Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଦେଶରେ ପ୍ରସ୍ତୁତ ବାୟୋଲୋଜିକାଲ-ଇ ଟୀକା ହେବ ୯୦ ପ୍ରତିଶତ ପ୍ରଭାବୀ!: କରୋନା ଲଢେଇ ପାଇଁ ହୋଇପାରେ ଗେମଚେଞ୍ଜର

ନୂଆଦିଲ୍ଲୀ: ଦେଶରେ ନିର୍ମିତ ବାୟୋଲୋଜିକାଲ-ଇ ଟୀକା କୋଭିଡ଼ ବିରୋଧରେ ୯୦ ପ୍ରତିଶତ ପ୍ରଭାବୀ ହେବ ବୋଲି ସମ୍ଭାବନା ରହିଛି। ଏହା କରୋନା ମହାମାରୀ ବିରୋଧ ଲଢେଇରେ ଗେମ ଚେଞ୍ଜର ହୋଇପାରେ। ସରକାରଙ୍କ ପରାମର୍ଶଦାତା କମିଟିକୁ ଦେଶର ଜଣେ ବରିଷ୍ଠ ଡାକ୍ତର ଏନେଇ ଏହି ଅବଗତ କରାଇଛନ୍ତି।

କେନ୍ଦ୍ର ସରକାରର କୋଭିଡ଼ ୱାର୍କିଂ ଗୃପର ଅଧ୍ୟକ୍ଷ ଏନକେ ଅରୋରା କହିଛନ୍ତି ଯେ, ଏହି ଟୀକା ତୃତୀୟ ପର୍ଯ୍ୟାୟ ପରୀକ୍ଷଣରେ ପହଞ୍ଚି ସାରିଛି। ଏବଂ ଏହା ଅକ୍ଟୋବର ମାସରେ ଉପଲବ୍ଧ ହୋଇପାରିବ। ଡା. ଅରୋରାଙ୍କ ଅନୁସାରେ, ବାୟୋଲୋଜିକାଲ-ଇ ଟୀକାକୁ କୋର୍ବେଭାକ୍ସ କୁହାଯିବ ଏବଂ ଏହା ନୋଭାଭାକ୍ସ ଭଳି ହେବ।

ସେହିହାଳି କମ୍ପାନୀର ସୂଚନା ଅନୁଯାୟୀ, କୋଭିଡ଼ର ଭ୍ୟାରିଏଣ୍ଟ ବିରୋଧରେ ନୋଭାଭାକ୍ସ ୯୦ ପ୍ରତିଶତରୁ ଅଧିକ ପ୍ରଭାବୀ। ନୋଭାଭାକ୍ସକୁ ଦେଶରେ ସିରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଦ୍ଵାରା ପ୍ରସ୍ତୁତ କରାଯିବ। ବର୍ତ୍ତମାନ ଏହି କମ୍ପାନୀ ଅକ୍ସୋଫୋର୍ଡ-ଆଷ୍ଟ୍ରୋଜୋନିକାର କୋଭିଷିଲ୍ଡ ଟୀକା ପ୍ରସ୍ତୁତ କରୁଛି।