Tag: ଖଡିଆଳ

ଭୁବନେଶ୍ଵର: ନୂଆପଡ଼ା ଜିଲ୍ଲା ଖଡିଆଳ ଥାନା ଛକ ଠାରେ ଖଡିଆଳ କଂଗ୍ରେସ ପକ୍ଷରୁ ଏକ ବିକ୍ଷୋଭ କରି ବାବା ସାହେବ୍ ଅମର ରହେ ନାରା ଗୁଞ୍ଜରିତ ହୋଇଥିଲା। କେନ୍ଦ୍ର ଗୃହମନ୍ତ୍ରୀ ଅମିତ୍ ସାହା ରାଜ୍ୟସଭାରେ ଦେଇଥିବା ଉଦବୋଧନ ବେଳେ ବାବା ସାହେବଙ୍କ ପ୍ରତି ତାଙ୍କ ମନ୍ତବ୍ୟ ବିରୁଦ୍ଧରେ ଖଡିଆଳ କଂଗ୍ରେସ ପକ୍ଷରୁ ବିକ୍ଷୋଭ ଏବଂ ପୁତ୍ତଳିକା ଦାହ କରିଛନ୍ତି।

ବିଶେଷ ରୂପେ କଂଗ୍ରେସ ବିଧାୟକ ପ୍ରାର୍ଥୀ କମଳ ଚରଣ ତାଣ୍ଡି ନେତୃତ୍ୱରେ ଏହି ବିକ୍ଷୋଭ ସଭା ଅନୁଷ୍ଠିତ ହୋଇଅଛି। ଅନେକ କଂଗ୍ରେସ କର୍ମୀ ଯୋଗ ଦେଇଥିଲେ।

ଭୁବନେଶ୍ଵର: ନୂଆପଡ଼ା ଜିଲ୍ଲା ଖଡିଆଳ ସ୍ଥିତ କେନ୍ଦ୍ରୀୟ ବିଦ୍ୟାଳୟ ପରିସର ମଧ୍ୟରେ କେନ୍ଦ୍ରୀୟ ବିଦ୍ୟାଳୟ ୬୨ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଏହି ପ୍ରତିଷ୍ଠା ଦିବସ ରେ ମୁଖ୍ୟ ଅତିଥି ରୂପେ ବିଦ୍ୟାଳୟ ଅଧ୍ୟକ୍ଷ ସଂଜୀବ କୁମାର ସାହୁ ଯୋଗ ଦେଇ କେନ୍ଦ୍ରୀୟ ବିଦ୍ୟାଳୟ ପତାକାକୁ ଉତ୍ତୋଳନ କରିଥିଲେ। ଛାତ୍ର ଛାତ୍ରୀଙ୍କୁ ଉଦବୋଧନ ଦେଇ କେନ୍ଦ୍ରୀୟ ବିଦ୍ୟାଳୟ ପ୍ରତିଷ୍ଠା ର ମୂଳ ଲକ୍ଷ୍ଯ, ଉଦ୍ଦେଶ୍ୟ ଏବଂ ସଫଳତା ବଖାଣି ଥିଲେ। ଏହି ଅନୁଷ୍ଠାନ ଭାରତ ସରକାରଙ୍କ ଏକ ମହତ୍ତ୍ୱପୂର୍ଣ୍ଣ ଅନୁଷ୍ଠାନ ଅଟେ। ଏହି ବିଦ୍ୟାଳୟ ରେ ପଢିବା ସୁଯୋଗ ପାଉଥିବା ଛାତ୍ର ଛାତ୍ରୀଙ୍କ ମାନେ ମଧ୍ୟ ନିଜ ଜୀବନରେ ସଫଳ ନାଗରିକ ରୂପେ ବାହାରି, ଭାରତ ପାଇଁ ଗର୍ବ ଗୌରବ ଆଣିବା ରେ କାର୍ଯ୍ୟ କରିଛନ୍ତି।

କେନ୍ଦ୍ରୀୟ ବିଦ୍ୟାଳୟ ଡିସେମ୍ବର ୧୫ ତାରିଖ ୧୯୬୩ ମସିହାରେ ପ୍ରତିଷ୍ଠା ହୋଇଥିଲା। ସୈନ୍ୟ ବାହିନୀ, କେନ୍ଦ୍ର ସରକାରଙ୍କ କର୍ମଚାରୀ ସନ୍ତାନ ଅଧ୍ୟୟନ କରିଥାନ୍ତି। ବିଦ୍ୟାଳୟ ପ୍ରତିଷ୍ଠା ଦିନ ଠାରୁ ଅନେକ ସଚେତନ ନାଗରିକ ସୃଷ୍ଟି କରି ସ୍ୱର୍ଣ୍ଣିମ ଭାରତ ଗଠନରେ ଅନେକ ଉଦାହରଣ ସୃଷ୍ଟି କରିଛି।

