ଗାନ୍ଧୀ ନଗର: ଗୁଜୁରାଟର ଗାନ୍ଧୀ ନଗର ମହାନଗର ନିଗମରେ ବିଜେପି ସ୍ପଷ୍ଟ ଭାବେ ଜିତୁଥିବା ଜଣାପଡିଛି। ଏପର୍ଯ୍ୟନ୍ତ ଘୋଷିତ ୨୪ ଟି ଆସନ ମଧ୍ୟରୁ ବିଜେପି ୨୩ ଟି ଆସନରେ ଜିତିଛି। ତେବେ ଏହି ନିର୍ବାଚନର ମୋଟ ଆସନ ସଂଖ୍ୟା ୪୪ ରହିଥିବା ବେଳେ ଅବଶିଷ୍ଟ ଆସନରେ ବିଜେପି ପ୍ରାର୍ଥୀମାନେ ମଧ୍ୟ ଆଗରେ ଅଛନ୍ତି। ଗତ ଚାରିଟି ନିର୍ବାଚନରେ ବିଜେପି ଏଠାରେ ସଂଖ୍ୟାଗରିଷ୍ଠତା ହାସଲ କରିପାରିନଥିଲା, କିନ୍ତୁ ପ୍ରତ୍ୟେକ ଥର ମେୟର ବିଜେପିରୁ ନିର୍ବାଚିତ ହୋଇଥିଲେ। ଗତ ଥର ଉଭୟ ବିଜେପି ଏବଂ କଂଗ୍ରେସ ୧୫-୧୫ ଟି ଆସନ ପାଇଥିଲେ ମଧ୍ୟ କଂଗ୍ରେସ ମେୟର ପ୍ରାର୍ଥୀ ବିଜେପିରେ ଯୋଗ ଦେଇଥିଲେ।
ଉଲ୍ଲେଖ ଯୋଗ୍ୟ ଯେ, ଗାନ୍ଧିନଗରରେ ମୋଟ ୧୬୧ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରିଥିଲେ। ଯେଉଁଥିରେ ବିଜେପି ଏବଂ କଂଗ୍ରେସ ସମସ୍ତ ୪୪ ଟି ଆସନ ଏବଂ ଆପ ୪୦ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିଲେ। ତିନୋଟି ପୌରପାଳିକାରେ ୭୮ ଟି ଆସନ ପାଇଁ ୨୦୫ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରିଥିଲେ, ସେଥିମଧ୍ୟରୁ ବିଜେପିରୁ ୭୮, କଂଗ୍ରେସରୁ ୭୨ଏବଂ ଆପରୁ ରୁ ୫୨ ଜଣ ପ୍ରତିଦ୍ୱନ୍ଦ୍ୱିତା କରିଥିଲେ।