Tag: ଗୋଳନ୍ଥରା ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋଳନ୍ଥରା ଥାନା ପୋଲିସ୍ ସୁନା ଚେନ ଲୁଟ ଅଭିଯୋଗରେ ରଞ୍ଜନ ସାହୁ ଓ ମୁରଲୀ ସେଠୀ ନାମକ ଦୁଇ ଯୁବକକୁ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କ ଠାରୁ ସୁନା ଚେନ କିଣିଥିବା ଅଭିଯୋଗରେ ଗୋବର୍ଦ୍ଧନ ନାୟକ ନାମକ ଜଣେ ଯୁବକକୁ ପୋଲିସ ଗିରଫ କରିଛି।

ଘଟଣାରୁ ପ୍ରକାଶ ଯେ, ଗୋଳନ୍ଥରା ଥାନା ଅର୍ନ୍ତଗତ ସୁମାଣ୍ଡି ଗ୍ରାମର ଆପନ୍ନା ପାତ୍ର ଓ ପତ୍ନୀ ସଙ୍ଗୀତା ପାତ୍ର କୌଣସି କାମରେ ବ୍ରହ୍ମପୁର ଆସି ପୁଣି ନିଜ ଗ୍ରାମକୁ ଫେରୁଥିବା ବେଳେ ହଳଦିଆ ପଦର ଓଭରବ୍ରିଜ୍ ଉପରେ ଦୁଇ ଯୁବକ ଆସି କଥାବାର୍ତ୍ତା ଆଳ ଦେଖାଇ ସଙ୍ଗୀତା ପିନ୍ଧିଥିବା ସୁନା ଚେନ ଝାମ୍ପି ଘଟଣାସ୍ଥଳରୁ ଚମ୍ପଟ୍ ମାରିଥିଲେ। ଏନେଇ ଆପନ୍ନା ପାତ୍ର ଗୋଳନ୍ଥରା ଥାନାରେ ଅଭିଯୋଗ କରିଥିଲେ। ପୋଲିସ ଅଭିଯୋଗ ଗ୍ରହଣ କରି ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲେ।

ଉକ୍ତ ଦୁଇ ଯୁବକକୁ ଉଠେଇ ଆଣି ଜେରା କରିବା ବେଳେ ସେମାନଙ୍କ ଠାରୁ ପ୍ରାୟ ୮୦ ଗ୍ରାମର ସ୍ବର୍ଣ୍ଣ ଅଳଙ୍କାର, ୩ଟି ମୋବାଇଲ ଫୋନ, ଗୋଟିଏ ଦାମୀ ମୋଟରସାଇକେଲ ଜବତ କରିଛନ୍ତି। ସୁଚନା ଅନୁଯାୟୀ, ଗିରଫ ୩ ଯୁବକ ସମସ୍ତେ ଜରଡା ଥାନା ଅଞ୍ଚଳର ବାସିନ୍ଦା।

