କନ୍ଦର୍ପ ବେହେରା
ନାକଟିଦେଉଳ: ନାକଟିଦେଉଳ ବ୍ଲକ୍ ପେଣ୍ଠବାହାଳ ଠାରେ ଥିବା ଓଡିଶା ଆଦର୍ଶ ବିଦ୍ୟାଳୟକୁ ପ୍ରଶାସନ ତରଫରୁ ଅଚାନକ ପରିଦର୍ଶନ ଏବଂ ନାକଟିଦେଉଳ ତହସିଲ୍ଦାର୍ ଇଂ ସୁକାନ୍ତ କୁମାର ନାଏକ ଛାତ୍ରଛାତ୍ରୀମାନଙ୍କୁ ଜୁଡିସିଆଲ୍ ବିଷୟରେ ପ୍ରଶ୍ନ ପଚାରିବା ସହ ସଠିକ୍ ଉତ୍ତର ଦାତାଙ୍କୁ ପୁରସ୍କାର ପ୍ରଦାନ କରିଥିବା ଖବର ହସ୍ତଗତ ହୋଇଛି।
ସରକାର ଶିକ୍ଷାକୁ ଅଧିକ ଗୁରୁତ୍ୱ ଦେବା ସହ ପ୍ରତି ବ୍ଲକ୍ରେ ଓଡିଶା ଆଦର୍ଶ ବିଦ୍ୟାଳୟ ଖୋଲିଛନ୍ତି। ଏହି ବିଦ୍ୟାଳୟରେ ବଛା ବଛା ଛାତ୍ରଛାତ୍ରୀ ପାଠ ପଢିବାର ସୁଯୋଗ ପାଇଛନ୍ତି। ହେଲେ କେଉଁଠି ଶିକ୍ଷକ ନାହାନ୍ତି ତ କେଉଁଠି ପାଚେରି ନି ର୍ମାଣ ହୋଇନାହିଁ। ଏଭଳି ଏକ ବିଦ୍ୟାଲୟ ନାକଟିଦେଉଳ ବ୍ଲକ୍ ପେଣ୍ଠବାହାଳଠାରେ ସରକାର ଖୋଲିଛନ୍ତି। ବ୍ୟାପକ ଅବ୍ୟବସ୍ଥା ମଧ୍ୟରେ ବିଦ୍ୟାଳୟଟି ଥିବାରୁ ପୂର୍ବରୁ ଗଣମାଧ୍ୟମରେ ଖବର ପ୍ରକାଶ ପାଇଥିଲା।
ଏହି ବିଦ୍ୟାଳୟଟି ୨୦୨୦-୨୧ ଶିକ୍ଷା ବର୍ଷରେ ପବିତ୍ର ମୋହନ ସରକାରୀ ଉଚ୍ଚ ବିଦ୍ୟାଳୟ ,ଜଗନ୍ନାଥପ୍ରସାଦ ଠାରେ ଆରମ୍ଭ ହୋଇଥିଲା। ୨୦୨୧-୨୨ ଶିକ୍ଷା ବର୍ଷରେ ଏହି ବିଦ୍ୟାଳୟଟି ନିଜସ୍ୱ କୋଠାରେ ପାଠ ପଢା ଆରମ୍ଭ କରିଛି। ବର୍ତ୍ତମାନ ବିଦ୍ୟାଳୟରେ ମୋଟ ୨୩୭ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି। ଏହାକୁ ପ୍ରଶାସନ ଗୁରୁତ୍ୱର ସହ ନେଇ ଆଜି ଓଡିଶା ଆଦର୍ଶ ବିଦ୍ୟାଳୟକୁ ନାକଟିଦେଉଳ ବିଡିଓ ସୁକାନ୍ତ କୁମାର ନାଏକଙ୍କ ସମେତ ବହୁ ବରିଷ୍ଠ ଅଧିକାରୀ ପରିଦର୍ଶନ କରିଥିଲେ।
ତହସିଲ୍ଦାର୍ ସୁକାନ୍ତ କୁମାର ନାଏକ ଆଦର୍ଶ ବିଦ୍ୟାଳୟର ୮ମ ଶ୍ରେଣୀର ଛାତ୍ରୀ ଦେବଜାନୀ ପ୍ରଧାନଙ୍କୁ ଜୁଡିସିଆଲ୍ ସଂପର୍କରେ ପ୍ରଶ୍ନ ପଚାରିବାରୁ ଛାତ୍ରୀ ଜଣଙ୍କ ସଠିକ୍ ଉତ୍ତର ଦେଇଥିବାରୁ ତହସିଲ୍ଦାର୍ ସୁକାନ୍ତ କୁମାର ନାଏକ ପୁରସ୍କାର ପ୍ରଦାନ କରିଥିଲେ। ବିଦ୍ୟାଳୟରେ ହିନ୍ଦି, ସଂସ୍କୃତ, ବିଜ୍ଞାନ ଶିକ୍ଷକ ଅଭାବ, ଖେଳପଡିଆର ଅଭାବ, ବିଦ୍ୟାଳୟ ଦେଇ ଯାଇଥିବା ୩୩ କେଭି ଓ ୧୧ କେଭି ବିଦ୍ୟୁତ୍ ତାରକୁ ହଟାଇବା, ବିଦ୍ୟାଳୟର ସୀମା ଚିହ୍ନଟ, ଶିକ୍ଷକ ସମସ୍ୟା, ବିଶ୍ରାମାଗାର ସଂପର୍କରେ ସରକାରଙ୍କୁ ଅବଗତ କରାଇବେ ବୋଲି ପ୍ରଶାସନିକ ଅଧିକାରୀମାନେ ପ୍ରତିଶୃତି ଦେଇଥିବା ଜଣା ପଡିଛି। ଏପରିକି ପରୁଷ ଏବଂ ମହିଳା ଛାତ୍ରାବାସ ଖୋଲିବା ସଂପର୍କରେ ମଧ୍ୟ ପ୍ରଶାସନିକ ଅଧିକାରୀମାନେ ଅବଗତ ଥିବା ବେଳେ ଶିଘ୍ର କେମିତି ଛାତ୍ରାବାସ ଖୋଲାଯିବ ସରକାରଙ୍କୁ ଜଣାଇବେ ବୋଲି ଜଣା ପଡିଛି।
ଏହି ପରିଦର୍ଶନରେ ନାକଟିଦେଉଳ ତହସିଲ୍ଦାର୍ ସୁକାନ୍ତ କୁମାର ନାଏକ, ଏଡିଇଓ ମୁରଲୀଧର ବେହେରା, ବିଇଓ ବିଜୟ କୁମାର ପାତ୍ର, ବିଦ୍ୟୁତ୍ ବିଭାଗର ଏସ୍ଡିଓ, ସେକ୍ସନ୍ ଅଫିସର ସତ୍ୟଜିତ୍ ସାମଲ୍, ବନବିଭାଗର କର୍ମଚାରୀ, ବିଦ୍ୟାଳୟର ଶିକ୍ଷକ/ଶିକ୍ଷୟତ୍ରୀ, ପିଡବ୍ଲୁଡିର ବରିଷ୍ଠ ଅଧିକାରୀ ପ୍ରମୁଖ ପରିଦର୍ଶନ ରେ ସାମିଲ୍ ହୋଇଥିଲେ।