କନ୍ଦର୍ପ ବେହେରା
ରେଢାଖୋଲ: ଆଜି ଖଲାଶୁଣି ଅଭୟାରଣ୍ୟର କେନ୍ଦୁମୁଣ୍ଡା ଅଂଚଳରୁ ବାରହା ମାଂସ ସହ ୨ ଜଣଙ୍କୁ ବନବିଭାଗ ଗିରଫ କରିଛି।
ବନବିଭାଗ ସୂତ୍ରରୁ ପ୍ରକାଶ ଯେ, ଖଲାଶୁଣି ଅଭୟାରଣ୍ୟର ହିକପାଲି ବିଟ୍ ଅନ୍ତର୍ଗତ କେନ୍ଦୁମୁଣ୍ଡା ସଂରକ୍ଷିତ ଜଙ୍ଗଲରେ ଗୁଳା ପକାଇ ବାରହା ମାରି ତାର ମାଂସକୁ କାଟୁ ଥିବା ସମୟରେ ବନବିଭାଗ କୌଣସି ସୂତ୍ରରୁ ଖବର ପାଇ ସେଇ ଜଙ୍ଗଲକୁ ଯାଇ ଚଢଉ କରିଥିଲା। ଚଢଉ କରି ସେମାନଙ୍କ ପାଖରୁ ୨୧ କେଜି ବାରହା ମାଂସ ସହ ଟାଙ୍ଗିଆ , କଟୁରୀ ଆଦି ଜବତ କରିଥିଲା ବନବିଭାଗ।
ଅଭିଯୁକ୍ତଦ୍ୱୟ ହେଲେ କିସିଣ୍ଡା ଥାନା ଜେମାଯୁରୀ ଗ୍ରାମର ସୁରେଶ ଖାଲକୋ(୪୨) ଏବଂ ଭଗବାନ କିସାନ (୨୬)। ଅଭିଯୁକ୍ତ ଦ୍ୱୟଙ୍କୁ ଆସନ୍ତା କାଲି କୋର୍ଟ ଚାଲାଣ କରାଯିବ ବୋଲି ବନବିଭାଗ ପ୍ରକାଶ କରିଛି।
ଏହି ଚଢଉରେ ବନବିଭାଗର ଫରେଷ୍ଟର ଭୂବନେଶ୍ୱର ପାଣି , ଫରେଷ୍ଟ ଗାର୍ଡ ନିହାର ରଞନ ବଡପଣ୍ଡା ଏବଂ ବନବିଭାଗର ଅନ୍ୟକର୍ମଚାରି ଅଜିତ୍ କୁମାର ସାହୁ ଏବଂ କିଶୋର କବାଟ ସାମିଲ୍ ହୋଇଥିଲେ।