ବ୍ରହ୍ମପୁର(କୈଳାସ ଚନ୍ଦ୍ର ଚୌଧୁରୀ): ଗତ ୭ ତାରିଖ ସନ୍ଧ୍ୟାରେ ଗୋଳନ୍ଥରା ଥାନା ଅର୍ନ୍ତଗତ ହଳଦିଆ ପଦର ଠାରେ ଘଟିଯାଇଥିବା ମାରଣାନ୍ତକ ଆକ୍ରମଣ ଘଟଣାରେ ପୋଲିସ ବିଭିନ୍ନ ସ୍ଥାନରେ ଛାନବିନ୍ କରି ୩ ଅଭିଯୁକ୍ତ ଯଥା ସୁବାଷ ଦାସ୍, ସଦାନନ୍ଦ ଦାସ ଓ ଆଶିଷ ଦଳେଇ କୁ କେଶପୁର ଟୋଲ୍ ଗେଟ୍ ନିକଟରୁ କାବୁ କରି ବିଭିନ୍ନ ଅପରାଧୀକ ମାମଲାରେ ଗିରଫ କରିଛି। ଏତଦବ୍ୟତୀତ ଉକ୍ତ ଅଭିଯୁକ୍ତଙ୍କ ନିକଟରୁ ଦୁଇଟି ଖଣ୍ଡା ଓ ଦୁଇଟି ମୋଟରସାଇକେଲ ଜବତ କରିଛନ୍ତି। ଏଥି ସହିତ ଉକ୍ତ ମାମଲାରେ ପରୋକ୍ଷ ଭାବେ ଜଡ଼ିତ ସନ୍ଦେହରେ ତିନି ଜଣଙ୍କୁ ବିଭିନ୍ନ ସ୍ଥାନରୁ ଉଠାଇ ଆଣି ଥାନା ରେ ରଖି ପଚରାଉଚରା କରୁଛନ୍ତିି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋପାଳପୁର ନିର୍ବାଚନମଣ୍ଡଳୀ ଗୋଳନ୍ଥରା ଥାନା ଅର୍ନ୍ତଗତ ଜାତୀୟ ରାଜପଥ ହଳଦିଆ ପଦର ଠାରେ କିଛି ଅସାମାଜିକ ଯୁବକ ଖଣ୍ଡାରେ ୩ ଜଣ ଯୁବକଙ୍କୁ ମାରଣାନ୍ତକ ଆକ୍ରମଣ କରିଛନ୍ତି। ସନତ ନାୟକ, ସଲୀପ ପାତ୍ର ଓ ସୁନୀଲ ସାମଲଙ୍କୁ ଅଭିଯୁକ୍ତମାନେ ଗୋଡ଼ାଇ ଗୋଡ଼ାଇ ଖଣ୍ଡାରେ ଆକ୍ରମଣ କରିବା ସହ ନିକଟସ୍ଥ ଗୋଟିଏ ଚିକେନ ଦୋକାନ ଓ ଫାଷ୍ଟଫୁଡ୍ ଦୋକାନ ଭିତରେ ପଶି ଦୋକାନ ଭାଙ୍ଗି ଦୋକାନୀ ସୟଦ୍ ଉମର୍ ଓ ବାବୁଲି ପାଳ ସମେତ ରାସ୍ତାରେ ଯାଉଥିବା ଅନ୍ୟ ଜଣେ ଯୁବକଙ୍କୁ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ୍ ମାରିଛନ୍ତି।

ଘଟଣାରୁ ପ୍ରକାଶ ଯେ, ଗତ ସାଧାରଣ ନିର୍ବାଚନ ପରେ ସମଗ୍ର ଗୋପାଳପୁର ନିର୍ବାଚନମଣ୍ଡଳୀ ସମ୍ବେଦନଶୀଳ ଅଞ୍ଚଳ ଭାବେ ପରିଗଣିତ ହେଉଥିବାବେଳେ ଗତ ଅଗଷ୍ଟ ମାସରେ କନିଷୀ ହାଟରେ ଅବସ୍ଥିତ ଜଣେ ବିଜେଡି ଯୁବ ନେତାଙ୍କର କାର୍ଯ୍ୟାଳୟରେ କିଛି ଯୁବକ ପଶି ଅଫିସ ଭଙ୍ଗାରୁଜା ସହ ଯୁବ ନେତାଙ୍କୁ ଆକ୍ରମଣ କରିଥିଲେ। ଯାହାକି ସେତେବେଳେ ସେହି ଗଣ୍ଡଗୋଳର ଭିଡିଓ ସାଧାରଣ ଗଣମାଧ୍ୟମରେ ଚର୍ଚ୍ଚା ହୋଇଥିଲା। ପରବର୍ତ୍ତୀ ସମୟରେ ବିଜେଡି ନେତୃବୃନ୍ଦ ଏହି ଭଳି କାର୍ଯ୍ୟକ୍ରମ ବିଷୟରେ ବ୍ରହ୍ମପୁର ଏସ୍ ପି ଙ୍କୁ ଅବଗତ କରାଇଥିଲେ। ପୁଣି ଗତ ଡ଼ିସେମ୍ବର ୨୭ ତାରିଖ ମଧ୍ୟରାତ୍ରରେ ଦୁର୍ଯ୍ୟୋଧନ ରେଡ଼ି ନାମକ ଜଣେ ବ୍ୟକ୍ତିକୁ ଆକ୍ରମଣ ହୋଇଥିଲା।

