Categories
ଆଜିର ଖବର ଜାତୀୟ ଖବର

ଲଖିମପୁର ଖେରୀ ଘଟଣା: ମୃତକ ଚାଷୀଙ୍କ ପରିବାରକୁ ସରକାରୀ ଚାକିରୀ ସହ ମିଳିବ ୪୫ ଲକ୍ଷ

ଲକ୍ଷ୍ନୌ: ଲଖିମପୁର ଖେରୀ ଘଟଣାରେ ମୃତ୍ୟୁବରଣ କରିଥିବା ଚାଷୀଙ୍କ କ୍ଷତିପୂରଣ ବାବଦକୁ ୪୫ ଲକ୍ଷ ଟଙ୍କା ଏବଂ ଆହତମାନଙ୍କୁ ୧୦ ଲକ୍ଷ ଟଙ୍କା ପ୍ରଦାନ କରାଯିବ। ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତିଙ୍କ ତତ୍ତ୍ୱାବଧାନରେ ସମଗ୍ର ମାମଲାର ନ୍ୟାୟିକ ତଦନ୍ତ ହେବ। ଆଇନ ଶ୍ରୁଙ୍ଖଳା ଏଡିଜି ପ୍ରଶାନ୍ତ କୁମାର ଏହି ସୂଚନା ଦେଇଛନ୍ତି।

ପ୍ରଶାନ୍ତ କୁମାର କହିଛନ୍ତି ଯେ, ଗତକାଲି ଲଖିମପୁର ଖେରୀରେ ନିହତ ୪ କୃଷକଙ୍କ ପରିବାରକୁ ୪୫ ଲକ୍ଷ ଟଙ୍କା ଏବଂ ସରକାରୀ ଚାକିରି ଦିଆଯିବ। ଆହତମାନଙ୍କୁ ୧୦ ଲକ୍ଷ ଟଙ୍କା ଦିଆଯିବ। କୃଷକଙ୍କ ଅଭିଯୋଗ ଆଧାରରେ ଏକ ଏଫ୍ଆଇଆର୍ ପଞ୍ଜିକୃତ ହେବ। ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତି ଏହି ଘଟଣାର ତଦନ୍ତ କରିବେ। ସେ କହିଛନ୍ତି ଯେ, ସିଆରପିସି ର ଧାରା ୧୪୪ ଲାଗୁ ହେତୁ ରାଜନୈତିକ ଦଳର ନେତାମାନଙ୍କୁ ଜିଲ୍ଲା ପରିଦର୍ଶନ କରିବାକୁ ଅନୁମତି ଦିଆଯାଇ ନାହିଁ। ତେବେ କୃଷକ ସଂଗଠନର ସଦସ୍ୟମାନଙ୍କୁ ଏଠାକୁ ଆସିବାକୁ ଅନୁମତି ଦିଆଯାଇଛି।