ଏହି ଉପଲକ୍ଷେ ସମସ୍ତ ଶିକ୍ଷକ ଓ ଛାତ୍ର ଛାତ୍ରୀ ଶପଥ ପାଠ କରିଥିଲେ। ବିଦ୍ୟାର୍ଥୀମାନେ ସାଂସ୍କୃତିକ ପରିବେଷଣ ସହ ପ୍ରବୋଧ ହୋତା ଧନ୍ୟବାଦ ଦେଇଥିଲେ।

ନୂଆପଡ଼ା: ଖଡିଆଳ ସ୍ଥିତ ଭାରତୀୟ ଷ୍ଟେଟ ବ୍ୟାଙ୍କ ମୁଖ୍ୟ ଶାଖା କାର୍ଯ୍ୟାଳୟ ପରିସର ମଧ୍ୟରେ ଡିଜିଟାଲ ପେମେଣ୍ଟ ସଚେତନତା ଅଭିଯାନ ସହିତ, ୟୁପିଆଇ ଏବଂ ଡିଜିଟାଲ ଠକେଇ ନିରାକରଣ ନେଇ ଗ୍ରାହକ ଏବଂ ବ୍ୟାଙ୍କରଙ୍କ ମଧ୍ୟରେ ବୈଠକ ଅନୁଷ୍ଠିତ ହୋଇଯାଇଅଛି। ଏହି ବୈଠକରେ ଆଞ୍ଚଳିକ ପ୍ରବନ୍ଧକ ଭାରତୀୟ ଷ୍ଟେଟ୍ ବ୍ୟାଙ୍କ ବଲାଙ୍ଗୀର ପ୍ରଦ୍ୟୁମ୍ନ କୁମାର ସ୍ୱାଇଁ ଯୋଗ ଦେଇ ସଚେତନତା ଦ୍ବାରା ଗ୍ରାହକ ମାନେ ଅନେକ ଯୋଜନାର ସୁଫଳ ନେବା ସହ ଠକେଇରୁ ବଞ୍ଚିତ ହୋଇ ପାରିବେ ବୋଲି ମତବ୍ୟକ୍ତ କରିଥିଲେ। ଜିଲ୍ଲା ଶିଲପ କେନ୍ଦ୍ର ସାଧାରଣ ପ୍ରବନ୍ଧକ ସମୀର ମୁଦୁଲି, ମାର୍ଚେଣ୍ଡ ବଣିକ ସଂଘ ସଭାପତି ରଶ୍ମି ରଞ୍ଜନ ଚଲାନ, ମାର୍ଚେଣ୍ଡ ବଣିକ ସଂଘ ସମ୍ପାଦକ ସମ୍ବିଦ ପଣ୍ଡା, ଖଡିଆଳ ଭାରତୀୟ ଷ୍ଟେଟ୍ ବ୍ୟାଙ୍କ ମୁଖ୍ୟ ପ୍ରବନ୍ଧକ ଦିନେଶ କୁମାର ମିଶ୍ର ଆର ଏ ସି ସି ପ୍ରବନ୍ଧକ ଦେବାଶିଷ, ଆର୍ଥିକ ପରାମର୍ଶଦାତା ରମେଶ ଚନ୍ଦ୍ର ଠାକୁର ପ୍ରମୁଖ ଯୋଗ ଦେଇ ଆର୍ଥିକ ଉନ୍ନତି ଏବଂ ଆବିବୃଦ୍ଧି ରେ ଭାରତୀୟ ଷ୍ଟେଟ ବ୍ୟାଙ୍କ୍ ସଦାବେଳେ ସହାୟତା ର ହାତ ବଢ଼ାଇଛି ବୋଲି ମତବ୍ୟକ୍ତ କରିଥିଲେ। ଖଡିଆଳ ସାର ବଡ ବ୍ୟବସାୟୀ ଏବଂ ଗ୍ରାହକ ମାନେ ଉପସ୍ଥିତ ରହି ସୁଚିନ୍ତିତ ମତ ଦେଇଥିଲେ।