ଉକ୍ତ ମାମଲାରେ ସୁବାଷ ଦାସ୍, କୁରେଶ ଦାସ, କିରଣ ବେହେରା ଓ ଆଶିଷ ଦଳେଇ ନାମକ ୪ ଜଣ ଯୁବକ ଗିରଫ ହୋଇ ଏହି କିଛି ଦିନ ହେଲା ଜାମିନରେ ଆସିଥିଲେ। ଗତକାଲି ଏହି ଆକ୍ରମଣ ଘଟଣାରେ ସୁବାଷ ଓ ଆଶିସ ସମ୍ପୃକ୍ତ ବୋଲି ଆହତ ଯୁବକ ମାନଙ୍କ ଠାରୁ ପ୍ରକାଶ। ଖବର ପାଇ ଗୋଳନ୍ଥରା ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋଳନ୍ଥରା ଥାନା ଅର୍ନ୍ତଗତ ଓଡ଼ିଶା ସୀମାନ୍ତ ଗିରିସୋଲା ଛକରେ ବିଭିନ୍ନ ମାଲ୍ ବୋଝେଇ ଟ୍ରକରୁ ବେଆଇନ ଅର୍ଥ ଆଦାୟ ଅଭିଯୋଗ ପାଇ ଗୋଳନ୍ଥରା ପୋଲିସ ସାଧା ପୋଷାକରେ ଚଢ଼ାଉ କରି ୩ ଜଣ ଦଲାଲକୁ କାବୁ କରିଥିଲା। ଦଲାଲ୍ ମାନେ ହେଲେ କେ ବିଜୟ କୁମାର୍, ରବିନ୍ଦ୍ର ସାହୁ ଓ ଭରତ ସାହୁ ପ୍ରମୁଖ ଙ୍କୁ ପୋଲିସ ଥାନାରେ ରଖି ପଚରାଉଚରା କରିବା ବେଳେ ସେମାନେ କଳା କାରନାମାର ଗୁମର ଖୋଲିଥିଲେ। ଯାହାକି ଆଶ୍ଚର୍ଯ୍ୟ ବିଷୟ।

ଉକ୍ତ ଦଲାଲ୍ ମାନେ ଆଗରେ ପରିବହନ ଅଧିକାରୀ ଜଗି ଛନ୍ତି କହି ବିଭିନ୍ନ ଗାଡ଼ି ଦୁଇ ଶହ ଟଙ୍କାରୁ ହଜାର ହଜାର ଟଙ୍କା ଆଦାୟ କରୁଥିଲେ। ଏହି ଆଦାୟ ଅର୍ଥ ଅନ୍ୟ ଦୁଇ ପରିବହନ ଅଧିକାରୀ କେ ଭେଙ୍କଟେଶ ରାଓ ଓ କନିଷ୍ଠ ଏମ୍ ଭି ଆଇ ରତିକାନ୍ତ ନାୟକଙ୍କ ସହ ମିଶି ଭାଗ କରିଥିଲେ। ଏତଦବ୍ୟତୀତ ଜିଲ୍ଲା ପରିବହନ କାର୍ଯ୍ୟାଳୟର ଜଣେ ବରିଷ୍ଠ ଅଧିକାରୀଙ୍କୁ ମଧ୍ୟ ପ୍ରଦାନ କରାଯାଉଥିଲା।

