ଲକ୍ଷ୍ନୌ: ଭାରତୀୟ ଜନତା ପାର୍ଟି ଛାଡି ସମାଜବାଦୀ ପାର୍ଟିରେ ଯୋଗ ଦେଇଥିବା ସ୍ୱାମୀ ପ୍ରସାଦ ମୌର୍ଯ୍ୟ ବିଜେପି ବିରୋଧରେ ଏକ ବଡ ଅଭିଯୋଗ ଆଣିଛନ୍ତି। ଆଜି ସେ ଏକ ଟ୍ୱିଟରେ ଦାବି କରିଛନ୍ତି ଯେ, ବିଜେପି କର୍ମୀମାନେ ତାଙ୍କୁ ଏବଂ ତାଙ୍କ ଶୋଭାଯାତ୍ରାରେ ଥିବା ଗାଡିଗୁଡ଼ିକୁ ଭଙ୍ଗାରୁଜା କରିଛନ୍ତି। ରୋଡ ସୋ ସମୟରେ ବିଜେପି ଦ୍ୱାରା ଆକ୍ରମଣ ହୋଇଥିବା ସ୍ଵାମୀ ପ୍ରସାଦ ମୌର୍ଯ୍ୟ ଅଭିଯୋଗ କରିଛନ୍ତି। ଏହି ଘଟଣାକୁ ନିନ୍ଦା କରିବା ସହ ଠେଙ୍ଗା, ବାଡ଼ି ଏବଂ ହିଂସା ଦ୍ୱାରା ଗଣତନ୍ତ୍ର ଦୁର୍ବଳ ହୋଇପାରିବ ନାହିଁ ବୋଲି ସେ କହିଛନ୍ତି।
ମୌର୍ଯ୍ୟଙ୍କ ଅଭିଯୋଗ ଅନୁଯାୟୀ, “ସୁରକ୍ଷା ଦୃଷ୍ଟିରୁ କୁଶୀନଗରେ ପ୍ରଚାର ବେଳେ ମୁଁ ଅନ୍ୟ ଏକ କାରରେ ବସିଥିଲି। ବିଜେପି କର୍ମୀମାନେ ସେଠାରେ ବାଡ଼ି, ପଥର ଓ ଅସ୍ତ୍ରଶସ୍ତ୍ର ଧରି ବସିଥିଲେ। ସେମାନେ ମୋ କାର ଉପରେ ଆକ୍ରମଣ କରିଥିଲେ। ଏଭଳି ଘଟଣା ବିଜେପିର ସଂରକ୍ଷଣରେ କରାଯାଉଛି ବୋଲି ସେ ଅଭିଯୋଗ କରିଛନ୍ତି।