ନୂଆପଡ଼ା: ଖଡିଆଳ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ “ସ୍ୱନିଧି ରୁ ସମୃଦ୍ଧି” ଶିବିର ଅନୁଷ୍ଠିତ ହୋଇଯାଇଅଛି। ଏହି ଶିବିରରେ ଖଡିଆଳ ନଗର ଅଧ୍ୟକ୍ଷ ଉଜ୍ଜଳ ଗୁପ୍ତା ଯୋଗ ଦେଇ ସରକାରଙ୍କ ଆଠ ଗୋଟି କଲ୍ୟାଣ ଯୋଜାନ ଲାଭ ନେବାକୁ ଆହ୍ବାନ କରିଛନ୍ତି। ବିଶେଷ ରୂପେ ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା,ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା, ପ୍ରଧାନମନ୍ତ୍ରୀ ଜନ ଧାନ ଯୋଜନା, ବି ଓ ସି ଡ଼ବ୍ଲୁ ପଞ୍ଜିକରଣ, ପ୍ରଧାନମନ୍ତ୍ରୀ ଶ୍ରମ ଯୋଗୀ ମାନଧନ ଯୋଜନା, ଜନନୀ ସୁରକ୍ଷା ଯୋଜନା, ୱାନ ନେସନ୍ ୱାନ ରାସନ୍ ଯୋଜନା, ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା ଉପରେ ଲାଭ ନେବାକୁ ଆହ୍ବାନ କରିଛନ୍ତି।

ବୈଠକରେ କାର୍ଯ୍ୟ ନିର୍ବାହୀ ଅଧିକାରୀ ସ୍ବାଧୀନ ମହାରଣା, ୱାର୍ଡ ସଭ୍ୟ ସୁନିଲ କୁମାର ସାହୁ, ଲକ୍ଷଣ ଦୁରିଆ, ସମାଜ ସେବୀ ରିତେଶ ପଟ୍ଟନାୟକ, କର୍ମଚାରୀ ମାନେ ଯୋଗ ଦେଇଥିଲେ।

ଭୁବନେଶ୍ଵର: ନୂଆପଡା ଜିଲ୍ଲା ଖଡିଆଳ ଲାଲ ସାହେବ ପଡ଼ା ଠାରେ ବୁଧବାର ଦିବ୍ୟ ଅନୁଭୂତି ଭବନ ଶୁଭ ଉଦ୍ଘାଟନ ହୋଇଯାଇଅଛି। ଏହି ଦିବ୍ୟ ଅନୁଭୂତି ଭବନ କୁ ରାଜଯୋଗୀ ବି ଆର ସୁରଜ୍ ଜୀଙ୍କ ଦ୍ବାରା ଉଦ୍ଘାଟିତ ହୋଇଥିବା ବେଳେ ଖଡିଆଳ ବିଧ୍ୟାୟକ୍ ଅଧିରାଜ ପାଣିଗ୍ରାହୀ, ବ୍ଲକ ଅଧ୍ୟକ୍ଷା ପୁଷ୍ପାଞ୍ଜଳୀ ନନ୍ଦ, ନଗର ଅଧ୍ୟକ୍ଷ ଉଜ୍ଜଳ ଗୁପ୍ତା, ଖଡିଆଳ ତହସିଲଦାର ନରସିଂହ ଗଡ଼ବା ଅକ୍ଷୟ ନନ୍ଦ ପ୍ରମୁଖ ଯୋଗ ଦେଇଥିଲେ। ଆତ୍ମା ପରମାତ୍ମାର ମିଳନ ନେଇ ଆନ୍ତର୍ଜାତିକ ମୁଖ୍ୟ କାର୍ଯ୍ୟାଳୟ ମାଉଣ୍ଟଟାବୁରୁ ଆସିଥିବା ରାଜଯୋଗୀ ବି ଆର ସୁରଜ୍ ଜୀ ଯୋଗ ଦେଇ ଜୀବନ, ମୃତ୍ୟୁ ଏବଂ ପୁନର୍ଜନ୍ମ,ବର୍ତ୍ତମାନ ବିଷୟ ନେଇ ସମୀକ୍ଷା କରିଥିଲେ।