ଏହି ଚଢାଉ ବେଳେ କୌଶଳ କ୍ରମେ ଆଉ ଜଣେ ଖସି ପଳାଇଥିବା ଜଣାପଡିଛି। ବର୍ତ୍ତମାନ ଅଭିଯୁକ୍ତ ୫ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଦୁଇ ଜଣକୁ ତଦନ୍ତ ପରିସରଭୁକ୍ତ କରାଯାଇଛି ବୋଲି ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ସାମ୍ବାଦିକ ସମ୍ମିଳନୀରେ ବିବୃତି ରଖିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କିଛି ଅଞ୍ଚଳରେ ନକଲି ଇଞ୍ଜିନ ଅଏଲ କାରବାର କୁ ନେଇ ଅଭିଯୋଗ ପାଇ ଗୋଳନ୍ଥରା ଥାନା ପୋଲିସ ଏକ ବ୍ୟବସାୟ ଅନୁଷ୍ଠାନ ଉପରେ ଚଢ଼ାଉ କରି ଦୁଇ ଜଣ ବ୍ୟବସାୟୀ କୁ ଆଣି ଥାନାରେ ଜେରା କରିଥିଲେ। ଯାହାଫଳରେ ସେମାନେ ବଡ଼ବଜାର ଥାନା ଅନ୍ତର୍ଗତ ସୁକୁଣ୍ଡା ଗ୍ରାମ ରେ ପ୍ରସ୍ତୁତ ହେଉଥିବା ଏକ କାରଖାନା ବିଷୟରେ ସୁଚନା ଦେଇଥିଲେ।

ଏହି ପରିପ୍ରେକ୍ଷୀରେ ବଡ଼ବଜାର ପୋଲିସ ଓ ଗୋଳନ୍ଥରା ପୋଲିସ ମିଳିତ ଭାବେ ସୁକୁଣ୍ଡା ସ୍ଥିତ ଉକ୍ତ ନକଲି ଇଞ୍ଜିନ ଅଏଲ କାରଖାନା ଉପରେ ଚଢ଼ାଉ କରି ଆଉ ଜଣେ ପ୍ରସ୍ତୁତକାରୀ ଧରି କାରଖାନା ଯାଞ୍ଚ କରିବା ବେଳେ ସେ ଭିତରେ ମହଜୁଦ ଥିବା ୨୦୦ ଲିଟର ଇଞ୍ଜିନ ଅଏଲ, ଏକ ହଜାରରୁ ଉର୍ଦ୍ଧ୍ବ ଖାଲି ଅଏଲ ଡବା, ନାମିଦାମୀ କମ୍ପାନୀ ର ଷ୍ଟିକର, କିଛି ରଙ୍ଗ ଓ କିଛି ରାସାୟନିକ ଦ୍ରବଣ ଜବତ କରିଛନ୍ତିି ଓ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ କିଛି ଦିନ ତଳେ ଗୋଳନ୍ଥରା ଥାନା ଅଞ୍ଚଳରୁ ଜନୈକା ନାବାଳିକାକୁ ଅପହରଣ କରାଯାଇଥିଲା। ନାବାଳିକାଙ୍କ ପିତାଙ୍କ ଠାରୁ ଏତଲା ଗ୍ରହଣ କରିବା ପରେ ଗୋଳନ୍ଥରା ପୋଲିସ ଛାନବିନ୍ ଚଳାଇଥିଲା। ଏହାପରେ ଦୁଇ ଯୁବକଙ୍କୁ ପୋଲିସ ଆଣି ଥାନାରେ ଜେରା କରିଥିଲା। ଫଳରେ ନିକଟସ୍ଥ ହରଡଙ୍ଗ ଗ୍ରାମର ଜେ ହରି ରେଡ୍ଡୀ ନାମକ ଜଣେ ଯୁବକ ଘରେ ଚଢ଼ାଉ କରି ନବମ ଶ୍ରେଣୀରେ ପାଠ ପଢୁଥିବା ନାବାଳିକାକୁ ଉଦ୍ଧାର କରିବା ସହ ଘଟଣାରେ ସଂପୃକ୍ତ ଆଉ ଜଣେ ଯୁବକ ସୋରଳ ଗ୍ରାମର ମୋହନ ରେଡ୍ଡୀ ନାମକ ଜଣେ ଯୁବକଙ୍କୁ ଗିରଫ କରାଯାଇଥିଲା। ବର୍ତ୍ତମାନ ଉଦ୍ଧାର ନାବାଳିକାକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ଥାନା ଅଧିକାରୀଙ୍କ ଠାରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ ପିତାତଳି ସଙ୍ଘବଦ୍ଧ ଆକ୍ରମଣ ଘଟଣାରେ ଆହତ କାମେଶ୍ଵର ବର୍ତ୍ତମାନ ବିଶାଖାପାଟଣର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଅନ୍ୟ ପକ୍ଷରେ ବ୍ରହ୍ମପୁର ଏସ୍ ପି ଙ୍କ ଦୃଢ କାର୍ଯ୍ୟାନୁଷ୍ଠାନ ଯୋଗୁଁ ମାତ୍ର ୨୪ ଘଣ୍ଟା ମଧ୍ୟରେ ପୋଲିସ ୩ ଜଣ ଅଭିଯୁକ୍ତ ଯଥା କେ କୃଷ୍ଣ ମୁର୍ତ୍ତି, କେ ପାଲେୟା ଓ ଏସ୍ କାହ୍ନେୟାକୁ ଗିରଫ କରି କୋର୍ଟ ଚାଲାଣ କରିଛି।

