Tag: ଗାଁ ସାଥୀ

ଭୁବନେଶ୍ବର:  ପାଞ୍ଚ ଦଫା ଦାବ ନେଇ ଆଜି ଭୁବନେଶ୍ବରରେ ଗାଁ ସାଥୀ ପ୍ରତିବାଦ କରିବା ସହିତ ମାନବ ଶୃଙ୍ଖଳ କରିଥିଲେ। ମୁଖ୍ୟତଃ ଏହି ଗାଁ ସାଥୀ ଦାର୍ଘ ବର୍ଷ କାର୍ଯ୍ୟ କରୁଥିଲେ ମଧ୍ୟ ସରକାର ସେମାନଙ୍କ ଉଚିତ ପ୍ରାପ୍ୟ ଦେଉ ନାହାଁନ୍ତି। ସେଥିପାଇଁ ସେମାନେ ରାମମନ୍ଦିର ଛକଠାରୁ ନବୀନ ନିବାସ ଯାଏ ମାନବ ଶୃଙ୍ଖଳ କରି ଛିଡା ହୋଇଥିଲେ।

ମୁଖ୍ୟତଃ ସେମାନେ ଦୀର୍ଘ ବର୍ଷ ଧରି କାର୍ଯ୍ୟ କରୁଥିଲେ ମଧ୍ୟ ସରକାର ଏ ପର୍ଯ୍ୟନ୍ତ ତାଙ୍କୁ ସ୍ଥାୟୀ କରି ନାହାଁନ୍ତି। ସେଥିପାଇଁ ସେମାନଙ୍କୁ ସ୍ଥାୟୀ ନିଯୁକ୍ତି ସହିତ ମାସିକ ଆଠ ହଜାର ଟଙ୍କା ପାରିଶ୍ରମିକ ଦେବା ପାଇଁ ମୁଖ୍ୟମନ୍ତ୍ରୀଙ୍କ ନିକଟରେ ଦାବୀ କରିଛନ୍ତି। ଏହି ପ୍ରତିବାଦରେ ରାଜ୍ୟ ପ୍ରାୟ ଏକଶହ ଟି ସଂଘ ଯୋଗ ଦେଇଥିଲେ। ସେମାନେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକ ପତ୍ର ପ୍ରଦାନ କରିଛନ୍ତି।

ଭୁବନେଶ୍ବର: ଆଜି ଭୁବନେଶ୍ବରରେ ବରଗଡ ଜିଲ୍ଲାର ଗାଁସାଥୀମାନେ ଅଭିନବ ଢଙ୍ଗର ପ୍ରତିବାଦ କରିଛନ୍ତି। ସେମାନେ ପରିବା ଡାଲା ଧରି ଟଙ୍କାରେ ଚାଉଳ ଦେବା ପରି ପରିବା ଦିଆଯାଉ ବୋଲି ଦାବୀ କରିଥିଲେ। ଏମାନେ ପିଏମଜି ଛକରୁ ନବୀନ ନିବାସ ଆଡକୁ ଯାଉଥିବା ବେଳେ ପୋଲିସ ତାଙ୍କୁ ବାଟର ଅଟକାଇ ଥିଲା।

ମୁଖ୍ୟତଃ ରାଜ୍ୟ ସରକାର ଗାଁ ସାଥୀଙ୍କୁ ଅବହେଳା କରିଆସୁଛନ୍ତି ବୋଲି ସେମାନେ ଅଭିଯୋଗ କରିଛନ୍ତି। ସରକାର ଶିଘ୍ର ସେମାନଙ୍କ ପ୍ରତ୍ସୋହନ ରାଶି ଆଠ ହଜାର ଟଙ୍କା କରିବା, କୋଭିଡ ସହାୟତା ପ୍ରଦାନ, ବେରୋଜଗାର ଭତ୍ତା ଯୋଗାଇବାକୁ ଦାବୀ କରିଛନ୍ତି।

ରାଜ୍ୟ ସରକାର ଏହା ନ ଶୁଣିଲେ ଆସନ୍ତା ଡିସେମ୍ବର 1 ତାରିଖରୁ ବିଧାନସଭା ଆଗରେ ଅନଶନ କରାଯିବ ବୋଲି ଧମକ ଦେଇଛନ୍ତି। ଏପରିକି ଛଅ ତାରିଖରେ ରାଜଧାନୀରେ ଏକ ବିଶାଳ ରାଲି କରାଯିବ ବୋଲି ଗାଁ ସାଥୀ ସଂଘ ତରଫରୁ ଦାବୀ କରାଯାଇଛି।