ଭୁବନେଶ୍ବର, ଆଜି ଭୁବନେଶ୍ୱର ସାଂସଦ ତଥା ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ ପ୍ରଧାନମନ୍ତ୍ରୀ ଗ୍ରାମୀଣ ଡିଜିଟାଲ ସାକ୍ଷରତା ଅଭିଯାନ PMGDISHA ଅନ୍ତର୍ଗତ ଖୋର୍ଦ୍ଧା ଜିଲ୍ଲା ପାଇଁ ଭ୍ରାମ୍ୟମାଣ ସାଧାରଣ ସେବା କେନ୍ଦ୍ର ଉଦଘାଟନ ଏବଂ ଲୋକାର୍ପଣ କରିଛନ୍ତି। ଯାହା ଆଗାମୀ ଦିନରେ ଜନସାଧାରଣଙ୍କୁ ସମସ୍ତ ସାଧାରଣ ସେବା ଯୋଗାଇବାରେ ସହାୟକ ହେବ। ଏହି ଅବସରରେ ସାଂସଦ ୱେବିନାର ମାଧ୍ୟମରେ ସମ୍ବୋଧନ କରିବା ସହ, ସମସ୍ତ ସହଯୋଗୀ ଅନୁଷ୍ଠାନର ପ୍ରତିନିଧିମାନେ ଉଦଘାଟନ ଉତ୍ସବରେ ଉପସ୍ଥିତ ଥିଲେ।
ଏହି ଭ୍ୟାନ ଖୋର୍ଦ୍ଧା ଜିଲ୍ଲାର ବିଭିନ୍ନ ଅଞ୍ଚଳ ଭ୍ରମଣ କରି ସେଠାକାର ଲୋକଙ୍କୁ ଡିଜିଟାଲ ସହିତ ଅର୍ଥିକ ସାକ୍ଷରତା ସଂପର୍କରେ ସଚେତନତା କରାଯିବ। ଏହି ଭ୍ୟାନରେ ବିଭିନ୍ନ ଡିଜିଟାଲ ସଂରଜାମ ରଖାଯାଇଛି। ଫଳରେ ଯୁବକମାନେ ଏହାର ଫାଇଦା ନେଇପାରିବେ। ଜିଲ୍ଲାରେ ପ୍ରାୟ 30 ହଜାର ଲୋକଙ୍କୁ ଏହି ସଚେତନତାରେ ସାମିଲ କରାଯିବାର ଲକ୍ଷ ରଖାଯାଇଛି।