ଗାଁ ରେ ଶାନ୍ତି ଶ୍ରୁଙ୍ଖଳା ରକ୍ଷା ପାଇଁ ଦୁଇ ପ୍ଲାଟୁନ ପୋଲିସ ମୁତୟନ କରାଯାଇଛି। ଏଥି ସହିତ ଗାଁ ଛକରେ କିଛି ଉଠା ଦୋକାନୀମାନେ ଖୋଲାଖୋଲି ମଦ ବ୍ୟବସାୟ କରୁଥିବା ଖବର ପୋଲିସ ପ୍ରଶାସନର ହସ୍ତଗତ ପରେ ୪ ଟି କ୍ୟବିନ୍ କୁ ତହସିଲଦାର ତଥା ମାଜିଷ୍ଟ୍ରେଟ ବିଶ୍ବରଂଜନ କହଁରଙ୍କ ଉପସ୍ଥିତିରେ ଭାଙ୍ଗି ଦିଆଯାଇଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ପିତାତଳି ଗ୍ରାମରେ ପୁଣି ରାଜନୈତିକ ହିଂସାକାଣ୍ଡ ସୃଷ୍ଟି ହୋଇଛି। ଯ’ଦ୍ଵାରା ସ୍ପଷ୍ଟ ଦିବାଲୋକରେ ସରପଞ୍ଚଙ୍କ ଜ୍ୱାଇଁ ଏସ୍ କାମେଶ୍ଵରକୁ ସଙ୍ଘବଦ୍ଧ ଆକ୍ରମଣ ହୋଇଛି। ଆହତ କାମେଶ୍ଵର ନିଜ ଘରକୁ ଫେରୁଥିବା ବେଳେ ଆଦର୍ଶ ବିଦ୍ୟାଳୟ ନିକଟରେ ଛକି ରହିଥିବା କିଛି ଯୁବକ ସଶସ୍ତ୍ର ଆକ୍ରମଣ କରିଥିଲେ। ଯାହା ଫଳରେ ତାଙ୍କର ଗୋଡ, ହାତ ଓ ମୁଣ୍ଡରେ ଗଭୀର ଆଘାତ ହୋଇଛି। ତାଙ୍କୁ ଉଦ୍ଧାର କରି ପ୍ରଥମେ ଚିକିଟି ଡ଼ାକ୍ତରଖାନା ଓ ପରେ ବ୍ରହ୍ମପୁର ବଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ଅବସ୍ଥା ସଙ୍କଟାପନ୍ନ ହେବାରୁ ଅତ୍ୟଧିକ ଚିକିତ୍ସା ପାଇଁ ଆନ୍ଧ୍ର ପ୍ରଦେଶ ବିଶାଖାପାଟଣା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

