Tag: ଖ୍ରୀଷ୍ଟିଆନ

ନୂଆଦିଲ୍ଲୀ: କେରଳର କଂଭେସନାଲ ସେଣ୍ଟରର ଖ୍ରୀଷ୍ଟିଆନ ସମାବେଶରେ ହୋଇଥିବା ବଡ଼ ଧରଣର ବିସ୍ଫୋରଣ ଘଟିଛି। ଏହା ସମ୍ପର୍କରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କେରଳର ମୁଖ୍ୟମନ୍ତ୍ରୀ ପିନରାଇ ବିଜୟଙ୍କ ସହ କଥା ହୋଇଛନ୍ତି। ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବାକୁ ଗୃହମନ୍ତ୍ରୀ ପ୍ରତିଶୃତି ଦେଇଛନ୍ତି। ବିସ୍ଫୋରଣ ସମୟରେ ସେଠାରେ ପ୍ରାୟ ୨୫୦୦ ଲୋକ ଉପସ୍ଥିତ ଥିଲେ।

ବେଙ୍ଗାଲୁରୁ: ଦେଶରେ ଏମିତି ଏକ ଦିନ ଆସିବ, ଯେଉଁଦିନ ସମସ୍ତ ମୁସଲମାନ ଏବଂ ଖ୍ରୀଷ୍ଟିଆନ ଆରଏସଏସରେ ଯୋଗଦେବେ। ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା କର୍ଣ୍ଣାଟକ ଗ୍ରାମ୍ୟ ଉନ୍ନୟନ ମନ୍ତ୍ରୀ କେ ଈଶ୍ବରପ୍ପା ବିଧାନସଭାରେ ଏଭଳି ଏକ ବିବୃତ୍ତି ରଖିଛନ୍ତି। ଏହି ବିବୃତ୍ତି ବିଧାନସଭାରେ ଏକ ଆଲୋଚନା ସମୟରେ ଆସିଥିଲା, ​​ଯେତେବେଳେ ବାଚସ୍ପତି ବିଶ୍ୱ ହେଗଡେ କାଗେରୀ “ଆମର ଆରଏସଏସ” ଶବ୍ଦ ବ୍ୟବହାର କରିଥିଲେ ଏବଂ କହିଥିଲେ ଯେ ଗୋଟିଏ ଦିନ ଆସିବ ଯେତେବେଳେ ବିରୋଧୀ ଦଳର ବିଧାୟକମାନେ ମଧ୍ୟ ସମାନ କଥା କହିବେ। ତେବେ କଂଗ୍ରେସ ସଦସ୍ୟମାନେ ଏହାକୁ ନେଇ ବିରୋଧ କରିଥିଲେ।

କଂଗ୍ରେସର କିଛି ବିଧାୟକ ଏହାକୁ ଦେଶ ପାଇଁ ଦୁର୍ଭାଗ୍ୟ ବୋଲି କହିଥିଲେ। ଏଥିରେ ହସ୍ତକ୍ଷେପ କରି ରାଜସ୍ୱ ମନ୍ତ୍ରୀ ଆର ଅଶୋକ କହିଥିଲେ ଯେ, ଆରଏସଏସ ‘ସର୍ବବ୍ୟାପୀ ଏବଂ ସ୍ପର୍ଶକାତର’ ହୋଇଛି। ସେ କହିଥିଲେ ଯେ, ଆମର ରାଷ୍ଟ୍ରପତି, ଉପରାଷ୍ଟ୍ରପତି, ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ସମସ୍ତେ ଆରଏସଏସରୁ ଆସିଛନ୍ତି, ବର୍ତ୍ତମାନ ସମସ୍ତଙ୍କୁ ଏହାକୁ ଗ୍ରହଣ କରିବାକୁ ପଡିବ … ଏହା ଆମର ଭାଗ୍ୟ।