଦକ୍ଷେପ ତଥା ଗବେଷଣା ଓ ବିକାଶ ଅଧ୍ୟୟନ ପାଇଁ ପାଣ୍ଠି ଯୋଗାଇ ଦିଆଯିବ।

ପ୍ରଯୁକ୍ତିବିଦ୍ୟା ବ୍ୟବହାର କରୁଥିବା ଅମଳ ଆକଳନ ପ୍ରଣାଳୀ (ୟେସ-ଟେକ) ଟେକ୍ନୋଲୋଜି ଆଧାରିତ ଅମଳ ଆକଳନ ନିମନ୍ତେ ସର୍ବନିମ୍ନ ୩୦ ପ୍ରତିଶତ ଭାର ସହିତ ଅମଳ ଆକଳନ କରିବା ଲାଗି ରିମୋଟ ସେନ୍ସିଂ ଟେକ୍ନୋଲୋଜି ବ୍ୟବହାର କରେ। ବର୍ତ୍ତମାନ, ନଅଟି ପ୍ରମୁଖ ରାଜ୍ୟ (ଯଥା ଆନ୍ଧ୍ର ପ୍ରଦେଶ, ଆସାମ, ହରିୟାଣା, ଉତ୍ତର ପ୍ରଦେଶ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା, ତାମିଲନାଡ଼ୁ ଏବଂ କର୍ଣ୍ଣାଟକ) ଏହାକୁ କାର୍ଯ୍ୟକାରୀ କରୁଛନ୍ତି। ଅନ୍ୟ ରାଜ୍ୟଗୁଡ଼ିକ ମଧ୍ୟ ଏହି ପ୍ରକ୍ରିୟାରେ ଦ୍ରୁତ ଗତିରେ ସାମିଲ ହେଉଛନ୍ତି। ୟେସ୍-ଟେକ୍ ର ବ୍ୟାପକ କାର୍ଯ୍ୟକାରିତା ସହିତ, ଅମଳ ସହିତ ଜଡିତ ପରୀକ୍ଷଣ ଏବଂ ଆନୁସଙ୍ଗିକ ପ୍ରସଙ୍ଗ ଧୀରେ ଧୀରେ ସମାପ୍ତ ହେବ। ୨୦୨୩-୨୪ ପାଇଁ ଦାବି ଗଣନା କରାଯାଇଛି ଏବଂ ୟେସ-ଟେକ ଅଧୀନରେ ସମାଧାନ କରାଯାଇଛି। ମଧ୍ୟପ୍ରଦେଶ ୧୦୦% ପ୍ରଯୁକ୍ତି ଆଧାରିତ ଉତ୍ପାଦନ ଆକଳନକୁ ଗ୍ରହଣ କରିଛି।