ଅନ୍ୟ ପକ୍ଷରେ କାମେଶ୍ଵରଙ୍କ ଏତଲା କ୍ରମେ ପୋଲିସ ୨୦ ଜଣଙ୍କ ନାମରେ ମକଦ୍ଦମା ରୁଜୁ କରିଛି। ଏହି ଭଳି ସମ୍ବେଦନଶୀଳ ପରିସ୍ଥିତିରେ ବ୍ରହ୍ମପୁର ଏସ୍ ପି ଡଃ ବିବେକ ଶ୍ରବଣ କୁମାର, ଏସ୍ ଡି ପି ଓ ଶିବଶଙ୍କର ମହାପାତ୍ର, ତାଲିମ ପ୍ରାପ୍ତ ଆଇ ପି ଏସ୍ ଅଧିକାରୀ ଅଙ୍କିତ ବର୍ମା ଓ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ମହନ୍ତଙ୍କ ସମେତ ବହୁ ପୋଲିସ ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ପରିସ୍ଥିତି କୁ ଆୟତ୍ତ କରିବା ସହ ଅଭିଯୁକ୍ତ ଙ୍କ ଅନୁସନ୍ଧାନ ଚଳାଇଛନ୍ତି।

ପ୍ରକାଶ ଥାଉକି ଚିକିଟି ନିର୍ବାଚନ ମଣ୍ଡଳୀର ଏହି ଅଞ୍ଚଳରେ ପ୍ରାୟ ରାଜନୈତିକ ବିବାଦ ଉପୁଜି ହିଂସାକାଣ୍ଡ ସୃଷ୍ଟି ହେଉଛି। ଯ’ଦ୍ଵାରା ସାଧାରଣ ଲୋକ ନିଜକୁ ସୁରକ୍ଷିତ ମଣୁ ନାହାନ୍ତି। ଏହି ଗ୍ରାମରେ ତୁରନ୍ତ ଏକ ପୋଲିସ ଫାଣ୍ଡିର ଆବଶ୍ୟକତା ରହିଛି ବୋଲି ବୁଦ୍ଧିଜିବୀ ମହଲରୁ ପ୍ରକାଶ। କାରଣ ପୁର୍ବରୁ ଏହି ଭଳି ଅନେକ ଘଟଣା ଘଟିଛି ଓ ଏଥିରେ ବହୁ ବ୍ୟକ୍ତି ବିଶେଷ ଙ୍କର ଧନ ଜୀବନ ବିପନ୍ନ ହେଉଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟ ନିକଟ ଜାତୀୟ ରାଜପଥ ରାସ୍ତା କଡ଼ରେ ପାର୍କିଂ ଅବସ୍ଥାରେ ଥିବା ଏକ ମୋଟର କାର୍ କୁ ସନ୍ଦେହ କରି ଜେରା କରିବା ବେଳେ ସେଥିରୁ ଅଢେଇ କିଲୋ ଗଞ୍ଜେଇ ପୋଲିସ ଜବତ କରିଛି। ଗଞ୍ଜେଇ ମହଜୁଦ ଥିବା କାର୍ ର ନଂ ଏମଏଚ ୦୪ ଇଏକ୍ସ ୩୮୮୭ ବୋଲି ଜଣାପଡିଛି। ଗାଡ଼ି ଚାଲକ ଫେରାର ହୋଇଯାଇଥିବା ବେଳେ ଗଞ୍ଜେଇ ଓ କାର୍ କୁ ଜବତ କରି ପୋଲିସ କେଶ୍ ନଂ ୩୦୮/୨୩ ଅନୁଯାୟୀ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟ ଗୁଣ୍ଡିଚା ନଗର ନିକଟରେ କୁନା ଡାକୁଆ ନାମକ ଜଣେ ଯୁବକକୁ ଲଙ୍କା ଗୁଣ୍ଡ ଫିଙ୍ଗି ଆକ୍ରମଣ କରି ଲୁଟ କରାଯାଇଥିଲା। ଏହି ଘଟଣାର ତଦନ୍ତ ଚଳାଇ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ମହନ୍ତଙ୍କ ନେତୃତ୍ଵରେ ଏକ ଟିମ୍ ପୁରୀର ଏକ ହୋଟେଲ ଉପରେ ଚଢାଉ କରି ମୁଖ୍ୟ ଅଭିଯୁକ୍ତଙ୍କ ସହ ୪ ଜଣ ଯୁବକଙ୍କୁ ଗିରଫ କରିଥିଲା ଏବଂ ପରେ କୋର୍ଟ ଚାଲାଣ କରିଥିଲା।