ଆତ୍ମହତ୍ୟା ଭଳି ନକାରାର୍ତ୍ମକ ଚିନ୍ତା ଏବଂ ଚେତନା ନେଇ ଯୁବ ପୀଢ଼ି ନିଜ ଜୀବନ ସହ ଖେଳ ଖେଳୁଛନ୍ତି। ଯାହାକି ମହାପାପ ଅଟେ। ତେଣୁ ଶାନ୍ତି ର ଅନ୍ୱେଷଣ କରିବାକୁ ଯାଇ ସରଳ ନିଷ୍କପଟ ଜୀବନ ବିତାଇଲେ ନିଶ୍ଚିତ ରୂପେ ସଫଳତା ମିଳିଥାଏ।

ସମାଜକୁ ପ୍ରେରଣା ସ୍ୱରୂପ ଗୋଟିଏ ପଥ ବନ୍ଦ ହେଲେ ଅନେକ ଦ୍ୱାର ଖୋଲି ଥାଏ। ସେହି ଦ୍ଵାର ଜୀବନରେ ନୂତନ ଆଶା ଓ ଆକାଂକ୍ଷା,ସଫଳତା ନେଇ ଆସିଥାଏ ବୋଲି ଏକ ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଛନ୍ତି। ରାଜଯୋଗୀ ସୁମିତ ଜି, ରୁପେଶ ଜି, ଗୀତା ଦିଦି, ଯୋଗ ଦେଇଥିଲେ।

ଖଡିଆଳ: ଶ୍ରୀଜି ମଣ୍ଡପ ଠାରେ ଭାରତୀୟ ଜନତା ପାର୍ଟି କୃଷକ ମୋର୍ଚ୍ଚା ପକ୍ଷରୁ ମଣ୍ଡିରେ ଧାନ ସଂଗ୍ରହ ଅଭିଯାନ ସାଙ୍ଗକୁ ସଦସ୍ୟତା ଅଭିଯାନର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଅଛି। ସଭାରେ କୃଷକ ମୋର୍ଚ୍ଚା ରାଜ୍ୟ ସଭାପତି ମହେଶ୍ୱର ସାହୁ ଯୋଗ ଦେଇ ରାଜ୍ୟରେ କୃଷକଙ୍କ ଉତ୍ପାଦିତ ଧାନ କୁ ସରକାର ସଂଗ୍ରହ କରି ସମ୍ମାନର ସହ ୪୮ ଘଣ୍ଟା ମଧ୍ୟରେ ତାଙ୍କ ଧାନ ଟଙ୍କା ବ୍ୟାଙ୍କ୍ ଖାତାରେ ଜମା ହେବ ବୋଲି ପ୍ରକାଶ କରିଥିଲେ। ଧାନ ମଣ୍ଡିରେ କଟଣୀ ଛ ବନ୍ଦ ହେବା ସହ କୃଷକ ମୋର୍ଚ୍ଚା କର୍ମୀ ମାନେ ମଣ୍ଡି ଜଗି ଚୌକିଦାର ଦାୟିତ୍ବ ନିର୍ବାହ କରିବେ ବୋଲି ପ୍ରକାଶ କରିଛନ୍ତି।

ରାଜ୍ୟ କୃଷକ ମୋର୍ଚ୍ଚା ଉପସଭାପତି ପୁଳିନ ପ୍ରକାଶ କୁହାନ, ରାଜ୍ୟ ସମ୍ପାଦକ ପ୍ରଶାନ୍ତ କୁମାର ସ୍ବାଇଁ, ରାଜ୍ୟ କାର୍ଯ୍ୟ କାରିଣୀ ସଦସ୍ୟ ସଭାପତି ଦେବ ଦେବ ସିଂ ଦେଓ,ରାଜ୍ୟ କାର୍ଯ୍ୟ କାରିଣୀ ସଦସ୍ୟ ଯଦୁମଣି ପାଣିଗ୍ରାହୀ, ଜିଲ୍ଲା କୃଷକ ମୋର୍ଚ୍ଚା ସଭାପତି ଗୋବର୍ଦ୍ଧନ ସାହୁ, ଜିଲ୍ଲା କୃଷକ ମୋର୍ଚ୍ଚା ସାଧାରଣ ସମ୍ପାଦକ ସୁଶାନ୍ତ ବିଶି, ବରିଷ୍ଠ ଚାଷୀ ସଂଜୟ ତିୱାରୀ, ପ୍ରମୁଖ ଯୋଗ ଦେଇଥିଲେ।