ପାଣିପାଗ ସୂଚନା ଏବଂ ନେଟୱର୍କ ଡାଟା ସିଷ୍ଟମ (ୱିଣ୍ଡ୍ସ) ବ୍ଲକ ସ୍ତରରେ ସ୍ୱୟଂକ୍ରିୟ ପାଣିପାଗ କେନ୍ଦ୍ର (ଏଡବ୍ଲୁଏସ) ଏବଂ ପଞ୍ଚାୟତ ସ୍ତରରେ ସ୍ୱୟଂକ୍ରିୟ ବର୍ଷା ମାପକ (ଏଆରଜି) ସ୍ଥାପନ ପାଇଁ ପରିକଳ୍ପନା କରିଛି। ୱିଣ୍ଡସ୍ ଅଧୀନରେ, ହାଇପର୍ ସ୍ଥାନୀୟ ପାଣିପାଗ ତଥ୍ୟ ବିକଶିତ କରିବା ପାଇଁ ବର୍ତ୍ତମାନର ନେଟୱାର୍କ ଘନତ୍ୱରେ ପାଞ୍ଚ ଗୁଣ ବୃଦ୍ଧି ପାଇଁ ପରିକଳ୍ପନା କରାଯାଇଛି। ଏହି ପଦକ୍ଷେପ ଅଧୀନରେ, କେବଳ ଡାଟା ଭଡ଼ା ଖର୍ଚ୍ଚ କେନ୍ଦ୍ର ଏବଂ ରାଜ୍ୟ ସରକାରଙ୍କ ଦ୍ୱାରା ପ୍ରଦାନ କରାଯାଇଥାଏ। ନଅଟି ପ୍ରମୁଖ ରାଜ୍ୟ (କେରଳ, ଉତ୍ତର ପ୍ରଦେଶ, ହିମାଚଳ ପ୍ରଦେଶ, ପୁଡୁଚେରୀ, ଆସାମ, ଓଡ଼ିଶା, କର୍ଣ୍ଣାଟକ, ଉତ୍ତରାଖଣ୍ଡ ଏବଂ ରାଜସ୍ଥାନ) ୱିଣ୍ଡ୍ସ କାର୍ଯ୍ୟକାରୀ କରିବା ପ୍ରକ୍ରିୟାରେ ଥିବାବେଳେ ଅନ୍ୟ ରାଜ୍ୟଗୁଡ଼ିକ ମଧ୍ୟ ଏହାକୁ କାର୍ଯ୍ୟକାରୀ କରିବାକୁ ଇଚ୍ଛା ପ୍ରକାଶ କରିଛନ୍ତି।

ବିଭିନ୍ନ ପୃଷ୍ଠଭୂମି ପ୍ରସ୍ତୁତି ଏବଂ ଟେଣ୍ଡର ପୂର୍ବରୁ ଆବଶ୍ୟକ ଯୋଜନା କାର୍ଯ୍ୟ ହେତୁ ରାଜ୍ୟଗୁଡ଼ିକ ଦ୍ୱାରା ୨୦୨୩-୨୪ (ଇ.ଏଫ୍.ସି. ଅନୁଯାୟୀ ପ୍ରଥମ ବର୍ଷ) ସମୟରେ ୱିଣ୍ଡ୍ସ କାର୍ଯ୍ୟକାରୀ ହୋଇପାରି ନାହିଁ। ତଦନୁସାରେ, କେନ୍ଦ୍ର କ୍ୟାବିନେଟ ୯୦:୧୦ ଅନୁପାତରେ ଅଧିକ କେନ୍ଦ୍ରୀୟ ପାଣ୍ଠି ଅଂଶ ସହିତ ରାଜ୍ୟ ସରକାରଙ୍କୁ ଉପକୃତ କରିବା ଉଦ୍ଦେଶ୍ୟରେ ୨୦୨୩-୨୪ ପରିବର୍ତ୍ତେ ୨୦୨୪-୨୫କୁ ୱିଣ୍ଡସର କାର୍ଯ୍ୟକାରିତାର ପ୍ରଥମ ବର୍ଷ ଭାବରେ ଅନୁମୋଦନ କରିଛନ୍ତି।

