ମୁମ୍ବାଇ: ଗହନା ବଶିଷ୍ଠଙ୍କ ବିରୋଧରେ ମୁମ୍ବାଇ ପୋଲିସ ତିନୋଟି କେସ ପଞ୍ଜିକରଣ କରିଛି। ବର୍ତ୍ତମାନ ଗହନା ତୃତୀୟ ଏଫ୍ଆଇଆର୍ ପାଇଁ ଆଗୁଆ ଜାମିନ ଆବେଦନ କରିଛନ୍ତି। ଗହନାଙ୍କ ଓକିଲ ସୁନୀଲ କୁମାର କହିଛନ୍ତି ଯେ, ସେ ଚାରି ମାସ ଜେଲରେ ଅଛନ୍ତି ଏବଂ ପ୍ରଥମ ଦୁଇଟି ମାମଲା ପାଇଁ ଜାମିନ ପାଇଛନ୍ତି।
୩୩ ବର୍ଷିୟା ଗହନାଙ୍କୁ ରାଜ କୁନ୍ଦ୍ରା ଅଶ୍ଳୀଳ ଭିଡ଼ିଓ ମାମଲାରେ ପୋଲିସ ଅଭିଯୁକ୍ତ କରିଥିଲା, ଯେଉଁଥିପାଇଁ ରାଜ ବର୍ତ୍ତମାନ ଜେଲ ହାଜତରେ ଅଛନ୍ତି। ନିକଟରେ ରାଜ କୁନ୍ଦ୍ରାଙ୍କ ମାମଲାରେ ଏକ ବୟାନ ଦେବାକୁ ଗହନାଙ୍କ ନିକଟକୁ ମୁମ୍ବାଇ ପୋଲିସ ପକ୍ଷରୁ ସମନ ପଠାଯାଇଥିଲା। ତେବେ ଅସୁସ୍ଥତା ଦର୍ଶାଇ ଗହନା କହିଛନ୍ତି ଯେ, ସେ ବର୍ତ୍ତମାନ ଆସି ପାରିବେ ନାହିଁ। ଏହାର ଗୋଟିଏ ଦିନ ପରେ, ଜୁଲାଇ ୨୭ ରେ, ଜଣେ ମହିଳା ଗହନା ଏବଂ ଅନ୍ୟ କେତେକଙ୍କ ବିରୋଧରେ ଏକ ନୂଆ ମାମଲା ଦାୟର କରିଥିଲେ। ମହିଳା ଜଣକ ନିଜକୁ ଗଣଦୁଷ୍କର୍ମର ଶିକାର ବୋଲି କହୁଛନ୍ତି।
ମହିଳାଙ୍କ ଯୌନ ଶୋଷଣ ଅଭିଯୋଗ:
କିଛି ମାସ ପୂର୍ବରୁ ଫେବୃଆରୀ ୬ ତାରିଖରେ ଗହନା ବଶିଷ୍ଠଙ୍କୁ ଗିରଫ କରାଯାଇଥିଲା। ପ୍ରକୃତରେ ଜଣେ ମହିଳା ଅଭିଯୋଗ କରିଥିଲେ ଯେ ୱେବ୍ ସିରିଜରେ କାମ ଦେବା ବାହାନା କରି ତାଙ୍କୁ ଯୌନ ଶୋଷଣ କରାଯାଇଥିଲା। ଏହି ମାମଲାରେ ମାର୍ଚ୍ଚରେ ଦାଖଲ ହୋଇଥିବା ଗହନାଙ୍କ ଜାମିନ ଆବେଦନ ପ୍ରତ୍ୟାଖ୍ୟାନ କରାଯାଇଥିଲା। ତା’ପରେ ଜୁନ୍ ୧୮ ତାରିଖରେ ସେ ଜାମିନ ପାଇଥିଲେ। ବର୍ତ୍ତମାନ ଗହନାଙ୍କ ବିରୋଧରେ ହୋଇଥିବା ନୂଆ ମାମଲାରେ ତାଙ୍କ ଓକିଲ କହିଛନ୍ତି, ‘ମୁମ୍ବାଇ ପୋଲିସ ପ୍ରଥମେ ନିଷ୍ପତ୍ତି ନେବ ଯେ ଗହନା ଜଣେ ଅଭିଯୁକ୍ତ ନା ସାକ୍ଷୀ। କିନ୍ତୁ ଧାରା ୪୧-ଏ ଅନୁଯାୟୀ ଆମକୁ ନୋଟିସ୍ ମିଳିଥିବାରୁ ଆମେ ଏକ ଜାମିନ ଆବେଦନ କରିଛୁ।