ଅଭିଯୁକ୍ତମାନେ ହେଲେ ପିଣ୍ଟୁ ନାହାକ, ରୁଦ୍ର ଡାକୁଆ, କାଳିଆ ସାହୁ ଓ ଅଜୟ ଲେଙ୍କା ବୋଲି ଜଣାପଡିଛି। ଏମାନଙ୍କ ଠାରୁ ପୋଲିସ ଦୁଇଟି ନମ୍ବର ବୀହିନ ମୋଟରସାଇକେଲ,‌ ଗୋଟିଏ ସ୍କୁଟି, ଦୁଇଟି ଖଣ୍ଡା, ୩ ଟି ବୋମା ଓ କିଛି ନଗଦ ଟଙ୍କା ଜବତ କରିଛି।

ମିଳିଥିବା ସୂଚନା ଅନୁଯାୟୀ ପିଣ୍ଟୁ ନାହାକ ଓ କୁନା ଡାକୁଆ ମିଶି ପୁରୁଣା ଗାଡ଼ି ବ୍ୟବସାୟ କରୁଥିଲେ। ଦୁଇଙ୍କ ମଧ୍ୟରେ ବ୍ୟବସାୟିକ ଶତୃତା ଥିଲା ଓ କିଛି ଦିନ ତଳେ ଉଭୟେ ମୁହାଁମୁହିଁ ହୋଇଥିଲେ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ ଗିରିସୋଲା ଗ୍ରାମ ମୁଖ୍ୟ ରାସ୍ତା ପୁରୁଣା ଆନ୍ତଃ ରାଜ୍ୟ ତନଖି ଫାଟକ ନିକଟ ଏକ ପରିତ୍ୟକ୍ତ ଘରୁ ଗୋଳନ୍ଥରା ପୋଲିସ ଏକ ମୃତଦେହ ଉଦ୍ଧାର କରିଛି। ମୃତକଙ୍କ ପରିଚୟ ମିଳିଥିବା ବେଳେ ତାଙ୍କ ନାମ  ଲିଙ୍ଗରାଜ ପାଣିଗ୍ରାହୀ (୭୦) ବୋଲି ଜଣାପଡିଛି।

ସୁଚନା ଯୋଗ୍ୟ ଯେ, ବ୍ରହ୍ମପୁର ଗୋଷାଣୀ ନୁଆଁଗାଁ ଅଞ୍ଚଳରେ ମୃତ ଲିଙ୍ଗରାଜଙ୍କ ଘର। ସେ ଏଠି ଏଣେ ତେଣେ ବୁଲୁଥିଲେ ଓ ଉକ୍ତ ପରିତ୍ୟକ୍ତ ଘରେ ବିଶ୍ରାମ ନେବା ଅବସରରେ ତାଙ୍କର ବିୟୋଗ ଘଟିଛି। ଉକ୍ତ ପରିତ୍ୟକ୍ତ ଘରଟି ପୁର୍ବରୁ ଭାରୀ ଯାନ ଓଜନ ଯନ୍ତ୍ର କାର୍ଯ୍ୟାଳୟ ଚାଲୁଥିଲା।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ ୨୪/୨୩ ଅନୁଯାୟୀ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି।