ଭୁବନେଶ୍ଵର: ନୂଆପଡା ଜିଲ୍ଲା କେଶରାଜପୁର ଆଦର୍ଶ ବିଦ୍ୟାଳୟ ଠାରେ ଖାଦ୍ୟ ମହୋତ୍ସବ ପାଳିତ ହୋଇଥିଲା। ବିଦ୍ୟାଳୟର ଅଧ୍ୟକ୍ଷ ଚିତ୍ତ ରଞ୍ଜନ ମଟାରୀଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ବିଦ୍ୟାଳୟ ଛାତ୍ରଛାତ୍ରୀ ମାନେ ବିଭିନ୍ନ ରକମର ଖାଦ୍ୟ ଆଣି ପ୍ରଦର୍ଶନ କରିଥିଲେ।
ଆଜିର ଦିନକୁ ଚାଷୀର ଅବଦାନକୁ ମନେ ପକାଇ, ଖାଦ୍ୟ ଅପଚୟକୁ ହ୍ରାସ କରିବା ଏବଂ ଏକ ସୁସ୍ଥ ଓ ଉତ୍ପାଦନକାରୀ ଓଡ଼ିଶା ପାଇଁ ପର୍ଯ୍ୟାପ୍ତ ପରିମାଣର ପୁଷ୍ଟିକର ଏବଂ ନିରାପଦ ଖାଦ୍ୟ ସମସ୍ତଙ୍କ ପାଇଁ ଉପଲବ୍ଧ ହେଉ ବୋଲି ବିଦ୍ୟାଳୟର ଶିକ୍ଷକ ମାନେ ମତ ଦେଇଥିଲେ।
ବିଚାରପତି ମଣ୍ଡଳୀ ଭାବରେ ଅନିମା ବାରିକ, ସନ୍ତୋଷ କୁମାର ଦାସ, ସାର୍ଥକ ସାରଥି ସିଂ, ଆକାଶ ମୁଣ୍ଡା, ସାଗର ମହାନ୍ତି, ଲିଲି ପଟେଲ, ଜିତେନ୍ଦ୍ର ନାଥ ଗହୀର ଚୟନ କରା ଯାଇଥିଲା। କୃତି ଛାତ୍ରଛାତ୍ରୀଙ୍କୁ ବାର୍ଷିକ ଉତ୍ସବ ଦିନ ପୁରସ୍କାର ବିତରଣ କରାଯିବ ବୋଲି ସ୍ଥିର ହୋଇଛି।