ଉତ୍ତର-ପୂର୍ବ ରାଜ୍ୟର ସମସ୍ତ କୃଷକଙ୍କୁ ପ୍ରାଥମିକତା ଭିତ୍ତିରେ ପରିପୂର୍ଣ୍ଣ କରିବା ପାଇଁ ସମସ୍ତ ପ୍ରୟାସ କରାଯାଇଛି ଏବଂ ଆଗକୁ ମଧ୍ୟ ଜାରି ରହିବ। ଏହି ପରିପ୍ରେକ୍ଷୀରେ, କେନ୍ଦ୍ର ସରକାର ପ୍ରିମିୟମ ସବସିଡିର ୯୦ ପ୍ରତିଶତ ଉତ୍ତର-ପୂର୍ବ ରାଜ୍ୟଗୁଡ଼ିକ ସହିତ ବିତରଣ କରିଥାନ୍ତି। ତେବେ, ଏହି ଯୋଜନା ସ୍ୱେଚ୍ଛାକୃତ ହୋଇଥିବାରୁ ଏବଂ ଉତ୍ତର-ପୂର୍ବାଞ୍ଚଳର ରାଜ୍ୟଗୁଡ଼ିକରେ ମୋଟ ଶସ୍ୟ କ୍ଷେତ୍ର କମ୍ ଥିବାରୁ, ପାଣ୍ଠିର ଅପବ୍ୟବହାର ଓ ପାଣ୍ଠିର ଆବଶ୍ୟକତା ଥିବା ଅନ୍ୟ ବିକାଶମୂଳକ ପ୍ରକଳ୍ପ ଓ ଯୋଜନାଗୁଡ଼ିକୁ ଏହାର ପୁନଃ ଆବଣ୍ଟନକୁ ଏଡ଼ାଇବା ପାଇଁ ଏକ ନମନୀୟ ଆଭିମୁଖ୍ୟ ଗ୍ରହଣ କରାଯାଇଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଆଇଟି ହାର୍ଡୱେର ପାଇଁ ଉତ୍ପାଦନ ଭିତ୍ତିକ ପ୍ରୋତ୍ସାହନ (ପିଏଲଆଇ) ଯୋଜନା ୨.୦କୁ ମଞ୍ଜୁରି ମିଳିଛି। ଏହି ଯୋଜନା ପାଇଁ ମୋଟ୍‌ ୧୭ ହଜାର କୋଟି ଟଙ୍କାର ବଜେଟ୍‌ ବ୍ୟୟବରାଦ କରାଯାଇଛି।

ପରିଦୃଶ୍ୟ:

ବିଗତ ଆଠ ବର୍ଷ ମଧ୍ୟରେ ଭାରତରେ ବୈଦ୍ୟୁତିକ ସାମଗ୍ରୀ ବା ଇଲେକ୍ଟ୍ରୋନିକ୍ସ ଉତ୍ପାଦନ ୧୭% ସିଏଜିଆର ହାରରେ କ୍ରମାଗତ ଭାବେ ବୃଦ୍ଧି ପାଉଛି। ଚଳିତ ବର୍ଷ ଉତ୍ପାଦନ କ୍ଷେତ୍ରରେ ଏକ ନୂଆ ରେକର୍ଡ ପ୍ରତିଷ୍ଠା ହୋଇଛି। ଉତ୍ପାଦନ ପରିମାଣ ଚଳିତ ବର୍ଷ ୧୦୫ ବିଲିୟନ ଆମେରିକୀୟ ଡଲାର ବା ପ୍ରାୟ ୯ ଲକ୍ଷ କୋଟି ଟଙ୍କା ଅତିକ୍ରମ କରିଛି।

ଭାରତ ବିଶ୍ୱର ଦ୍ୱିତୀୟ ସର୍ବବୃହତ ମୋବାଇଲ ଫୋନ୍‌ ନିର୍ମାତାରେ ପରିଣତ ହୋଇଛି ଚଳିତ ବର୍ଷ ହୋଇପାରିଛି। ଚଳିତ ବର୍ଷ ମୋବାଇଲ ଫୋନ୍‌ ରପ୍ତାନି ପରିମାଣ ୧୧ ବିଲିୟନ ଆମେରିକୀୟ ଡଲାର (ପ୍ରାୟ ୯୦ ହଜାର କୋଟି ଟଙ୍କା) ଛୁଇଁବା ସହିତ ଏକ ବୃହତ ମାଇଲଖୁଣ୍ଟ ହାସଲ କରିଛି।

ବିଶ୍ୱ ଇଲେକ୍ଟ୍ରୋନିକ୍ସ ଉତ୍ପାଦନ ଇକୋସିଷ୍ଟମ ଭାରତକୁ ଆସୁଛି ଏବଂ ଭାରତ ଏବେ ବିଶ୍ୱର ଏକ ପ୍ରମୁଖ ବୈଦ୍ୟୁତିକ ସାମଗ୍ରୀ ନିର୍ମାତା ଭାବେ ଉଭା ହେଉଛି।

ପୂର୍ବରୁ ମୋବାଇଲ ଫୋନ ପାଇଁ ଉତ୍ପାଦନ ଭିତ୍ତିକ ପ୍ରୋତ୍ସାହନ (ପିଏଲଆଇ) ଯୋଜନା ଘୋଷଣା କରାଯାଇଥିଲା, ଏହାର ସଫଳତାକୁ ଦେଖି ଏବେ କେନ୍ଦ୍ର କ୍ୟାବିନେଟ ଆଇଟି ହାର୍ଡୱେର ପାଇଁ ପିଏଲଆଇ ଯୋଜନା ୨.୦କୁ ଅନୁମୋଦନ କରିଛନ୍ତି।

ପ୍ରମୁଖ ବୈଶିଷ୍ଟ୍ୟ:

ଆଇଟି ହାର୍ଡୱେର ପାଇଁ ଘୋଷଣା କରାଯାଇଥିବା ପିଏଲଆଇ ଯୋଜନା ୨.୦ରେ ଲାପଟପ, ଟାବଲେଟ୍‌, ଅଲ୍‌ ଇନ୍‌ ୱାନ ପିସି, ସର୍ଭର ଏବଂ ଅଲଟ୍ରା ସ୍ମଲ ଫର୍ମ ଫ୍ୟାକ୍ଟର ଡିଭାଇସଗୁଡ଼ିକୁ ସାମିଲ କରାଯାଇଛି

ଯୋଜନା ପାଇଁ ୧୭ ହଜାର କୋଟି ଟଙ୍କାର ବଜେଟ୍‌ ବ୍ୟବସ୍ଥା ହୋଇଛି

ଯୋଜନାର ଅବଧି ୬ ବର୍ଷ ରଖାଯାଇଛି

ଏହାଦ୍ୱାରା ୩.୩୫ ଲକ୍ଷ କୋଟି ଟଙ୍କାର ବର୍ଦ୍ଧିତ ଉତ୍ପାଦନ ହେବ ବୋଲି ଆଶା କରାଯାଉଛି

ଯୋଜନା କାର୍ଯ୍ୟକାରୀ ହେଲେ ମୋଟ୍‌ ୨,୪୩୦ କୋଟି ଟଙ୍କାର ବର୍ଦ୍ଧିତ ପୁଞ୍ଜିନିବେଶ ହେବ

ସେହିପରି ୭୫,୦୦୦ ପ୍ରତ୍ୟକ୍ଷ ନିଯୁକ୍ତି ସୁଯୋଗ ସୃଷ୍ଟି ହେବାର ସମ୍ଭାବନା ରହିଛି

ମହତ୍ୱ:

ସବୁ ପ୍ରମୁଖ ବୈଶ୍ୱିକ ସଂସ୍ଥା ପାଇଁ ଭାରତ ଏକ ବିଶ୍ୱସନୀୟ ଯୋଗାଣ ଶୃଙ୍ଖଳା ସହଯୋଗୀ ଭାବେ ଉଭା ହେଉଛି। ବଡ଼ ଆଇଟି ହାର୍ଡୱେର କମ୍ପାନୀମାନେ ଭାରତରେ ଉତ୍ପାଦନ କାରଖାନା ପ୍ରତିଷ୍ଠା କରିବା ଲାଗି ଆଗ୍ରହ ପ୍ରକାଶ କରୁଛନ୍ତି। ଆହୁରି ଏଥିପାଇଁ ଏକ ଦୃଢ଼ ଆଇଟି ସେବା ଉଦ୍ୟୋଗର ସମର୍ଥନ ରହିଛି ଏବଂ ଦେଶ ଭିତରେ ଏହାର ଭଲ ଚାହିଦା ରହିଛି।

ଅଧିକାଂଶ ବଡ଼ କମ୍ପାନୀ ଭାରତରେ ଥିବା କାରଖାନାରୁ ଘରୋଇ ବଜାରକୁ ସାମଗ୍ରୀ ଯୋଗାଣ କରିବା ସହିତ ଭାରତକୁ ଏକ ରପ୍ତାନି କେନ୍ଦ୍ରରେ ପରିଣତ କରିବା ଲାଗି ଆଗ୍ରହ ପ୍ରକାଶ କରିବେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଫସଫେଟ ଓ ପଟାସ ସାର ପାଇଁ ପୋଷକ ତତ୍ତ୍ବ ଆଧାରିତ ସବସିଡି ଦରକୁ ମଞ୍ଜୁରି ମିଳିଛି। ୨୦୨୨-୨୩ ରବି ଋତୁରେ ଏହି ସବସିଡି ଦର ୨୦୨୨ ଅକ୍ଟୋବର ପହିଲା ତାରିଖ ଠାରୁ ୩୧ ମାର୍ଚ୍ଚ ୨୦୨୩ ପର୍ଯ୍ୟନ୍ତ ଲାଗୁ ହେବ। ପଟାସ ଓ ଫସଫେଟ ସାରରେ ନାଇଟ୍ରୋଜେନ (ଏନ), ଫସଫରସ (ପି), ପଟାସ (କେ) ଏବଂ ସଲଫର (ଏସ) ଆଦି ବିଭିନ୍ନ ପୋଷକ ତତ୍ତ୍ବ ମିଶ୍ରଣ କରାଯିବ। ଏ ସଂକ୍ରାନ୍ତରେ ସାର ବିଭାଗ ପକ୍ଷରୁ ମିଳିଥିବା ପ୍ରସ୍ତାବକୁ କ୍ୟାବିନେଟ ମଞ୍ଜୁରି ମିଳିଛି।

ଆର୍ଥିକ ବ୍ୟୟବରାଦ:

୨୦୨୨-୨୩ ରବି ଋତୁ ପାଇଁ କ୍ୟାବିନେଟ ମୋଟ୍‌ ୫୧ ହଜାର ୮୭୫ କୋଟି ଟଙ୍କାର ସବସିଡି ମଞ୍ଜୁର କରିଛନ୍ତି। ଏଥିରେ ଫ୍ରିଟ୍‌ ବା ମାଲ ଭଡ଼ା ସବସିଡି ଜରିଆରେ ସ୍ବଦେଶୀ ସାରକୁ ଦିଆଯାଉଥିବା ସହାୟତା ସାମିଲ ରହିଛି।

ଲାଭ:

କ୍ୟାବିନେଟଙ୍କର ଏହି ନିଷ୍ପତ୍ତି ଦ୍ବାରା ୨୦୨୨-୨୩ ରବି ଋତୁରେ ସବୁ ଚାଷୀଙ୍କୁ ଶସ୍ତା/ସବସିଡି ଦରରେ ସମସ୍ତ ପିଏଣ୍ଡକେ ସାର ଉପଲବ୍ଧ ହୋଇପାରିବ ଏବଂ ଏହା କୃଷି କ୍ଷେତ୍ରକୁ ମଧ୍ୟ ସହାୟକ ହେବ। ଅନ୍ତର୍ଜାତୀୟ ବଜାରରେ ସାର ଦରରେ ଦେଖା ଦେଇଥିବା ଅସ୍ଥିରତା ଏବଂ କଞ୍ଚାମାଲର ଅଭାବ ସମସ୍ୟାକୁ କେନ୍ଦ୍ର ସରକାର ସବସିଡି ଓ ଅନ୍ୟାନ୍ୟ ସହାୟତା ମାଧ୍ୟମରେ ପ୍ରାୟତଃ ନିୟନ୍ତ୍ରଣ କରି ଆସୁଛନ୍ତି।