ଭୁବନେଶ୍ବର: ଆଜି ଗାନ୍ଧି ଜୟନ୍ତୀ ଅବସରରେ ଏକ ସଂକଳନ ପୁସ୍ତକକୁ ଉନମୋଚନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଯାହାର ନାମ ରହିଛି ‘ଗାନ୍ଧିଜୀ ଇନ ଓଡିଶା’। ଏହି ସଂକଳନକୁ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ତରଫରୁ ପୁନଃପ୍ରକାଶିତ କରାଯାଇଛି। ଏହି ପୁସ୍ତକରେ ବିଭିନ୍ନ ସମୟରେ ମହାତ୍ମା ଗାନ୍ଧିଙ୍କ ଓଡିଶା ଗସ୍ତ ସଂପର୍କରେ ଉଲ୍ଲେଖ କରାଯାଇଛି।
ମହାତ୍ମା ଗାନ୍ଧିଙ୍କ ଓଡିଶା ଆଗମନ ସମୟରେ ସେ କଣ କଣ କାର୍ଯ୍ୟ କରିଥିଲେ, ତାଙ୍କୁ କିପରି ସମ୍ବର୍ଦ୍ଧିତ କରାଯାଇଥିଲା ସେ ସଂପର୍କରେ ଅବଗତ କରାଯାଇଛି। ଏଥିସହିତ ଗାନ୍ଧି କେଉଁ ସମୟରେ କଣ କଣ ଭାଷଣ ଦେଇଥିଲେ ତାହାକୁ ଏହି ସଂକଳନରେ ସ୍ଥାନିତ କରାଯାଇଛି।